śrīmadvālmīkīya rāmāyaṇē yuddhakāṇḍam ।
atha trayōviṃśassargaḥ ।
nimittāninimittājñōdṛṣṭavālakṣmaṇapūrvajaḥ ।
saumitriṃsampariṣvajyaidaṃvachanamabravīt ॥ 1 ॥
nimittāniparigṛhyōdakaṃśītaṃvanāniphalavanticha ।
balaughaṃsaṃvibhajyēmaṃvyūhyatiṣṭhēmalakṣmaṇa ॥ 2 ॥
lōkakṣayakarambhīmambhayampaśyāmyupasthitam ।
nibarhaṇampravīrāṇāmṛkṣavānararakṣasām ॥ 3 ॥
vātāśchakaluṣāvāntikampatēchavasundharāḥ ।
parvatāgrāṇivēpantēpatantichamahīruhāḥ ॥ 4 ॥
mēghāḥkravyādasaṅkāśāḥparuṣāḥparuṣasvanāḥ ।
krūrāḥkrūrampravarṣantimiśraṃśōṇitabindubhiḥ ॥ 5 ॥
raktachandanasaṅkāśāsandhyāparamadāruṇā ।
jvalataḥprapatatyētadādityādagnimaṇḍalam ॥ 6 ॥
dīnādīnasvarāḥkrūrāssarvatōmṛgapakṣiṇaḥ ।
pratyādityaṃvinardhantijanayantōmahādbhayam ॥ 7 ॥
rajanyāmaprakāśastusantāpayatichandramāḥ ।
kṛṣṇaraktāṃśuparyantōlōkakṣayaivōditaḥ ॥ 8 ॥
hrasvōrūkṣō'praśastaśchaparivēṣassulōhitaḥ ।
ādityēvimalēnīlaṃlakṣmalakṣmaṇadṛśyatē ॥ 9 ॥
rajasāmahatāchāpinakṣatrāṇihatānicha ।
yugāntamivalōkānāmpaśyaśaṃsantīvalakṣmaṇa ॥ 10 ॥
kākāśśyēnāstathānīchāgṛdhrāḥparipatanticha ।
śivāśchāpyaśivānnādānnadantisumahābhayān ॥ 11 ॥
śailaiśśūlaiśchakhaḍhagaiśchavisṛṣṭaiḥkapirākṣasaiḥ ।
bhaviṣyatyāvṛtābhūmirmāṃsaśōṇitakardamā ॥ 12 ॥
kṣipramadyaivadurdarṣāmpurīṃrāvaṇapālitām ।
abhiyāmajanēnaivasarvatōharibhirvavṛtāḥ ॥ 13 ॥
ityēvamuktvādharmātmādhanavīsaṅgrāmaharṣaṇaḥ ।
pratasthēpuratōrāmōlaṅkāmabhimukhōvibhuḥ ॥ 14 ॥
savibhīṣaṇasugrīvāstatastēvānararṣabhāḥ ।
pratasthirēvinardantōniśchitādviṣatāṃvadhē ॥ 15 ॥
rāghavasyapriyārthantusutarāṃvīryaśālinām ।
harīṇāṅkarmachēṣṭābhistutōṣaraghupuṅgavaḥ ॥ 16 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē trayōviṃśassargaḥ ॥
