শ্রীমদ্বাল্মীকীয রামাযণে যুদ্ধকাংডম্ ।
অথ ষড্বিংশস্সর্গঃ ।
তদ্বচঃপথ্যমক্লীবংসারণেনাভিভাষিতম্ ।
নিশম্যরাবণোরাজাপ্রত্যভাষতসারণম্ ॥ 1 ॥
যদিমামভিযুংজীরংদেবগংধর্বদানবাঃ ।
নৈবসীতাংপ্রদাস্যামিসর্বলোকভযাদপি ॥ 2 ॥
ত্বংতুসৌম্যপরিত্রস্তোহরিভির্নির্জিতোভৃশম্ ।
প্রতিপ্রদানমদ্যৈবসীতাযাস্সাধুমন্যসে ॥ 3 ॥
কোহিনামসপত্নোমাংসমরেজেতুমর্হতি ।
ইত্যুক্ত্বাপরুষংবাক্যংরাবণোরাক্ষসাধিপঃ ॥ 4 ॥
আরুরোহততশ্রশীমান্ প্রাসাদংহিমপাংডুরম্ ।
বহুতালসমুত্সেধংরাবণোঽথদিদৃক্ষ্যা ॥ 5 ॥
তাভ্যাংচরাভ্যাংসহিতোরাবণঃক্রোধমূর্ছিতঃ ।
পশ্যমানস্সমুদ্রংচপর্বতাংশ্চবনানিচ ॥ 6 ॥
দদর্শপৃথিবীদেশংসুসংপূর্ণংপ্লবংগমৈঃ ।
তদপারমসংখ্খ্যেযংবানরাণাংমহদ্বলম্ ।
অলোক্যরাবণোরাজাপরিপপ্রচ্ছসারণম্ ॥ 7 ॥
এষাংবানরমুখ্যানাংকেশূরাঃকেমহাবলাঃ ।
কেপূর্বমভিবর্তংতেমহোত্সাহাস্সমংততঃ ॥ 8 ॥
কেষাংশৃণোতিসুগ্রীবঃকেবাযূথপযূথপাঃ ।
সারণাচক্ষ্বতত্ত্বেনকেপ্রধানাঃপ্লবংগমাঃ ॥ 9 ॥
সারণোরাক্ষসেংদ্রস্যবচনংপরিপৃচ্ছতঃ ।
আচচক্ষেঽথমুখ্যজ্ঞোমুখ্যাংস্তাংস্তুবনৌকসঃ ॥ 10 ॥
এষযোঽভিমুখোলংকাংনর্দংস্তিষ্ঠতিবানরঃ ।
যূথপানাংসহস্রাণাংশতেনপরিবারিতঃ ॥ 11 ॥
যস্যঘোষেণমহতাসপ্রাকারাসতোরণা ।
লংকাপ্রবেপতেসর্বাসশৈলবনকাননা ॥ 12 ॥
সর্বশাখামৃগেংদ্রস্যসুগ্রীবস্যমহাত্মনঃ ।
বলাগ্রেতিষ্ঠতেবীরোনীলোনামৈষযূথপঃ ॥ 13 ॥
বাহূপ্রগৃহ্যযঃপদ্ ভ্যাংমহীংগচ্ছতিবীর্যবান্ ।
লংকামভিমুখঃক্রোধাদভীক্ষ্ণংচবিজৃংভতে ॥ 14 ॥
গিরিশৃংগপ্রতীকাশঃপদ্মকিংজল্কসন্নিভঃ ।
স্পোটযত্যভিসংরব্ধোলাংগূলংচপুনঃপুনঃ ॥ 15 ॥
যস্যলাংগূলশব্দেনস্বনংতিপ্রদিশোদশ ।
এষবানররাজেনসুগ্রীবেণাভিষেচিতঃ ॥ 16 ॥
যৌবরাজ্যেঽংগদোনামত্বামাহ্বযতিসংযুগে ॥ 17 ॥
বালিনস্সদৃশঃপুত্রস্সুগ্রীবস্যসদাপ্রিযঃ ।
রাঘবার্থেপরাক্রাংতশ্শক্রার্থেবরুণোযথা ॥ 18 ॥
এতস্যসামতিস্সর্বাযদ্দৃষ্টাজনকাত্মজা ।
হনূমতাবেগবতারাঘবস্যহিতৈষিণা ॥ 19 ॥
বহূনিবানরেংদ্রাণামেষযূথানিবীর্যবান্ ।
পরিগৃহ্যাভিযাতিত্বাংস্বেনানীকেনমর্দিতুম্ ॥ 20 ॥
অনুবালিসুতস্যাপিবলেনমহতাঽবৃতঃ ।
বীরস্তিষ্ঠতিসংগ্রামেসেতুহেতুরযংনলঃ ॥ 21 ॥
যেতুবিষ্টভ্যগাত্রাণিক্ষ্বেলযংতিনদংতিচ ।
উত্থাযচবিজৃংভংতেক্রোধেনহরিপুংগবাঃ ॥ 22 ॥
এতেদুষ্প্রসহাঘোরাশ্চংডাশ্চংডপরাক্রমাঃ ।
অষ্টৌশতসহস্রাণিদশকোটিশতানিচ ॥ 23 ॥
যএনমনুগচ্ছংতিবীরাশ্চংদনবাসিনঃ ।
এষৈবাশংসতেলংকাংস্বেনানীকেনমর্দিতুম্ ॥ 24 ॥
শ্বেতোরজতসংকাশশ্চপলোভীমবিক্রমঃ ।
