ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಯೋವಿಂಶಸ್ಸರ್ಗಃ ।
ನಿಮಿತ್ತಾನಿನಿಮಿತ್ತಾಜ್ಞೋದೃಷ್ಟವಾಲಕ್ಷ್ಮಣಪೂರ್ವಜಃ ।
ಸೌಮಿತ್ರಿಂಸಮ್ಪರಿಷ್ವಜ್ಯೈದಂವಚನಮಬ್ರವೀತ್ ॥ 1 ॥
ನಿಮಿತ್ತಾನಿಪರಿಗೃಹ್ಯೋದಕಂಶೀತಂವನಾನಿಫಲವನ್ತಿಚ ।
ಬಲೌಘಂಸಂವಿಭಜ್ಯೇಮಂವ್ಯೂಹ್ಯತಿಷ್ಠೇಮಲಕ್ಷ್ಮಣ ॥ 2 ॥
ಲೋಕಕ್ಷಯಕರಮ್ಭೀಮಮ್ಭಯಮ್ಪಶ್ಯಾಮ್ಯುಪಸ್ಥಿತಮ್ ।
ನಿಬರ್ಹಣಮ್ಪ್ರವೀರಾಣಾಮೃಕ್ಷವಾನರರಕ್ಷಸಾಮ್ ॥ 3 ॥
ವಾತಾಶ್ಚಕಲುಷಾವಾನ್ತಿಕಮ್ಪತೇಚವಸುನ್ಧರಾಃ ।
ಪರ್ವತಾಗ್ರಾಣಿವೇಪನ್ತೇಪತನ್ತಿಚಮಹೀರುಹಾಃ ॥ 4 ॥
ಮೇಘಾಃಕ್ರವ್ಯಾದಸಙ್ಕಾಶಾಃಪರುಷಾಃಪರುಷಸ್ವನಾಃ ।
ಕ್ರೂರಾಃಕ್ರೂರಮ್ಪ್ರವರ್ಷನ್ತಿಮಿಶ್ರಂಶೋಣಿತಬಿನ್ದುಭಿಃ ॥ 5 ॥
ರಕ್ತಚನ್ದನಸಙ್ಕಾಶಾಸನ್ಧ್ಯಾಪರಮದಾರುಣಾ ।
ಜ್ವಲತಃಪ್ರಪತತ್ಯೇತದಾದಿತ್ಯಾದಗ್ನಿಮಣ್ಡಲಮ್ ॥ 6 ॥
ದೀನಾದೀನಸ್ವರಾಃಕ್ರೂರಾಸ್ಸರ್ವತೋಮೃಗಪಕ್ಷಿಣಃ ।
ಪ್ರತ್ಯಾದಿತ್ಯಂವಿನರ್ಧನ್ತಿಜನಯನ್ತೋಮಹಾದ್ಭಯಮ್ ॥ 7 ॥
ರಜನ್ಯಾಮಪ್ರಕಾಶಸ್ತುಸನ್ತಾಪಯತಿಚನ್ದ್ರಮಾಃ ।
ಕೃಷ್ಣರಕ್ತಾಂಶುಪರ್ಯನ್ತೋಲೋಕಕ್ಷಯೈವೋದಿತಃ ॥ 8 ॥
ಹ್ರಸ್ವೋರೂಕ್ಷೋಽಪ್ರಶಸ್ತಶ್ಚಪರಿವೇಷಸ್ಸುಲೋಹಿತಃ ।
ಆದಿತ್ಯೇವಿಮಲೇನೀಲಂಲಕ್ಷ್ಮಲಕ್ಷ್ಮಣದೃಶ್ಯತೇ ॥ 9 ॥
ರಜಸಾಮಹತಾಚಾಪಿನಕ್ಷತ್ರಾಣಿಹತಾನಿಚ ।
ಯುಗಾನ್ತಮಿವಲೋಕಾನಾಮ್ಪಶ್ಯಶಂಸನ್ತೀವಲಕ್ಷ್ಮಣ ॥ 10 ॥
ಕಾಕಾಶ್ಶ್ಯೇನಾಸ್ತಥಾನೀಚಾಗೃಧ್ರಾಃಪರಿಪತನ್ತಿಚ ।
ಶಿವಾಶ್ಚಾಪ್ಯಶಿವಾನ್ನಾದಾನ್ನದನ್ತಿಸುಮಹಾಭಯಾನ್ ॥ 11 ॥
ಶೈಲೈಶ್ಶೂಲೈಶ್ಚಖಢಗೈಶ್ಚವಿಸೃಷ್ಟೈಃಕಪಿರಾಕ್ಷಸೈಃ ।
ಭವಿಷ್ಯತ್ಯಾವೃತಾಭೂಮಿರ್ಮಾಂಸಶೋಣಿತಕರ್ದಮಾ ॥ 12 ॥
ಕ್ಷಿಪ್ರಮದ್ಯೈವದುರ್ದರ್ಷಾಮ್ಪುರೀಂರಾವಣಪಾಲಿತಾಮ್ ।
ಅಭಿಯಾಮಜನೇನೈವಸರ್ವತೋಹರಿಭಿರ್ವವೃತಾಃ ॥ 13 ॥
ಇತ್ಯೇವಮುಕ್ತ್ವಾಧರ್ಮಾತ್ಮಾಧನವೀಸಙ್ಗ್ರಾಮಹರ್ಷಣಃ ।
ಪ್ರತಸ್ಥೇಪುರತೋರಾಮೋಲಙ್ಕಾಮಭಿಮುಖೋವಿಭುಃ ॥ 14 ॥
ಸವಿಭೀಷಣಸುಗ್ರೀವಾಸ್ತತಸ್ತೇವಾನರರ್ಷಭಾಃ ।
ಪ್ರತಸ್ಥಿರೇವಿನರ್ದನ್ತೋನಿಶ್ಚಿತಾದ್ವಿಷತಾಂವಧೇ ॥ 15 ॥
ರಾಘವಸ್ಯಪ್ರಿಯಾರ್ಥನ್ತುಸುತರಾಂವೀರ್ಯಶಾಲಿನಾಮ್ ।
ಹರೀಣಾಙ್ಕರ್ಮಚೇಷ್ಟಾಭಿಸ್ತುತೋಷರಘುಪುಙ್ಗವಃ ॥ 16 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಯೋವಿಂಶಸ್ಸರ್ಗಃ ॥
