ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಚತ್ವಾರಿಂಶಸ್ಸರ್ಗಃ ।
ತತೋರಾಮಸ್ಸುವೇಲಾಗ್ರಂಯೋಜನದ್ವಯಮಣ್ಡಲಮ್ ।
ಅರುರೋಹಸಸುಗ್ರೀವೋಹರಿಯೂಧಪಸಮ್ವೃತಃ ॥ 1 ॥
ಸ್ಥಿತ್ವಾಮುಹೂರ್ತನ್ತತ್ರೈವದಿಶೋದಶವಿಲೋಕಯನ್ ।
ತ್ರಿಕೂಟಶಿಖರೇರಮ್ಯೇನಿರ್ಮಿತಾಂವಿಶ್ವಕರ್ಮಣಾ ॥ 2 ॥
ದದರ್ಶಲಙ್ಕಾಂಸುನ್ಯಸ್ತಾಂರಮ್ಯಕಾನನಶೋಭಿತಾಮ್ ।
ತಸ್ಯಾಙ್ಗೋಪುರಶೃಙ್ಗಸ್ಥಂರಾಕ್ಷಸೇನ್ದ್ರನ್ದುರಾಸದಮ್ ॥ 3 ॥
ಶ್ವೇತಚಾಮರಪರ್ಯನ್ತಂವಿಜಯಚ್ಛತ್ರಶೋಭಿತಮ್ ।
ರಕ್ತಚನ್ದನಸಂಲಿಪ್ತಂರತ್ನಾಭರಣಭೂಷಿತಮ್ ॥ 4 ॥
ನೀಲಜೀಮೂತಸಙ್ಕಾಶಂಹೇಮಸಞ್ಛಾದಿತಾಮ್ಬರಮ್ ।
ಐರಾವತವಿಷಾಣಾಗ್ರೈರುತ್ಕೃಷ್ಟಕಿಣವಕ್ಷಸಮ್ ॥ 5 ॥
ಶಶಲೋಹಿತರಾಗೇಣಸಂವೀತಂರಕ್ತವಾಸಸಾ ।
ಸನ್ಧ್ಯಾತಪೇನಸಂವೀತಮ್ಮೇಘರಾಶಿಮಿವಾಮ್ಬರೇ ॥ 6 ॥
ಪಶ್ಯತಾಂವಾನರೇನ್ದ್ರಾಣಾಂರಾಘವಸ್ಯಾಪಿಪಶ್ಯತಃ ।
ದರ್ಶನಾದ್ರಾಕ್ಷಸೇನ್ದ್ರಸ್ಯಸುಗ್ರೀವಸ್ಸಹಸೋತ್ಥಿತಃ ॥ 7 ॥
ಕ್ರೋಧವೇಗೇನಸಂಯುಕ್ತಸ್ಸತ್ತ್ವೇನಚಬಲೇನಚ ।
ಅಚಲಾಗ್ರಾದಥೋತ್ಥಾಯಪುಪ್ಲುವೇಗೋಪುರಸ್ಥಲೇ ॥ 8 ॥
ಸ್ಥಿತ್ವಾಮುಹೂರ್ತಂಸಮ್ಪ್ರೇಕ್ಷ್ಯನಿರ್ಭಯೇನಾನ್ತರಾತ್ಮನಾ ।
ತೃಣೀಕೃತ್ಯಚತದ್ರಕ್ಷಸ್ಸೋಽಬ್ರವೀತ್ಪರುಷಂವಚಃ ॥ 9 ॥
ಲೋಕನಾಥಸ್ಯರಾಮಸ್ಯಸಖಾದಾಸೋಽಸ್ಮಿರಾಕ್ಷಸ ।
ನಮಯಾಮೋಕ್ಷ್ಯಸೇಽದ್ಯತ್ವಮ್ಪಾರ್ಥಿವೇನ್ದ್ರಸ್ಯತೇಜಸಾ ॥ 10 ॥
ಇತ್ಯುಕ್ತ್ವಾಸಹಸೋತ್ಪತ್ಯಪುಪ್ಲುವೇತಸ್ಯಚೋಪರಿ ।
ಆಕೃಷ್ಯಮುಕುಟಞ್ಚಿತ್ರಮ್ಪಾತಯಿತ್ವಾಽಪತದ್ಭುವಿ ॥ 11 ॥
