ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടത്രിംശസ്സര്ഗഃ ।
സതുകൃത്വാസുവേലസ്യമതിമാരോഹണംപ്രതി ।
ലക്ഷ്മണാനുഗതോരാമഃസുഗ്രീവമിദമബ്രവീത് ॥ 1 ॥
വിഭീഷണംചധര്മജ്ഞമനുരക്തംനിശാചരമ് ।
മംത്രജ്ഞംചവിധിജ്ഞംചശ്ലക്ക്ഷ്ണയാപരയാഗിരാ ॥ 2 ॥
സുവേലംസാധുശൈലേംദ്രമിമംധാതുശതൈശ്ചിതമ് ।
അധ്യാരോഹാമഹേസർവേവത്സ്യാമോഽത്രനിശാമിമാമ് ॥ 3 ॥
ലംകാംചാലോകയിഷ്യാമോനിലയംതസ്യരക്ഷസഃ ।
യേനമേമരണാംതായഹൃതാഭാര്യാദുരാത്മനാ ॥ 4 ॥
യേനധര്മോനവിജ്ഞാതോനതദ്വൃത്തംനകുലംതഥാ ।
രാക്ഷസ്യാനീചയാബുദ് ധ്യായേനതദ്ഗര്ഹിതംകൃതമ് ॥ 5 ॥
തസ്മിന്മേവര്തതേരോഷഃകീര്തിതേരാക്ഷസാധമേ ।
യസ്യാപരാധാനനീചസ്യവധംദ്രക്ഷ്യാമിരക്ഷസാമ് ॥ 6 ॥
ഏകോഹികുരുതേപാപംകാലപാശവശംഗതഃ ।
നീചേനാത്മാപചാരേണകുലംതേനവിനശ്യതി ॥ 7 ॥
ഏവംസമ്മംത്രയന്നേവസക്രോധോരാവണംപ്രതി ।
രാമഃസുവേലമാസാദ്യചിത്രസാനുമുപാരുഹത് ॥ 8 ॥
പൃഷ്ഠതോലക്ഷ്മണശ്ചൈവമന്വഗച്ഛത്സമാഹിതഃ ।
സശരംചാപമുദ്യമ്യസുമഹദ്വിക്രമേരതഃ ॥ 9 ॥
അന്വാരോഹത്സുഗ്രീവസ്സാമാത്യസ്സവിഭീഷണഃ ।
ഹനുമാനംഗദോനീലോമൈംദോദ്വിവിദഏവച ॥ 10 ॥
ഗജോഗവാക്ഷോഗവയശ്ശരഭോഗംധമാദനഃ ।
പനസഃകുമുദശ്ചൈവഹരോരംഭശ്ചയൂഥപഃ ॥ 11 ॥
ജാംബവാംശ്ചസുഷേണശ്ചഋഷഭശ്ചമഹാമതിഃ ।
ദുര്മുഖശ്ചമഹാതേജാസ്തഥാശതവലിഃകപിഃ ॥ 12 ॥
ഏതേചാന്യേചബഹവോവാനരാശശീഘ്രഗാമിനഃ ।
തേവായുവേഗപ്രവണാസ്തംഗിരിഗിരിചാരിണഃ ॥ 13 ॥
അധ്യാരോഹംതശതശസ്സുവേലംയത്രരാഘവഃ ।
തേത്വദീര്ഘേണകാലേനഗിരിമാരുഹ്യസർവതഃ ॥ 14 ॥
ദദൃശുശശിഖരേതസ്യവിഷക്താമിവഖേപുരീമ് ।
താംശുഭാംപ്രവരദ്വാരാംപ്രാകാരപരിശോഭിതാമ് ॥ 15 ॥
ലംകാംരാക്ഷസസംപൂര്ണാംദദൃശുര്ഹരിയൂഥപാഃ ।
പ്രാകാരവരസംസ്ഥൈശ്ചതഥാനീലൈശ്ചരാക്ഷസൈഃ ॥ 16 ॥
ദദൃശുസ്തേഹരിശ്രേഷ്ഠാഃപ്രാകാരമപരംകൃതമ് ।
തേദൃഷ്ടവാവാനരാഃസർവേരാക്ഷസാന് യുദ്ധകാങ് ക്ഷിണഃ ॥ 17 ॥
മുമുചുർവിവിധാന്നാദാംതത്രരാമസ്യപശ്യതഃ ।
തതോഽസ്തമഗമത്പൂര്യഃസംധ്യയാപ്രതിരംജിതഃ ॥ 18 ॥
പൂര്ണചംദ്രപ്രദീപ്താചക്ഷപാസമഭിവര്തതേ ।
തതസ്സരാമോഹരിവാഹിനീപതിർവിഭീഷണേനപ്രതിനംദ്യസത്കൃതഃ ।
സലക്ഷ്മണോയൂഥപയൂഥസമ്വൃതസ്സുവേലപൃഷ്ഠേന്യവസദ്യഥാസുഖമ് ॥ 19 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടത്രിംശസ്സര്ഗഃ ॥
