Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

6.26 𑌯𑍁𑌦𑍍𑌧𑌕𑌾𑌂𑌡 - 𑌷𑌡𑍍𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌦𑍍𑌵𑌚𑌃𑌪𑌥𑍍𑌯𑌮𑌕𑍍𑌲𑍀𑌬𑌂𑌸𑌾𑌰𑌣𑍇𑌨𑌾𑌭𑌿𑌭𑌾𑌷𑌿𑌤𑌮𑍍 ।
𑌨𑌿𑌶𑌮𑍍𑌯𑌰𑌾𑌵𑌣𑍋𑌰𑌾𑌜𑌾𑌪𑍍𑌰𑌤𑍍𑌯𑌭𑌾𑌷𑌤𑌸𑌾𑌰𑌣𑌮𑍍 ॥ 1 ॥

𑌯𑌦𑌿𑌮𑌾𑌮𑌭𑌿𑌯𑍁𑌂𑌜𑍀𑌰𑌂𑌦𑍇𑌵𑌗𑌂𑌧𑌰𑍍𑌵𑌦𑌾𑌨𑌵𑌾𑌃 ।
𑌨𑍈𑌵𑌸𑍀𑌤𑌾𑌂𑌪𑍍𑌰𑌦𑌾𑌸𑍍𑌯𑌾𑌮𑌿𑌸𑌰𑍍𑌵𑌲𑍋𑌕𑌭𑌯𑌾𑌦𑌪𑌿 ॥ 2 ॥

𑌤𑍍𑌵𑌂𑌤𑍁𑌸𑍌𑌮𑍍𑌯𑌪𑌰𑌿𑌤𑍍𑌰𑌸𑍍𑌤𑍋𑌹𑌰𑌿𑌭𑌿𑌰𑍍𑌨𑌿𑌰𑍍𑌜𑌿𑌤𑍋𑌭𑍃𑌶𑌮𑍍 ।
𑌪𑍍𑌰𑌤𑌿𑌪𑍍𑌰𑌦𑌾𑌨𑌮𑌦𑍍𑌯𑍈𑌵𑌸𑍀𑌤𑌾𑌯𑌾𑌸𑍍𑌸𑌾𑌧𑍁𑌮𑌨𑍍𑌯𑌸𑍇 ॥ 3 ॥

𑌕𑍋𑌹𑌿𑌨𑌾𑌮𑌸𑌪𑌤𑍍𑌨𑍋𑌮𑌾𑌂𑌸𑌮𑌰𑍇𑌜𑍇𑌤𑍁𑌮𑌰𑍍𑌹𑌤𑌿 ।
𑌇𑌤𑍍𑌯𑍁𑌕𑍍𑌤𑍍𑌵𑌾𑌪𑌰𑍁𑌷𑌂𑌵𑌾𑌕𑍍𑌯𑌂𑌰𑌾𑌵𑌣𑍋𑌰𑌾𑌕𑍍𑌷𑌸𑌾𑌧𑌿𑌪𑌃 ॥ 4 ॥

𑌆𑌰𑍁𑌰𑍋𑌹𑌤𑌤𑌶𑍍𑌰𑌶𑍀𑌮𑌾𑌨𑍍 𑌪𑍍𑌰𑌾𑌸𑌾𑌦𑌂𑌹𑌿𑌮𑌪𑌾𑌂𑌡𑍁𑌰𑌮𑍍 ।
𑌬𑌹𑍁𑌤𑌾𑌲𑌸𑌮𑍁𑌤𑍍𑌸𑍇𑌧𑌂𑌰𑌾𑌵𑌣𑍋𑌽𑌥𑌦𑌿𑌦𑍃𑌕𑍍𑌷𑍍𑌯𑌾 ॥ 5 ॥

𑌤𑌾𑌭𑍍𑌯𑌾𑌂𑌚𑌰𑌾𑌭𑍍𑌯𑌾𑌂𑌸𑌹𑌿𑌤𑍋𑌰𑌾𑌵𑌣𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ।
𑌪𑌶𑍍𑌯𑌮𑌾𑌨𑌸𑍍𑌸𑌮𑍁𑌦𑍍𑌰𑌂𑌚𑌪𑌰𑍍𑌵𑌤𑌾𑌂𑌶𑍍𑌚𑌵𑌨𑌾𑌨𑌿𑌚 ॥ 6 ॥

