VR 6.23 Yuddha Kanda - Sarga 23 - Grantha

Collection of Spiritual and Devotional Literature in Various Indian Languages

View this in:

6.23 𑌯𑍁𑌦𑍍𑌧𑌕𑌾𑌂𑌡 - 𑌤𑍍𑌰𑌯𑍋𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌯𑍋𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌨𑌿𑌮𑌿𑌤𑍍𑌤𑌾𑌨𑌿𑌨𑌿𑌮𑌿𑌤𑍍𑌤𑌾𑌜𑍍𑌞𑍋𑌦𑍃𑌷𑍍𑌟𑌵𑌾𑌲𑌕𑍍𑌷𑍍𑌮𑌣𑌪𑍂𑌰𑍍𑌵𑌜𑌃 ।
𑌸𑍌𑌮𑌿𑌤𑍍𑌰𑌿𑌂𑌸𑌂𑌪𑌰𑌿𑌷𑍍𑌵𑌜𑍍𑌯𑍈𑌦𑌂𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 1 ॥

𑌨𑌿𑌮𑌿𑌤𑍍𑌤𑌾𑌨𑌿𑌪𑌰𑌿𑌗𑍃𑌹𑍍𑌯𑍋𑌦𑌕𑌂𑌶𑍀𑌤𑌂𑌵𑌨𑌾𑌨𑌿𑌫𑌲𑌵𑌂𑌤𑌿𑌚 ।
𑌬𑌲𑍌𑌘𑌂𑌸𑌂𑌵𑌿𑌭𑌜𑍍𑌯𑍇𑌮𑌂𑌵𑍍𑌯𑍂𑌹𑍍𑌯𑌤𑌿𑌷𑍍𑌠𑍇𑌮𑌲𑌕𑍍𑌷𑍍𑌮𑌣 ॥ 2 ॥

𑌲𑍋𑌕𑌕𑍍𑌷𑌯𑌕𑌰𑌂𑌭𑍀𑌮𑌂𑌭𑌯𑌂𑌪𑌶𑍍𑌯𑌾𑌮𑍍𑌯𑍁𑌪𑌸𑍍𑌥𑌿𑌤𑌮𑍍 ।
𑌨𑌿𑌬𑌰𑍍𑌹𑌣𑌂𑌪𑍍𑌰𑌵𑍀𑌰𑌾𑌣𑌾𑌮𑍃𑌕𑍍𑌷𑌵𑌾𑌨𑌰𑌰𑌕𑍍𑌷𑌸𑌾𑌮𑍍 ॥ 3 ॥

𑌵𑌾𑌤𑌾𑌶𑍍𑌚𑌕𑌲𑍁𑌷𑌾𑌵𑌾𑌂𑌤𑌿𑌕𑌂𑌪𑌤𑍇𑌚𑌵𑌸𑍁𑌂𑌧𑌰𑌾𑌃 ।
𑌪𑌰𑍍𑌵𑌤𑌾𑌗𑍍𑌰𑌾𑌣𑌿𑌵𑍇𑌪𑌂𑌤𑍇𑌪𑌤𑌂𑌤𑌿𑌚𑌮𑌹𑍀𑌰𑍁𑌹𑌾𑌃 ॥ 4 ॥

𑌮𑍇𑌘𑌾𑌃𑌕𑍍𑌰𑌵𑍍𑌯𑌾𑌦𑌸𑌂𑌕𑌾𑌶𑌾𑌃𑌪𑌰𑍁𑌷𑌾𑌃𑌪𑌰𑍁𑌷𑌸𑍍𑌵𑌨𑌾𑌃 ।
𑌕𑍍𑌰𑍂𑌰𑌾𑌃𑌕𑍍𑌰𑍂𑌰𑌂𑌪𑍍𑌰𑌵𑌰𑍍𑌷𑌂𑌤𑌿𑌮𑌿𑌶𑍍𑌰𑌂𑌶𑍋𑌣𑌿𑌤𑌬𑌿𑌂𑌦𑍁𑌭𑌿𑌃 ॥ 5 ॥

