ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତ୍ଵାରିଂଶସ୍ସର୍ଗଃ ।
ତତୋରାମସ୍ସୁଵେଲାଗ୍ରଂୟୋଜନଦ୍ଵୟମଂଡଲମ୍ ।
ଅରୁରୋହସସୁଗ୍ରୀଵୋହରିୟୂଧପସମ୍ଵୃତଃ ॥ 1 ॥
ସ୍ଥିତ୍ଵାମୁହୂର୍ତଂତତ୍ରୈଵଦିଶୋଦଶଵିଲୋକୟନ୍ ।
ତ୍ରିକୂଟଶିଖରେରମ୍ୟେନିର୍ମିତାଂଵିଶ୍ଵକର୍ମଣା ॥ 2 ॥
ଦଦର୍ଶଲଂକାଂସୁନ୍ୟସ୍ତାଂରମ୍ୟକାନନଶୋଭିତାମ୍ ।
ତସ୍ୟାଂଗୋପୁରଶୃଂଗସ୍ଥଂରାକ୍ଷସେଂଦ୍ରଂଦୁରାସଦମ୍ ॥ 3 ॥
ଶ୍ଵେତଚାମରପର୍ୟଂତଂଵିଜୟଚ୍ଛତ୍ରଶୋଭିତମ୍ ।
ରକ୍ତଚଂଦନସଂଲିପ୍ତଂରତ୍ନାଭରଣଭୂଷିତମ୍ ॥ 4 ॥
ନୀଲଜୀମୂତସଂକାଶଂହେମସଂଛାଦିତାଂବରମ୍ ।
ଐରାଵତଵିଷାଣାଗ୍ରୈରୁତ୍କୃଷ୍ଟକିଣଵକ୍ଷସମ୍ ॥ 5 ॥
ଶଶଲୋହିତରାଗେଣସଂଵୀତଂରକ୍ତଵାସସା ।
ସଂଧ୍ୟାତପେନସଂଵୀତଂମେଘରାଶିମିଵାଂବରେ ॥ 6 ॥
ପଶ୍ୟତାଂଵାନରେଂଦ୍ରାଣାଂରାଘଵସ୍ୟାପିପଶ୍ୟତଃ ।
ଦର୍ଶନାଦ୍ରାକ୍ଷସେଂଦ୍ରସ୍ୟସୁଗ୍ରୀଵସ୍ସହସୋତ୍ଥିତଃ ॥ 7 ॥
କ୍ରୋଧଵେଗେନସଂୟୁକ୍ତସ୍ସତ୍ତ୍ଵେନଚବଲେନଚ ।
ଅଚଲାଗ୍ରାଦଥୋତ୍ଥାୟପୁପ୍ଲୁଵେଗୋପୁରସ୍ଥଲେ ॥ 8 ॥
ସ୍ଥିତ୍ଵାମୁହୂର୍ତଂସଂପ୍ରେକ୍ଷ୍ୟନିର୍ଭୟେନାଂତରାତ୍ମନା ।
ତୃଣୀକୃତ୍ୟଚତଦ୍ରକ୍ଷସ୍ସୋଽବ୍ରଵୀତ୍ପରୁଷଂଵଚଃ ॥ 9 ॥
ଲୋକନାଥସ୍ୟରାମସ୍ୟସଖାଦାସୋଽସ୍ମିରାକ୍ଷସ ।
ନମୟାମୋକ୍ଷ୍ୟସେଽଦ୍ୟତ୍ଵଂପାର୍ଥିଵେଂଦ୍ରସ୍ୟତେଜସା ॥ 10 ॥
ଇତ୍ୟୁକ୍ତ୍ଵାସହସୋତ୍ପତ୍ୟପୁପ୍ଲୁଵେତସ୍ୟଚୋପରି ।
ଆକୃଷ୍ୟମୁକୁଟଂଚିତ୍ରଂପାତୟିତ୍ଵାଽପତଦ୍ଭୁଵି ॥ 11 ॥