বুদ্ধিমান্বানরশ্শূরস্ত্রিষুলোকেষুবিশ্রুতঃ ॥ 25 ॥
তূর্ণংসুগ্রীবমাগম্যপুনর্গচ্ছতিসত্বরঃ ।
বিভজন্বানরীংসেনামনীকানিপ্রহর্ষযন্ ॥ 26 ॥
যঃপুরাগোমতীতীরেরম্যংপর্যেতিপর্বতম্ ।
নাম্নাসংকোচনোনামনানানগযুতোগিরিঃ ॥ 27 ॥
তত্ররাজ্যংপ্রশাস্ত্যেষকুমুদোনামযূথপঃ ।
যোঽসৌশতসহস্রাণিসহস্রংপরিকর্ষতি ॥ 28 ॥
যস্যবালাবহুব্যামাদীর্ঘলাংগূলমাশ্রিতা ।
তাম্রাপীতাস্সীতাশ্শ্বেতাঃপ্রকীর্ণাঘোরদর্শনা ॥ 29 ॥
অদীনোরোষণশ্চংডস্সংগ্রামমভিকাঙ্ ক্ষতি ।
এষোঽপ্যাশংসতেলংকাংস্বেনানীকেনমর্দিতুম্ ॥ 30 ॥
যস্ত্বেষসিংহসংকাশঃকপিলোদীর্ঘলোচনঃ ।
নিভৃতঃপ্রেক্ষতেলংকাংদিধক্ষন্নিবচক্ষুষা ॥ 31 ॥
বিংধ্যংকৃষ্ণগিরিংসহ্যংপর্বতংচসুদর্শনম্ ।
রাজন্সততমধ্যাস্তেরংভোনামযূথপঃ ॥ 32 ॥
শতংশতসহাস্রাণাংত্রিংশচ্চহরিপুংগবাঃ ।
যমেতেবানরাশ্শূরাশ্চংডাশ্চংডপরাক্রমাঃ ॥ 33 ॥
পরিবার্যানুগচ্ছংতিলংকাংমর্দিতুমোজসা ।
যস্তুকর্ণৌবিবৃণুতেজৃংবতেচপুনঃপুনঃ ।
নচসংবিজতেমৃত্যোর্নচযুদ্ধাদ্বিধাবতি ॥ 34 ॥
ন চ সম্বিজতে মৃত্যোর্ ন চ যূথাদ্ বিধাবতি ।
প্রকংপতে চ রোষেন তির্যক্চ পুনরীক্ষতে ॥ 35 ॥
মহাজবোবীতভযোরম্যংসাল্বেযপর্বতম্ ।
রাজন্সততমধ্যাস্তেশরভোনামযূথপঃ ॥ 36 ॥
এতস্যবলিনস্সর্বেবিহারানামযূথপাঃ ।
রাজন্ শতসহস্রাণিচত্বারিংশস্তথৈবচ ॥ 37 ॥
রাজন্ শত সহস্রাণি চত্বারিংশত্ তথৈব চ ।
যস্ তু মেঘ ইব আকাশং মহান্ আবৃত্য তিষ্ঠতি ॥ 38 ॥
ভেরীণামিবসন্নাদোযস্যৈষশ্রূযতেমহান্ ।
ঘোষশ্শাখামৃগেংদ্রাণাংসংগ্রামমভিকাংক্ষিতাম্ ॥ 39 ॥
এষপর্বতমধ্যাস্তেপারিযাত্রমনুত্তমম্ ।
যুদ্ধেদুষ্প্রসহোনিত্যংপনসোনামযূথপঃ ॥ 40 ॥
এনংশতসহস্রাণাংশতার্ধংপর্যুপাসতে ।
যূথপাযূথপশ্রেষ্ঠংযেষাংযূথানিভাগশঃ ॥ 41 ॥
যূথপা যূথপ শ্রেষ্ঠং যেষাং যূথানি ভাগশঃ ।
যস্ তু ভীমাং প্রবল্গংতীং চমূং তিষ্ঠতি শোভযন্ ॥ 42 ॥
এষদর্দরসংকাশোবিনতোনামযূথপঃ ।
পিবংশ্চরতিপর্ণাসাংনদীনামুত্তমাংনদীম্ ॥ 43 ॥
ষষ্টিশ্শতসহস্রাণিবলমস্যপ্লবংগমাঃ ॥ 44 ॥
ত্বামাহ্বযতিযুদ্ধাযক্রোধনোনামযূধপঃ ।
বিক্রাংতাবলবংতশ্চযথাযূথানিভাগশঃ ॥ 45 ॥
যস্তুগৈরিকবর্ণাভংবপুঃপুষ্যতিবানরঃ ।
অবমত্যসদাসর্বান্বানরান্বলদর্পিতান্ ॥ 46 ॥
গবযোনামতেজস্বীত্বাংক্রোধাদভিবর্ততে ।
এনংশতসহস্রাণিসপ্ততিঃপর্যুপাসতে ।
এষৈবাশংসতেলংকাংস্বেনানীকেনমর্দিতুম্ ॥ 47 ॥
এতেদুষ্প্রসহাঘোরাবলিনঃকামরূপিণঃ ।
যূথপাযূথপশ্রেষ্ঠামেষাংযূথানিভাগশঃ ॥ 48 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ষড্বিংশস্সর্গঃ ॥