𑌦𑌦𑌰𑍍𑌶𑌪𑍃𑌥𑌿𑌵𑍀𑌦𑍇𑌶𑌂𑌸𑍁𑌸𑌂𑌪𑍂𑌰𑍍𑌣𑌂𑌪𑍍𑌲𑌵𑌂𑌗𑌮𑍈𑌃 ।
𑌤𑌦𑌪𑌾𑌰𑌮𑌸𑌂𑌖𑍍𑌖𑍍𑌯𑍇𑌯𑌂𑌵𑌾𑌨𑌰𑌾𑌣𑌾𑌂𑌮𑌹𑌦𑍍𑌬𑌲𑌮𑍍 ।
𑌅𑌲𑍋𑌕𑍍𑌯𑌰𑌾𑌵𑌣𑍋𑌰𑌾𑌜𑌾𑌪𑌰𑌿𑌪𑌪𑍍𑌰𑌚𑍍𑌛𑌸𑌾𑌰𑌣𑌮𑍍 ॥ 𑍭 ॥

𑌏𑌷𑌾𑌂𑌵𑌾𑌨𑌰𑌮𑍁𑌖𑍍𑌯𑌾𑌨𑌾𑌂𑌕𑍇𑌶𑍂𑌰𑌾𑌃𑌕𑍇𑌮𑌹𑌾𑌬𑌲𑌾𑌃 ।
𑌕𑍇𑌪𑍂𑌰𑍍𑌵𑌮𑌭𑌿𑌵𑌰𑍍𑌤𑌂𑌤𑍇𑌮𑌹𑍋𑌤𑍍𑌸𑌾𑌹𑌾𑌸𑍍𑌸𑌮𑌂𑌤𑌤𑌃 ॥ 𑍮 ॥

𑌕𑍇𑌷𑌾𑌂𑌶𑍃𑌣𑍋𑌤𑌿𑌸𑍁𑌗𑍍𑌰𑍀𑌵𑌃𑌕𑍇𑌵𑌾𑌯𑍂𑌥𑌪𑌯𑍂𑌥𑌪𑌾𑌃 ।
𑌸𑌾𑌰𑌣𑌾𑌚𑌕𑍍𑌷𑍍𑌵𑌤𑌤𑍍𑌤𑍍𑌵𑍇𑌨𑌕𑍇𑌪𑍍𑌰𑌧𑌾𑌨𑌾𑌃𑌪𑍍𑌲𑌵𑌂𑌗𑌮𑌾𑌃 ॥ 𑍯 ॥

𑌸𑌾𑌰𑌣𑍋𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌵𑌚𑌨𑌂𑌪𑌰𑌿𑌪𑍃𑌚𑍍𑌛𑌤𑌃 ।
𑌆𑌚𑌚𑌕𑍍𑌷𑍇𑌽𑌥𑌮𑍁𑌖𑍍𑌯𑌜𑍍𑌞𑍋𑌮𑍁𑌖𑍍𑌯𑌾𑌂𑌸𑍍𑌤𑌾𑌂𑌸𑍍𑌤𑍁𑌵𑌨𑍌𑌕𑌸𑌃 ॥ 10 ॥

