ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටමස්සර්ගඃ ।
තතෝනීලාංබුදනිභඃ ප්රහස්තෝනාමරාක්ෂසඃ ।
අබ්රවීත්ප්රාංජලිර්වාක්යංශූරස්සේනාපතිස්තදා ॥ 1 ॥
දේවදානවගංධර්වාඃපිශාචපතගෝරගාඃ ।
නත්වාංධර්ෂයිතුංශක්යාඃකිංපුනර්වානරාරණේ ॥ 2 ॥
සර්වේප්රමත්තාවිශ්වස්තාවංචිතාස්ස්මහනූමතා ।
නහිමේජීවතෝගච්ඡේජ්ජීවන් සවනගෝචරඃ ॥ 3 ॥
සර්වාංසාගරපර්යංතාංසශෛලවනකානනාම් ।
කරෝම්යවානරාංභූමිමාජ්ඤාපයතුමාංභවාන් ॥ 4 ॥
රක්ෂාංචෛවවිධාස්යාමිවානරාද්රජනීචර ।
නාගමිෂ්යතිතේදුඃඛංකිංචිදාත්මාපරාධජම් ॥ 5 ॥
අබ්රවීච්චසුසංකෘද්ධෝදුර්මුඛෝනාමරාක්ෂසඃ ।
ඉදංනක්ෂමණීයංහිසර්වේෂාංනඃප්රධර්ෂණම් ॥ 6 ॥
අයංපරිභවෝභූයඃපුරස්යාංතඃපුරස්යච ।
ශ්රීමතෝරාක්ෂසේංද්රස්යවානරේණප්රධර්ෂණම් ॥ 7 ॥
අස්මින් මුහූර්තේගත්වෛකෝනිවර්තිෂ්යාමිවානරාන් ।
ප්රවිෂ්ටාන් සාගරංභීමමංබරංවාරසාතලම් ॥ 8 ॥
තතෝऽබ්රවීත්සුසංකෘද්ධෝවජ්රදංෂ්ට්රෝමහාබලඃ ।
ප්රගෘහ්යපරිඝංඝෝරංමාංසශෝණිතරූෂිතම් ॥ 9 ॥
කිංවෝහනුමතාකාර්යංකෘපණේනතපස්විනා ।
රාමේතිෂ්ඨතිදුර්ධර්ෂේසසුග්රීවේऽපිසලක්ෂ්මණේ ॥ 10 ॥
අද්යරාමංසසුග්රීවංපරිඝේණසලක්ෂ්මණම් ।
ආගමිෂ්යාමිහත්වෛකෝවික්ෂෝභ්යහරිවාහිනීම් ॥ 11 ॥
ඉදංමමාපරංවාක්යංශෘණුරාජන් යදීච්ඡසි ।
උපායකුශලෝහ්යේවජයේච්ඡත්රූනතංද්රිතඃ ॥ 12 ॥
කාමරූපධරාශ්ශූරාස්සුභීමාභීමදර්ශනාඃ ।
රාක්ෂසාවෛසහස්රාණිරාක්ෂසාධිපනිශ්චිතාඃ ॥ 13 ॥
කාකුත්ස්ථමුපසංගම්යබිභ්රතෝමානුෂංවපුඃ ।
සර්වේහ්යසංභ්රමාභූත්වාබ්රුවංතුරඝුසත්තමම් ॥ 14 ॥
ප්රේෂිතාභරතේනෛවභ්රාත්රාතවයවීයසා ।
සහිසේනාංසමුත්ථාප්යක්ෂිප්රමේවෝපයාස්යති ॥ 15 ॥
තතෝවයමිතස්තූර්ණංශූලශක්තිගදාධරාඃ ।
චාපබාණාසිහස්තාශ්චත්වරිතාස්තත්රයාමහේ ॥ 16 ॥
ආකාශේගණශස්ථ්සිත්වාහත්වාතාංහරිවාහිනීම් ।
අශ්මශස්ත්රමහාවෘෂ්ට්යාප්රාපයාමයමක්ෂයම් ॥ 17 ॥
ඒවංචේදුපසර්පේතාමනයංරාමලක්ෂ්මණෞ ।
අවශ්යමපනීතේනජහතාමේවජීවිතම් ॥ 18 ॥
කෞංභකර්ණිස්තතෝවීරෝනිකුංභෝනාමවීර්යවාන් ।
අබ්රවීත්පරමක්රුද්ධෝරාවණංලෝකරාවණම් ॥ 19 ॥
සර්වේභවංතස්තිෂ්ඨංතුමහාරාජේනසංගතාඃ ।
අහමේකෝහනිෂ්යාමිරාඝවංසහලක්ෂ්මණම් ॥ 20 ॥
සුග්රීවංචහනූමංතංසර්වාංනේවචවානරාන් ।
තතෝවජ්රහනුර්නාමරාක්ෂසඃපර්වතෝපමඃ ॥ 21 ॥
ක්රුද්ධඃ පරිලිහන්සෘක්කාංජිහ්වයාවාක්යමබ්රවීත් ।
ස්වෛරංකුර්වංතුකර්මාණිභවංතෝවිගතජ්වරාඃ ॥ 22 ॥
ඒකෝऽහංභක්ෂයිෂ්යාමිතාංසර්වාංහරියූථපාන් ।
ස්වස්ථාඃක්රීඩංතුනිශ්චිංතාඃපිබංතුමධුවාරුණීම් ॥ 23 ॥
අහමේකෝවධිෂ්යාමිසුග්රීවංසහලක්ෂ්මණම් ।
සාංගදංචහනූමංතංරාමංචරණකුංජරම් ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටමස්සර්ගඃ ॥