ସମୀକ୍ଷ୍ୟତୂର୍ଣମାୟାଂତମବଭାଷେନିଶାଚରଃ ।
ସୁଗ୍ରୀଵସ୍ତ୍ଵପରୋକ୍ଷଂ ମେହୀନଗ୍ରୀଵୋଭଵିଷ୍ୟସି ॥ 12 ॥
ଇତ୍ୟୁକ୍ତ୍ଵୋତ୍ଥାୟତଂକ୍ଷିପ୍ରଂବାହୁଭ୍ୟାମାକ୍ଷିପତ୍ତଲେ ।
କଂତୁଵତ୍ତଂସମୁତ୍ଥାୟବାହୁଭ୍ୟାମାକ୍ଷିପଦ୍ଧରି ॥ 13 ॥
ପରସ୍ପରଂସ୍ଵେଦଵିଦଗ୍ଧଗାତ୍ରୌପରସ୍ପରଂଶୋଣିତଦିଗ୍ଧଦେହୌ ।
ପରସ୍ପରଂଲଶିଷ୍ଟନିରୁଦ୍ଧଚେଷ୍ଟୌପରସ୍ପରଂଶାଲ୍ମଲିକିଂଶୁକୌୟଧା ॥ 14 ॥
ମୁଷ୍ଟିପ୍ରହାରୈଶ୍ଚତଲପ୍ରହାରୈରରତ୍ନିଘାତୈଶ୍ଚକରାଗ୍ରଘାତୈଃ ।
ତୌଚକ୍ରତୁର୍ୟୁଦ୍ଧମସହ୍ୟରୂପଂମହାବଲୌରାକ୍ଷସଵାନରେଂଦ୍ରୌ ॥ 15 ॥
କୃତ୍ଵାନିୟୁଦ୍ଧଂଭୃଶମୁଗ୍ରଵେଗୌକାଲଂଚିର, ଗୋପୁରଵେଦିମଧ୍ୟେ ।
ଉତ୍କ୍ଷିପ୍ୟଚୋତ୍କ୍ଷିପ୍ୟଵିନମ୍ୟଦେହୌପାଦକ୍ରମାଦ୍ଗୋପୁରଵେଦିଲଗ୍ନୌ ॥ 16 ॥
ଅନ୍ୟୋନ୍ୟମାଵିଧ୍ୟଵେଦିଲଗ୍ନୌତୌପେତତୁସ୍ସାଲନିଖାତମଧ୍ୟେ ।
ଉତ୍ପେତତୁର୍ଭୂତଲମସ୍ପୃଶଂତୌସ୍ଥିତ୍ଵାମୁହୂର୍ତଂତ୍ଵଭିନିଶ୍ଶ୍ଵସଂତୌ ॥ 17 ॥
ଆଲିଙ୍ ଗ୍ୟଚାଲିଙ୍ ଗ୍ୟଚବାହୁୟୋକ୍ସ୍ରୈସ୍ସଂୟୋଜୟାମାସତୁରାହଵେତୌ ।
ସମ୍ରଂଭଶିକ୍ଷାବଲସଂପ୍ରୟୁକ୍ତୌସଂଚେରତୁସ୍ସଂପ୍ରତିୟୁଦ୍ଧମାର୍ଗୈଃ ॥ 18 ॥
ଶାର୍ଦୂରସିଂହାଵିଵଜାତଦର୍ପୌଗଜେଂଦ୍ରପୋତାଵିଵସଂପ୍ରୟୁକ୍ତୌ ।
ସଂହତ୍ୟଚାପୀଡ୍ୟଚତାଵୁରୋଭ୍ୟାଂନିପେତତୁର୍ଵୈୟୁଗପଦ୍ଧରଣ୍ୟାମ୍ ॥ 19 ॥
ଉଦ୍ୟମ୍ୟଚାନ୍ୟୋନ୍ୟମଧିକ୍ଷିପଂତୌସଂଚକ୍ରମାତେବହୁୟୁଦ୍ଧମାର୍ଗେଃ ।
ଵ୍ୟାୟାମଶିକ୍ଷାବଲସଂପ୍ରୟୁକ୍ତୌକ୍ଲମଂନତୌଜଗ୍ମତୁରାଶୁଵୀରୌ ॥ 20 ॥
