𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌤𑍋𑌰𑌾𑌮𑌸𑍍𑌸𑍁𑌵𑍇𑌲𑌾𑌗𑍍𑌰𑌂𑌯𑍋𑌜𑌨𑌦𑍍𑌵𑌯𑌮𑌂𑌡𑌲𑌮𑍍 ।
𑌅𑌰𑍁𑌰𑍋𑌹𑌸𑌸𑍁𑌗𑍍𑌰𑍀𑌵𑍋𑌹𑌰𑌿𑌯𑍂𑌧𑌪𑌸𑌮𑍍𑌵𑍃𑌤𑌃 ॥ 1 ॥
𑌸𑍍𑌥𑌿𑌤𑍍𑌵𑌾𑌮𑍁𑌹𑍂𑌰𑍍𑌤𑌂𑌤𑌤𑍍𑌰𑍈𑌵𑌦𑌿𑌶𑍋𑌦𑌶𑌵𑌿𑌲𑍋𑌕𑌯𑌨𑍍 ।
𑌤𑍍𑌰𑌿𑌕𑍂𑌟𑌶𑌿𑌖𑌰𑍇𑌰𑌮𑍍𑌯𑍇𑌨𑌿𑌰𑍍𑌮𑌿𑌤𑌾𑌂𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 2 ॥
𑌦𑌦𑌰𑍍𑌶𑌲𑌂𑌕𑌾𑌂𑌸𑍁𑌨𑍍𑌯𑌸𑍍𑌤𑌾𑌂𑌰𑌮𑍍𑌯𑌕𑌾𑌨𑌨𑌶𑍋𑌭𑌿𑌤𑌾𑌮𑍍 ।
𑌤𑌸𑍍𑌯𑌾𑌂𑌗𑍋𑌪𑍁𑌰𑌶𑍃𑌂𑌗𑌸𑍍𑌥𑌂𑌰𑌾𑌕𑍍𑌷𑌸𑍇𑌂𑌦𑍍𑌰𑌂𑌦𑍁𑌰𑌾𑌸𑌦𑌮𑍍 ॥ 3 ॥
𑌶𑍍𑌵𑍇𑌤𑌚𑌾𑌮𑌰𑌪𑌰𑍍𑌯𑌂𑌤𑌂𑌵𑌿𑌜𑌯𑌚𑍍𑌛𑌤𑍍𑌰𑌶𑍋𑌭𑌿𑌤𑌮𑍍 ।
𑌰𑌕𑍍𑌤𑌚𑌂𑌦𑌨𑌸𑌂𑌲𑌿𑌪𑍍𑌤𑌂𑌰𑌤𑍍𑌨𑌾𑌭𑌰𑌣𑌭𑍂𑌷𑌿𑌤𑌮𑍍 ॥ 4 ॥
𑌨𑍀𑌲𑌜𑍀𑌮𑍂𑌤𑌸𑌂𑌕𑌾𑌶𑌂𑌹𑍇𑌮𑌸𑌂𑌛𑌾𑌦𑌿𑌤𑌾𑌂𑌬𑌰𑌮𑍍 ।
𑌐𑌰𑌾𑌵𑌤𑌵𑌿𑌷𑌾𑌣𑌾𑌗𑍍𑌰𑍈𑌰𑍁𑌤𑍍𑌕𑍃𑌷𑍍𑌟𑌕𑌿𑌣𑌵𑌕𑍍𑌷𑌸𑌮𑍍 ॥ 5 ॥
𑌶𑌶𑌲𑍋𑌹𑌿𑌤𑌰𑌾𑌗𑍇𑌣𑌸𑌂𑌵𑍀𑌤𑌂𑌰𑌕𑍍𑌤𑌵𑌾𑌸𑌸𑌾 ।