𑌏𑌷𑌯𑍋𑌽𑌭𑌿𑌮𑍁𑌖𑍋𑌲𑌂𑌕𑌾𑌂𑌨𑌰𑍍𑌦𑌂𑌸𑍍𑌤𑌿𑌷𑍍𑌠𑌤𑌿𑌵𑌾𑌨𑌰𑌃 ।
𑌯𑍂𑌥𑌪𑌾𑌨𑌾𑌂𑌸𑌹𑌸𑍍𑌰𑌾𑌣𑌾𑌂𑌶𑌤𑍇𑌨𑌪𑌰𑌿𑌵𑌾𑌰𑌿𑌤𑌃 ॥ 11 ॥

𑌯𑌸𑍍𑌯𑌘𑍋𑌷𑍇𑌣𑌮𑌹𑌤𑌾𑌸𑌪𑍍𑌰𑌾𑌕𑌾𑌰𑌾𑌸𑌤𑍋𑌰𑌣𑌾 ।
𑌲𑌂𑌕𑌾𑌪𑍍𑌰𑌵𑍇𑌪𑌤𑍇𑌸𑌰𑍍𑌵𑌾𑌸𑌶𑍈𑌲𑌵𑌨𑌕𑌾𑌨𑌨𑌾 ॥ 12 ॥

𑌸𑌰𑍍𑌵𑌶𑌾𑌖𑌾𑌮𑍃𑌗𑍇𑌂𑌦𑍍𑌰𑌸𑍍𑌯𑌸𑍁𑌗𑍍𑌰𑍀𑌵𑌸𑍍𑌯𑌮𑌹𑌾𑌤𑍍𑌮𑌨𑌃 ।
𑌬𑌲𑌾𑌗𑍍𑌰𑍇𑌤𑌿𑌷𑍍𑌠𑌤𑍇𑌵𑍀𑌰𑍋𑌨𑍀𑌲𑍋𑌨𑌾𑌮𑍈𑌷𑌯𑍂𑌥𑌪𑌃 ॥ 13 ॥

𑌬𑌾𑌹𑍂𑌪𑍍𑌰𑌗𑍃𑌹𑍍𑌯𑌯𑌃𑌪𑌦𑍍 𑌭𑍍𑌯𑌾𑌂𑌮𑌹𑍀𑌂𑌗𑌚𑍍𑌛𑌤𑌿𑌵𑍀𑌰𑍍𑌯𑌵𑌾𑌨𑍍 ।
𑌲𑌂𑌕𑌾𑌮𑌭𑌿𑌮𑍁𑌖𑌃𑌕𑍍𑌰𑍋𑌧𑌾𑌦𑌭𑍀𑌕𑍍𑌷𑍍𑌣𑌂𑌚𑌵𑌿𑌜𑍃𑌂𑌭𑌤𑍇 ॥ 14 ॥

𑌗𑌿𑌰𑌿𑌶𑍃𑌂𑌗𑌪𑍍𑌰𑌤𑍀𑌕𑌾𑌶𑌃𑌪𑌦𑍍𑌮𑌕𑌿𑌂𑌜𑌲𑍍𑌕𑌸𑌨𑍍𑌨𑌿𑌭𑌃 ।
𑌸𑍍𑌪𑍋𑌟𑌯𑌤𑍍𑌯𑌭𑌿𑌸𑌂𑌰𑌬𑍍𑌧𑍋𑌲𑌾𑌂𑌗𑍂𑌲𑌂𑌚𑌪𑍁𑌨𑌃𑌪𑍁𑌨𑌃 ॥ 15 ॥

𑌯𑌸𑍍𑌯𑌲𑌾𑌂𑌗𑍂𑌲𑌶𑌬𑍍𑌦𑍇𑌨𑌸𑍍𑌵𑌨𑌂𑌤𑌿𑌪𑍍𑌰𑌦𑌿𑌶𑍋𑌦𑌶 ।
𑌏𑌷𑌵𑌾𑌨𑌰𑌰𑌾𑌜𑍇𑌨𑌸𑍁𑌗𑍍𑌰𑍀𑌵𑍇𑌣𑌾𑌭𑌿𑌷𑍇𑌚𑌿𑌤𑌃 ॥ 16 ॥

𑌯𑍌𑌵𑌰𑌾𑌜𑍍𑌯𑍇𑌽𑌂𑌗𑌦𑍋𑌨𑌾𑌮𑌤𑍍𑌵𑌾𑌮𑌾𑌹𑍍𑌵𑌯𑌤𑌿𑌸𑌂𑌯𑍁𑌗𑍇 ॥ 1𑍭 ॥

𑌵𑌾𑌲𑌿𑌨𑌸𑍍𑌸𑌦𑍃𑌶𑌃𑌪𑍁𑌤𑍍𑌰𑌸𑍍𑌸𑍁𑌗𑍍𑌰𑍀𑌵𑌸𑍍𑌯𑌸𑌦𑌾𑌪𑍍𑌰𑌿𑌯𑌃 ।
𑌰𑌾𑌘𑌵𑌾𑌰𑍍𑌥𑍇𑌪𑌰𑌾𑌕𑍍𑌰𑌾𑌂𑌤𑌶𑍍𑌶𑌕𑍍𑌰𑌾𑌰𑍍𑌥𑍇𑌵𑌰𑍁𑌣𑍋𑌯𑌥𑌾 ॥ 1𑍮 ॥

