শ্রীমদ্বাল্মীকীয় রামাযণে যুদ্ধকাংডম্ ।
অথ চত্বারিংশস্সর্গঃ ।
ততোরামস্সুবেলাগ্রংয়োজনদ্বযমংডলম্ ।
অরুরোহসসুগ্রীবোহরিয়ূধপসম্বৃতঃ ॥ 1 ॥
স্থিত্বামুহূর্তংতত্রৈবদিশোদশবিলোকযন্ ।
ত্রিকূটশিখরেরম্য়েনির্মিতাংবিশ্বকর্মণা ॥ 2 ॥
দদর্শলংকাংসুন্যস্তাংরম্যকাননশোভিতাম্ ।
তস্য়াংগোপুরশৃংগস্থংরাক্ষসেংদ্রংদুরাসদম্ ॥ 3 ॥
শ্বেতচামরপর্য়ংতংবিজযচ্ছত্রশোভিতম্ ।
রক্তচংদনসংলিপ্তংরত্নাভরণভূষিতম্ ॥ 4 ॥
নীলজীমূতসংকাশংহেমসংছাদিতাংবরম্ ।
ঐরাবতবিষাণাগ্রৈরুত্কৃষ্টকিণবক্ষসম্ ॥ 5 ॥
শশলোহিতরাগেণসংবীতংরক্তবাসসা ।
সংধ্য়াতপেনসংবীতংমেঘরাশিমিবাংবরে ॥ 6 ॥
পশ্যতাংবানরেংদ্রাণাংরাঘবস্য়াপিপশ্যতঃ ।
দর্শনাদ্রাক্ষসেংদ্রস্যসুগ্রীবস্সহসোত্থিতঃ ॥ 7 ॥
ক্রোধবেগেনসংয়ুক্তস্সত্ত্বেনচবলেনচ ।
অচলাগ্রাদথোত্থাযপুপ্লুবেগোপুরস্থলে ॥ 8 ॥
স্থিত্বামুহূর্তংসংপ্রেক্ষ্যনির্ভয়েনাংতরাত্মনা ।
তৃণীকৃত্যচতদ্রক্ষস্সোঽব্রবীত্পরুষংবচঃ ॥ 9 ॥
লোকনাথস্যরামস্যসখাদাসোঽস্মিরাক্ষস ।
নময়ামোক্ষ্যসেঽদ্যত্বংপার্থিবেংদ্রস্যতেজসা ॥ 10 ॥
ইত্য়ুক্ত্বাসহসোত্পত্যপুপ্লুবেতস্যচোপরি ।
আকৃষ্যমুকুটংচিত্রংপাতয়িত্বাঽপতদ্ভুবি ॥ 11 ॥
সমীক্ষ্যতূর্ণমায়াংতমবভাষেনিশাচরঃ ।
সুগ্রীবস্ত্বপরোক্ষং মেহীনগ্রীবোভবিষ্যসি ॥ 12 ॥
ইত্য়ুক্ত্বোত্থাযতংক্ষিপ্রংবাহুভ্য়ামাক্ষিপত্তলে ।
কংতুবত্তংসমুত্থাযবাহুভ্য়ামাক্ষিপদ্ধরি ॥ 13 ॥
পরস্পরংস্বেদবিদগ্ধগাত্রৌপরস্পরংশোণিতদিগ্ধদেহৌ ।
পরস্পরংলশিষ্টনিরুদ্ধচেষ্টৌপরস্পরংশাল্মলিকিংশুকৌযধা ॥ 14 ॥
মুষ্টিপ্রহারৈশ্চতলপ্রহারৈররত্নিঘাতৈশ্চকরাগ্রঘাতৈঃ ।
তৌচক্রতুর্য়ুদ্ধমসহ্যরূপংমহাবলৌরাক্ষসবানরেংদ্রৌ ॥ 15 ॥
কৃত্বানিয়ুদ্ধংভৃশমুগ্রবেগৌকালংচির, গোপুরবেদিমধ্য়ে ।
উত্ক্ষিপ্যচোত্ক্ষিপ্যবিনম্যদেহৌপাদক্রমাদ্গোপুরবেদিলগ্নৌ ॥ 16 ॥
