𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌮𑌸𑍍𑌸𑌰𑍍𑌗𑌃 ।
𑌤𑌤𑍋𑌨𑍀𑌲𑌾𑌂𑌬𑍁𑌦𑌨𑌿𑌭𑌃 𑌪𑍍𑌰𑌹𑌸𑍍𑌤𑍋𑌨𑌾𑌮𑌰𑌾𑌕𑍍𑌷𑌸𑌃 ।
𑌅𑌬𑍍𑌰𑌵𑍀𑌤𑍍𑌪𑍍𑌰𑌾𑌂𑌜𑌲𑌿𑌰𑍍𑌵𑌾𑌕𑍍𑌯𑌂𑌶𑍂𑌰𑌸𑍍𑌸𑍇𑌨𑌾𑌪𑌤𑌿𑌸𑍍𑌤𑌦𑌾 ॥ 1 ॥
𑌦𑍇𑌵𑌦𑌾𑌨𑌵𑌗𑌂𑌧𑌰𑍍𑌵𑌾𑌃𑌪𑌿𑌶𑌾𑌚𑌪𑌤𑌗𑍋𑌰𑌗𑌾𑌃 ।
𑌨𑌤𑍍𑌵𑌾𑌂𑌧𑌰𑍍𑌷𑌯𑌿𑌤𑍁𑌂𑌶𑌕𑍍𑌯𑌾𑌃𑌕𑌿𑌂𑌪𑍁𑌨𑌰𑍍𑌵𑌾𑌨𑌰𑌾𑌰𑌣𑍇 ॥ 2 ॥
𑌸𑌰𑍍𑌵𑍇𑌪𑍍𑌰𑌮𑌤𑍍𑌤𑌾𑌵𑌿𑌶𑍍𑌵𑌸𑍍𑌤𑌾𑌵𑌂𑌚𑌿𑌤𑌾𑌸𑍍𑌸𑍍𑌮𑌹𑌨𑍂𑌮𑌤𑌾 ।
𑌨𑌹𑌿𑌮𑍇𑌜𑍀𑌵𑌤𑍋𑌗𑌚𑍍𑌛𑍇𑌜𑍍𑌜𑍀𑌵𑌨𑍍 𑌸𑌵𑌨𑌗𑍋𑌚𑌰𑌃 ॥ 3 ॥
𑌸𑌰𑍍𑌵𑌾𑌂𑌸𑌾𑌗𑌰𑌪𑌰𑍍𑌯𑌂𑌤𑌾𑌂𑌸𑌶𑍈𑌲𑌵𑌨𑌕𑌾𑌨𑌨𑌾𑌮𑍍 ।
𑌕𑌰𑍋𑌮𑍍𑌯𑌵𑌾𑌨𑌰𑌾𑌂𑌭𑍂𑌮𑌿𑌮𑌾𑌜𑍍𑌞𑌾𑌪𑌯𑌤𑍁𑌮𑌾𑌂𑌭𑌵𑌾𑌨𑍍 ॥ 4 ॥
𑌰𑌕𑍍𑌷𑌾𑌂𑌚𑍈𑌵𑌵𑌿𑌧𑌾𑌸𑍍𑌯𑌾𑌮𑌿𑌵𑌾𑌨𑌰𑌾𑌦𑍍𑌰𑌜𑌨𑍀𑌚𑌰 ।
𑌨𑌾𑌗𑌮𑌿𑌷𑍍𑌯𑌤𑌿𑌤𑍇𑌦𑍁𑌃𑌖𑌂𑌕𑌿𑌂𑌚𑌿𑌦𑌾𑌤𑍍𑌮𑌾𑌪𑌰𑌾𑌧𑌜𑌮𑍍 ॥ 5 ॥
𑌅𑌬𑍍𑌰𑌵𑍀𑌚𑍍𑌚𑌸𑍁𑌸𑌂𑌕𑍃𑌦𑍍𑌧𑍋𑌦𑍁𑌰𑍍𑌮𑍁𑌖𑍋𑌨𑌾𑌮𑌰𑌾𑌕𑍍𑌷𑌸𑌃 ।
𑌇𑌦𑌂𑌨𑌕𑍍𑌷𑌮𑌣𑍀𑌯𑌂𑌹𑌿𑌸𑌰𑍍𑌵𑍇𑌷𑌾𑌂𑌨𑌃𑌪𑍍𑌰𑌧𑌰𑍍𑌷𑌣𑌮𑍍 ॥ 6 ॥
