শ্রীমদ্বাল্মীকীয় রামাযণে যুদ্ধকাংডম্ ।
অথ অষ্টমস্সর্গঃ ।
ততোনীলাংবুদনিভঃ প্রহস্তোনামরাক্ষসঃ ।
অব্রবীত্প্রাংজলির্বাক্য়ংশূরস্সেনাপতিস্তদা ॥ 1 ॥
দেবদানবগংধর্বাঃপিশাচপতগোরগাঃ ।
নত্বাংধর্ষয়িতুংশক্য়াঃকিংপুনর্বানরারণে ॥ 2 ॥
সর্বেপ্রমত্তাবিশ্বস্তাবংচিতাস্স্মহনূমতা ।
নহিমেজীবতোগচ্ছেজ্জীবন্ সবনগোচরঃ ॥ 3 ॥
সর্বাংসাগরপর্য়ংতাংসশৈলবনকাননাম্ ।
করোম্যবানরাংভূমিমাজ্ঞাপযতুমাংভবান্ ॥ 4 ॥
রক্ষাংচৈববিধাস্য়ামিবানরাদ্রজনীচর ।
নাগমিষ্যতিতেদুঃখংকিংচিদাত্মাপরাধজম্ ॥ 5 ॥
অব্রবীচ্চসুসংকৃদ্ধোদুর্মুখোনামরাক্ষসঃ ।
ইদংনক্ষমণীয়ংহিসর্বেষাংনঃপ্রধর্ষণম্ ॥ 6 ॥
অয়ংপরিভবোভূয়ঃপুরস্য়াংতঃপুরস্যচ ।
শ্রীমতোরাক্ষসেংদ্রস্যবানরেণপ্রধর্ষণম্ ॥ 7 ॥
অস্মিন্ মুহূর্তেগত্বৈকোনিবর্তিষ্য়ামিবানরান্ ।
প্রবিষ্টান্ সাগরংভীমমংবরংবারসাতলম্ ॥ 8 ॥
ততোঽব্রবীত্সুসংকৃদ্ধোবজ্রদংষ্ট্রোমহাবলঃ ।
প্রগৃহ্যপরিঘংঘোরংমাংসশোণিতরূষিতম্ ॥ 9 ॥
কিংবোহনুমতাকার্য়ংকৃপণেনতপস্বিনা ।
রামেতিষ্ঠতিদুর্ধর্ষেসসুগ্রীবেঽপিসলক্ষ্মণে ॥ 10 ॥
অদ্যরামংসসুগ্রীবংপরিঘেণসলক্ষ্মণম্ ।
আগমিষ্য়ামিহত্বৈকোবিক্ষোভ্যহরিবাহিনীম্ ॥ 11 ॥
ইদংমমাপরংবাক্য়ংশৃণুরাজন্ যদীচ্ছসি ।
উপাযকুশলোহ্য়েবজয়েচ্ছত্রূনতংদ্রিতঃ ॥ 12 ॥
কামরূপধরাশ্শূরাস্সুভীমাভীমদর্শনাঃ ।
রাক্ষসাবৈসহস্রাণিরাক্ষসাধিপনিশ্চিতাঃ ॥ 13 ॥
কাকুত্স্থমুপসংগম্যবিভ্রতোমানুষংবপুঃ ।
সর্বেহ্যসংভ্রমাভূত্বাব্রুবংতুরঘুসত্তমম্ ॥ 14 ॥
প্রেষিতাভরতেনৈবভ্রাত্রাতবযবীযসা ।
সহিসেনাংসমুত্থাপ্যক্ষিপ্রমেবোপয়াস্যতি ॥ 15 ॥
ততোবযমিতস্তূর্ণংশূলশক্তিগদাধরাঃ ।
চাপবাণাসিহস্তাশ্চত্বরিতাস্তত্রয়ামহে ॥ 16 ॥
আকাশেগণশস্থ্সিত্বাহত্বাতাংহরিবাহিনীম্ ।
অশ্মশস্ত্রমহাবৃষ্ট্য়াপ্রাপয়ামযমক্ষযম্ ॥ 17 ॥
এবংচেদুপসর্পেতামনয়ংরামলক্ষ্মণৌ ।
অবশ্যমপনীতেনজহতামেবজীবিতম্ ॥ 18 ॥
কৌংভকর্ণিস্ততোবীরোনিকুংভোনামবীর্যবান্ ।
অব্রবীত্পরমক্রুদ্ধোরাবণংলোকরাবণম্ ॥ 19 ॥
সর্বেভবংতস্তিষ্ঠংতুমহারাজেনসংগতাঃ ।
অহমেকোহনিষ্য়ামিরাঘবংসহলক্ষ্মণম্ ॥ 20 ॥
সুগ্রীবংচহনূমংতংসর্বাংনেবচবানরান্ ।
ততোবজ্রহনুর্নামরাক্ষসঃপর্বতোপমঃ ॥ 21 ॥
ক্রুদ্ধঃ পরিলিহন্সৃক্কাংজিহ্বয়াবাক্যমব্রবীত্ ।
স্বৈরংকুর্বংতুকর্মাণিভবংতোবিগতজ্বরাঃ ॥ 22 ॥
একোঽহংভক্ষয়িষ্য়ামিতাংসর্বাংহরিয়ূথপান্ ।
স্বস্থাঃক্রীডংতুনিশ্চিংতাঃপিবংতুমধুবারুণীম্ ॥ 23 ॥
অহমেকোবধিষ্য়ামিসুগ্রীবংসহলক্ষ্মণম্ ।
সাংগদংচহনূমংতংরামংচরণকুংজরম্ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে অষ্টমস্সর্গঃ ॥
