શ્રીમદ્વાલ્મીકીય રામાયણે યુદ્ધકાંડમ્ ।
અથ ત્રયોવિંશસ્સર્ગઃ ।
નિમિત્તાનિનિમિત્તાજ્ઞોદૃષ્ટવાલક્ષ્મણપૂર્વજઃ ।
સૌમિત્રિંસંપરિષ્વજ્યૈદંવચનમબ્રવીત્ ॥ 1 ॥
નિમિત્તાનિપરિગૃહ્યોદકંશીતંવનાનિફલવંતિચ ।
બલૌઘંસંવિભજ્યેમંવ્યૂહ્યતિષ્ઠેમલક્ષ્મણ ॥ 2 ॥
લોકક્ષયકરંભીમંભયંપશ્યામ્યુપસ્થિતમ્ ।
નિબર્હણંપ્રવીરાણામૃક્ષવાનરરક્ષસામ્ ॥ 3 ॥
વાતાશ્ચકલુષાવાંતિકંપતેચવસુંધરાઃ ।
પર્વતાગ્રાણિવેપંતેપતંતિચમહીરુહાઃ ॥ 4 ॥
મેઘાઃક્રવ્યાદસંકાશાઃપરુષાઃપરુષસ્વનાઃ ।
ક્રૂરાઃક્રૂરંપ્રવર્ષંતિમિશ્રંશોણિતબિંદુભિઃ ॥ 5 ॥
રક્તચંદનસંકાશાસંધ્યાપરમદારુણા ।
જ્વલતઃપ્રપતત્યેતદાદિત્યાદગ્નિમંડલમ્ ॥ 6 ॥
દીનાદીનસ્વરાઃક્રૂરાસ્સર્વતોમૃગપક્ષિણઃ ।
પ્રત્યાદિત્યંવિનર્ધંતિજનયંતોમહાદ્ભયમ્ ॥ 7 ॥
રજન્યામપ્રકાશસ્તુસંતાપયતિચંદ્રમાઃ ।
કૃષ્ણરક્તાંશુપર્યંતોલોકક્ષયૈવોદિતઃ ॥ 8 ॥
હ્રસ્વોરૂક્ષોઽપ્રશસ્તશ્ચપરિવેષસ્સુલોહિતઃ ।
આદિત્યેવિમલેનીલંલક્ષ્મલક્ષ્મણદૃશ્યતે ॥ 9 ॥
રજસામહતાચાપિનક્ષત્રાણિહતાનિચ ।
યુગાંતમિવલોકાનાંપશ્યશંસંતીવલક્ષ્મણ ॥ 10 ॥
કાકાશ્શ્યેનાસ્તથાનીચાગૃધ્રાઃપરિપતંતિચ ।
શિવાશ્ચાપ્યશિવાન્નાદાન્નદંતિસુમહાભયાન્ ॥ 11 ॥
શૈલૈશ્શૂલૈશ્ચખઢગૈશ્ચવિસૃષ્ટૈઃકપિરાક્ષસૈઃ ।
ભવિષ્યત્યાવૃતાભૂમિર્માંસશોણિતકર્દમા ॥ 12 ॥
ક્ષિપ્રમદ્યૈવદુર્દર્ષાંપુરીંરાવણપાલિતામ્ ।
અભિયામજનેનૈવસર્વતોહરિભિર્વવૃતાઃ ॥ 13 ॥
ઇત્યેવમુક્ત્વાધર્માત્માધનવીસંગ્રામહર્ષણઃ ।
પ્રતસ્થેપુરતોરામોલંકામભિમુખોવિભુઃ ॥ 14 ॥
સવિભીષણસુગ્રીવાસ્તતસ્તેવાનરર્ષભાઃ ।
પ્રતસ્થિરેવિનર્દંતોનિશ્ચિતાદ્વિષતાંવધે ॥ 15 ॥
રાઘવસ્યપ્રિયાર્થંતુસુતરાંવીર્યશાલિનામ્ ।
હરીણાંકર્મચેષ્ટાભિસ્તુતોષરઘુપુંગવઃ ॥ 16 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે ત્રયોવિંશસ્સર્ગઃ ॥
