ශ්රීමද්වාල්මීකීය රාමායණේ යුද්ධකාංඩම් ।
අථ ත්රයෝවිංශස්සර්ගඃ ।
නිමිත්තානිනිමිත්තාජ්ඤෝදෘෂ්ටවාලක්ෂ්මණපූර්වජඃ ।
සෞමිත්රිංසංපරිෂ්වජ්යෛදංවචනමබ්රවීත් ॥ 1 ॥
නිමිත්තානිපරිගෘහ්යෝදකංශීතංවනානිඵලවංතිච ।
බලෞඝංසංවිභජ්යේමංව්යූහ්යතිෂ්ඨේමලක්ෂ්මණ ॥ 2 ॥
ලෝකක්ෂයකරංභීමංභයංපශ්යාම්යුපස්ථිතම් ।
නිබර්හණංප්රවීරාණාමෘක්ෂවානරරක්ෂසාම් ॥ 3 ॥
වාතාශ්චකලුෂාවාංතිකංපතේචවසුංධරාඃ ।
පර්වතාග්රාණිවේපංතේපතංතිචමහීරුහාඃ ॥ 4 ॥
මේඝාඃක්රව්යාදසංකාශාඃපරුෂාඃපරුෂස්වනාඃ ।
ක්රූරාඃක්රූරංප්රවර්ෂංතිමිශ්රංශෝණිතබිංදුභිඃ ॥ 5 ॥
රක්තචංදනසංකාශාසංධ්යාපරමදාරුණා ।
ජ්වලතඃප්රපතත්යේතදාදිත්යාදග්නිමංඩලම් ॥ 6 ॥
දීනාදීනස්වරාඃක්රූරාස්සර්වතෝමෘගපක්ෂිණඃ ।
ප්රත්යාදිත්යංවිනර්ධංතිජනයංතෝමහාද්භයම් ॥ 7 ॥
රජන්යාමප්රකාශස්තුසංතාපයතිචංද්රමාඃ ।
කෘෂ්ණරක්තාංශුපර්යංතෝලෝකක්ෂයෛවෝදිතඃ ॥ 8 ॥
හ්රස්වෝරූක්ෂෝऽප්රශස්තශ්චපරිවේෂස්සුලෝහිතඃ ।
ආදිත්යේවිමලේනීලංලක්ෂ්මලක්ෂ්මණදෘශ්යතේ ॥ 9 ॥
රජසාමහතාචාපිනක්ෂත්රාණිහතානිච ।
යුගාංතමිවලෝකානාංපශ්යශංසංතීවලක්ෂ්මණ ॥ 10 ॥
කාකාශ්ශ්යේනාස්තථානීචාගෘධ්රාඃපරිපතංතිච ।
ශිවාශ්චාප්යශිවාන්නාදාන්නදංතිසුමහාභයාන් ॥ 11 ॥
ශෛලෛශ්ශූලෛශ්චඛඪගෛශ්චවිසෘෂ්ටෛඃකපිරාක්ෂසෛඃ ।
භවිෂ්යත්යාවෘතාභූමිර්මාංසශෝණිතකර්දමා ॥ 12 ॥
ක්ෂිප්රමද්යෛවදුර්දර්ෂාංපුරීංරාවණපාලිතාම් ।
අභියාමජනේනෛවසර්වතෝහරිභිර්වවෘතාඃ ॥ 13 ॥
ඉත්යේවමුක්ත්වාධර්මාත්මාධනවීසංග්රාමහර්ෂණඃ ।
ප්රතස්ථේපුරතෝරාමෝලංකාමභිමුඛෝවිභුඃ ॥ 14 ॥
සවිභීෂණසුග්රීවාස්තතස්තේවානරර්ෂභාඃ ।
ප්රතස්ථිරේවිනර්දංතෝනිශ්චිතාද්විෂතාංවධේ ॥ 15 ॥
රාඝවස්යප්රියාර්ථංතුසුතරාංවීර්යශාලිනාම් ।
හරීණාංකර්මචේෂ්ටාභිස්තුතෝෂරඝුපුංගවඃ ॥ 16 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්රයෝවිංශස්සර්ගඃ ॥