ಸಮೀಕ್ಷ್ಯತೂರ್ಣಮಾಯಾನ್ತಮಬಭಾಷೇನಿಶಾಚರಃ ।
ಸುಗ್ರೀವಸ್ತ್ವಪರೋಕ್ಷಂ ಮೇಹೀನಗ್ರೀವೋಭವಿಷ್ಯಸಿ ॥ 12 ॥
ಇತ್ಯುಕ್ತ್ವೋತ್ಥಾಯತಙ್ಕ್ಷಿಪ್ರಮ್ಬಾಹುಭ್ಯಾಮಾಕ್ಷಿಪತ್ತಲೇ ।
ಕನ್ತುವತ್ತಂಸಮುತ್ಥಾಯಬಾಹುಭ್ಯಾಮಾಕ್ಷಿಪದ್ಧರಿ ॥ 13 ॥
ಪರಸ್ಪರಂಸ್ವೇದವಿದಗ್ಧಗಾತ್ರೌಪರಸ್ಪರಂಶೋಣಿತದಿಗ್ಧದೇಹೌ ।
ಪರಸ್ಪರಂಲಶಿಷ್ಟನಿರುದ್ಧಚೇಷ್ಟೌಪರಸ್ಪರಂಶಾಲ್ಮಲಿಕಿಂಶುಕೌಯಧಾ ॥ 14 ॥
ಮುಷ್ಟಿಪ್ರಹಾರೈಶ್ಚತಲಪ್ರಹಾರೈರರತ್ನಿಘಾತೈಶ್ಚಕರಾಗ್ರಘಾತೈಃ ।
ತೌಚಕ್ರತುರ್ಯುದ್ಧಮಸಹ್ಯರೂಪಮ್ಮಹಾಬಲೌರಾಕ್ಷಸವಾನರೇನ್ದ್ರೌ ॥ 15 ॥
ಕೃತ್ವಾನಿಯುದ್ಧಮ್ಭೃಶಮುಗ್ರವೇಗೌಕಾಲಞ್ಚಿರ, ಗೋಪುರವೇದಿಮಧ್ಯೇ ।
ಉತ್ಕ್ಷಿಪ್ಯಚೋತ್ಕ್ಷಿಪ್ಯವಿನಮ್ಯದೇಹೌಪಾದಕ್ರಮಾದ್ಗೋಪುರವೇದಿಲಗ್ನೌ ॥ 16 ॥
ಅನ್ಯೋನ್ಯಮಾವಿಧ್ಯವೇದಿಲಗ್ನೌತೌಪೇತತುಸ್ಸಾಲನಿಖಾತಮಧ್ಯೇ ।
ಉತ್ಪೇತತುರ್ಭೂತಲಮಸ್ಪೃಶನ್ತೌಸ್ಥಿತ್ವಾಮುಹೂರ್ತನ್ತ್ವಭಿನಿಶ್ಶ್ವಸನ್ತೌ ॥ 17 ॥
ಆಲಿಙ್ ಗ್ಯಚಾಲಿಙ್ ಗ್ಯಚಬಾಹುಯೋಕ್ಸ್ರೈಸ್ಸಂಯೋಜಯಾಮಾಸತುರಾಹವೇತೌ ।
ಸಮ್ರಮ್ಭಶಿಕ್ಷಾಬಲಸಮ್ಪ್ರಯುಕ್ತೌಸಞ್ಚೇರತುಸ್ಸಮ್ಪ್ರತಿಯುದ್ಧಮಾರ್ಗೈಃ ॥ 18 ॥
ಶಾರ್ದೂರಸಿಂಹಾವಿವಜಾತದರ್ಪೌಗಜೇನ್ದ್ರಪೋತಾವಿವಸಮ್ಪ್ರಯುಕ್ತೌ ।
ಸಂಹತ್ಯಚಾಪೀಡ್ಯಚತಾವುರೋಭ್ಯಾನ್ನಿಪೇತತುರ್ವೈಯುಗಪದ್ಧರಣ್ಯಾಮ್ ॥ 19 ॥
ಉದ್ಯಮ್ಯಚಾನ್ಯೋನ್ಯಮಧಿಕ್ಷಿಪನ್ತೌಸಞ್ಚಕ್ರಮಾತೇಬಹುಯುದ್ಧಮಾರ್ಗೇಃ ।
ವ್ಯಾಯಾಮಶಿಕ್ಷಾಬಲಸಮ್ಪ್ರಯುಕ್ತೌಕ್ಲಮನ್ನತೌಜಗ್ಮತುರಾಶುವೀರೌ ॥ 20 ॥
