শ্রীমদ্বাল্মীকীয রামাযণে যুদ্ধকাংডম্ ।
অথ ত্রযোবিংশস্সর্গঃ ।
নিমিত্তানিনিমিত্তাজ্ঞোদৃষ্টবালক্ষ্মণপূর্বজঃ ।
সৌমিত্রিংসংপরিষ্বজ্যৈদংবচনমব্রবীত্ ॥ 1 ॥
নিমিত্তানিপরিগৃহ্যোদকংশীতংবনানিফলবংতিচ ।
বলৌঘংসংবিভজ্যেমংব্যূহ্যতিষ্ঠেমলক্ষ্মণ ॥ 2 ॥
লোকক্ষযকরংভীমংভযংপশ্যাম্যুপস্থিতম্ ।
নিবর্হণংপ্রবীরাণামৃক্ষবানররক্ষসাম্ ॥ 3 ॥
বাতাশ্চকলুষাবাংতিকংপতেচবসুংধরাঃ ।
পর্বতাগ্রাণিবেপংতেপতংতিচমহীরুহাঃ ॥ 4 ॥
মেঘাঃক্রব্যাদসংকাশাঃপরুষাঃপরুষস্বনাঃ ।
ক্রূরাঃক্রূরংপ্রবর্ষংতিমিশ্রংশোণিতবিংদুভিঃ ॥ 5 ॥
রক্তচংদনসংকাশাসংধ্যাপরমদারুণা ।
জ্বলতঃপ্রপতত্যেতদাদিত্যাদগ্নিমংডলম্ ॥ 6 ॥
দীনাদীনস্বরাঃক্রূরাস্সর্বতোমৃগপক্ষিণঃ ।
প্রত্যাদিত্যংবিনর্ধংতিজনযংতোমহাদ্ভযম্ ॥ 7 ॥
রজন্যামপ্রকাশস্তুসংতাপযতিচংদ্রমাঃ ।
কৃষ্ণরক্তাংশুপর্যংতোলোকক্ষযৈবোদিতঃ ॥ 8 ॥
হ্রস্বোরূক্ষোঽপ্রশস্তশ্চপরিবেষস্সুলোহিতঃ ।
আদিত্যেবিমলেনীলংলক্ষ্মলক্ষ্মণদৃশ্যতে ॥ 9 ॥
রজসামহতাচাপিনক্ষত্রাণিহতানিচ ।
যুগাংতমিবলোকানাংপশ্যশংসংতীবলক্ষ্মণ ॥ 10 ॥
কাকাশ্শ্যেনাস্তথানীচাগৃধ্রাঃপরিপতংতিচ ।
শিবাশ্চাপ্যশিবান্নাদান্নদংতিসুমহাভযান্ ॥ 11 ॥
শৈলৈশ্শূলৈশ্চখঢগৈশ্চবিসৃষ্টৈঃকপিরাক্ষসৈঃ ।
ভবিষ্যত্যাবৃতাভূমির্মাংসশোণিতকর্দমা ॥ 12 ॥
ক্ষিপ্রমদ্যৈবদুর্দর্ষাংপুরীংরাবণপালিতাম্ ।
অভিযামজনেনৈবসর্বতোহরিভির্ববৃতাঃ ॥ 13 ॥
ইত্যেবমুক্ত্বাধর্মাত্মাধনবীসংগ্রামহর্ষণঃ ।
প্রতস্থেপুরতোরামোলংকামভিমুখোবিভুঃ ॥ 14 ॥
সবিভীষণসুগ্রীবাস্ততস্তেবানরর্ষভাঃ ।
প্রতস্থিরেবিনর্দংতোনিশ্চিতাদ্বিষতাংবধে ॥ 15 ॥
রাঘবস্যপ্রিযার্থংতুসুতরাংবীর্যশালিনাম্ ।
হরীণাংকর্মচেষ্টাভিস্তুতোষরঘুপুংগবঃ ॥ 16 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ত্রযোবিংশস্সর্গঃ ॥
