শ্রীমদ্বাল্মীকীয রামাযণে যুদ্ধকাংডম্ ।
অথ তৃতীযস্সর্গঃ ।
সুগ্রীবস্যবচশ্শ্রুত্বাহেতুমত্পরমার্থবত্ ।
প্রতিজগ্রাহকাকুত্স্থোহনূমংতমথাব্রবীত্ ॥ 1 ॥
তপসাসেতুবংধেনসাগরোচ্ছোষণেনচ ।
সর্বথাসুসমর্থোঽস্মিসাগরস্যাস্যলংঘনে ॥ 2 ॥
কতিদুর্গাণিদুর্গাযালংকাযাব্রূহিতানিমে ।
জ্ঞাতুমিচ্ছামিতত্সর্বংদর্শনাদিববানর ॥ 3 ॥
বলস্যপরিমাণংচদ্বারদুর্গক্রিযামপি ।
গুপ্তিকর্মচলংকাযারক্ষসাংসদনানিচ ॥ 4 ॥
যথাসুখংযথাবচ্ছলংকাযামসিদৃষ্টবান্ ।
সর্বমাচক্ষ্বতত্ত্বেনসর্বথাকুশলোহ্যসি ॥ 5 ॥
শ্রুত্বারামস্যবচনংহনুমান্মারুতাত্মজঃ ।
বাক্যংবাক্যবিদাংশ্রেষ্ঠোরামংপুনরথাব্রবীত্ ॥ 6 ॥
শ্রূযতাংসর্বমাখ্যাস্যেদুর্গকর্মবিধানতঃ ।
গুপ্তাপুরীযথালংকারক্ষিতাচযথাবলৈঃ ॥ 7 ॥
রাক্ষসাশ্চযথাস্নিগ্ধারাবণস্যচতেজসা ।
পরাংসমৃদ্ধিংলংকাযাস্সাগরস্যচভীমতাম্ ॥ 8 ॥
বিভাগংচবলৌঘস্যনির্দেশংবাহনস্যচ ।
এবমুক্ত্বাকপিশ্রেষ্ঠঃকথযামাসতত্ত্ববিতঃ ॥ 9 ॥
হৃষ্টপ্রমুদিতালংকামত্তদ্বিপসমাকুলা ।
মহতীরথসংপূর্ণারক্ষোগণসমাকুলা ॥ 10 ॥
দৃঢবদ্ধকবাটানিমহাপরিঘবংতিচ ।
দ্বারাণিবিপুলান্যস্যাশ্চত্বারিসুমহাংতিচ ॥ 11 ॥
তত্রেষূপলযংত্রাণিবলবংতিমহাংতিচ ।
আগতংপরসৈন্যংতৈস্তত্রপ্রতিনিবার্যতে ॥ 12 ॥
দ্বারেষুসংস্কৃতাভীমাঃকালাযসমযাশ্শিতাঃ ।
শতশোরচিতাবীরৈশ্শতঘ্নযোরক্ষসাংগণৈ ॥ 13 ॥
সৌবর্ণস্তুমহাংস্তস্যাঃপ্রাকারোদুষ্প্রধর্ষণঃ ।
মণীবিদ্রুমবৈদূর্যমুক্তাবিরচিতাংতরঃ ॥ 14 ॥
সর্বতশ্চমহাভীমাশ্শীততোযবহাশ্শুভাঃ ।
অগাধাগ্রাহবত্যশ্চপরিখামীনসেবিতা ॥ 15 ॥
দ্বারেষুতাসাংচত্বারস্সংক্রমাঃপরমাযতাঃ ।
যংত্রৈরুপেতাবহুভির্মহদ্ভির্গৃহপংক্তিভিঃ ॥ 16 ॥
ত্রাযংতেসংক্রমাস্তত্রপরসৈন্যাগতেসতি ।
যংত্রৈস্তৈরবকীর্যংতেপরিখাসুসমংততঃ ॥ 17 ॥
