ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ചത്വാരിംശസ്സര്ഗഃ ।
തതോരാമസ്സുവേലാഗ്രംയോജനദ്വയമംഡലമ് ।
അരുരോഹസസുഗ്രീവോഹരിയൂധപസമ്വൃതഃ ॥ 1 ॥
സ്ഥിത്വാമുഹൂര്തംതത്രൈവദിശോദശവിലോകയന് ।
ത്രികൂടശിഖരേരമ്യേനിര്മിതാംവിശ്വകര്മണാ ॥ 2 ॥
ദദര്ശലംകാംസുന്യസ്താംരമ്യകാനനശോഭിതാമ് ।
തസ്യാംഗോപുരശൃംഗസ്ഥംരാക്ഷസേംദ്രംദുരാസദമ് ॥ 3 ॥
ശ്വേതചാമരപര്യംതംവിജയച്ഛത്രശോഭിതമ് ।
രക്തചംദനസംലിപ്തംരത്നാഭരണഭൂഷിതമ് ॥ 4 ॥
നീലജീമൂതസംകാശംഹേമസംഛാദിതാംബരമ് ।
ഐരാവതവിഷാണാഗ്രൈരുത്കൃഷ്ടകിണവക്ഷസമ് ॥ 5 ॥
ശശലോഹിതരാഗേണസംവീതംരക്തവാസസാ ।
സംധ്യാതപേനസംവീതംമേഘരാശിമിവാംബരേ ॥ 6 ॥
പശ്യതാംവാനരേംദ്രാണാംരാഘവസ്യാപിപശ്യതഃ ।
ദര്ശനാദ്രാക്ഷസേംദ്രസ്യസുഗ്രീവസ്സഹസോത്ഥിതഃ ॥ 7 ॥
ക്രോധവേഗേനസംയുക്തസ്സത്ത്വേനചബലേനച ।
അചലാഗ്രാദഥോത്ഥായപുപ്ലുവേഗോപുരസ്ഥലേ ॥ 8 ॥
സ്ഥിത്വാമുഹൂര്തംസംപ്രേക്ഷ്യനിര്ഭയേനാംതരാത്മനാ ।
തൃണീകൃത്യചതദ്രക്ഷസ്സോഽബ്രവീത്പരുഷംവചഃ ॥ 9 ॥
ലോകനാഥസ്യരാമസ്യസഖാദാസോഽസ്മിരാക്ഷസ ।
നമയാമോക്ഷ്യസേഽദ്യത്വംപാര്ഥിവേംദ്രസ്യതേജസാ ॥ 10 ॥
ഇത്യുക്ത്വാസഹസോത്പത്യപുപ്ലുവേതസ്യചോപരി ।
ആകൃഷ്യമുകുടംചിത്രംപാതയിത്വാഽപതദ്ഭുവി ॥ 11 ॥
സമീക്ഷ്യതൂര്ണമായാംതമബഭാഷേനിശാചരഃ ।
സുഗ്രീവസ്ത്വപരോക്ഷം മേഹീനഗ്രീവോഭവിഷ്യസി ॥ 12 ॥
ഇത്യുക്ത്വോത്ഥായതംക്ഷിപ്രംബാഹുഭ്യാമാക്ഷിപത്തലേ ।
കംതുവത്തംസമുത്ഥായബാഹുഭ്യാമാക്ഷിപദ്ധരി ॥ 13 ॥
പരസ്പരംസ്വേദവിദഗ്ധഗാത്രൌപരസ്പരംശോണിതദിഗ്ധദേഹൌ ।
പരസ്പരംലശിഷ്ടനിരുദ്ധചേഷ്ടൌപരസ്പരംശാല്മലികിംശുകൌയധാ ॥ 14 ॥
മുഷ്ടിപ്രഹാരൈശ്ചതലപ്രഹാരൈരരത്നിഘാതൈശ്ചകരാഗ്രഘാതൈഃ ।
തൌചക്രതുര്യുദ്ധമസഹ്യരൂപംമഹാബലൌരാക്ഷസവാനരേംദ്രൌ ॥ 15 ॥
കൃത്വാനിയുദ്ധംഭൃശമുഗ്രവേഗൌകാലംചിര, ഗോപുരവേദിമധ്യേ ।
ഉത്ക്ഷിപ്യചോത്ക്ഷിപ്യവിനമ്യദേഹൌപാദക്രമാദ്ഗോപുരവേദിലഗ്നൌ ॥ 16 ॥
