ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ത്രയോവിംശസ്സര്ഗഃ ।
നിമിത്താനിനിമിത്താജ്ഞോദൃഷ്ടവാലക്ഷ്മണപൂർവജഃ ।
സൌമിത്രിംസംപരിഷ്വജ്യൈദംവചനമബ്രവീത് ॥ 1 ॥
നിമിത്താനിപരിഗൃഹ്യോദകംശീതംവനാനിഫലവംതിച ।
ബലൌഘംസംവിഭജ്യേമംവ്യൂഹ്യതിഷ്ഠേമലക്ഷ്മണ ॥ 2 ॥
ലോകക്ഷയകരംഭീമംഭയംപശ്യാമ്യുപസ്ഥിതമ് ।
നിബര്ഹണംപ്രവീരാണാമൃക്ഷവാനരരക്ഷസാമ് ॥ 3 ॥
വാതാശ്ചകലുഷാവാംതികംപതേചവസുംധരാഃ ।
പർവതാഗ്രാണിവേപംതേപതംതിചമഹീരുഹാഃ ॥ 4 ॥
മേഘാഃക്രവ്യാദസംകാശാഃപരുഷാഃപരുഷസ്വനാഃ ।
ക്രൂരാഃക്രൂരംപ്രവര്ഷംതിമിശ്രംശോണിതബിംദുഭിഃ ॥ 5 ॥
രക്തചംദനസംകാശാസംധ്യാപരമദാരുണാ ।
ജ്വലതഃപ്രപതത്യേതദാദിത്യാദഗ്നിമംഡലമ് ॥ 6 ॥
ദീനാദീനസ്വരാഃക്രൂരാസ്സർവതോമൃഗപക്ഷിണഃ ।
പ്രത്യാദിത്യംവിനര്ധംതിജനയംതോമഹാദ്ഭയമ് ॥ 7 ॥
രജന്യാമപ്രകാശസ്തുസംതാപയതിചംദ്രമാഃ ।
കൃഷ്ണരക്താംശുപര്യംതോലോകക്ഷയൈവോദിതഃ ॥ 8 ॥
ഹ്രസ്വോരൂക്ഷോഽപ്രശസ്തശ്ചപരിവേഷസ്സുലോഹിതഃ ।
ആദിത്യേവിമലേനീലംലക്ഷ്മലക്ഷ്മണദൃശ്യതേ ॥ 9 ॥
രജസാമഹതാചാപിനക്ഷത്രാണിഹതാനിച ।
യുഗാംതമിവലോകാനാംപശ്യശംസംതീവലക്ഷ്മണ ॥ 10 ॥
കാകാശ്ശ്യേനാസ്തഥാനീചാഗൃധ്രാഃപരിപതംതിച ।
ശിവാശ്ചാപ്യശിവാന്നാദാന്നദംതിസുമഹാഭയാന് ॥ 11 ॥
ശൈലൈശ്ശൂലൈശ്ചഖഢഗൈശ്ചവിസൃഷ്ടൈഃകപിരാക്ഷസൈഃ ।
ഭവിഷ്യത്യാവൃതാഭൂമിര്മാംസശോണിതകര്ദമാ ॥ 12 ॥
ക്ഷിപ്രമദ്യൈവദുര്ദര്ഷാംപുരീംരാവണപാലിതാമ് ।
അഭിയാമജനേനൈവസർവതോഹരിഭിർവവൃതാഃ ॥ 13 ॥
ഇത്യേവമുക്ത്വാധര്മാത്മാധനവീസംഗ്രാമഹര്ഷണഃ ।
പ്രതസ്ഥേപുരതോരാമോലംകാമഭിമുഖോവിഭുഃ ॥ 14 ॥
സവിഭീഷണസുഗ്രീവാസ്തതസ്തേവാനരര്ഷഭാഃ ।
പ്രതസ്ഥിരേവിനര്ദംതോനിശ്ചിതാദ്വിഷതാംവധേ ॥ 15 ॥
രാഘവസ്യപ്രിയാര്ഥംതുസുതരാംവീര്യശാലിനാമ് ।
ഹരീണാംകര്മചേഷ്ടാഭിസ്തുതോഷരഘുപുംഗവഃ ॥ 16 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ത്രയോവിംശസ്സര്ഗഃ ॥
