શ્રીમદ્વાલ્મીકીય રામાયણે યુદ્ધકાંડમ્ ।
અથ અષ્ટત્રિંશસ્સર્ગઃ ।
સતુકૃત્વાસુવેલસ્યમતિમારોહણંપ્રતિ ।
લક્ષ્મણાનુગતોરામઃસુગ્રીવમિદમબ્રવીત્ ॥ 1 ॥
વિભીષણંચધર્મજ્ઞમનુરક્તંનિશાચરમ્ ।
મંત્રજ્ઞંચવિધિજ્ઞંચશ્લક્ક્ષ્ણયાપરયાગિરા ॥ 2 ॥
સુવેલંસાધુશૈલેંદ્રમિમંધાતુશતૈશ્ચિતમ્ ।
અધ્યારોહામહેસર્વેવત્સ્યામોઽત્રનિશામિમામ્ ॥ 3 ॥
લંકાંચાલોકયિષ્યામોનિલયંતસ્યરક્ષસઃ ।
યેનમેમરણાંતાયહૃતાભાર્યાદુરાત્મના ॥ 4 ॥
યેનધર્મોનવિજ્ઞાતોનતદ્વૃત્તંનકુલંતથા ।
રાક્ષસ્યાનીચયાબુદ્ ધ્યાયેનતદ્ગર્હિતંકૃતમ્ ॥ 5 ॥
તસ્મિન્મેવર્તતેરોષઃકીર્તિતેરાક્ષસાધમે ।
યસ્યાપરાધાનનીચસ્યવધંદ્રક્ષ્યામિરક્ષસામ્ ॥ 6 ॥
એકોહિકુરુતેપાપંકાલપાશવશંગતઃ ।
નીચેનાત્માપચારેણકુલંતેનવિનશ્યતિ ॥ 7 ॥
એવંસમ્મંત્રયન્નેવસક્રોધોરાવણંપ્રતિ ।
રામઃસુવેલમાસાદ્યચિત્રસાનુમુપારુહત્ ॥ 8 ॥
પૃષ્ઠતોલક્ષ્મણશ્ચૈવમન્વગચ્છત્સમાહિતઃ ।
સશરંચાપમુદ્યમ્યસુમહદ્વિક્રમેરતઃ ॥ 9 ॥
અન્વારોહત્સુગ્રીવસ્સામાત્યસ્સવિભીષણઃ ।
હનુમાનંગદોનીલોમૈંદોદ્વિવિદએવચ ॥ 10 ॥
ગજોગવાક્ષોગવયશ્શરભોગંધમાદનઃ ।
પનસઃકુમુદશ્ચૈવહરોરંભશ્ચયૂથપઃ ॥ 11 ॥
જાંબવાંશ્ચસુષેણશ્ચઋષભશ્ચમહામતિઃ ।
દુર્મુખશ્ચમહાતેજાસ્તથાશતવલિઃકપિઃ ॥ 12 ॥
એતેચાન્યેચબહવોવાનરાશશીઘ્રગામિનઃ ।
તેવાયુવેગપ્રવણાસ્તંગિરિગિરિચારિણઃ ॥ 13 ॥
અધ્યારોહંતશતશસ્સુવેલંયત્રરાઘવઃ ।
તેત્વદીર્ઘેણકાલેનગિરિમારુહ્યસર્વતઃ ॥ 14 ॥
દદૃશુશશિખરેતસ્યવિષક્તામિવખેપુરીમ્ ।
તાંશુભાંપ્રવરદ્વારાંપ્રાકારપરિશોભિતામ્ ॥ 15 ॥
લંકાંરાક્ષસસંપૂર્ણાંદદૃશુર્હરિયૂથપાઃ ।
પ્રાકારવરસંસ્થૈશ્ચતથાનીલૈશ્ચરાક્ષસૈઃ ॥ 16 ॥
દદૃશુસ્તેહરિશ્રેષ્ઠાઃપ્રાકારમપરંકૃતમ્ ।
તેદૃષ્ટવાવાનરાઃસર્વેરાક્ષસાન્ યુદ્ધકાઙ્ ક્ષિણઃ ॥ 17 ॥
મુમુચુર્વિવિધાન્નાદાંતત્રરામસ્યપશ્યતઃ ।
તતોઽસ્તમગમત્પૂર્યઃસંધ્યયાપ્રતિરંજિતઃ ॥ 18 ॥
પૂર્ણચંદ્રપ્રદીપ્તાચક્ષપાસમભિવર્તતે ।
તતસ્સરામોહરિવાહિનીપતિર્વિભીષણેનપ્રતિનંદ્યસત્કૃતઃ ।
સલક્ષ્મણોયૂથપયૂથસમ્વૃતસ્સુવેલપૃષ્ઠેન્યવસદ્યથાસુખમ્ ॥ 19 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે અષ્ટત્રિંશસ્સર્ગઃ ॥