𑌸𑌂𑌧𑍍𑌯𑌾𑌤𑌪𑍇𑌨𑌸𑌂𑌵𑍀𑌤𑌂𑌮𑍇𑌘𑌰𑌾𑌶𑌿𑌮𑌿𑌵𑌾𑌂𑌬𑌰𑍇 ॥ 6 ॥
𑌪𑌶𑍍𑌯𑌤𑌾𑌂𑌵𑌾𑌨𑌰𑍇𑌂𑌦𑍍𑌰𑌾𑌣𑌾𑌂𑌰𑌾𑌘𑌵𑌸𑍍𑌯𑌾𑌪𑌿𑌪𑌶𑍍𑌯𑌤𑌃 ।
𑌦𑌰𑍍𑌶𑌨𑌾𑌦𑍍𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌸𑍁𑌗𑍍𑌰𑍀𑌵𑌸𑍍𑌸𑌹𑌸𑍋𑌤𑍍𑌥𑌿𑌤𑌃 ॥ ॥
𑌕𑍍𑌰𑍋𑌧𑌵𑍇𑌗𑍇𑌨𑌸𑌂𑌯𑍁𑌕𑍍𑌤𑌸𑍍𑌸𑌤𑍍𑌤𑍍𑌵𑍇𑌨𑌚𑌬𑌲𑍇𑌨𑌚 ।
𑌅𑌚𑌲𑌾𑌗𑍍𑌰𑌾𑌦𑌥𑍋𑌤𑍍𑌥𑌾𑌯𑌪𑍁𑌪𑍍𑌲𑍁𑌵𑍇𑌗𑍋𑌪𑍁𑌰𑌸𑍍𑌥𑌲𑍇 ॥ ॥
𑌸𑍍𑌥𑌿𑌤𑍍𑌵𑌾𑌮𑍁𑌹𑍂𑌰𑍍𑌤𑌂𑌸𑌂𑌪𑍍𑌰𑍇𑌕𑍍𑌷𑍍𑌯𑌨𑌿𑌰𑍍𑌭𑌯𑍇𑌨𑌾𑌂𑌤𑌰𑌾𑌤𑍍𑌮𑌨𑌾 ।
𑌤𑍃𑌣𑍀𑌕𑍃𑌤𑍍𑌯𑌚𑌤𑌦𑍍𑌰𑌕𑍍𑌷𑌸𑍍𑌸𑍋𑌽𑌬𑍍𑌰𑌵𑍀𑌤𑍍𑌪𑌰𑍁𑌷𑌂𑌵𑌚𑌃 ॥ ॥
𑌲𑍋𑌕𑌨𑌾𑌥𑌸𑍍𑌯𑌰𑌾𑌮𑌸𑍍𑌯𑌸𑌖𑌾𑌦𑌾𑌸𑍋𑌽𑌸𑍍𑌮𑌿𑌰𑌾𑌕𑍍𑌷𑌸 ।
𑌨𑌮𑌯𑌾𑌮𑍋𑌕𑍍𑌷𑍍𑌯𑌸𑍇𑌽𑌦𑍍𑌯𑌤𑍍𑌵𑌂𑌪𑌾𑌰𑍍𑌥𑌿𑌵𑍇𑌂𑌦𑍍𑌰𑌸𑍍𑌯𑌤𑍇𑌜𑌸𑌾 ॥ 10 ॥
𑌇𑌤𑍍𑌯𑍁𑌕𑍍𑌤𑍍𑌵𑌾𑌸𑌹𑌸𑍋𑌤𑍍𑌪𑌤𑍍𑌯𑌪𑍁𑌪𑍍𑌲𑍁𑌵𑍇𑌤𑌸𑍍𑌯𑌚𑍋𑌪𑌰𑌿 ।
𑌆𑌕𑍃𑌷𑍍𑌯𑌮𑍁𑌕𑍁𑌟𑌂𑌚𑌿𑌤𑍍𑌰𑌂𑌪𑌾𑌤𑌯𑌿𑌤𑍍𑌵𑌾𑌽𑌪𑌤𑌦𑍍𑌭𑍁𑌵𑌿 ॥ 11 ॥