𑌏𑌤𑌸𑍍𑌯𑌸𑌾𑌮𑌤𑌿𑌸𑍍𑌸𑌰𑍍𑌵𑌾𑌯𑌦𑍍𑌦𑍃𑌷𑍍𑌟𑌾𑌜𑌨𑌕𑌾𑌤𑍍𑌮𑌜𑌾 ।
𑌹𑌨𑍂𑌮𑌤𑌾𑌵𑍇𑌗𑌵𑌤𑌾𑌰𑌾𑌘𑌵𑌸𑍍𑌯𑌹𑌿𑌤𑍈𑌷𑌿𑌣𑌾 ॥ 1𑍯 ॥

𑌬𑌹𑍂𑌨𑌿𑌵𑌾𑌨𑌰𑍇𑌂𑌦𑍍𑌰𑌾𑌣𑌾𑌮𑍇𑌷𑌯𑍂𑌥𑌾𑌨𑌿𑌵𑍀𑌰𑍍𑌯𑌵𑌾𑌨𑍍 ।
𑌪𑌰𑌿𑌗𑍃𑌹𑍍𑌯𑌾𑌭𑌿𑌯𑌾𑌤𑌿𑌤𑍍𑌵𑌾𑌂𑌸𑍍𑌵𑍇𑌨𑌾𑌨𑍀𑌕𑍇𑌨𑌮𑌰𑍍𑌦𑌿𑌤𑍁𑌮𑍍 ॥ 20 ॥

𑌅𑌨𑍁𑌵𑌾𑌲𑌿𑌸𑍁𑌤𑌸𑍍𑌯𑌾𑌪𑌿𑌬𑌲𑍇𑌨𑌮𑌹𑌤𑌾𑌽𑌵𑍃𑌤𑌃 ।
𑌵𑍀𑌰𑌸𑍍𑌤𑌿𑌷𑍍𑌠𑌤𑌿𑌸𑌂𑌗𑍍𑌰𑌾𑌮𑍇𑌸𑍇𑌤𑍁𑌹𑍇𑌤𑍁𑌰𑌯𑌂𑌨𑌲𑌃 ॥ 21 ॥

𑌯𑍇𑌤𑍁𑌵𑌿𑌷𑍍𑌟𑌭𑍍𑌯𑌗𑌾𑌤𑍍𑌰𑌾𑌣𑌿𑌕𑍍𑌷𑍍𑌵𑍇𑌲𑌯𑌂𑌤𑌿𑌨𑌦𑌂𑌤𑌿𑌚 ।
𑌉𑌤𑍍𑌥𑌾𑌯𑌚𑌵𑌿𑌜𑍃𑌂𑌭𑌂𑌤𑍇𑌕𑍍𑌰𑍋𑌧𑍇𑌨𑌹𑌰𑌿𑌪𑍁𑌂𑌗𑌵𑌾𑌃 ॥ 22 ॥

𑌏𑌤𑍇𑌦𑍁𑌷𑍍𑌪𑍍𑌰𑌸𑌹𑌾𑌘𑍋𑌰𑌾𑌶𑍍𑌚𑌂𑌡𑌾𑌶𑍍𑌚𑌂𑌡𑌪𑌰𑌾𑌕𑍍𑌰𑌮𑌾𑌃 ।
𑌅𑌷𑍍𑌟𑍌𑌶𑌤𑌸𑌹𑌸𑍍𑌰𑌾𑌣𑌿𑌦𑌶𑌕𑍋𑌟𑌿𑌶𑌤𑌾𑌨𑌿𑌚 ॥ 23 ॥

𑌯𑌏𑌨𑌮𑌨𑍁𑌗𑌚𑍍𑌛𑌂𑌤𑌿𑌵𑍀𑌰𑌾𑌶𑍍𑌚𑌂𑌦𑌨𑌵𑌾𑌸𑌿𑌨𑌃 ।
𑌏𑌷𑍈𑌵𑌾𑌶𑌂𑌸𑌤𑍇𑌲𑌂𑌕𑌾𑌂𑌸𑍍𑌵𑍇𑌨𑌾𑌨𑍀𑌕𑍇𑌨𑌮𑌰𑍍𑌦𑌿𑌤𑍁𑌮𑍍 ॥ 24 ॥

𑌶𑍍𑌵𑍇𑌤𑍋𑌰𑌜𑌤𑌸𑌂𑌕𑌾𑌶𑌶𑍍𑌚𑌪𑌲𑍋𑌭𑍀𑌮𑌵𑌿𑌕𑍍𑌰𑌮𑌃 ।
𑌬𑍁𑌦𑍍𑌧𑌿𑌮𑌾𑌨𑍍𑌵𑌾𑌨𑌰𑌶𑍍𑌶𑍂𑌰𑌸𑍍𑌤𑍍𑌰𑌿𑌷𑍁𑌲𑍋𑌕𑍇𑌷𑍁𑌵𑌿𑌶𑍍𑌰𑍁𑌤𑌃 ॥ 25 ॥