അന്യോന്യമാവിധ്യവേദിലഗ്നൌതൌപേതതുസ്സാലനിഖാതമധ്യേ ।
ഉത്പേതതുര്ഭൂതലമസ്പൃശംതൌസ്ഥിത്വാമുഹൂര്തംത്വഭിനിശ്ശ്വസംതൌ ॥ 17 ॥
ആലിങ് ഗ്യചാലിങ് ഗ്യചബാഹുയോക്സ്രൈസ്സംയോജയാമാസതുരാഹവേതൌ ।
സമ്രംഭശിക്ഷാബലസംപ്രയുക്തൌസംചേരതുസ്സംപ്രതിയുദ്ധമാര്ഗൈഃ ॥ 18 ॥
ശാര്ദൂരസിംഹാവിവജാതദര്പൌഗജേംദ്രപോതാവിവസംപ്രയുക്തൌ ।
സംഹത്യചാപീഡ്യചതാവുരോഭ്യാംനിപേതതുർവൈയുഗപദ്ധരണ്യാമ് ॥ 19 ॥
ഉദ്യമ്യചാന്യോന്യമധിക്ഷിപംതൌസംചക്രമാതേബഹുയുദ്ധമാര്ഗേഃ ।
വ്യായാമശിക്ഷാബലസംപ്രയുക്തൌക്ലമംനതൌജഗ്മതുരാശുവീരൌ ॥ 20 ॥
ബാഹൂത്തമൈർവാരണവാരണാഭൈര്നിവാരയംതൌവരവാരണാഭൌ ।
ചിരേണകാലേനതുസംപ്രയുക്തൌസംചേരതുര്മംഡലമാര്ഗമാശു ॥ 21 ॥
തൌപരസ്പരമാസാദ്യയത്താവന്യോന്യസൂദനേ ।
മാര്ജാരാവിവഭക്ഷ്യാര്ഥേഽവിതസ്ഥാതേമുഹുര്മുഹുഃ ॥ 22 ॥
മംഡലാനിവിചിത്രാണിസ്ഥാനാനിവിവിധാനിച ।
മൂത്രകാണിചിത്രാണിഗതപ്രത്യാഗതാനിച ॥ 23 ॥
തിരച്ശീനഗതാന്യേവതഥാവക്രഗതാനിച ।
പരിമോക്ഷംപ്രഹാരാണാംവര്ജനംപരിധാവനമ് ॥ 24 ॥
അഭിദ്രവണമാപ്ലാവമാവസ്ഥാനംസവിഗ്രഹമ് ।
പരാവൃത്തമപാവൃത്തമപദ്രുതമവപ്ലുതമ് ॥ 25 ॥
ഉപന്യസ്തപമന്യസ്തംയുദ്ധമാര്ഗവിശാരദൌ ।
തൌസംചേചേരതുരന്യോന്യംവാനരേംദ്രശ്ചരാവണഃ ॥ 26 ॥
ഏതസ്മിന്നംതരേരക്ഷോമായാബലമഥാത്മനഃ ।
ആരബ്ധുമുപസംപേദേജ്ഞാത്വാതംവാനരാധിപഃ ॥ 27 ॥
ഉത്പപാതതദാകാശംജിതകാശീജിതക്ലമഃ ।
രാവണഃസ്ഥിതഏവാത്രഹരിരാജേവവംചിതഃ ॥ 28 ॥
അഥഹരിവരനാഥഃപ്രാപ്യസംഗ്രാമകീര്തിംനിശിചരപതിമാജൌയോജയിത്വാശ്രമേണ ।
ഗഗനമതിവിശാലംലംഘയിത്വാര്കസൂനുര്ഹരിഗണമധ്യേരാമപാര്ശ്വംജഗാമ ॥ 29 ॥
ഇതിസസവിതൃസൂനുസ്തത്രതത്കര്മകൃത്വാപവനഗതിരനീകംപ്രാവിശത്സസംപ്രഹൃഷ്ടഃ ।
രഘുവരനൃപസൂനോദ്വര്ധയന്യുദ്ധഹര്ഷംതരുമൃഗഗണമുഖ്യൈഃപൂജ്യമാനോഹരീംദ്രഃ ॥ 30 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ചത്വാരിംശസ്സര്ഗഃ ॥
