ශ්රීමද්වාල්මීකීය රාමායණේ යුද්ධකාංඩම් ।
අථ ෂඩ්විංශස්සර්ගඃ ।
තද්වචඃපථ්යමක්ලීබංසාරණේනාභිභාෂිතම් ।
නිශම්යරාවණෝරාජාප්රත්යභාෂතසාරණම් ॥ 1 ॥
යදිමාමභියුංජීරංදේවගංධර්වදානවාඃ ।
නෛවසීතාංප්රදාස්යාමිසර්වලෝකභයාදපි ॥ 2 ॥
ත්වංතුසෞම්යපරිත්රස්තෝහරිභිර්නිර්ජිතෝභෘශම් ।
ප්රතිප්රදානමද්යෛවසීතායාස්සාධුමන්යසේ ॥ 3 ॥
කෝහිනාමසපත්නෝමාංසමරේජේතුමර්හති ।
ඉත්යුක්ත්වාපරුෂංවාක්යංරාවණෝරාක්ෂසාධිපඃ ॥ 4 ॥
ආරුරෝහතතශ්රශීමාන් ප්රාසාදංහිමපාංඩුරම් ।
බහුතාලසමුත්සේධංරාවණෝऽථදිදෘක්ෂ්යා ॥ 5 ॥
තාභ්යාංචරාභ්යාංසහිතෝරාවණඃක්රෝධමූර්ඡිතඃ ।
පශ්යමානස්සමුද්රංචපර්වතාංශ්චවනානිච ॥ 6 ॥
දදර්ශපෘථිවීදේශංසුසංපූර්ණංප්ලවංගමෛඃ ।
තදපාරමසංඛ්ඛ්යේයංවානරාණාංමහද්බලම් ।
අලෝක්යරාවණෝරාජාපරිපප්රච්ඡසාරණම් ॥ 7 ॥
ඒෂාංවානරමුඛ්යානාංකේශූරාඃකේමහාබලාඃ ।
කේපූර්වමභිවර්තංතේමහෝත්සාහාස්සමංතතඃ ॥ 8 ॥
කේෂාංශෘණෝතිසුග්රීවඃකේවායූථපයූථපාඃ ।
සාරණාචක්ෂ්වතත්ත්වේනකේප්රධානාඃප්ලවංගමාඃ ॥ 9 ॥
සාරණෝරාක්ෂසේංද්රස්යවචනංපරිපෘච්ඡතඃ ।
ආචචක්ෂේऽථමුඛ්යජ්ඤෝමුඛ්යාංස්තාංස්තුවනෞකසඃ ॥ 10 ॥
ඒෂයෝऽභිමුඛෝලංකාංනර්දංස්තිෂ්ඨතිවානරඃ ।
යූථපානාංසහස්රාණාංශතේනපරිවාරිතඃ ॥ 11 ॥
යස්යඝෝෂේණමහතාසප්රාකාරාසතෝරණා ।
ලංකාප්රවේපතේසර්වාසශෛලවනකානනා ॥ 12 ॥
සර්වශාඛාමෘගේංද්රස්යසුග්රීවස්යමහාත්මනඃ ।
බලාග්රේතිෂ්ඨතේවීරෝනීලෝනාමෛෂයූථපඃ ॥ 13 ॥
බාහූප්රගෘහ්යයඃපද් භ්යාංමහීංගච්ඡතිවීර්යවාන් ।
ලංකාමභිමුඛඃක්රෝධාදභීක්ෂ්ණංචවිජෘංභතේ ॥ 14 ॥
ගිරිශෘංගප්රතීකාශඃපද්මකිංජල්කසන්නිභඃ ।
ස්පෝටයත්යභිසංරබ්ධෝලාංගූලංචපුනඃපුනඃ ॥ 15 ॥
යස්යලාංගූලශබ්දේනස්වනංතිප්රදිශෝදශ ।
ඒෂවානරරාජේනසුග්රීවේණාභිෂේචිතඃ ॥ 16 ॥
යෞවරාජ්යේऽංගදෝනාමත්වාමාහ්වයතිසංයුගේ ॥ 17 ॥
වාලිනස්සදෘශඃපුත්රස්සුග්රීවස්යසදාප්රියඃ ।
රාඝවාර්ථේපරාක්රාංතශ්ශක්රාර්ථේවරුණෝයථා ॥ 18 ॥
ඒතස්යසාමතිස්සර්වායද්දෘෂ්ටාජනකාත්මජා ।
හනූමතාවේගවතාරාඝවස්යහිතෛෂිණා ॥ 19 ॥
බහූනිවානරේංද්රාණාමේෂයූථානිවීර්යවාන් ।
පරිගෘහ්යාභියාතිත්වාංස්වේනානීකේනමර්දිතුම් ॥ 20 ॥
අනුවාලිසුතස්යාපිබලේනමහතාऽවෘතඃ ।
වීරස්තිෂ්ඨතිසංග්රාමේසේතුහේතුරයංනලඃ ॥ 21 ॥
යේතුවිෂ්ටභ්යගාත්රාණික්ෂ්වේලයංතිනදංතිච ।
උත්ථායචවිජෘංභංතේක්රෝධේනහරිපුංගවාඃ ॥ 22 ॥
ඒතේදුෂ්ප්රසහාඝෝරාශ්චංඩාශ්චංඩපරාක්රමාඃ ।
අෂ්ටෞශතසහස්රාණිදශකෝටිශතානිච ॥ 23 ॥
යඒනමනුගච්ඡංතිවීරාශ්චංදනවාසිනඃ ।
ඒෂෛවාශංසතේලංකාංස්වේනානීකේනමර්දිතුම් ॥ 24 ॥
ශ්වේතෝරජතසංකාශශ්චපලෝභීමවික්රමඃ ।