𑌅𑌯𑌂𑌪𑌰𑌿𑌭𑌵𑍋𑌭𑍂𑌯𑌃𑌪𑍁𑌰𑌸𑍍𑌯𑌾𑌂𑌤𑌃𑌪𑍁𑌰𑌸𑍍𑌯𑌚 ।
𑌶𑍍𑌰𑍀𑌮𑌤𑍋𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌵𑌾𑌨𑌰𑍇𑌣𑌪𑍍𑌰𑌧𑌰𑍍𑌷𑌣𑌮𑍍 ॥ ॥
𑌅𑌸𑍍𑌮𑌿𑌨𑍍 𑌮𑍁𑌹𑍂𑌰𑍍𑌤𑍇𑌗𑌤𑍍𑌵𑍈𑌕𑍋𑌨𑌿𑌵𑌰𑍍𑌤𑌿𑌷𑍍𑌯𑌾𑌮𑌿𑌵𑌾𑌨𑌰𑌾𑌨𑍍 ।
𑌪𑍍𑌰𑌵𑌿𑌷𑍍𑌟𑌾𑌨𑍍 𑌸𑌾𑌗𑌰𑌂𑌭𑍀𑌮𑌮𑌂𑌬𑌰𑌂𑌵𑌾𑌰𑌸𑌾𑌤𑌲𑌮𑍍 ॥ ॥
𑌤𑌤𑍋𑌽𑌬𑍍𑌰𑌵𑍀𑌤𑍍𑌸𑍁𑌸𑌂𑌕𑍃𑌦𑍍𑌧𑍋𑌵𑌜𑍍𑌰𑌦𑌂𑌷𑍍𑌟𑍍𑌰𑍋𑌮𑌹𑌾𑌬𑌲𑌃 ।
𑌪𑍍𑌰𑌗𑍃𑌹𑍍𑌯𑌪𑌰𑌿𑌘𑌂𑌘𑍋𑌰𑌂𑌮𑌾𑌂𑌸𑌶𑍋𑌣𑌿𑌤𑌰𑍂𑌷𑌿𑌤𑌮𑍍 ॥ ॥
𑌕𑌿𑌂𑌵𑍋𑌹𑌨𑍁𑌮𑌤𑌾𑌕𑌾𑌰𑍍𑌯𑌂𑌕𑍃𑌪𑌣𑍇𑌨𑌤𑌪𑌸𑍍𑌵𑌿𑌨𑌾 ।
𑌰𑌾𑌮𑍇𑌤𑌿𑌷𑍍𑌠𑌤𑌿𑌦𑍁𑌰𑍍𑌧𑌰𑍍𑌷𑍇𑌸𑌸𑍁𑌗𑍍𑌰𑍀𑌵𑍇𑌽𑌪𑌿𑌸𑌲𑌕𑍍𑌷𑍍𑌮𑌣𑍇 ॥ 10 ॥
𑌅𑌦𑍍𑌯𑌰𑌾𑌮𑌂𑌸𑌸𑍁𑌗𑍍𑌰𑍀𑌵𑌂𑌪𑌰𑌿𑌘𑍇𑌣𑌸𑌲𑌕𑍍𑌷𑍍𑌮𑌣𑌮𑍍 ।
𑌆𑌗𑌮𑌿𑌷𑍍𑌯𑌾𑌮𑌿𑌹𑌤𑍍𑌵𑍈𑌕𑍋𑌵𑌿𑌕𑍍𑌷𑍋𑌭𑍍𑌯𑌹𑌰𑌿𑌵𑌾𑌹𑌿𑌨𑍀𑌮𑍍 ॥ 11 ॥
𑌇𑌦𑌂𑌮𑌮𑌾𑌪𑌰𑌂𑌵𑌾𑌕𑍍𑌯𑌂𑌶𑍃𑌣𑍁𑌰𑌾𑌜𑌨𑍍 𑌯𑌦𑍀𑌚𑍍𑌛𑌸𑌿 ।
𑌉𑌪𑌾𑌯𑌕𑍁𑌶𑌲𑍋𑌹𑍍𑌯𑍇𑌵𑌜𑌯𑍇𑌚𑍍𑌛𑌤𑍍𑌰𑍂𑌨𑌤𑌂𑌦𑍍𑌰𑌿𑌤𑌃 ॥ 12 ॥
𑌕𑌾𑌮𑌰𑍂𑌪𑌧𑌰𑌾𑌶𑍍𑌶𑍂𑌰𑌾𑌸𑍍𑌸𑍁𑌭𑍀𑌮𑌾𑌭𑍀𑌮𑌦𑌰𑍍𑌶𑌨𑌾𑌃 ।
