శ్రీమద్వాల్మీకీయ రామాయణే యుద్ధకాండమ్ ।
అథ త్రయోవింశస్సర్గః ।
నిమిత్తానినిమిత్తాజ్ఞోదృష్టవాలక్ష్మణపూర్వజః ।
సౌమిత్రింసంపరిష్వజ్యైదంవచనమబ్రవీత్ ॥ 1 ॥
నిమిత్తానిపరిగృహ్యోదకంశీతంవనానిఫలవంతిచ ।
బలౌఘంసంవిభజ్యేమంవ్యూహ్యతిష్ఠేమలక్ష్మణ ॥ 2 ॥
లోకక్షయకరంభీమంభయంపశ్యామ్యుపస్థితమ్ ।
నిబర్హణంప్రవీరాణామృక్షవానరరక్షసామ్ ॥ 3 ॥
వాతాశ్చకలుషావాంతికంపతేచవసుంధరాః ।
పర్వతాగ్రాణివేపంతేపతంతిచమహీరుహాః ॥ 4 ॥
మేఘాఃక్రవ్యాదసంకాశాఃపరుషాఃపరుషస్వనాః ।
క్రూరాఃక్రూరంప్రవర్షంతిమిశ్రంశోణితబిందుభిః ॥ 5 ॥
రక్తచందనసంకాశాసంధ్యాపరమదారుణా ।
జ్వలతఃప్రపతత్యేతదాదిత్యాదగ్నిమండలమ్ ॥ 6 ॥
దీనాదీనస్వరాఃక్రూరాస్సర్వతోమృగపక్షిణః ।
ప్రత్యాదిత్యంవినర్ధంతిజనయంతోమహాద్భయమ్ ॥ 7 ॥
రజన్యామప్రకాశస్తుసంతాపయతిచంద్రమాః ।
కృష్ణరక్తాంశుపర్యంతోలోకక్షయైవోదితః ॥ 8 ॥
హ్రస్వోరూక్షోఽప్రశస్తశ్చపరివేషస్సులోహితః ।
ఆదిత్యేవిమలేనీలంలక్ష్మలక్ష్మణదృశ్యతే ॥ 9 ॥
రజసామహతాచాపినక్షత్రాణిహతానిచ ।
యుగాంతమివలోకానాంపశ్యశంసంతీవలక్ష్మణ ॥ 10 ॥
కాకాశ్శ్యేనాస్తథానీచాగృధ్రాఃపరిపతంతిచ ।
శివాశ్చాప్యశివాన్నాదాన్నదంతిసుమహాభయాన్ ॥ 11 ॥
శైలైశ్శూలైశ్చఖఢగైశ్చవిసృష్టైఃకపిరాక్షసైః ।
భవిష్యత్యావృతాభూమిర్మాంసశోణితకర్దమా ॥ 12 ॥
క్షిప్రమద్యైవదుర్దర్షాంపురీంరావణపాలితామ్ ।
అభియామజనేనైవసర్వతోహరిభిర్వవృతాః ॥ 13 ॥
ఇత్యేవముక్త్వాధర్మాత్మాధనవీసంగ్రామహర్షణః ।
ప్రతస్థేపురతోరామోలంకామభిముఖోవిభుః ॥ 14 ॥
సవిభీషణసుగ్రీవాస్తతస్తేవానరర్షభాః ।
ప్రతస్థిరేవినర్దంతోనిశ్చితాద్విషతాంవధే ॥ 15 ॥
రాఘవస్యప్రియార్థంతుసుతరాంవీర్యశాలినామ్ ।
హరీణాంకర్మచేష్టాభిస్తుతోషరఘుపుంగవః ॥ 16 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే త్రయోవింశస్సర్గః ॥