𑌸𑌮𑍀𑌕𑍍𑌷𑍍𑌯𑌤𑍂𑌰𑍍𑌣𑌮𑌾𑌯𑌾𑌂𑌤𑌮𑌬𑌭𑌾𑌷𑍇𑌨𑌿𑌶𑌾𑌚𑌰𑌃 ।
𑌸𑍁𑌗𑍍𑌰𑍀𑌵𑌸𑍍𑌤𑍍𑌵𑌪𑌰𑍋𑌕𑍍𑌷𑌂 𑌮𑍇𑌹𑍀𑌨𑌗𑍍𑌰𑍀𑌵𑍋𑌭𑌵𑌿𑌷𑍍𑌯𑌸𑌿 ॥ 12 ॥
𑌇𑌤𑍍𑌯𑍁𑌕𑍍𑌤𑍍𑌵𑍋𑌤𑍍𑌥𑌾𑌯𑌤𑌂𑌕𑍍𑌷𑌿𑌪𑍍𑌰𑌂𑌬𑌾𑌹𑍁𑌭𑍍𑌯𑌾𑌮𑌾𑌕𑍍𑌷𑌿𑌪𑌤𑍍𑌤𑌲𑍇 ।
𑌕𑌂𑌤𑍁𑌵𑌤𑍍𑌤𑌂𑌸𑌮𑍁𑌤𑍍𑌥𑌾𑌯𑌬𑌾𑌹𑍁𑌭𑍍𑌯𑌾𑌮𑌾𑌕𑍍𑌷𑌿𑌪𑌦𑍍𑌧𑌰𑌿 ॥ 13 ॥
𑌪𑌰𑌸𑍍𑌪𑌰𑌂𑌸𑍍𑌵𑍇𑌦𑌵𑌿𑌦𑌗𑍍𑌧𑌗𑌾𑌤𑍍𑌰𑍌𑌪𑌰𑌸𑍍𑌪𑌰𑌂𑌶𑍋𑌣𑌿𑌤𑌦𑌿𑌗𑍍𑌧𑌦𑍇𑌹𑍌 ।
𑌪𑌰𑌸𑍍𑌪𑌰𑌂𑌲𑌶𑌿𑌷𑍍𑌟𑌨𑌿𑌰𑍁𑌦𑍍𑌧𑌚𑍇𑌷𑍍𑌟𑍌𑌪𑌰𑌸𑍍𑌪𑌰𑌂𑌶𑌾𑌲𑍍𑌮𑌲𑌿𑌕𑌿𑌂𑌶𑍁𑌕𑍌𑌯𑌧𑌾 ॥ 14 ॥
𑌮𑍁𑌷𑍍𑌟𑌿𑌪𑍍𑌰𑌹𑌾𑌰𑍈𑌶𑍍𑌚𑌤𑌲𑌪𑍍𑌰𑌹𑌾𑌰𑍈𑌰𑌰𑌤𑍍𑌨𑌿𑌘𑌾𑌤𑍈𑌶𑍍𑌚𑌕𑌰𑌾𑌗𑍍𑌰𑌘𑌾𑌤𑍈𑌃 ।
𑌤𑍌𑌚𑌕𑍍𑌰𑌤𑍁𑌰𑍍𑌯𑍁𑌦𑍍𑌧𑌮𑌸𑌹𑍍𑌯𑌰𑍂𑌪𑌂𑌮𑌹𑌾𑌬𑌲𑍌𑌰𑌾𑌕𑍍𑌷𑌸𑌵𑌾𑌨𑌰𑍇𑌂𑌦𑍍𑌰𑍌 ॥ 15 ॥
𑌕𑍃𑌤𑍍𑌵𑌾𑌨𑌿𑌯𑍁𑌦𑍍𑌧𑌂𑌭𑍃𑌶𑌮𑍁𑌗𑍍𑌰𑌵𑍇𑌗𑍌𑌕𑌾𑌲𑌂𑌚𑌿𑌰, 𑌗𑍋𑌪𑍁𑌰𑌵𑍇𑌦𑌿𑌮𑌧𑍍𑌯𑍇 ।
𑌉𑌤𑍍𑌕𑍍𑌷𑌿𑌪𑍍𑌯𑌚𑍋𑌤𑍍𑌕𑍍𑌷𑌿𑌪𑍍𑌯𑌵𑌿𑌨𑌮𑍍𑌯𑌦𑍇𑌹𑍌𑌪𑌾𑌦𑌕𑍍𑌰𑌮𑌾𑌦𑍍𑌗𑍋𑌪𑍁𑌰𑌵𑍇𑌦𑌿𑌲𑌗𑍍𑌨𑍌 ॥ 16 ॥
