ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟତ୍ରିଂଶସ୍ସର୍ଗଃ ।
ସତୁକୃତ୍ଵାସୁଵେଲସ୍ୟମତିମାରୋହଣଂପ୍ରତି ।
ଲକ୍ଷ୍ମଣାନୁଗତୋରାମଃସୁଗ୍ରୀଵମିଦମବ୍ରଵୀତ୍ ॥ 1 ॥
ଵିଭୀଷଣଂଚଧର୍ମଜ୍ଞମନୁରକ୍ତଂନିଶାଚରମ୍ ।
ମଂତ୍ରଜ୍ଞଂଚଵିଧିଜ୍ଞଂଚଶ୍ଲକ୍କ୍ଷ୍ଣୟାପରୟାଗିରା ॥ 2 ॥
ସୁଵେଲଂସାଧୁଶୈଲେଂଦ୍ରମିମଂଧାତୁଶତୈଶ୍ଚିତମ୍ ।
ଅଧ୍ୟାରୋହାମହେସର୍ଵେଵତ୍ସ୍ୟାମୋଽତ୍ରନିଶାମିମାମ୍ ॥ 3 ॥
ଲଂକାଂଚାଲୋକୟିଷ୍ୟାମୋନିଲୟଂତସ୍ୟରକ୍ଷସଃ ।
ୟେନମେମରଣାଂତାୟହୃତାଭାର୍ୟାଦୁରାତ୍ମନା ॥ 4 ॥
ୟେନଧର୍ମୋନଵିଜ୍ଞାତୋନତଦ୍ଵୃତ୍ତଂନକୁଲଂତଥା ।
ରାକ୍ଷସ୍ୟାନୀଚୟାବୁଦ୍ ଧ୍ୟାୟେନତଦ୍ଗର୍ହିତଂକୃତମ୍ ॥ 5 ॥
ତସ୍ମିନ୍ମେଵର୍ତତେରୋଷଃକୀର୍ତିତେରାକ୍ଷସାଧମେ ।
ୟସ୍ୟାପରାଧାନନୀଚସ୍ୟଵଧଂଦ୍ରକ୍ଷ୍ୟାମିରକ୍ଷସାମ୍ ॥ 6 ॥
ଏକୋହିକୁରୁତେପାପଂକାଲପାଶଵଶଂଗତଃ ।
ନୀଚେନାତ୍ମାପଚାରେଣକୁଲଂତେନଵିନଶ୍ୟତି ॥ 7 ॥
ଏଵଂସମ୍ମଂତ୍ରୟନ୍ନେଵସକ୍ରୋଧୋରାଵଣଂପ୍ରତି ।
ରାମଃସୁଵେଲମାସାଦ୍ୟଚିତ୍ରସାନୁମୁପାରୁହତ୍ ॥ 8 ॥
ପୃଷ୍ଠତୋଲକ୍ଷ୍ମଣଶ୍ଚୈଵମନ୍ଵଗଚ୍ଛତ୍ସମାହିତଃ ।
ସଶରଂଚାପମୁଦ୍ୟମ୍ୟସୁମହଦ୍ଵିକ୍ରମେରତଃ ॥ 9 ॥
ଅନ୍ଵାରୋହତ୍ସୁଗ୍ରୀଵସ୍ସାମାତ୍ୟସ୍ସଵିଭୀଷଣଃ ।
ହନୁମାନଂଗଦୋନୀଲୋମୈଂଦୋଦ୍ଵିଵିଦଏଵଚ ॥ 10 ॥
ଗଜୋଗଵାକ୍ଷୋଗଵୟଶ୍ଶରଭୋଗଂଧମାଦନଃ ।
ପନସଃକୁମୁଦଶ୍ଚୈଵହରୋରଂଭଶ୍ଚୟୂଥପଃ ॥ 11 ॥
ଜାଂବଵାଂଶ୍ଚସୁଷେଣଶ୍ଚଋଷଭଶ୍ଚମହାମତିଃ ।
ଦୁର୍ମୁଖଶ୍ଚମହାତେଜାସ୍ତଥାଶତଵଲିଃକପିଃ ॥ 12 ॥
ଏତେଚାନ୍ୟେଚବହଵୋଵାନରାଶଶୀଘ୍ରଗାମିନଃ ।
ତେଵାୟୁଵେଗପ୍ରଵଣାସ୍ତଂଗିରିଗିରିଚାରିଣଃ ॥ 13 ॥
ଅଧ୍ୟାରୋହଂତଶତଶସ୍ସୁଵେଲଂୟତ୍ରରାଘଵଃ ।
ତେତ୍ଵଦୀର୍ଘେଣକାଲେନଗିରିମାରୁହ୍ୟସର୍ଵତଃ ॥ 14 ॥
ଦଦୃଶୁଶଶିଖରେତସ୍ୟଵିଷକ୍ତାମିଵଖେପୁରୀମ୍ ।
ତାଂଶୁଭାଂପ୍ରଵରଦ୍ଵାରାଂପ୍ରାକାରପରିଶୋଭିତାମ୍ ॥ 15 ॥
ଲଂକାଂରାକ୍ଷସସଂପୂର୍ଣାଂଦଦୃଶୁର୍ହରିୟୂଥପାଃ ।
ପ୍ରାକାରଵରସଂସ୍ଥୈଶ୍ଚତଥାନୀଲୈଶ୍ଚରାକ୍ଷସୈଃ ॥ 16 ॥
ଦଦୃଶୁସ୍ତେହରିଶ୍ରେଷ୍ଠାଃପ୍ରାକାରମପରଂକୃତମ୍ ।
ତେଦୃଷ୍ଟଵାଵାନରାଃସର୍ଵେରାକ୍ଷସାନ୍ ୟୁଦ୍ଧକାଙ୍ କ୍ଷିଣଃ ॥ 17 ॥
ମୁମୁଚୁର୍ଵିଵିଧାନ୍ନାଦାଂତତ୍ରରାମସ୍ୟପଶ୍ୟତଃ ।
ତତୋଽସ୍ତମଗମତ୍ପୂର୍ୟଃସଂଧ୍ୟୟାପ୍ରତିରଂଜିତଃ ॥ 18 ॥
ପୂର୍ଣଚଂଦ୍ରପ୍ରଦୀପ୍ତାଚକ୍ଷପାସମଭିଵର୍ତତେ ।
ତତସ୍ସରାମୋହରିଵାହିନୀପତିର୍ଵିଭୀଷଣେନପ୍ରତିନଂଦ୍ୟସତ୍କୃତଃ ।
ସଲକ୍ଷ୍ମଣୋୟୂଥପୟୂଥସମ୍ଵୃତସ୍ସୁଵେଲପୃଷ୍ଠେନ୍ୟଵସଦ୍ୟଥାସୁଖମ୍ ॥ 19 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟତ୍ରିଂଶସ୍ସର୍ଗଃ ॥