𑌰𑌾𑌕𑍍𑌷𑌸𑌾𑌵𑍈𑌸𑌹𑌸𑍍𑌰𑌾𑌣𑌿𑌰𑌾𑌕𑍍𑌷𑌸𑌾𑌧𑌿𑌪𑌨𑌿𑌶𑍍𑌚𑌿𑌤𑌾𑌃 ॥ 13 ॥
𑌕𑌾𑌕𑍁𑌤𑍍𑌸𑍍𑌥𑌮𑍁𑌪𑌸𑌂𑌗𑌮𑍍𑌯𑌬𑌿𑌭𑍍𑌰𑌤𑍋𑌮𑌾𑌨𑍁𑌷𑌂𑌵𑌪𑍁𑌃 ।
𑌸𑌰𑍍𑌵𑍇𑌹𑍍𑌯𑌸𑌂𑌭𑍍𑌰𑌮𑌾𑌭𑍂𑌤𑍍𑌵𑌾𑌬𑍍𑌰𑍁𑌵𑌂𑌤𑍁𑌰𑌘𑍁𑌸𑌤𑍍𑌤𑌮𑌮𑍍 ॥ 14 ॥
𑌪𑍍𑌰𑍇𑌷𑌿𑌤𑌾𑌭𑌰𑌤𑍇𑌨𑍈𑌵𑌭𑍍𑌰𑌾𑌤𑍍𑌰𑌾𑌤𑌵𑌯𑌵𑍀𑌯𑌸𑌾 ।
𑌸𑌹𑌿𑌸𑍇𑌨𑌾𑌂𑌸𑌮𑍁𑌤𑍍𑌥𑌾𑌪𑍍𑌯𑌕𑍍𑌷𑌿𑌪𑍍𑌰𑌮𑍇𑌵𑍋𑌪𑌯𑌾𑌸𑍍𑌯𑌤𑌿 ॥ 15 ॥
𑌤𑌤𑍋𑌵𑌯𑌮𑌿𑌤𑌸𑍍𑌤𑍂𑌰𑍍𑌣𑌂𑌶𑍂𑌲𑌶𑌕𑍍𑌤𑌿𑌗𑌦𑌾𑌧𑌰𑌾𑌃 ।
𑌚𑌾𑌪𑌬𑌾𑌣𑌾𑌸𑌿𑌹𑌸𑍍𑌤𑌾𑌶𑍍𑌚𑌤𑍍𑌵𑌰𑌿𑌤𑌾𑌸𑍍𑌤𑌤𑍍𑌰𑌯𑌾𑌮𑌹𑍇 ॥ 16 ॥
𑌆𑌕𑌾𑌶𑍇𑌗𑌣𑌶𑌸𑍍𑌥𑍍𑌸𑌿𑌤𑍍𑌵𑌾𑌹𑌤𑍍𑌵𑌾𑌤𑌾𑌂𑌹𑌰𑌿𑌵𑌾𑌹𑌿𑌨𑍀𑌮𑍍 ।
𑌅𑌶𑍍𑌮𑌶𑌸𑍍𑌤𑍍𑌰𑌮𑌹𑌾𑌵𑍃𑌷𑍍𑌟𑍍𑌯𑌾𑌪𑍍𑌰𑌾𑌪𑌯𑌾𑌮𑌯𑌮𑌕𑍍𑌷𑌯𑌮𑍍 ॥ 1 ॥
𑌏𑌵𑌂𑌚𑍇𑌦𑍁𑌪𑌸𑌰𑍍𑌪𑍇𑌤𑌾𑌮𑌨𑌯𑌂𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌅𑌵𑌶𑍍𑌯𑌮𑌪𑌨𑍀𑌤𑍇𑌨𑌜𑌹𑌤𑌾𑌮𑍇𑌵𑌜𑍀𑌵𑌿𑌤𑌮𑍍 ॥ 1 ॥
𑌕𑍌𑌂𑌭𑌕𑌰𑍍𑌣𑌿𑌸𑍍𑌤𑌤𑍋𑌵𑍀𑌰𑍋𑌨𑌿𑌕𑍁𑌂𑌭𑍋𑌨𑌾𑌮𑌵𑍀𑌰𑍍𑌯𑌵𑌾𑌨𑍍 ।