𑌤𑍂𑌰𑍍𑌣𑌂𑌸𑍁𑌗𑍍𑌰𑍀𑌵𑌮𑌾𑌗𑌮𑍍𑌯𑌪𑍁𑌨𑌰𑍍𑌗𑌚𑍍𑌛𑌤𑌿𑌸𑌤𑍍𑌵𑌰𑌃 ।
𑌵𑌿𑌭𑌜𑌨𑍍𑌵𑌾𑌨𑌰𑍀𑌂𑌸𑍇𑌨𑌾𑌮𑌨𑍀𑌕𑌾𑌨𑌿𑌪𑍍𑌰𑌹𑌰𑍍𑌷𑌯𑌨𑍍 ॥ 26 ॥

𑌯𑌃𑌪𑍁𑌰𑌾𑌗𑍋𑌮𑌤𑍀𑌤𑍀𑌰𑍇𑌰𑌮𑍍𑌯𑌂𑌪𑌰𑍍𑌯𑍇𑌤𑌿𑌪𑌰𑍍𑌵𑌤𑌮𑍍 ।
𑌨𑌾𑌮𑍍𑌨𑌾𑌸𑌂𑌕𑍋𑌚𑌨𑍋𑌨𑌾𑌮𑌨𑌾𑌨𑌾𑌨𑌗𑌯𑍁𑌤𑍋𑌗𑌿𑌰𑌿𑌃 ॥ 2𑍭 ॥

𑌤𑌤𑍍𑌰𑌰𑌾𑌜𑍍𑌯𑌂𑌪𑍍𑌰𑌶𑌾𑌸𑍍𑌤𑍍𑌯𑍇𑌷𑌕𑍁𑌮𑍁𑌦𑍋𑌨𑌾𑌮𑌯𑍂𑌥𑌪𑌃 ।
𑌯𑍋𑌽𑌸𑍌𑌶𑌤𑌸𑌹𑌸𑍍𑌰𑌾𑌣𑌿𑌸𑌹𑌸𑍍𑌰𑌂𑌪𑌰𑌿𑌕𑌰𑍍𑌷𑌤𑌿 ॥ 2𑍮 ॥

𑌯𑌸𑍍𑌯𑌵𑌾𑌲𑌾𑌬𑌹𑍁𑌵𑍍𑌯𑌾𑌮𑌾𑌦𑍀𑌰𑍍𑌘𑌲𑌾𑌂𑌗𑍂𑌲𑌮𑌾𑌶𑍍𑌰𑌿𑌤𑌾 ।
𑌤𑌾𑌮𑍍𑌰𑌾𑌪𑍀𑌤𑌾𑌸𑍍𑌸𑍀𑌤𑌾𑌶𑍍𑌶𑍍𑌵𑍇𑌤𑌾𑌃𑌪𑍍𑌰𑌕𑍀𑌰𑍍𑌣𑌾𑌘𑍋𑌰𑌦𑌰𑍍𑌶𑌨𑌾 ॥ 2𑍯 ॥

𑌅𑌦𑍀𑌨𑍋𑌰𑍋𑌷𑌣𑌶𑍍𑌚𑌂𑌡𑌸𑍍𑌸𑌂𑌗𑍍𑌰𑌾𑌮𑌮𑌭𑌿𑌕𑌾𑌙𑍍 𑌕𑍍𑌷𑌤𑌿 ।
𑌏𑌷𑍋𑌽𑌪𑍍𑌯𑌾𑌶𑌂𑌸𑌤𑍇𑌲𑌂𑌕𑌾𑌂𑌸𑍍𑌵𑍇𑌨𑌾𑌨𑍀𑌕𑍇𑌨𑌮𑌰𑍍𑌦𑌿𑌤𑍁𑌮𑍍 ॥ 30 ॥

