ශ්රීමද්වාල්මීකීය රාමායණේ යුද්ධකාංඩම් ।
අථ චත්වාරිංශස්සර්ගඃ ।
තතෝරාමස්සුවේලාග්රංයෝජනද්වයමංඩලම් ।
අරුරෝහසසුග්රීවෝහරියූධපසම්වෘතඃ ॥ 1 ॥
ස්ථිත්වාමුහූර්තංතත්රෛවදිශෝදශවිලෝකයන් ।
ත්රිකූටශිඛරේරම්යේනිර්මිතාංවිශ්වකර්මණා ॥ 2 ॥
දදර්ශලංකාංසුන්යස්තාංරම්යකානනශෝභිතාම් ।
තස්යාංගෝපුරශෘංගස්ථංරාක්ෂසේංද්රංදුරාසදම් ॥ 3 ॥
ශ්වේතචාමරපර්යංතංවිජයච්ඡත්රශෝභිතම් ।
රක්තචංදනසංලිප්තංරත්නාභරණභූෂිතම් ॥ 4 ॥
නීලජීමූතසංකාශංහේමසංඡාදිතාංබරම් ।
ඓරාවතවිෂාණාග්රෛරුත්කෘෂ්ටකිණවක්ෂසම් ॥ 5 ॥
ශශලෝහිතරාගේණසංවීතංරක්තවාසසා ।
සංධ්යාතපේනසංවීතංමේඝරාශිමිවාංබරේ ॥ 6 ॥
පශ්යතාංවානරේංද්රාණාංරාඝවස්යාපිපශ්යතඃ ।
දර්ශනාද්රාක්ෂසේංද්රස්යසුග්රීවස්සහසෝත්ථිතඃ ॥ 7 ॥
ක්රෝධවේගේනසංයුක්තස්සත්ත්වේනචබලේනච ।
අචලාග්රාදථෝත්ථායපුප්ලුවේගෝපුරස්ථලේ ॥ 8 ॥
ස්ථිත්වාමුහූර්තංසංප්රේක්ෂ්යනිර්භයේනාංතරාත්මනා ।
තෘණීකෘත්යචතද්රක්ෂස්සෝऽබ්රවීත්පරුෂංවචඃ ॥ 9 ॥
ලෝකනාථස්යරාමස්යසඛාදාසෝऽස්මිරාක්ෂස ।
නමයාමෝක්ෂ්යසේऽද්යත්වංපාර්ථිවේංද්රස්යතේජසා ॥ 10 ॥
ඉත්යුක්ත්වාසහසෝත්පත්යපුප්ලුවේතස්යචෝපරි ।
ආකෘෂ්යමුකුටංචිත්රංපාතයිත්වාऽපතද්භුවි ॥ 11 ॥
සමීක්ෂ්යතූර්ණමායාංතමබභාෂේනිශාචරඃ ।
සුග්රීවස්ත්වපරෝක්ෂං මේහීනග්රීවෝභවිෂ්යසි ॥ 12 ॥
ඉත්යුක්ත්වෝත්ථායතංක්ෂිප්රංබාහුභ්යාමාක්ෂිපත්තලේ ।
කංතුවත්තංසමුත්ථායබාහුභ්යාමාක්ෂිපද්ධරි ॥ 13 ॥
පරස්පරංස්වේදවිදග්ධගාත්රෞපරස්පරංශෝණිතදිග්ධදේහෞ ।
පරස්පරංලශිෂ්ටනිරුද්ධචේෂ්ටෞපරස්පරංශාල්මලිකිංශුකෞයධා ॥ 14 ॥
මුෂ්ටිප්රහාරෛශ්චතලප්රහාරෛරරත්නිඝාතෛශ්චකරාග්රඝාතෛඃ ।
තෞචක්රතුර්යුද්ධමසහ්යරූපංමහාබලෞරාක්ෂසවානරේංද්රෞ ॥ 15 ॥
කෘත්වානියුද්ධංභෘශමුග්රවේගෞකාලංචිර, ගෝපුරවේදිමධ්යේ ।
උත්ක්ෂිප්යචෝත්ක්ෂිප්යවිනම්යදේහෞපාදක්රමාද්ගෝපුරවේදිලග්නෞ ॥ 16 ॥
