శ్రీమద్వాల్మీకీయ రామాయణే యుద్ధకాండమ్ ।
అథ అష్టత్రింశస్సర్గః ।
సతుకృత్వాసువేలస్యమతిమారోహణంప్రతి ।
లక్ష్మణానుగతోరామఃసుగ్రీవమిదమబ్రవీత్ ॥ 1 ॥
విభీషణంచధర్మజ్ఞమనురక్తంనిశాచరమ్ ।
మంత్రజ్ఞంచవిధిజ్ఞంచశ్లక్క్ష్ణయాపరయాగిరా ॥ 2 ॥
సువేలంసాధుశైలేంద్రమిమంధాతుశతైశ్చితమ్ ।
అధ్యారోహామహేసర్వేవత్స్యామోఽత్రనిశామిమామ్ ॥ 3 ॥
లంకాంచాలోకయిష్యామోనిలయంతస్యరక్షసః ।
యేనమేమరణాంతాయహృతాభార్యాదురాత్మనా ॥ 4 ॥
యేనధర్మోనవిజ్ఞాతోనతద్వృత్తంనకులంతథా ।
రాక్షస్యానీచయాబుద్ ధ్యాయేనతద్గర్హితంకృతమ్ ॥ 5 ॥
తస్మిన్మేవర్తతేరోషఃకీర్తితేరాక్షసాధమే ।
యస్యాపరాధాననీచస్యవధంద్రక్ష్యామిరక్షసామ్ ॥ 6 ॥
ఏకోహికురుతేపాపంకాలపాశవశంగతః ।
నీచేనాత్మాపచారేణకులంతేనవినశ్యతి ॥ 7 ॥
ఏవంసమ్మంత్రయన్నేవసక్రోధోరావణంప్రతి ।
రామఃసువేలమాసాద్యచిత్రసానుముపారుహత్ ॥ 8 ॥
పృష్ఠతోలక్ష్మణశ్చైవమన్వగచ్ఛత్సమాహితః ।
సశరంచాపముద్యమ్యసుమహద్విక్రమేరతః ॥ 9 ॥
అన్వారోహత్సుగ్రీవస్సామాత్యస్సవిభీషణః ।
హనుమానంగదోనీలోమైందోద్వివిదఏవచ ॥ 10 ॥
గజోగవాక్షోగవయశ్శరభోగంధమాదనః ।
పనసఃకుముదశ్చైవహరోరంభశ్చయూథపః ॥ 11 ॥
జాంబవాంశ్చసుషేణశ్చఋషభశ్చమహామతిః ।
దుర్ముఖశ్చమహాతేజాస్తథాశతవలిఃకపిః ॥ 12 ॥
ఏతేచాన్యేచబహవోవానరాశశీఘ్రగామినః ।
తేవాయువేగప్రవణాస్తంగిరిగిరిచారిణః ॥ 13 ॥
అధ్యారోహంతశతశస్సువేలంయత్రరాఘవః ।
తేత్వదీర్ఘేణకాలేనగిరిమారుహ్యసర్వతః ॥ 14 ॥
దదృశుశశిఖరేతస్యవిషక్తామివఖేపురీమ్ ।
తాంశుభాంప్రవరద్వారాంప్రాకారపరిశోభితామ్ ॥ 15 ॥
లంకాంరాక్షససంపూర్ణాందదృశుర్హరియూథపాః ।
ప్రాకారవరసంస్థైశ్చతథానీలైశ్చరాక్షసైః ॥ 16 ॥
దదృశుస్తేహరిశ్రేష్ఠాఃప్రాకారమపరంకృతమ్ ।
తేదృష్టవావానరాఃసర్వేరాక్షసాన్ యుద్ధకాఙ్ క్షిణః ॥ 17 ॥
ముముచుర్వివిధాన్నాదాంతత్రరామస్యపశ్యతః ।
తతోఽస్తమగమత్పూర్యఃసంధ్యయాప్రతిరంజితః ॥ 18 ॥
పూర్ణచంద్రప్రదీప్తాచక్షపాసమభివర్తతే ।
తతస్సరామోహరివాహినీపతిర్విభీషణేనప్రతినంద్యసత్కృతః ।
సలక్ష్మణోయూథపయూథసమ్వృతస్సువేలపృష్ఠేన్యవసద్యథాసుఖమ్ ॥ 19 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే అష్టత్రింశస్సర్గః ॥