𑌯𑌸𑍍𑌤𑍍𑌵𑍇𑌷𑌸𑌿𑌂𑌹𑌸𑌂𑌕𑌾𑌶𑌃𑌕𑌪𑌿𑌲𑍋𑌦𑍀𑌰𑍍𑌘𑌲𑍋𑌚𑌨𑌃 ।
𑌨𑌿𑌭𑍃𑌤𑌃𑌪𑍍𑌰𑍇𑌕𑍍𑌷𑌤𑍇𑌲𑌂𑌕𑌾𑌂𑌦𑌿𑌧𑌕𑍍𑌷𑌨𑍍𑌨𑌿𑌵𑌚𑌕𑍍𑌷𑍁𑌷𑌾 ॥ 31 ॥

𑌵𑌿𑌂𑌧𑍍𑌯𑌂𑌕𑍃𑌷𑍍𑌣𑌗𑌿𑌰𑌿𑌂𑌸𑌹𑍍𑌯𑌂𑌪𑌰𑍍𑌵𑌤𑌂𑌚𑌸𑍁𑌦𑌰𑍍𑌶𑌨𑌮𑍍 ।
𑌰𑌾𑌜𑌨𑍍𑌸𑌤𑌤𑌮𑌧𑍍𑌯𑌾𑌸𑍍𑌤𑍇𑌰𑌂𑌭𑍋𑌨𑌾𑌮𑌯𑍂𑌥𑌪𑌃 ॥ 32 ॥

𑌶𑌤𑌂𑌶𑌤𑌸𑌹𑌾𑌸𑍍𑌰𑌾𑌣𑌾𑌂𑌤𑍍𑌰𑌿𑌂𑌶𑌚𑍍𑌚𑌹𑌰𑌿𑌪𑍁𑌂𑌗𑌵𑌾𑌃 ।
𑌯𑌮𑍇𑌤𑍇𑌵𑌾𑌨𑌰𑌾𑌶𑍍𑌶𑍂𑌰𑌾𑌶𑍍𑌚𑌂𑌡𑌾𑌶𑍍𑌚𑌂𑌡𑌪𑌰𑌾𑌕𑍍𑌰𑌮𑌾𑌃 ॥ 33 ॥

𑌪𑌰𑌿𑌵𑌾𑌰𑍍𑌯𑌾𑌨𑍁𑌗𑌚𑍍𑌛𑌂𑌤𑌿𑌲𑌂𑌕𑌾𑌂𑌮𑌰𑍍𑌦𑌿𑌤𑍁𑌮𑍋𑌜𑌸𑌾 ।
𑌯𑌸𑍍𑌤𑍁𑌕𑌰𑍍𑌣𑍌𑌵𑌿𑌵𑍃𑌣𑍁𑌤𑍇𑌜𑍃𑌂𑌬𑌤𑍇𑌚𑌪𑍁𑌨𑌃𑌪𑍁𑌨𑌃 ।
𑌨𑌚𑌸𑌂𑌵𑌿𑌜𑌤𑍇𑌮𑍃𑌤𑍍𑌯𑍋𑌰𑍍𑌨𑌚𑌯𑍁𑌦𑍍𑌧𑌾𑌦𑍍𑌵𑌿𑌧𑌾𑌵𑌤𑌿 ॥ 34 ॥

𑌨 𑌚 𑌸𑌮𑍍𑌵𑌿𑌜𑌤𑍇 𑌮𑍃𑌤𑍍𑌯𑍋𑌰𑍍 𑌨 𑌚 𑌯𑍂𑌥𑌾𑌦𑍍 𑌵𑌿𑌧𑌾𑌵𑌤𑌿 ।
𑌪𑍍𑌰𑌕𑌂𑌪𑌤𑍇 𑌚 𑌰𑍋𑌷𑍇𑌨 𑌤𑌿𑌰𑍍𑌯𑌕𑍍𑌚 𑌪𑍁𑌨𑌰𑍀𑌕𑍍𑌷𑌤𑍇 ॥ 35 ॥

