śrīmadvālmīkīya rāmāyaṇē yuddhakāṇḍam ।
atha aṣṭamassargaḥ ।
tatōnīlāmbudanibhaḥ prahastōnāmarākṣasaḥ ।
abravītprāñjalirvākyaṃśūrassēnāpatistadā ॥ 1 ॥
dēvadānavagandharvāḥpiśāchapatagōragāḥ ।
natvāndharṣayituṃśakyāḥkimpunarvānarāraṇē ॥ 2 ॥
sarvēpramattāviśvastāvañchitāssmahanūmatā ।
nahimējīvatōgachChējjīvan savanagōcharaḥ ॥ 3 ॥
sarvāṃsāgaraparyantāṃsaśailavanakānanām ।
karōmyavānarāmbhūmimājñāpayatumāmbhavān ॥ 4 ॥
rakṣāñchaivavidhāsyāmivānarādrajanīchara ।
nāgamiṣyatitēduḥkhaṅkiñchidātmāparādhajam ॥ 5 ॥
abravīchchasusaṅkṛddhōdurmukhōnāmarākṣasaḥ ।
idannakṣamaṇīyaṃhisarvēṣānnaḥpradharṣaṇam ॥ 6 ॥
ayamparibhavōbhūyaḥpurasyāntaḥpurasyacha ।
śrīmatōrākṣasēndrasyavānarēṇapradharṣaṇam ॥ 7 ॥
asmin muhūrtēgatvaikōnivartiṣyāmivānarān ।
praviṣṭān sāgarambhīmamambaraṃvārasātalam ॥ 8 ॥
tatō'bravītsusaṅkṛddhōvajradaṃṣṭrōmahābalaḥ ।
pragṛhyaparighaṅghōrammāṃsaśōṇitarūṣitam ॥ 9 ॥
kiṃvōhanumatākāryaṅkṛpaṇēnatapasvinā ।
rāmētiṣṭhatidurdharṣēsasugrīvē'pisalakṣmaṇē ॥ 10 ॥
adyarāmaṃsasugrīvamparighēṇasalakṣmaṇam ।
āgamiṣyāmihatvaikōvikṣōbhyaharivāhinīm ॥ 11 ॥
idammamāparaṃvākyaṃśṛṇurājan yadīchChasi ।
upāyakuśalōhyēvajayēchChatrūnatandritaḥ ॥ 12 ॥
kāmarūpadharāśśūrāssubhīmābhīmadarśanāḥ ।
rākṣasāvaisahasrāṇirākṣasādhipaniśchitāḥ ॥ 13 ॥
kākutsthamupasaṅgamyabibhratōmānuṣaṃvapuḥ ।
sarvēhyasambhramābhūtvābruvanturaghusattamam ॥ 14 ॥
prēṣitābharatēnaivabhrātrātavayavīyasā ।
sahisēnāṃsamutthāpyakṣipramēvōpayāsyati ॥ 15 ॥
tatōvayamitastūrṇaṃśūlaśaktigadādharāḥ ।
chāpabāṇāsihastāśchatvaritāstatrayāmahē ॥ 16 ॥
ākāśēgaṇaśasthsitvāhatvātāṃharivāhinīm ।
aśmaśastramahāvṛṣṭyāprāpayāmayamakṣayam ॥ 17 ॥
ēvañchēdupasarpētāmanayaṃrāmalakṣmaṇau ।
avaśyamapanītēnajahatāmēvajīvitam ॥ 18 ॥
kaumbhakarṇistatōvīrōnikumbhōnāmavīryavān ।
abravītparamakruddhōrāvaṇaṃlōkarāvaṇam ॥ 19 ॥
sarvēbhavantastiṣṭhantumahārājēnasaṅgatāḥ ।
ahamēkōhaniṣyāmirāghavaṃsahalakṣmaṇam ॥ 20 ॥
sugrīvañchahanūmantaṃsarvānnēvachavānarān ।
tatōvajrahanurnāmarākṣasaḥparvatōpamaḥ ॥ 21 ॥
kruddhaḥ parilihansṛkkāñjihvayāvākyamabravīt ।
svairaṅkurvantukarmāṇibhavantōvigatajvarāḥ ॥ 22 ॥
ēkō'hambhakṣayiṣyāmitāṃsarvāṃhariyūthapān ।
svasthāḥkrīḍantuniśchintāḥpibantumadhuvāruṇīm ॥ 23 ॥
ahamēkōvadhiṣyāmisugrīvaṃsahalakṣmaṇam ।
sāṅgadañchahanūmantaṃrāmañcharaṇakuñjaram ॥ 24 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aṣṭamassargaḥ ॥