একস্ত্বকংপ্যোবলবান্সংক্রমস্সুমহাদৃঢঃ ।
কাংচনৈ র্বহুভিস্স্তংভৈর্বেদিকাভিশ্চশোভিতঃ ॥ 18 ॥
স্বযংপ্রকৃতিমাপন্নোযুযুত্সূরাম রাবণঃ ।
উত্থিতশ্চাপ্রমত্তশ্চবলানামনুদর্শনে ॥ 19 ॥
লংকাপুনর্নিরালংবাদেবদুর্গাভযাবহা ।
নাদেযংপার্বতংবান্যংকৃত্রিমংচচতুর্বিধম্ ॥ 20 ॥
স্থিতাপারেসমুদ্রস্যদূরপারস্যরাঘব ।
নৌপথোপিশ্চনাস্ত্যত্রনিরাদেশশ্চসর্বশঃ ॥ 21 ॥
শৈলাগ্রেরচিতাদুর্গাসাপুরৈর্দেবপুরোপমা ।
বাজিবারণাসংপূর্ণালংকাপরমদুর্জযা ॥ 22 ॥
পরিখাশ্চশতঘ্নযশ্চযংত্রাণিবিবিধানিচ ।
শোভযংতিপুরীংলংকাংরাবণস্যদুরাত্মনঃ ॥ 23 ॥
অযুতংরক্ষসামত্রপূর্বদ্বারংসমাশ্রিতম্ ।
শূলহস্তাদুরাধর্ষাস্সর্বেখংগাগ্রযোধিনঃ ॥ 24 ॥
নিযুতংরক্ষসামত্রদক্ষিণদ্বারমাশ্রিতম্ ।
চতুরংগেণসৈন্যেনযোধাস্তত্রাপ্যনুত্তমাঃ ॥ 25 ॥
প্রযুতংরক্ষসামত্রপশ্চিমদ্বারমাশ্রিতম্ ।
চর্মখংগধরাস্সর্বেতথাসর্বাস্ত্রকোবিদাঃ ॥ 26 ॥
ন্যর্বুদংরক্ষসামত্রাপ্যুত্তরদ্বারমাশ্রিতম্ ।
রথিনশ্চাশ্ববাহাশ্চকুলপুত্ত্রাস্সুপূজিতাঃ ॥ 27 ॥
শতশোঽথসহস্রাণিমধ্যমংস্কংধমাশ্রিতাঃ ।
যাতুধানাদুরাধর্ষাস্সাগ্রকোটিশ্চরক্ষসাম্ ॥ 28 ॥
তেমযাসংক্রমাভগ্নাঃপরিখাশ্চাবপূরিতাঃ ।
দগ্ধাচনগরীলংকাপ্রাকারাশ্চাবসাদিতাঃ ॥ 29 ॥
বলৈকদেশঃক্ষপিতোরাক্ষসানাংমহাত্মনাম্ ।
যেনকেনতুমার্গেণতরামবরুণালযম্ ।
হতেতিনগরীলংকাবানরৈরবধার্যতাম্ ॥ 30 ॥
অংগদোদ্বিবিদোমৈংদোজাংববান্পনসোঽনলঃ ।
নীলস্সেনাপতিশ্চেববলশেষেণকিংতব ॥ 31 ॥
প্লবমানাহিগত্বাতাংরাবণস্যমহাপুরীম্ ॥ 32 ॥
সপর্বতবনাংভিত্ত্বাসখাতাংচসপ্রতোরণাম্ ।
সপ্রাকারাংসভবনামানযিষ্যংতিরাঘব ॥ 33 ॥
এবমাজ্ঞাপযক্ষিপ্রংবলানাংসর্বসংগ্রহম্ ।
মুহূর্তেনতুযুক্তেনপ্রস্থানমভিরোচয ॥ 34 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে তৃতীযস্সর্গঃ ॥