𑌮𑌹𑌾𑌜𑌵𑍋𑌵𑍀𑌤𑌭𑌯𑍋𑌰𑌮𑍍𑌯𑌂𑌸𑌾𑌲𑍍𑌵𑍇𑌯𑌪𑌰𑍍𑌵𑌤𑌮𑍍 ।
𑌰𑌾𑌜𑌨𑍍𑌸𑌤𑌤𑌮𑌧𑍍𑌯𑌾𑌸𑍍𑌤𑍇𑌶𑌰𑌭𑍋𑌨𑌾𑌮𑌯𑍂𑌥𑌪𑌃 ॥ 36 ॥

𑌏𑌤𑌸𑍍𑌯𑌬𑌲𑌿𑌨𑌸𑍍𑌸𑌰𑍍𑌵𑍇𑌵𑌿𑌹𑌾𑌰𑌾𑌨𑌾𑌮𑌯𑍂𑌥𑌪𑌾𑌃 ।
𑌰𑌾𑌜𑌨𑍍 𑌶𑌤𑌸𑌹𑌸𑍍𑌰𑌾𑌣𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌤𑌥𑍈𑌵𑌚 ॥ 3𑍭 ॥

𑌰𑌾𑌜𑌨𑍍 𑌶𑌤 𑌸𑌹𑌸𑍍𑌰𑌾𑌣𑌿 𑌚𑌤𑍍𑌵𑌾𑌰𑌿𑌂𑌶𑌤𑍍 𑌤𑌥𑍈𑌵 𑌚 ।
𑌯𑌸𑍍 𑌤𑍁 𑌮𑍇𑌘 𑌇𑌵 𑌆𑌕𑌾𑌶𑌂 𑌮𑌹𑌾𑌨𑍍 𑌆𑌵𑍃𑌤𑍍𑌯 𑌤𑌿𑌷𑍍𑌠𑌤𑌿 ॥ 3𑍮 ॥

𑌭𑍇𑌰𑍀𑌣𑌾𑌮𑌿𑌵𑌸𑌨𑍍𑌨𑌾𑌦𑍋𑌯𑌸𑍍𑌯𑍈𑌷𑌶𑍍𑌰𑍂𑌯𑌤𑍇𑌮𑌹𑌾𑌨𑍍 ।
𑌘𑍋𑌷𑌶𑍍𑌶𑌾𑌖𑌾𑌮𑍃𑌗𑍇𑌂𑌦𑍍𑌰𑌾𑌣𑌾𑌂𑌸𑌂𑌗𑍍𑌰𑌾𑌮𑌮𑌭𑌿𑌕𑌾𑌂𑌕𑍍𑌷𑌿𑌤𑌾𑌮𑍍 ॥ 3𑍯 ॥

𑌏𑌷𑌪𑌰𑍍𑌵𑌤𑌮𑌧𑍍𑌯𑌾𑌸𑍍𑌤𑍇𑌪𑌾𑌰𑌿𑌯𑌾𑌤𑍍𑌰𑌮𑌨𑍁𑌤𑍍𑌤𑌮𑌮𑍍 ।
𑌯𑍁𑌦𑍍𑌧𑍇𑌦𑍁𑌷𑍍𑌪𑍍𑌰𑌸𑌹𑍋𑌨𑌿𑌤𑍍𑌯𑌂𑌪𑌨𑌸𑍋𑌨𑌾𑌮𑌯𑍂𑌥𑌪𑌃 ॥ 40 ॥

𑌏𑌨𑌂𑌶𑌤𑌸𑌹𑌸𑍍𑌰𑌾𑌣𑌾𑌂𑌶𑌤𑌾𑌰𑍍𑌧𑌂𑌪𑌰𑍍𑌯𑍁𑌪𑌾𑌸𑌤𑍇 ।
𑌯𑍂𑌥𑌪𑌾𑌯𑍂𑌥𑌪𑌶𑍍𑌰𑍇𑌷𑍍𑌠𑌂𑌯𑍇𑌷𑌾𑌂𑌯𑍂𑌥𑌾𑌨𑌿𑌭𑌾𑌗𑌶𑌃 ॥ 41 ॥

𑌯𑍂𑌥𑌪𑌾 𑌯𑍂𑌥𑌪 𑌶𑍍𑌰𑍇𑌷𑍍𑌠𑌂 𑌯𑍇𑌷𑌾𑌂 𑌯𑍂𑌥𑌾𑌨𑌿 𑌭𑌾𑌗𑌶𑌃 ।
𑌯𑌸𑍍 𑌤𑍁 𑌭𑍀𑌮𑌾𑌂 𑌪𑍍𑌰𑌵𑌲𑍍𑌗𑌂𑌤𑍀𑌂 𑌚𑌮𑍂𑌂 𑌤𑌿𑌷𑍍𑌠𑌤𑌿 𑌶𑍋𑌭𑌯𑌨𑍍 ॥ 42 ॥