𑌅𑌨𑍍𑌯𑍋𑌨𑍍𑌯𑌮𑌾𑌵𑌿𑌧𑍍𑌯𑌵𑍇𑌦𑌿𑌲𑌗𑍍𑌨𑍌𑌤𑍌𑌪𑍇𑌤𑌤𑍁𑌸𑍍𑌸𑌾𑌲𑌨𑌿𑌖𑌾𑌤𑌮𑌧𑍍𑌯𑍇 ।
𑌉𑌤𑍍𑌪𑍇𑌤𑌤𑍁𑌰𑍍𑌭𑍂𑌤𑌲𑌮𑌸𑍍𑌪𑍃𑌶𑌂𑌤𑍌𑌸𑍍𑌥𑌿𑌤𑍍𑌵𑌾𑌮𑍁𑌹𑍂𑌰𑍍𑌤𑌂𑌤𑍍𑌵𑌭𑌿𑌨𑌿𑌶𑍍𑌶𑍍𑌵𑌸𑌂𑌤𑍌 ॥ 1 ॥
𑌆𑌲𑌿𑌙𑍍 𑌗𑍍𑌯𑌚𑌾𑌲𑌿𑌙𑍍 𑌗𑍍𑌯𑌚𑌬𑌾𑌹𑍁𑌯𑍋𑌕𑍍𑌸𑍍𑌰𑍈𑌸𑍍𑌸𑌂𑌯𑍋𑌜𑌯𑌾𑌮𑌾𑌸𑌤𑍁𑌰𑌾𑌹𑌵𑍇𑌤𑍌 ।
𑌸𑌮𑍍𑌰𑌂𑌭𑌶𑌿𑌕𑍍𑌷𑌾𑌬𑌲𑌸𑌂𑌪𑍍𑌰𑌯𑍁𑌕𑍍𑌤𑍌𑌸𑌂𑌚𑍇𑌰𑌤𑍁𑌸𑍍𑌸𑌂𑌪𑍍𑌰𑌤𑌿𑌯𑍁𑌦𑍍𑌧𑌮𑌾𑌰𑍍𑌗𑍈𑌃 ॥ 1 ॥
𑌶𑌾𑌰𑍍𑌦𑍂𑌰𑌸𑌿𑌂𑌹𑌾𑌵𑌿𑌵𑌜𑌾𑌤𑌦𑌰𑍍𑌪𑍌𑌗𑌜𑍇𑌂𑌦𑍍𑌰𑌪𑍋𑌤𑌾𑌵𑌿𑌵𑌸𑌂𑌪𑍍𑌰𑌯𑍁𑌕𑍍𑌤𑍌 ।
𑌸𑌂𑌹𑌤𑍍𑌯𑌚𑌾𑌪𑍀𑌡𑍍𑌯𑌚𑌤𑌾𑌵𑍁𑌰𑍋𑌭𑍍𑌯𑌾𑌂𑌨𑌿𑌪𑍇𑌤𑌤𑍁𑌰𑍍𑌵𑍈𑌯𑍁𑌗𑌪𑌦𑍍𑌧𑌰𑌣𑍍𑌯𑌾𑌮𑍍 ॥ 1 ॥
𑌉𑌦𑍍𑌯𑌮𑍍𑌯𑌚𑌾𑌨𑍍𑌯𑍋𑌨𑍍𑌯𑌮𑌧𑌿𑌕𑍍𑌷𑌿𑌪𑌂𑌤𑍌𑌸𑌂𑌚𑌕𑍍𑌰𑌮𑌾𑌤𑍇𑌬𑌹𑍁𑌯𑍁𑌦𑍍𑌧𑌮𑌾𑌰𑍍𑌗𑍇𑌃 ।
𑌵𑍍𑌯𑌾𑌯𑌾𑌮𑌶𑌿𑌕𑍍𑌷𑌾𑌬𑌲𑌸𑌂𑌪𑍍𑌰𑌯𑍁𑌕𑍍𑌤𑍌𑌕𑍍𑌲𑌮𑌂𑌨𑌤𑍌𑌜𑌗𑍍𑌮𑌤𑍁𑌰𑌾𑌶𑍁𑌵𑍀𑌰𑍌 ॥ 20 ॥
𑌬𑌾𑌹𑍂𑌤𑍍𑌤𑌮𑍈𑌰𑍍𑌵𑌾𑌰𑌣𑌵𑌾𑌰𑌣𑌾𑌭𑍈𑌰𑍍𑌨𑌿𑌵𑌾𑌰𑌯𑌂𑌤𑍌𑌵𑌰𑌵𑌾𑌰𑌣𑌾𑌭𑍌 ।