බුද්ධිමාන්වානරශ්ශූරස්ත්රිෂුලෝකේෂුවිශ්රුතඃ ॥ 25 ॥
තූර්ණංසුග්රීවමාගම්යපුනර්ගච්ඡතිසත්වරඃ ।
විභජන්වානරීංසේනාමනීකානිප්රහර්ෂයන් ॥ 26 ॥
යඃපුරාගෝමතීතීරේරම්යංපර්යේතිපර්වතම් ।
නාම්නාසංකෝචනෝනාමනානානගයුතෝගිරිඃ ॥ 27 ॥
තත්රරාජ්යංප්රශාස්ත්යේෂකුමුදෝනාමයූථපඃ ।
යෝऽසෞශතසහස්රාණිසහස්රංපරිකර්ෂති ॥ 28 ॥
යස්යවාලාබහුව්යාමාදීර්ඝලාංගූලමාශ්රිතා ।
තාම්රාපීතාස්සීතාශ්ශ්වේතාඃප්රකීර්ණාඝෝරදර්ශනා ॥ 29 ॥
අදීනෝරෝෂණශ්චංඩස්සංග්රාමමභිකාඞ් ක්ෂති ।
ඒෂෝऽප්යාශංසතේලංකාංස්වේනානීකේනමර්දිතුම් ॥ 30 ॥
යස්ත්වේෂසිංහසංකාශඃකපිලෝදීර්ඝලෝචනඃ ।
නිභෘතඃප්රේක්ෂතේලංකාංදිධක්ෂන්නිවචක්ෂුෂා ॥ 31 ॥
විංධ්යංකෘෂ්ණගිරිංසහ්යංපර්වතංචසුදර්ශනම් ।
රාජන්සතතමධ්යාස්තේරංභෝනාමයූථපඃ ॥ 32 ॥
ශතංශතසහාස්රාණාංත්රිංශච්චහරිපුංගවාඃ ।
යමේතේවානරාශ්ශූරාශ්චංඩාශ්චංඩපරාක්රමාඃ ॥ 33 ॥
පරිවාර්යානුගච්ඡංතිලංකාංමර්දිතුමෝජසා ।
යස්තුකර්ණෞවිවෘණුතේජෘංබතේචපුනඃපුනඃ ।
නචසංවිජතේමෘත්යෝර්නචයුද්ධාද්විධාවති ॥ 34 ॥
න ච සම්විජතේ මෘත්යෝර් න ච යූථාද් විධාවති ।
ප්රකංපතේ ච රෝෂේන තිර්යක්ච පුනරීක්ෂතේ ॥ 35 ॥
මහාජවෝවීතභයෝරම්යංසාල්වේයපර්වතම් ।
රාජන්සතතමධ්යාස්තේශරභෝනාමයූථපඃ ॥ 36 ॥
ඒතස්යබලිනස්සර්වේවිහාරානාමයූථපාඃ ।
රාජන් ශතසහස්රාණිචත්වාරිංශස්තථෛවච ॥ 37 ॥
රාජන් ශත සහස්රාණි චත්වාරිංශත් තථෛව ච ।
යස් තු මේඝ ඉව ආකාශං මහාන් ආවෘත්ය තිෂ්ඨති ॥ 38 ॥
භේරීණාමිවසන්නාදෝයස්යෛෂශ්රූයතේමහාන් ।
ඝෝෂශ්ශාඛාමෘගේංද්රාණාංසංග්රාමමභිකාංක්ෂිතාම් ॥ 39 ॥
ඒෂපර්වතමධ්යාස්තේපාරියාත්රමනුත්තමම් ।
යුද්ධේදුෂ්ප්රසහෝනිත්යංපනසෝනාමයූථපඃ ॥ 40 ॥
ඒනංශතසහස්රාණාංශතාර්ධංපර්යුපාසතේ ।
යූථපායූථපශ්රේෂ්ඨංයේෂාංයූථානිභාගශඃ ॥ 41 ॥
යූථපා යූථප ශ්රේෂ්ඨං යේෂාං යූථානි භාගශඃ ।
යස් තු භීමාං ප්රවල්ගංතීං චමූං තිෂ්ඨති ශෝභයන් ॥ 42 ॥
ඒෂදර්දරසංකාශෝවිනතෝනාමයූථපඃ ।
පිබංශ්චරතිපර්ණාසාංනදීනාමුත්තමාංනදීම් ॥ 43 ॥
ෂෂ්ටිශ්ශතසහස්රාණිබලමස්යප්ලවංගමාඃ ॥ 44 ॥
ත්වාමාහ්වයතියුද්ධායක්රෝධනෝනාමයූධපඃ ।
වික්රාංතාබලවංතශ්චයථායූථානිභාගශඃ ॥ 45 ॥
යස්තුගෛරිකවර්ණාභංවපුඃපුෂ්යතිවානරඃ ।
අවමත්යසදාසර්වාන්වානරාන්බලදර්පිතාන් ॥ 46 ॥
ගවයෝනාමතේජස්වීත්වාංක්රෝධාදභිවර්තතේ ।
ඒනංශතසහස්රාණිසප්තතිඃපර්යුපාසතේ ।
ඒෂෛවාශංසතේලංකාංස්වේනානීකේනමර්දිතුම් ॥ 47 ॥
ඒතේදුෂ්ප්රසහාඝෝරාබලිනඃකාමරූපිණඃ ।
යූථපායූථපශ්රේෂ්ඨාමේෂාංයූථානිභාගශඃ ॥ 48 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂඩ්විංශස්සර්ගඃ ॥
