ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടമസ്സര്ഗഃ ।
തതോനീലാംബുദനിഭഃ പ്രഹസ്തോനാമരാക്ഷസഃ ।
അബ്രവീത്പ്രാംജലിർവാക്യംശൂരസ്സേനാപതിസ്തദാ ॥ 1 ॥
ദേവദാനവഗംധർവാഃപിശാചപതഗോരഗാഃ ।
നത്വാംധര്ഷയിതുംശക്യാഃകിംപുനർവാനരാരണേ ॥ 2 ॥
സർവേപ്രമത്താവിശ്വസ്താവംചിതാസ്സ്മഹനൂമതാ ।
നഹിമേജീവതോഗച്ഛേജ്ജീവന് സവനഗോചരഃ ॥ 3 ॥
സർവാംസാഗരപര്യംതാംസശൈലവനകാനനാമ് ।
കരോമ്യവാനരാംഭൂമിമാജ്ഞാപയതുമാംഭവാന് ॥ 4 ॥
രക്ഷാംചൈവവിധാസ്യാമിവാനരാദ്രജനീചര ।
നാഗമിഷ്യതിതേദുഃഖംകിംചിദാത്മാപരാധജമ് ॥ 5 ॥
അബ്രവീച്ചസുസംകൃദ്ധോദുര്മുഖോനാമരാക്ഷസഃ ।
ഇദംനക്ഷമണീയംഹിസർവേഷാംനഃപ്രധര്ഷണമ് ॥ 6 ॥
അയംപരിഭവോഭൂയഃപുരസ്യാംതഃപുരസ്യച ।
ശ്രീമതോരാക്ഷസേംദ്രസ്യവാനരേണപ്രധര്ഷണമ് ॥ 7 ॥
അസ്മിന് മുഹൂര്തേഗത്വൈകോനിവര്തിഷ്യാമിവാനരാന് ।
പ്രവിഷ്ടാന് സാഗരംഭീമമംബരംവാരസാതലമ് ॥ 8 ॥
തതോഽബ്രവീത്സുസംകൃദ്ധോവജ്രദംഷ്ട്രോമഹാബലഃ ।
പ്രഗൃഹ്യപരിഘംഘോരംമാംസശോണിതരൂഷിതമ് ॥ 9 ॥
കിംവോഹനുമതാകാര്യംകൃപണേനതപസ്വിനാ ।
രാമേതിഷ്ഠതിദുര്ധര്ഷേസസുഗ്രീവേഽപിസലക്ഷ്മണേ ॥ 10 ॥
അദ്യരാമംസസുഗ്രീവംപരിഘേണസലക്ഷ്മണമ് ।
ആഗമിഷ്യാമിഹത്വൈകോവിക്ഷോഭ്യഹരിവാഹിനീമ് ॥ 11 ॥
ഇദംമമാപരംവാക്യംശൃണുരാജന് യദീച്ഛസി ।
ഉപായകുശലോഹ്യേവജയേച്ഛത്രൂനതംദ്രിതഃ ॥ 12 ॥
കാമരൂപധരാശ്ശൂരാസ്സുഭീമാഭീമദര്ശനാഃ ।
രാക്ഷസാവൈസഹസ്രാണിരാക്ഷസാധിപനിശ്ചിതാഃ ॥ 13 ॥
കാകുത്സ്ഥമുപസംഗമ്യബിഭ്രതോമാനുഷംവപുഃ ।
സർവേഹ്യസംഭ്രമാഭൂത്വാബ്രുവംതുരഘുസത്തമമ് ॥ 14 ॥
പ്രേഷിതാഭരതേനൈവഭ്രാത്രാതവയവീയസാ ।
സഹിസേനാംസമുത്ഥാപ്യക്ഷിപ്രമേവോപയാസ്യതി ॥ 15 ॥
തതോവയമിതസ്തൂര്ണംശൂലശക്തിഗദാധരാഃ ।
ചാപബാണാസിഹസ്താശ്ചത്വരിതാസ്തത്രയാമഹേ ॥ 16 ॥
ആകാശേഗണശസ്ഥ്സിത്വാഹത്വാതാംഹരിവാഹിനീമ് ।
അശ്മശസ്ത്രമഹാവൃഷ്ട്യാപ്രാപയാമയമക്ഷയമ് ॥ 17 ॥
ഏവംചേദുപസര്പേതാമനയംരാമലക്ഷ്മണൌ ।
അവശ്യമപനീതേനജഹതാമേവജീവിതമ് ॥ 18 ॥
കൌംഭകര്ണിസ്തതോവീരോനികുംഭോനാമവീര്യവാന് ।
അബ്രവീത്പരമക്രുദ്ധോരാവണംലോകരാവണമ് ॥ 19 ॥
സർവേഭവംതസ്തിഷ്ഠംതുമഹാരാജേനസംഗതാഃ ।
അഹമേകോഹനിഷ്യാമിരാഘവംസഹലക്ഷ്മണമ് ॥ 20 ॥
സുഗ്രീവംചഹനൂമംതംസർവാംനേവചവാനരാന് ।
തതോവജ്രഹനുര്നാമരാക്ഷസഃപർവതോപമഃ ॥ 21 ॥
ക്രുദ്ധഃ പരിലിഹന്സൃക്കാംജിഹ്വയാവാക്യമബ്രവീത് ।
സ്വൈരംകുർവംതുകര്മാണിഭവംതോവിഗതജ്വരാഃ ॥ 22 ॥
ഏകോഽഹംഭക്ഷയിഷ്യാമിതാംസർവാംഹരിയൂഥപാന് ।
സ്വസ്ഥാഃക്രീഡംതുനിശ്ചിംതാഃപിബംതുമധുവാരുണീമ് ॥ 23 ॥
അഹമേകോവധിഷ്യാമിസുഗ്രീവംസഹലക്ഷ്മണമ് ।
സാംഗദംചഹനൂമംതംരാമംചരണകുംജരമ് ॥ 24 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടമസ്സര്ഗഃ ॥
