શ્રીમદ્વાલ્મીકીય રામાયણે યુદ્ધકાંડમ્ ।
અથ અષ્ટમસ્સર્ગઃ ।
તતોનીલાંબુદનિભઃ પ્રહસ્તોનામરાક્ષસઃ ।
અબ્રવીત્પ્રાંજલિર્વાક્યંશૂરસ્સેનાપતિસ્તદા ॥ 1 ॥
દેવદાનવગંધર્વાઃપિશાચપતગોરગાઃ ।
નત્વાંધર્ષયિતુંશક્યાઃકિંપુનર્વાનરારણે ॥ 2 ॥
સર્વેપ્રમત્તાવિશ્વસ્તાવંચિતાસ્સ્મહનૂમતા ।
નહિમેજીવતોગચ્છેજ્જીવન્ સવનગોચરઃ ॥ 3 ॥
સર્વાંસાગરપર્યંતાંસશૈલવનકાનનામ્ ।
કરોમ્યવાનરાંભૂમિમાજ્ઞાપયતુમાંભવાન્ ॥ 4 ॥
રક્ષાંચૈવવિધાસ્યામિવાનરાદ્રજનીચર ।
નાગમિષ્યતિતેદુઃખંકિંચિદાત્માપરાધજમ્ ॥ 5 ॥
અબ્રવીચ્ચસુસંકૃદ્ધોદુર્મુખોનામરાક્ષસઃ ।
ઇદંનક્ષમણીયંહિસર્વેષાંનઃપ્રધર્ષણમ્ ॥ 6 ॥
અયંપરિભવોભૂયઃપુરસ્યાંતઃપુરસ્યચ ।
શ્રીમતોરાક્ષસેંદ્રસ્યવાનરેણપ્રધર્ષણમ્ ॥ 7 ॥
અસ્મિન્ મુહૂર્તેગત્વૈકોનિવર્તિષ્યામિવાનરાન્ ।
પ્રવિષ્ટાન્ સાગરંભીમમંબરંવારસાતલમ્ ॥ 8 ॥
તતોઽબ્રવીત્સુસંકૃદ્ધોવજ્રદંષ્ટ્રોમહાબલઃ ।
પ્રગૃહ્યપરિઘંઘોરંમાંસશોણિતરૂષિતમ્ ॥ 9 ॥
કિંવોહનુમતાકાર્યંકૃપણેનતપસ્વિના ।
રામેતિષ્ઠતિદુર્ધર્ષેસસુગ્રીવેઽપિસલક્ષ્મણે ॥ 10 ॥
અદ્યરામંસસુગ્રીવંપરિઘેણસલક્ષ્મણમ્ ।
આગમિષ્યામિહત્વૈકોવિક્ષોભ્યહરિવાહિનીમ્ ॥ 11 ॥
ઇદંમમાપરંવાક્યંશૃણુરાજન્ યદીચ્છસિ ।
ઉપાયકુશલોહ્યેવજયેચ્છત્રૂનતંદ્રિતઃ ॥ 12 ॥
કામરૂપધરાશ્શૂરાસ્સુભીમાભીમદર્શનાઃ ।
રાક્ષસાવૈસહસ્રાણિરાક્ષસાધિપનિશ્ચિતાઃ ॥ 13 ॥
કાકુત્સ્થમુપસંગમ્યબિભ્રતોમાનુષંવપુઃ ।
સર્વેહ્યસંભ્રમાભૂત્વાબ્રુવંતુરઘુસત્તમમ્ ॥ 14 ॥
પ્રેષિતાભરતેનૈવભ્રાત્રાતવયવીયસા ।
સહિસેનાંસમુત્થાપ્યક્ષિપ્રમેવોપયાસ્યતિ ॥ 15 ॥
તતોવયમિતસ્તૂર્ણંશૂલશક્તિગદાધરાઃ ।
ચાપબાણાસિહસ્તાશ્ચત્વરિતાસ્તત્રયામહે ॥ 16 ॥
આકાશેગણશસ્થ્સિત્વાહત્વાતાંહરિવાહિનીમ્ ।
અશ્મશસ્ત્રમહાવૃષ્ટ્યાપ્રાપયામયમક્ષયમ્ ॥ 17 ॥
એવંચેદુપસર્પેતામનયંરામલક્ષ્મણૌ ।
અવશ્યમપનીતેનજહતામેવજીવિતમ્ ॥ 18 ॥
કૌંભકર્ણિસ્તતોવીરોનિકુંભોનામવીર્યવાન્ ।
અબ્રવીત્પરમક્રુદ્ધોરાવણંલોકરાવણમ્ ॥ 19 ॥
સર્વેભવંતસ્તિષ્ઠંતુમહારાજેનસંગતાઃ ।
અહમેકોહનિષ્યામિરાઘવંસહલક્ષ્મણમ્ ॥ 20 ॥
સુગ્રીવંચહનૂમંતંસર્વાંનેવચવાનરાન્ ।
તતોવજ્રહનુર્નામરાક્ષસઃપર્વતોપમઃ ॥ 21 ॥
ક્રુદ્ધઃ પરિલિહન્સૃક્કાંજિહ્વયાવાક્યમબ્રવીત્ ।
સ્વૈરંકુર્વંતુકર્માણિભવંતોવિગતજ્વરાઃ ॥ 22 ॥
એકોઽહંભક્ષયિષ્યામિતાંસર્વાંહરિયૂથપાન્ ।
સ્વસ્થાઃક્રીડંતુનિશ્ચિંતાઃપિબંતુમધુવારુણીમ્ ॥ 23 ॥
અહમેકોવધિષ્યામિસુગ્રીવંસહલક્ષ્મણમ્ ।
સાંગદંચહનૂમંતંરામંચરણકુંજરમ્ ॥ 24 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે અષ્ટમસ્સર્ગઃ ॥