ବାହୂତ୍ତମୈର୍ଵାରଣଵାରଣାଭୈର୍ନିଵାରୟଂତୌଵରଵାରଣାଭୌ ।
ଚିରେଣକାଲେନତୁସଂପ୍ରୟୁକ୍ତୌସଂଚେରତୁର୍ମଂଡଲମାର୍ଗମାଶୁ ॥ 21 ॥
ତୌପରସ୍ପରମାସାଦ୍ୟୟତ୍ତାଵନ୍ୟୋନ୍ୟସୂଦନେ ।
ମାର୍ଜାରାଵିଵଭକ୍ଷ୍ୟାର୍ଥେଽଵିତସ୍ଥାତେମୁହୁର୍ମୁହୁଃ ॥ 22 ॥
ମଂଡଲାନିଵିଚିତ୍ରାଣିସ୍ଥାନାନିଵିଵିଧାନିଚ ।
ମୂତ୍ରକାଣିଚିତ୍ରାଣିଗତପ୍ରତ୍ୟାଗତାନିଚ ॥ 23 ॥
ତିରଚ୍ଶୀନଗତାନ୍ୟେଵତଥାଵକ୍ରଗତାନିଚ ।
ପରିମୋକ୍ଷଂପ୍ରହାରାଣାଂଵର୍ଜନଂପରିଧାଵନମ୍ ॥ 24 ॥
ଅଭିଦ୍ରଵଣମାପ୍ଲାଵମାଵସ୍ଥାନଂସଵିଗ୍ରହମ୍ ।
ପରାଵୃତ୍ତମପାଵୃତ୍ତମପଦ୍ରୁତମଵପ୍ଲୁତମ୍ ॥ 25 ॥
ଉପନ୍ୟସ୍ତପମନ୍ୟସ୍ତଂୟୁଦ୍ଧମାର୍ଗଵିଶାରଦୌ ।
ତୌସଂଚେଚେରତୁରନ୍ୟୋନ୍ୟଂଵାନରେଂଦ୍ରଶ୍ଚରାଵଣଃ ॥ 26 ॥
ଏତସ୍ମିନ୍ନଂତରେରକ୍ଷୋମାୟାବଲମଥାତ୍ମନଃ ।
ଆରବ୍ଧୁମୁପସଂପେଦେଜ୍ଞାତ୍ଵାତଂଵାନରାଧିପଃ ॥ 27 ॥
ଉତ୍ପପାତତଦାକାଶଂଜିତକାଶୀଜିତକ୍ଲମଃ ।
ରାଵଣଃସ୍ଥିତଏଵାତ୍ରହରିରାଜେଵଵଂଚିତଃ ॥ 28 ॥
ଅଥହରିଵରନାଥଃପ୍ରାପ୍ୟସଂଗ୍ରାମକୀର୍ତିଂନିଶିଚରପତିମାଜୌୟୋଜୟିତ୍ଵାଶ୍ରମେଣ ।
ଗଗନମତିଵିଶାଲଂଲଂଘୟିତ୍ଵାର୍କସୂନୁର୍ହରିଗଣମଧ୍ୟେରାମପାର୍ଶ୍ଵଂଜଗାମ ॥ 29 ॥
ଇତିସସଵିତୃସୂନୁସ୍ତତ୍ରତତ୍କର୍ମକୃତ୍ଵାପଵନଗତିରନୀକଂପ୍ରାଵିଶତ୍ସସଂପ୍ରହୃଷ୍ଟଃ ।
ରଘୁଵରନୃପସୂନୋଦ୍ଵର୍ଧୟନ୍ୟୁଦ୍ଧହର୍ଷଂତରୁମୃଗଗଣମୁଖ୍ୟୈଃପୂଜ୍ୟମାନୋହରୀଂଦ୍ରଃ ॥ 30 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତ୍ଵାରିଂଶସ୍ସର୍ଗଃ ॥