𑌏𑌷𑌦𑌰𑍍𑌦𑌰𑌸𑌂𑌕𑌾𑌶𑍋𑌵𑌿𑌨𑌤𑍋𑌨𑌾𑌮𑌯𑍂𑌥𑌪𑌃 ।
𑌪𑌿𑌬𑌂𑌶𑍍𑌚𑌰𑌤𑌿𑌪𑌰𑍍𑌣𑌾𑌸𑌾𑌂𑌨𑌦𑍀𑌨𑌾𑌮𑍁𑌤𑍍𑌤𑌮𑌾𑌂𑌨𑌦𑍀𑌮𑍍 ॥ 43 ॥

𑌷𑌷𑍍𑌟𑌿𑌶𑍍𑌶𑌤𑌸𑌹𑌸𑍍𑌰𑌾𑌣𑌿𑌬𑌲𑌮𑌸𑍍𑌯𑌪𑍍𑌲𑌵𑌂𑌗𑌮𑌾𑌃 ॥ 44 ॥

𑌤𑍍𑌵𑌾𑌮𑌾𑌹𑍍𑌵𑌯𑌤𑌿𑌯𑍁𑌦𑍍𑌧𑌾𑌯𑌕𑍍𑌰𑍋𑌧𑌨𑍋𑌨𑌾𑌮𑌯𑍂𑌧𑌪𑌃 ।
𑌵𑌿𑌕𑍍𑌰𑌾𑌂𑌤𑌾𑌬𑌲𑌵𑌂𑌤𑌶𑍍𑌚𑌯𑌥𑌾𑌯𑍂𑌥𑌾𑌨𑌿𑌭𑌾𑌗𑌶𑌃 ॥ 45 ॥

𑌯𑌸𑍍𑌤𑍁𑌗𑍈𑌰𑌿𑌕𑌵𑌰𑍍𑌣𑌾𑌭𑌂𑌵𑌪𑍁𑌃𑌪𑍁𑌷𑍍𑌯𑌤𑌿𑌵𑌾𑌨𑌰𑌃 ।
𑌅𑌵𑌮𑌤𑍍𑌯𑌸𑌦𑌾𑌸𑌰𑍍𑌵𑌾𑌨𑍍𑌵𑌾𑌨𑌰𑌾𑌨𑍍𑌬𑌲𑌦𑌰𑍍𑌪𑌿𑌤𑌾𑌨𑍍 ॥ 46 ॥

𑌗𑌵𑌯𑍋𑌨𑌾𑌮𑌤𑍇𑌜𑌸𑍍𑌵𑍀𑌤𑍍𑌵𑌾𑌂𑌕𑍍𑌰𑍋𑌧𑌾𑌦𑌭𑌿𑌵𑌰𑍍𑌤𑌤𑍇 ।
𑌏𑌨𑌂𑌶𑌤𑌸𑌹𑌸𑍍𑌰𑌾𑌣𑌿𑌸𑌪𑍍𑌤𑌤𑌿𑌃𑌪𑌰𑍍𑌯𑍁𑌪𑌾𑌸𑌤𑍇 ।
𑌏𑌷𑍈𑌵𑌾𑌶𑌂𑌸𑌤𑍇𑌲𑌂𑌕𑌾𑌂𑌸𑍍𑌵𑍇𑌨𑌾𑌨𑍀𑌕𑍇𑌨𑌮𑌰𑍍𑌦𑌿𑌤𑍁𑌮𑍍 ॥ 4𑍭 ॥

𑌏𑌤𑍇𑌦𑍁𑌷𑍍𑌪𑍍𑌰𑌸𑌹𑌾𑌘𑍋𑌰𑌾𑌬𑌲𑌿𑌨𑌃𑌕𑌾𑌮𑌰𑍂𑌪𑌿𑌣𑌃 ।
𑌯𑍂𑌥𑌪𑌾𑌯𑍂𑌥𑌪𑌶𑍍𑌰𑍇𑌷𑍍𑌠𑌾𑌮𑍇𑌷𑌾𑌂𑌯𑍂𑌥𑌾𑌨𑌿𑌭𑌾𑌗𑌶𑌃 ॥ 4𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: