ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටත්රිංශස්සර්ගඃ ।
සතුකෘත්වාසුවේලස්යමතිමාරෝහණංප්රති ।
ලක්ෂ්මණානුගතෝරාමඃසුග්රීවමිදමබ්රවීත් ॥ 1 ॥
විභීෂණංචධර්මජ්ඤමනුරක්තංනිශාචරම් ।
මංත්රජ්ඤංචවිධිජ්ඤංචශ්ලක්ක්ෂ්ණයාපරයාගිරා ॥ 2 ॥
සුවේලංසාධුශෛලේංද්රමිමංධාතුශතෛශ්චිතම් ।
අධ්යාරෝහාමහේසර්වේවත්ස්යාමෝऽත්රනිශාමිමාම් ॥ 3 ॥
ලංකාංචාලෝකයිෂ්යාමෝනිලයංතස්යරක්ෂසඃ ।
යේනමේමරණාංතායහෘතාභාර්යාදුරාත්මනා ॥ 4 ॥
යේනධර්මෝනවිජ්ඤාතෝනතද්වෘත්තංනකුලංතථා ।
රාක්ෂස්යානීචයාබුද් ධ්යායේනතද්ගර්හිතංකෘතම් ॥ 5 ॥
තස්මින්මේවර්තතේරෝෂඃකීර්තිතේරාක්ෂසාධමේ ।
යස්යාපරාධානනීචස්යවධංද්රක්ෂ්යාමිරක්ෂසාම් ॥ 6 ॥
ඒකෝහිකුරුතේපාපංකාලපාශවශංගතඃ ।
නීචේනාත්මාපචාරේණකුලංතේනවිනශ්යති ॥ 7 ॥
ඒවංසම්මංත්රයන්නේවසක්රෝධෝරාවණංප්රති ।
රාමඃසුවේලමාසාද්යචිත්රසානුමුපාරුහත් ॥ 8 ॥
පෘෂ්ඨතෝලක්ෂ්මණශ්චෛවමන්වගච්ඡත්සමාහිතඃ ।
සශරංචාපමුද්යම්යසුමහද්වික්රමේරතඃ ॥ 9 ॥
අන්වාරෝහත්සුග්රීවස්සාමාත්යස්සවිභීෂණඃ ।
හනුමානංගදෝනීලෝමෛංදෝද්විවිදඒවච ॥ 10 ॥
ගජෝගවාක්ෂෝගවයශ්ශරභෝගංධමාදනඃ ।
පනසඃකුමුදශ්චෛවහරෝරංභශ්චයූථපඃ ॥ 11 ॥
ජාංබවාංශ්චසුෂේණශ්චඍෂභශ්චමහාමතිඃ ।
දුර්මුඛශ්චමහාතේජාස්තථාශතවලිඃකපිඃ ॥ 12 ॥
ඒතේචාන්යේචබහවෝවානරාශශීඝ්රගාමිනඃ ।
තේවායුවේගප්රවණාස්තංගිරිගිරිචාරිණඃ ॥ 13 ॥
අධ්යාරෝහංතශතශස්සුවේලංයත්රරාඝවඃ ।
තේත්වදීර්ඝේණකාලේනගිරිමාරුහ්යසර්වතඃ ॥ 14 ॥
දදෘශුශශිඛරේතස්යවිෂක්තාමිවඛේපුරීම් ।
තාංශුභාංප්රවරද්වාරාංප්රාකාරපරිශෝභිතාම් ॥ 15 ॥
ලංකාංරාක්ෂසසංපූර්ණාංදදෘශුර්හරියූථපාඃ ।
ප්රාකාරවරසංස්ථෛශ්චතථානීලෛශ්චරාක්ෂසෛඃ ॥ 16 ॥
දදෘශුස්තේහරිශ්රේෂ්ඨාඃප්රාකාරමපරංකෘතම් ।
තේදෘෂ්ටවාවානරාඃසර්වේරාක්ෂසාන් යුද්ධකාඞ් ක්ෂිණඃ ॥ 17 ॥
මුමුචුර්විවිධාන්නාදාංතත්රරාමස්යපශ්යතඃ ।
තතෝऽස්තමගමත්පූර්යඃසංධ්යයාප්රතිරංජිතඃ ॥ 18 ॥
පූර්ණචංද්රප්රදීප්තාචක්ෂපාසමභිවර්තතේ ।
තතස්සරාමෝහරිවාහිනීපතිර්විභීෂණේනප්රතිනංද්යසත්කෘතඃ ।
සලක්ෂ්මණෝයූථපයූථසම්වෘතස්සුවේලපෘෂ්ඨේන්යවසද්යථාසුඛම් ॥ 19 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටත්රිංශස්සර්ගඃ ॥