𑌚𑌿𑌰𑍇𑌣𑌕𑌾𑌲𑍇𑌨𑌤𑍁𑌸𑌂𑌪𑍍𑌰𑌯𑍁𑌕𑍍𑌤𑍌𑌸𑌂𑌚𑍇𑌰𑌤𑍁𑌰𑍍𑌮𑌂𑌡𑌲𑌮𑌾𑌰𑍍𑌗𑌮𑌾𑌶𑍁 ॥ 21 ॥
𑌤𑍌𑌪𑌰𑌸𑍍𑌪𑌰𑌮𑌾𑌸𑌾𑌦𑍍𑌯𑌯𑌤𑍍𑌤𑌾𑌵𑌨𑍍𑌯𑍋𑌨𑍍𑌯𑌸𑍂𑌦𑌨𑍇 ।
𑌮𑌾𑌰𑍍𑌜𑌾𑌰𑌾𑌵𑌿𑌵𑌭𑌕𑍍𑌷𑍍𑌯𑌾𑌰𑍍𑌥𑍇𑌽𑌵𑌿𑌤𑌸𑍍𑌥𑌾𑌤𑍇𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 22 ॥
𑌮𑌂𑌡𑌲𑌾𑌨𑌿𑌵𑌿𑌚𑌿𑌤𑍍𑌰𑌾𑌣𑌿𑌸𑍍𑌥𑌾𑌨𑌾𑌨𑌿𑌵𑌿𑌵𑌿𑌧𑌾𑌨𑌿𑌚 ।
𑌮𑍂𑌤𑍍𑌰𑌕𑌾𑌣𑌿𑌚𑌿𑌤𑍍𑌰𑌾𑌣𑌿𑌗𑌤𑌪𑍍𑌰𑌤𑍍𑌯𑌾𑌗𑌤𑌾𑌨𑌿𑌚 ॥ 23 ॥
𑌤𑌿𑌰𑌚𑍍𑌶𑍀𑌨𑌗𑌤𑌾𑌨𑍍𑌯𑍇𑌵𑌤𑌥𑌾𑌵𑌕𑍍𑌰𑌗𑌤𑌾𑌨𑌿𑌚 ।
𑌪𑌰𑌿𑌮𑍋𑌕𑍍𑌷𑌂𑌪𑍍𑌰𑌹𑌾𑌰𑌾𑌣𑌾𑌂𑌵𑌰𑍍𑌜𑌨𑌂𑌪𑌰𑌿𑌧𑌾𑌵𑌨𑌮𑍍 ॥ 24 ॥
𑌅𑌭𑌿𑌦𑍍𑌰𑌵𑌣𑌮𑌾𑌪𑍍𑌲𑌾𑌵𑌮𑌾𑌵𑌸𑍍𑌥𑌾𑌨𑌂𑌸𑌵𑌿𑌗𑍍𑌰𑌹𑌮𑍍 ।
𑌪𑌰𑌾𑌵𑍃𑌤𑍍𑌤𑌮𑌪𑌾𑌵𑍃𑌤𑍍𑌤𑌮𑌪𑌦𑍍𑌰𑍁𑌤𑌮𑌵𑌪𑍍𑌲𑍁𑌤𑌮𑍍 ॥ 25 ॥
𑌉𑌪𑌨𑍍𑌯𑌸𑍍𑌤𑌪𑌮𑌨𑍍𑌯𑌸𑍍𑌤𑌂𑌯𑍁𑌦𑍍𑌧𑌮𑌾𑌰𑍍𑌗𑌵𑌿𑌶𑌾𑌰𑌦𑍌 ।
𑌤𑍌𑌸𑌂𑌚𑍇𑌚𑍇𑌰𑌤𑍁𑌰𑌨𑍍𑌯𑍋𑌨𑍍𑌯𑌂𑌵𑌾𑌨𑌰𑍇𑌂𑌦𑍍𑌰𑌶𑍍𑌚𑌰𑌾𑌵𑌣𑌃 ॥ 26 ॥
𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇𑌰𑌕𑍍𑌷𑍋𑌮𑌾𑌯𑌾𑌬𑌲𑌮𑌥𑌾𑌤𑍍𑌮𑌨𑌃 ।
𑌆𑌰𑌬𑍍𑌧𑍁𑌮𑍁𑌪𑌸𑌂𑌪𑍇𑌦𑍇𑌜𑍍𑌞𑌾𑌤𑍍𑌵𑌾𑌤𑌂𑌵𑌾𑌨𑌰𑌾𑌧𑌿𑌪𑌃 ॥ 2 ॥
𑌉𑌤𑍍𑌪𑌪𑌾𑌤𑌤𑌦𑌾𑌕𑌾𑌶𑌂𑌜𑌿𑌤𑌕𑌾𑌶𑍀𑌜𑌿𑌤𑌕𑍍𑌲𑌮𑌃 ।
𑌰𑌾𑌵𑌣𑌃𑌸𑍍𑌥𑌿𑌤𑌏𑌵𑌾𑌤𑍍𑌰𑌹𑌰𑌿𑌰𑌾𑌜𑍇𑌵𑌵𑌂𑌚𑌿𑌤𑌃 ॥ 2 ॥
𑌅𑌥𑌹𑌰𑌿𑌵𑌰𑌨𑌾𑌥𑌃𑌪𑍍𑌰𑌾𑌪𑍍𑌯𑌸𑌂𑌗𑍍𑌰𑌾𑌮𑌕𑍀𑌰𑍍𑌤𑌿𑌂𑌨𑌿𑌶𑌿𑌚𑌰𑌪𑌤𑌿𑌮𑌾𑌜𑍌𑌯𑍋𑌜𑌯𑌿𑌤𑍍𑌵𑌾𑌶𑍍𑌰𑌮𑍇𑌣 ।
𑌗𑌗𑌨𑌮𑌤𑌿𑌵𑌿𑌶𑌾𑌲𑌂𑌲𑌂𑌘𑌯𑌿𑌤𑍍𑌵𑌾𑌰𑍍𑌕𑌸𑍂𑌨𑍁𑌰𑍍𑌹𑌰𑌿𑌗𑌣𑌮𑌧𑍍𑌯𑍇𑌰𑌾𑌮𑌪𑌾𑌰𑍍𑌶𑍍𑌵𑌂𑌜𑌗𑌾𑌮 ॥ 2 ॥
𑌇𑌤𑌿𑌸𑌸𑌵𑌿𑌤𑍃𑌸𑍂𑌨𑍁𑌸𑍍𑌤𑌤𑍍𑌰𑌤𑌤𑍍𑌕𑌰𑍍𑌮𑌕𑍃𑌤𑍍𑌵𑌾𑌪𑌵𑌨𑌗𑌤𑌿𑌰𑌨𑍀𑌕𑌂𑌪𑍍𑌰𑌾𑌵𑌿𑌶𑌤𑍍𑌸𑌸𑌂𑌪𑍍𑌰𑌹𑍃𑌷𑍍𑌟𑌃 ।
𑌰𑌘𑍁𑌵𑌰𑌨𑍃𑌪𑌸𑍂𑌨𑍋𑌦𑍍𑌵𑌰𑍍𑌧𑌯𑌨𑍍𑌯𑍁𑌦𑍍𑌧𑌹𑌰𑍍𑌷𑌂𑌤𑌰𑍁𑌮𑍃𑌗𑌗𑌣𑌮𑍁𑌖𑍍𑌯𑍈𑌃𑌪𑍂𑌜𑍍𑌯𑌮𑌾𑌨𑍋𑌹𑌰𑍀𑌂𑌦𑍍𑌰𑌃 ॥ 30 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