𑌰𑌕𑍍𑌤𑌚𑌂𑌦𑌨𑌸𑌂𑌕𑌾𑌶𑌾𑌸𑌂𑌧𑍍𑌯𑌾𑌪𑌰𑌮𑌦𑌾𑌰𑍁𑌣𑌾 ।
𑌜𑍍𑌵𑌲𑌤𑌃𑌪𑍍𑌰𑌪𑌤𑌤𑍍𑌯𑍇𑌤𑌦𑌾𑌦𑌿𑌤𑍍𑌯𑌾𑌦𑌗𑍍𑌨𑌿𑌮𑌂𑌡𑌲𑌮𑍍 ॥ 6 ॥

𑌦𑍀𑌨𑌾𑌦𑍀𑌨𑌸𑍍𑌵𑌰𑌾𑌃𑌕𑍍𑌰𑍂𑌰𑌾𑌸𑍍𑌸𑌰𑍍𑌵𑌤𑍋𑌮𑍃𑌗𑌪𑌕𑍍𑌷𑌿𑌣𑌃 ।
𑌪𑍍𑌰𑌤𑍍𑌯𑌾𑌦𑌿𑌤𑍍𑌯𑌂𑌵𑌿𑌨𑌰𑍍𑌧𑌂𑌤𑌿𑌜𑌨𑌯𑌂𑌤𑍋𑌮𑌹𑌾𑌦𑍍𑌭𑌯𑌮𑍍 ॥ 𑍭 ॥

𑌰𑌜𑌨𑍍𑌯𑌾𑌮𑌪𑍍𑌰𑌕𑌾𑌶𑌸𑍍𑌤𑍁𑌸𑌂𑌤𑌾𑌪𑌯𑌤𑌿𑌚𑌂𑌦𑍍𑌰𑌮𑌾𑌃 ।
𑌕𑍃𑌷𑍍𑌣𑌰𑌕𑍍𑌤𑌾𑌂𑌶𑍁𑌪𑌰𑍍𑌯𑌂𑌤𑍋𑌲𑍋𑌕𑌕𑍍𑌷𑌯𑍈𑌵𑍋𑌦𑌿𑌤𑌃 ॥ 𑍮 ॥

𑌹𑍍𑌰𑌸𑍍𑌵𑍋𑌰𑍂𑌕𑍍𑌷𑍋𑌽𑌪𑍍𑌰𑌶𑌸𑍍𑌤𑌶𑍍𑌚𑌪𑌰𑌿𑌵𑍇𑌷𑌸𑍍𑌸𑍁𑌲𑍋𑌹𑌿𑌤𑌃 ।
𑌆𑌦𑌿𑌤𑍍𑌯𑍇𑌵𑌿𑌮𑌲𑍇𑌨𑍀𑌲𑌂𑌲𑌕𑍍𑌷𑍍𑌮𑌲𑌕𑍍𑌷𑍍𑌮𑌣𑌦𑍃𑌶𑍍𑌯𑌤𑍇 ॥ 𑍯 ॥

𑌰𑌜𑌸𑌾𑌮𑌹𑌤𑌾𑌚𑌾𑌪𑌿𑌨𑌕𑍍𑌷𑌤𑍍𑌰𑌾𑌣𑌿𑌹𑌤𑌾𑌨𑌿𑌚 ।
𑌯𑍁𑌗𑌾𑌂𑌤𑌮𑌿𑌵𑌲𑍋𑌕𑌾𑌨𑌾𑌂𑌪𑌶𑍍𑌯𑌶𑌂𑌸𑌂𑌤𑍀𑌵𑌲𑌕𑍍𑌷𑍍𑌮𑌣 ॥ 10 ॥

𑌕𑌾𑌕𑌾𑌶𑍍𑌶𑍍𑌯𑍇𑌨𑌾𑌸𑍍𑌤𑌥𑌾𑌨𑍀𑌚𑌾𑌗𑍃𑌧𑍍𑌰𑌾𑌃𑌪𑌰𑌿𑌪𑌤𑌂𑌤𑌿𑌚 ।
𑌶𑌿𑌵𑌾𑌶𑍍𑌚𑌾𑌪𑍍𑌯𑌶𑌿𑌵𑌾𑌨𑍍𑌨𑌾𑌦𑌾𑌨𑍍𑌨𑌦𑌂𑌤𑌿𑌸𑍁𑌮𑌹𑌾𑌭𑌯𑌾𑌨𑍍 ॥ 11 ॥