ಬಾಹೂತ್ತಮೈರ್ವಾರಣವಾರಣಾಭೈರ್ನಿವಾರಯನ್ತೌವರವಾರಣಾಭೌ ।
ಚಿರೇಣಕಾಲೇನತುಸಮ್ಪ್ರಯುಕ್ತೌಸಞ್ಚೇರತುರ್ಮಣ್ಡಲಮಾರ್ಗಮಾಶು ॥ 21 ॥
ತೌಪರಸ್ಪರಮಾಸಾದ್ಯಯತ್ತಾವನ್ಯೋನ್ಯಸೂದನೇ ।
ಮಾರ್ಜಾರಾವಿವಭಕ್ಷ್ಯಾರ್ಥೇಽವಿತಸ್ಥಾತೇಮುಹುರ್ಮುಹುಃ ॥ 22 ॥
ಮಣ್ಡಲಾನಿವಿಚಿತ್ರಾಣಿಸ್ಥಾನಾನಿವಿವಿಧಾನಿಚ ।
ಮೂತ್ರಕಾಣಿಚಿತ್ರಾಣಿಗತಪ್ರತ್ಯಾಗತಾನಿಚ ॥ 23 ॥
ತಿರಚ್ಶೀನಗತಾನ್ಯೇವತಥಾವಕ್ರಗತಾನಿಚ ।
ಪರಿಮೋಕ್ಷಮ್ಪ್ರಹಾರಾಣಾಂವರ್ಜನಮ್ಪರಿಧಾವನಮ್ ॥ 24 ॥
ಅಭಿದ್ರವಣಮಾಪ್ಲಾವಮಾವಸ್ಥಾನಂಸವಿಗ್ರಹಮ್ ।
ಪರಾವೃತ್ತಮಪಾವೃತ್ತಮಪದ್ರುತಮವಪ್ಲುತಮ್ ॥ 25 ॥
ಉಪನ್ಯಸ್ತಪಮನ್ಯಸ್ತಂಯುದ್ಧಮಾರ್ಗವಿಶಾರದೌ ।
ತೌಸಞ್ಚೇಚೇರತುರನ್ಯೋನ್ಯಂವಾನರೇನ್ದ್ರಶ್ಚರಾವಣಃ ॥ 26 ॥
ಏತಸ್ಮಿನ್ನನ್ತರೇರಕ್ಷೋಮಾಯಾಬಲಮಥಾತ್ಮನಃ ।
ಆರಬ್ಧುಮುಪಸಮ್ಪೇದೇಜ್ಞಾತ್ವಾತಂವಾನರಾಧಿಪಃ ॥ 27 ॥
ಉತ್ಪಪಾತತದಾಕಾಶಞ್ಜಿತಕಾಶೀಜಿತಕ್ಲಮಃ ।
ರಾವಣಃಸ್ಥಿತಏವಾತ್ರಹರಿರಾಜೇವವಞ್ಚಿತಃ ॥ 28 ॥
ಅಥಹರಿವರನಾಥಃಪ್ರಾಪ್ಯಸಙ್ಗ್ರಾಮಕೀರ್ತಿನ್ನಿಶಿಚರಪತಿಮಾಜೌಯೋಜಯಿತ್ವಾಶ್ರಮೇಣ ।
ಗಗನಮತಿವಿಶಾಲಂಲಙ್ಘಯಿತ್ವಾರ್ಕಸೂನುರ್ಹರಿಗಣಮಧ್ಯೇರಾಮಪಾರ್ಶ್ವಞ್ಜಗಾಮ ॥ 29 ॥
ಇತಿಸಸವಿತೃಸೂನುಸ್ತತ್ರತತ್ಕರ್ಮಕೃತ್ವಾಪವನಗತಿರನೀಕಮ್ಪ್ರಾವಿಶತ್ಸಸಮ್ಪ್ರಹೃಷ್ಟಃ ।
ರಘುವರನೃಪಸೂನೋದ್ವರ್ಧಯನ್ಯುದ್ಧಹರ್ಷನ್ತರುಮೃಗಗಣಮುಖ್ಯೈಃಪೂಜ್ಯಮಾನೋಹರೀನ್ದ್ರಃ ॥ 30 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಚತ್ವಾರಿಂಶಸ್ಸರ್ಗಃ ॥