අන්යෝන්යමාවිධ්යවේදිලග්නෞතෞපේතතුස්සාලනිඛාතමධ්යේ ।
උත්පේතතුර්භූතලමස්පෘශංතෞස්ථිත්වාමුහූර්තංත්වභිනිශ්ශ්වසංතෞ ॥ 17 ॥
ආලිඞ් ග්යචාලිඞ් ග්යචබාහුයෝක්ස්රෛස්සංයෝජයාමාසතුරාහවේතෞ ।
සම්රංභශික්ෂාබලසංප්රයුක්තෞසංචේරතුස්සංප්රතියුද්ධමාර්ගෛඃ ॥ 18 ॥
ශාර්දූරසිංහාවිවජාතදර්පෞගජේංද්රපෝතාවිවසංප්රයුක්තෞ ।
සංහත්යචාපීඩ්යචතාවුරෝභ්යාංනිපේතතුර්වෛයුගපද්ධරණ්යාම් ॥ 19 ॥
උද්යම්යචාන්යෝන්යමධික්ෂිපංතෞසංචක්රමාතේබහුයුද්ධමාර්ගේඃ ।
ව්යායාමශික්ෂාබලසංප්රයුක්තෞක්ලමංනතෞජග්මතුරාශුවීරෞ ॥ 20 ॥
බාහූත්තමෛර්වාරණවාරණාභෛර්නිවාරයංතෞවරවාරණාභෞ ।
චිරේණකාලේනතුසංප්රයුක්තෞසංචේරතුර්මංඩලමාර්ගමාශු ॥ 21 ॥
තෞපරස්පරමාසාද්යයත්තාවන්යෝන්යසූදනේ ।
මාර්ජාරාවිවභක්ෂ්යාර්ථේऽවිතස්ථාතේමුහුර්මුහුඃ ॥ 22 ॥
මංඩලානිවිචිත්රාණිස්ථානානිවිවිධානිච ।
මූත්රකාණිචිත්රාණිගතප්රත්යාගතානිච ॥ 23 ॥
තිරච්ශීනගතාන්යේවතථාවක්රගතානිච ।
පරිමෝක්ෂංප්රහාරාණාංවර්ජනංපරිධාවනම් ॥ 24 ॥
අභිද්රවණමාප්ලාවමාවස්ථානංසවිග්රහම් ।
පරාවෘත්තමපාවෘත්තමපද්රුතමවප්ලුතම් ॥ 25 ॥
උපන්යස්තපමන්යස්තංයුද්ධමාර්ගවිශාරදෞ ।
තෞසංචේචේරතුරන්යෝන්යංවානරේංද්රශ්චරාවණඃ ॥ 26 ॥
ඒතස්මින්නංතරේරක්ෂෝමායාබලමථාත්මනඃ ।
ආරබ්ධුමුපසංපේදේජ්ඤාත්වාතංවානරාධිපඃ ॥ 27 ॥
උත්පපාතතදාකාශංජිතකාශීජිතක්ලමඃ ।
රාවණඃස්ථිතඒවාත්රහරිරාජේවවංචිතඃ ॥ 28 ॥
අථහරිවරනාථඃප්රාප්යසංග්රාමකීර්තිංනිශිචරපතිමාජෞයෝජයිත්වාශ්රමේණ ।
ගගනමතිවිශාලංලංඝයිත්වාර්කසූනුර්හරිගණමධ්යේරාමපාර්ශ්වංජගාම ॥ 29 ॥
ඉතිසසවිතෘසූනුස්තත්රතත්කර්මකෘත්වාපවනගතිරනීකංප්රාවිශත්සසංප්රහෘෂ්ටඃ ।
රඝුවරනෘපසූනෝද්වර්ධයන්යුද්ධහර්ෂංතරුමෘගගණමුඛ්යෛඃපූජ්යමානෝහරීංද්රඃ ॥ 30 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චත්වාරිංශස්සර්ගඃ ॥