𑌶𑍈𑌲𑍈𑌶𑍍𑌶𑍂𑌲𑍈𑌶𑍍𑌚𑌖𑌢𑌗𑍈𑌶𑍍𑌚𑌵𑌿𑌸𑍃𑌷𑍍𑌟𑍈𑌃𑌕𑌪𑌿𑌰𑌾𑌕𑍍𑌷𑌸𑍈𑌃 ।
𑌭𑌵𑌿𑌷𑍍𑌯𑌤𑍍𑌯𑌾𑌵𑍃𑌤𑌾𑌭𑍂𑌮𑌿𑌰𑍍𑌮𑌾𑌂𑌸𑌶𑍋𑌣𑌿𑌤𑌕𑌰𑍍𑌦𑌮𑌾 ॥ 12 ॥

𑌕𑍍𑌷𑌿𑌪𑍍𑌰𑌮𑌦𑍍𑌯𑍈𑌵𑌦𑍁𑌰𑍍𑌦𑌰𑍍𑌷𑌾𑌂𑌪𑍁𑌰𑍀𑌂𑌰𑌾𑌵𑌣𑌪𑌾𑌲𑌿𑌤𑌾𑌮𑍍 ।
𑌅𑌭𑌿𑌯𑌾𑌮𑌜𑌨𑍇𑌨𑍈𑌵𑌸𑌰𑍍𑌵𑌤𑍋𑌹𑌰𑌿𑌭𑌿𑌰𑍍𑌵𑌵𑍃𑌤𑌾𑌃 ॥ 13 ॥

𑌇𑌤𑍍𑌯𑍇𑌵𑌮𑍁𑌕𑍍𑌤𑍍𑌵𑌾𑌧𑌰𑍍𑌮𑌾𑌤𑍍𑌮𑌾𑌧𑌨𑌵𑍀𑌸𑌂𑌗𑍍𑌰𑌾𑌮𑌹𑌰𑍍𑌷𑌣𑌃 ।
𑌪𑍍𑌰𑌤𑌸𑍍𑌥𑍇𑌪𑍁𑌰𑌤𑍋𑌰𑌾𑌮𑍋𑌲𑌂𑌕𑌾𑌮𑌭𑌿𑌮𑍁𑌖𑍋𑌵𑌿𑌭𑍁𑌃 ॥ 14 ॥

𑌸𑌵𑌿𑌭𑍀𑌷𑌣𑌸𑍁𑌗𑍍𑌰𑍀𑌵𑌾𑌸𑍍𑌤𑌤𑌸𑍍𑌤𑍇𑌵𑌾𑌨𑌰𑌰𑍍𑌷𑌭𑌾𑌃 ।
𑌪𑍍𑌰𑌤𑌸𑍍𑌥𑌿𑌰𑍇𑌵𑌿𑌨𑌰𑍍𑌦𑌂𑌤𑍋𑌨𑌿𑌶𑍍𑌚𑌿𑌤𑌾𑌦𑍍𑌵𑌿𑌷𑌤𑌾𑌂𑌵𑌧𑍇 ॥ 15 ॥

𑌰𑌾𑌘𑌵𑌸𑍍𑌯𑌪𑍍𑌰𑌿𑌯𑌾𑌰𑍍𑌥𑌂𑌤𑍁𑌸𑍁𑌤𑌰𑌾𑌂𑌵𑍀𑌰𑍍𑌯𑌶𑌾𑌲𑌿𑌨𑌾𑌮𑍍 ।
𑌹𑌰𑍀𑌣𑌾𑌂𑌕𑌰𑍍𑌮𑌚𑍇𑌷𑍍𑌟𑌾𑌭𑌿𑌸𑍍𑌤𑍁𑌤𑍋𑌷𑌰𑌘𑍁𑌪𑍁𑌂𑌗𑌵𑌃 ॥ 16 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌤𑍍𑌰𑌯𑍋𑌵𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: