śrīmadvālmīkīya rāmāyaṇē yuddhakāṇḍam ।
atha aṣṭatriṃśassargaḥ ।
satukṛtvāsuvēlasyamatimārōhaṇamprati ।
lakṣmaṇānugatōrāmaḥsugrīvamidamabravīt ॥ 1 ॥
vibhīṣaṇañchadharmajñamanuraktanniśācharam ।
mantrajñañchavidhijñañchaślakkṣṇayāparayāgirā ॥ 2 ॥
suvēlaṃsādhuśailēndramimandhātuśataiśchitam ।
adhyārōhāmahēsarvēvatsyāmō'traniśāmimām ॥ 3 ॥
laṅkāñchālōkayiṣyāmōnilayantasyarakṣasaḥ ।
yēnamēmaraṇāntāyahṛtābhāryādurātmanā ॥ 4 ॥
yēnadharmōnavijñātōnatadvṛttannakulantathā ।
rākṣasyānīchayābud dhyāyēnatadgarhitaṅkṛtam ॥ 5 ॥
tasminmēvartatērōṣaḥkīrtitērākṣasādhamē ।
yasyāparādhānanīchasyavadhandrakṣyāmirakṣasām ॥ 6 ॥
ēkōhikurutēpāpaṅkālapāśavaśaṅgataḥ ।
nīchēnātmāpachārēṇakulantēnavinaśyati ॥ 7 ॥
ēvaṃsammantrayannēvasakrōdhōrāvaṇamprati ।
rāmaḥsuvēlamāsādyachitrasānumupāruhat ॥ 8 ॥
pṛṣṭhatōlakṣmaṇaśchaivamanvagachChatsamāhitaḥ ।
saśarañchāpamudyamyasumahadvikramērataḥ ॥ 9 ॥
anvārōhatsugrīvassāmātyassavibhīṣaṇaḥ ।
hanumānaṅgadōnīlōmaindōdvividaēvacha ॥ 10 ॥
gajōgavākṣōgavayaśśarabhōgandhamādanaḥ ।
panasaḥkumudaśchaivaharōrambhaśchayūthapaḥ ॥ 11 ॥
jāmbavāṃśchasuṣēṇaśchaṛṣabhaśchamahāmatiḥ ।
durmukhaśchamahātējāstathāśatavaliḥkapiḥ ॥ 12 ॥
ētēchānyēchabahavōvānarāśaśīghragāminaḥ ।
tēvāyuvēgapravaṇāstaṅgirigirichāriṇaḥ ॥ 13 ॥
adhyārōhantaśataśassuvēlaṃyatrarāghavaḥ ।
tētvadīrghēṇakālēnagirimāruhyasarvataḥ ॥ 14 ॥
dadṛśuśaśikharētasyaviṣaktāmivakhēpurīm ।
tāṃśubhāmpravaradvārāmprākārapariśōbhitām ॥ 15 ॥
laṅkāṃrākṣasasampūrṇāndadṛśurhariyūthapāḥ ।
prākāravarasaṃsthaiśchatathānīlaiścharākṣasaiḥ ॥ 16 ॥
dadṛśustēhariśrēṣṭhāḥprākāramaparaṅkṛtam ।
tēdṛṣṭavāvānarāḥsarvērākṣasān yuddhakāṅ kṣiṇaḥ ॥ 17 ॥
mumuchurvividhānnādāntatrarāmasyapaśyataḥ ।
tatō'stamagamatpūryaḥsandhyayāpratirañjitaḥ ॥ 18 ॥
pūrṇachandrapradīptāchakṣapāsamabhivartatē ।
tatassarāmōharivāhinīpatirvibhīṣaṇēnapratinandyasatkṛtaḥ ।
salakṣmaṇōyūthapayūthasamvṛtassuvēlapṛṣṭhēnyavasadyathāsukham ॥ 19 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aṣṭatriṃśassargaḥ ॥
