śrīmadvālmīkīya rāmāyaṇē yuddhakāṇḍam ।
atha chatvāriṃśassargaḥ ।
tatōrāmassuvēlāgraṃyōjanadvayamaṇḍalam ।
arurōhasasugrīvōhariyūdhapasamvṛtaḥ ॥ 1 ॥
sthitvāmuhūrtantatraivadiśōdaśavilōkayan ।
trikūṭaśikharēramyēnirmitāṃviśvakarmaṇā ॥ 2 ॥
dadarśalaṅkāṃsunyastāṃramyakānanaśōbhitām ।
tasyāṅgōpuraśṛṅgasthaṃrākṣasēndrandurāsadam ॥ 3 ॥
śvētachāmaraparyantaṃvijayachChatraśōbhitam ।
raktachandanasaṃliptaṃratnābharaṇabhūṣitam ॥ 4 ॥
nīlajīmūtasaṅkāśaṃhēmasañChāditāmbaram ।
airāvataviṣāṇāgrairutkṛṣṭakiṇavakṣasam ॥ 5 ॥
śaśalōhitarāgēṇasaṃvītaṃraktavāsasā ।
sandhyātapēnasaṃvītammēgharāśimivāmbarē ॥ 6 ॥
paśyatāṃvānarēndrāṇāṃrāghavasyāpipaśyataḥ ।
darśanādrākṣasēndrasyasugrīvassahasōtthitaḥ ॥ 7 ॥
krōdhavēgēnasaṃyuktassattvēnachabalēnacha ।
achalāgrādathōtthāyapupluvēgōpurasthalē ॥ 8 ॥
sthitvāmuhūrtaṃsamprēkṣyanirbhayēnāntarātmanā ।
tṛṇīkṛtyachatadrakṣassō'bravītparuṣaṃvachaḥ ॥ 9 ॥
lōkanāthasyarāmasyasakhādāsō'smirākṣasa ।
namayāmōkṣyasē'dyatvampārthivēndrasyatējasā ॥ 10 ॥
ityuktvāsahasōtpatyapupluvētasyachōpari ।
ākṛṣyamukuṭañchitrampātayitvā'patadbhuvi ॥ 11 ॥
samīkṣyatūrṇamāyāntamababhāṣēniśācharaḥ ।
sugrīvastvaparōkṣaṃ mēhīnagrīvōbhaviṣyasi ॥ 12 ॥
ityuktvōtthāyataṅkṣiprambāhubhyāmākṣipattalē ।
kantuvattaṃsamutthāyabāhubhyāmākṣipaddhari ॥ 13 ॥
parasparaṃsvēdavidagdhagātrauparasparaṃśōṇitadigdhadēhau ।
parasparaṃlaśiṣṭaniruddhachēṣṭauparasparaṃśālmalikiṃśukauyadhā ॥ 14 ॥
muṣṭiprahāraiśchatalaprahārairaratnighātaiśchakarāgraghātaiḥ ।
tauchakraturyuddhamasahyarūpammahābalaurākṣasavānarēndrau ॥ 15 ॥
kṛtvāniyuddhambhṛśamugravēgaukālañchira, gōpuravēdimadhyē ।
utkṣipyachōtkṣipyavinamyadēhaupādakramādgōpuravēdilagnau ॥ 16 ॥
anyōnyamāvidhyavēdilagnautaupētatussālanikhātamadhyē ।
utpētaturbhūtalamaspṛśantausthitvāmuhūrtantvabhiniśśvasantau ॥ 17 ॥
āliṅ gyachāliṅ gyachabāhuyōksraissaṃyōjayāmāsaturāhavētau ।
samrambhaśikṣābalasamprayuktausañchēratussampratiyuddhamārgaiḥ ॥ 18 ॥
śārdūrasiṃhāvivajātadarpaugajēndrapōtāvivasamprayuktau ।
saṃhatyachāpīḍyachatāvurōbhyānnipētaturvaiyugapaddharaṇyām ॥ 19 ॥
udyamyachānyōnyamadhikṣipantausañchakramātēbahuyuddhamārgēḥ ।
vyāyāmaśikṣābalasamprayuktauklamannataujagmaturāśuvīrau ॥ 20 ॥
bāhūttamairvāraṇavāraṇābhairnivārayantauvaravāraṇābhau ।
chirēṇakālēnatusamprayuktausañchēraturmaṇḍalamārgamāśu ॥ 21 ॥
tauparasparamāsādyayattāvanyōnyasūdanē ।
mārjārāvivabhakṣyārthē'vitasthātēmuhurmuhuḥ ॥ 22 ॥
maṇḍalānivichitrāṇisthānānivividhānicha ।
mūtrakāṇichitrāṇigatapratyāgatānicha ॥ 23 ॥
tirachśīnagatānyēvatathāvakragatānicha ।
parimōkṣamprahārāṇāṃvarjanamparidhāvanam ॥ 24 ॥
abhidravaṇamāplāvamāvasthānaṃsavigraham ।
parāvṛttamapāvṛttamapadrutamavaplutam ॥ 25 ॥
upanyastapamanyastaṃyuddhamārgaviśāradau ।
tausañchēchēraturanyōnyaṃvānarēndraścharāvaṇaḥ ॥ 26 ॥
ētasminnantarērakṣōmāyābalamathātmanaḥ ।
ārabdhumupasampēdējñātvātaṃvānarādhipaḥ ॥ 27 ॥
utpapātatadākāśañjitakāśījitaklamaḥ ।
rāvaṇaḥsthitaēvātraharirājēvavañchitaḥ ॥ 28 ॥
athaharivaranāthaḥprāpyasaṅgrāmakīrtinniśicharapatimājauyōjayitvāśramēṇa ।
gaganamativiśālaṃlaṅghayitvārkasūnurharigaṇamadhyērāmapārśvañjagāma ॥ 29 ॥
itisasavitṛsūnustatratatkarmakṛtvāpavanagatiranīkamprāviśatsasamprahṛṣṭaḥ ।
raghuvaranṛpasūnōdvardhayanyuddhaharṣantarumṛgagaṇamukhyaiḥpūjyamānōharīndraḥ ॥ 30 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē chatvāriṃśassargaḥ ॥