𑌅𑌬𑍍𑌰𑌵𑍀𑌤𑍍𑌪𑌰𑌮𑌕𑍍𑌰𑍁𑌦𑍍𑌧𑍋𑌰𑌾𑌵𑌣𑌂𑌲𑍋𑌕𑌰𑌾𑌵𑌣𑌮𑍍 ॥ 1 ॥
𑌸𑌰𑍍𑌵𑍇𑌭𑌵𑌂𑌤𑌸𑍍𑌤𑌿𑌷𑍍𑌠𑌂𑌤𑍁𑌮𑌹𑌾𑌰𑌾𑌜𑍇𑌨𑌸𑌂𑌗𑌤𑌾𑌃 ।
𑌅𑌹𑌮𑍇𑌕𑍋𑌹𑌨𑌿𑌷𑍍𑌯𑌾𑌮𑌿𑌰𑌾𑌘𑌵𑌂𑌸𑌹𑌲𑌕𑍍𑌷𑍍𑌮𑌣𑌮𑍍 ॥ 20 ॥
𑌸𑍁𑌗𑍍𑌰𑍀𑌵𑌂𑌚𑌹𑌨𑍂𑌮𑌂𑌤𑌂𑌸𑌰𑍍𑌵𑌾𑌂𑌨𑍇𑌵𑌚𑌵𑌾𑌨𑌰𑌾𑌨𑍍 ।
𑌤𑌤𑍋𑌵𑌜𑍍𑌰𑌹𑌨𑍁𑌰𑍍𑌨𑌾𑌮𑌰𑌾𑌕𑍍𑌷𑌸𑌃𑌪𑌰𑍍𑌵𑌤𑍋𑌪𑌮𑌃 ॥ 21 ॥
𑌕𑍍𑌰𑍁𑌦𑍍𑌧𑌃 𑌪𑌰𑌿𑌲𑌿𑌹𑌨𑍍𑌸𑍃𑌕𑍍𑌕𑌾𑌂𑌜𑌿𑌹𑍍𑌵𑌯𑌾𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌸𑍍𑌵𑍈𑌰𑌂𑌕𑍁𑌰𑍍𑌵𑌂𑌤𑍁𑌕𑌰𑍍𑌮𑌾𑌣𑌿𑌭𑌵𑌂𑌤𑍋𑌵𑌿𑌗𑌤𑌜𑍍𑌵𑌰𑌾𑌃 ॥ 22 ॥
𑌏𑌕𑍋𑌽𑌹𑌂𑌭𑌕𑍍𑌷𑌯𑌿𑌷𑍍𑌯𑌾𑌮𑌿𑌤𑌾𑌂𑌸𑌰𑍍𑌵𑌾𑌂𑌹𑌰𑌿𑌯𑍂𑌥𑌪𑌾𑌨𑍍 ।
𑌸𑍍𑌵𑌸𑍍𑌥𑌾𑌃𑌕𑍍𑌰𑍀𑌡𑌂𑌤𑍁𑌨𑌿𑌶𑍍𑌚𑌿𑌂𑌤𑌾𑌃𑌪𑌿𑌬𑌂𑌤𑍁𑌮𑌧𑍁𑌵𑌾𑌰𑍁𑌣𑍀𑌮𑍍 ॥ 23 ॥
𑌅𑌹𑌮𑍇𑌕𑍋𑌵𑌧𑌿𑌷𑍍𑌯𑌾𑌮𑌿𑌸𑍁𑌗𑍍𑌰𑍀𑌵𑌂𑌸𑌹𑌲𑌕𑍍𑌷𑍍𑌮𑌣𑌮𑍍 ।
𑌸𑌾𑌂𑌗𑌦𑌂𑌚𑌹𑌨𑍂𑌮𑌂𑌤𑌂𑌰𑌾𑌮𑌂𑌚𑌰𑌣𑌕𑍁𑌂𑌜𑌰𑌮𑍍 ॥ 24 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌅𑌷𑍍𑌟𑌮𑌸𑍍𑌸𑌰𑍍𑌗𑌃 ॥
