শ্রীমদ্বাল্মীকীয় রামাযণে যুদ্ধকাংডম্ ।
অথ অষ্টত্রিংশস্সর্গঃ ।
সতুকৃত্বাসুবেলস্যমতিমারোহণংপ্রতি ।
লক্ষ্মণানুগতোরামঃসুগ্রীবমিদমব্রবীত্ ॥ 1 ॥
বিভীষণংচধর্মজ্ঞমনুরক্তংনিশাচরম্ ।
মংত্রজ্ঞংচবিধিজ্ঞংচশ্লক্ক্ষ্ণয়াপরয়াগিরা ॥ 2 ॥
সুবেলংসাধুশৈলেংদ্রমিমংধাতুশতৈশ্চিতম্ ।
অধ্য়ারোহামহেসর্বেবত্স্য়ামোঽত্রনিশামিমাম্ ॥ 3 ॥
লংকাংচালোকয়িষ্য়ামোনিলয়ংতস্যরক্ষসঃ ।
যেনমেমরণাংতাযহৃতাভার্য়াদুরাত্মনা ॥ 4 ॥
যেনধর্মোনবিজ্ঞাতোনতদ্বৃত্তংনকুলংতথা ।
রাক্ষস্য়ানীচয়াবুদ্ ধ্য়ায়েনতদ্গর্হিতংকৃতম্ ॥ 5 ॥
তস্মিন্মেবর্ততেরোষঃকীর্তিতেরাক্ষসাধমে ।
যস্য়াপরাধাননীচস্যবধংদ্রক্ষ্য়ামিরক্ষসাম্ ॥ 6 ॥
একোহিকুরুতেপাপংকালপাশবশংগতঃ ।
নীচেনাত্মাপচারেণকুলংতেনবিনশ্যতি ॥ 7 ॥
এবংসম্মংত্রযন্নেবসক্রোধোরাবণংপ্রতি ।
রামঃসুবেলমাসাদ্যচিত্রসানুমুপারুহত্ ॥ 8 ॥
পৃষ্ঠতোলক্ষ্মণশ্চৈবমন্বগচ্ছত্সমাহিতঃ ।
সশরংচাপমুদ্যম্যসুমহদ্বিক্রমেরতঃ ॥ 9 ॥
অন্বারোহত্সুগ্রীবস্সামাত্যস্সবিভীষণঃ ।
হনুমানংগদোনীলোমৈংদোদ্বিবিদএবচ ॥ 10 ॥
গজোগবাক্ষোগবযশ্শরভোগংধমাদনঃ ।
পনসঃকুমুদশ্চৈবহরোরংভশ্চয়ূথপঃ ॥ 11 ॥
জাংববাংশ্চসুষেণশ্চঋষভশ্চমহামতিঃ ।
দুর্মুখশ্চমহাতেজাস্তথাশতবলিঃকপিঃ ॥ 12 ॥
এতেচান্য়েচবহবোবানরাশশীঘ্রগামিনঃ ।
তেবায়ুবেগপ্রবণাস্তংগিরিগিরিচারিণঃ ॥ 13 ॥
অধ্য়ারোহংতশতশস্সুবেলংযত্ররাঘবঃ ।
তেত্বদীর্ঘেণকালেনগিরিমারুহ্যসর্বতঃ ॥ 14 ॥
দদৃশুশশিখরেতস্যবিষক্তামিবখেপুরীম্ ।
তাংশুভাংপ্রবরদ্বারাংপ্রাকারপরিশোভিতাম্ ॥ 15 ॥
লংকাংরাক্ষসসংপূর্ণাংদদৃশুর্হরিয়ূথপাঃ ।
প্রাকারবরসংস্থৈশ্চতথানীলৈশ্চরাক্ষসৈঃ ॥ 16 ॥
দদৃশুস্তেহরিশ্রেষ্ঠাঃপ্রাকারমপরংকৃতম্ ।
তেদৃষ্টবাবানরাঃসর্বেরাক্ষসান্ যুদ্ধকাঙ্ ক্ষিণঃ ॥ 17 ॥
মুমুচুর্বিবিধান্নাদাংতত্ররামস্যপশ্যতঃ ।
ততোঽস্তমগমত্পূর্য়ঃসংধ্যয়াপ্রতিরংজিতঃ ॥ 18 ॥
পূর্ণচংদ্রপ্রদীপ্তাচক্ষপাসমভিবর্ততে ।
ততস্সরামোহরিবাহিনীপতির্বিভীষণেনপ্রতিনংদ্যসত্কৃতঃ ।
সলক্ষ্মণোয়ূথপয়ূথসম্বৃতস্সুবেলপৃষ্ঠেন্যবসদ্যথাসুখম্ ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে অষ্টত্রিংশস্সর্গঃ ॥