অন্য়োন্যমাবিধ্যবেদিলগ্নৌতৌপেততুস্সালনিখাতমধ্য়ে ।
উত্পেততুর্ভূতলমস্পৃশংতৌস্থিত্বামুহূর্তংত্বভিনিশ্শ্বসংতৌ ॥ 17 ॥
আলিঙ্ গ্যচালিঙ্ গ্যচবাহুয়োক্স্রৈস্সংয়োজয়ামাসতুরাহবেতৌ ।
সম্রংভশিক্ষাবলসংপ্রয়ুক্তৌসংচেরতুস্সংপ্রতিয়ুদ্ধমার্গৈঃ ॥ 18 ॥
শার্দূরসিংহাবিবজাতদর্পৌগজেংদ্রপোতাবিবসংপ্রয়ুক্তৌ ।
সংহত্যচাপীড্যচতাবুরোভ্য়াংনিপেততুর্বৈয়ুগপদ্ধরণ্য়াম্ ॥ 19 ॥
উদ্যম্যচান্য়োন্যমধিক্ষিপংতৌসংচক্রমাতেবহুয়ুদ্ধমার্গেঃ ।
ব্য়ায়ামশিক্ষাবলসংপ্রয়ুক্তৌক্লমংনতৌজগ্মতুরাশুবীরৌ ॥ 20 ॥
বাহূত্তমৈর্বারণবারণাভৈর্নিবারয়ংতৌবরবারণাভৌ ।
চিরেণকালেনতুসংপ্রয়ুক্তৌসংচেরতুর্মংডলমার্গমাশু ॥ 21 ॥
তৌপরস্পরমাসাদ্যযত্তাবন্য়োন্যসূদনে ।
মার্জারাবিবভক্ষ্য়ার্থেঽবিতস্থাতেমুহুর্মুহুঃ ॥ 22 ॥
মংডলানিবিচিত্রাণিস্থানানিবিবিধানিচ ।
মূত্রকাণিচিত্রাণিগতপ্রত্য়াগতানিচ ॥ 23 ॥
তিরচ্শীনগতান্য়েবতথাবক্রগতানিচ ।
পরিমোক্ষংপ্রহারাণাংবর্জনংপরিধাবনম্ ॥ 24 ॥
অভিদ্রবণমাপ্লাবমাবস্থানংসবিগ্রহম্ ।
পরাবৃত্তমপাবৃত্তমপদ্রুতমবপ্লুতম্ ॥ 25 ॥
উপন্যস্তপমন্যস্তংয়ুদ্ধমার্গবিশারদৌ ।
তৌসংচেচেরতুরন্য়োন্য়ংবানরেংদ্রশ্চরাবণঃ ॥ 26 ॥
এতস্মিন্নংতরেরক্ষোমায়াবলমথাত্মনঃ ।
আরব্ধুমুপসংপেদেজ্ঞাত্বাতংবানরাধিপঃ ॥ 27 ॥
উত্পপাততদাকাশংজিতকাশীজিতক্লমঃ ।
রাবণঃস্থিতএবাত্রহরিরাজেববংচিতঃ ॥ 28 ॥
অথহরিবরনাথঃপ্রাপ্যসংগ্রামকীর্তিংনিশিচরপতিমাজৌয়োজয়িত্বাশ্রমেণ ।
গগনমতিবিশালংলংঘয়িত্বার্কসূনুর্হরিগণমধ্য়েরামপার্শ্বংজগাম ॥ 29 ॥
ইতিসসবিতৃসূনুস্তত্রতত্কর্মকৃত্বাপবনগতিরনীকংপ্রাবিশত্সসংপ্রহৃষ্টঃ ।
রঘুবরনৃপসূনোদ্বর্ধযন্য়ুদ্ধহর্ষংতরুমৃগগণমুখ্য়ৈঃপূজ্যমানোহরীংদ্রঃ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে চত্বারিংশস্সর্গঃ ॥
