śrīmadvālmīkīya rāmāyaṇē yuddhakāṇḍam ।
atha tṛtīyassargaḥ ।
sugrīvasyavachaśśrutvāhētumatparamārthavat ।
pratijagrāhakākutsthōhanūmantamathābravīt ॥ 1 ॥
tapasāsētubandhēnasāgarōchChōṣaṇēnacha ।
sarvathāsusamarthō'smisāgarasyāsyalaṅghanē ॥ 2 ॥
katidurgāṇidurgāyālaṅkāyābrūhitānimē ।
jñātumichChāmitatsarvandarśanādivavānara ॥ 3 ॥
balasyaparimāṇañchadvāradurgakriyāmapi ।
guptikarmachalaṅkāyārakṣasāṃsadanānicha ॥ 4 ॥
yathāsukhaṃyathāvachChalaṅkāyāmasidṛṣṭavān ।
sarvamāchakṣvatattvēnasarvathākuśalōhyasi ॥ 5 ॥
śrutvārāmasyavachanaṃhanumānmārutātmajaḥ ।
vākyaṃvākyavidāṃśrēṣṭhōrāmampunarathābravīt ॥ 6 ॥
śrūyatāṃsarvamākhyāsyēdurgakarmavidhānataḥ ।
guptāpurīyathālaṅkārakṣitāchayathābalaiḥ ॥ 7 ॥
rākṣasāśchayathāsnigdhārāvaṇasyachatējasā ।
parāṃsamṛddhiṃlaṅkāyāssāgarasyachabhīmatām ॥ 8 ॥
vibhāgañchabalaughasyanirdēśaṃvāhanasyacha ।
ēvamuktvākapiśrēṣṭhaḥkathayāmāsatattvavitaḥ ॥ 9 ॥
hṛṣṭapramuditālaṅkāmattadvipasamākulā ।
mahatīrathasampūrṇārakṣōgaṇasamākulā ॥ 10 ॥
dṛḍhabaddhakavāṭānimahāparighavanticha ।
dvārāṇivipulānyasyāśchatvārisumahānticha ॥ 11 ॥
tatrēṣūpalayantrāṇibalavantimahānticha ।
āgatamparasainyantaistatrapratinivāryatē ॥ 12 ॥
dvārēṣusaṃskṛtābhīmāḥkālāyasamayāśśitāḥ ।
śataśōrachitāvīraiśśataghnayōrakṣasāṅgaṇai ॥ 13 ॥
sauvarṇastumahāṃstasyāḥprākārōduṣpradharṣaṇaḥ ।
maṇīvidrumavaidūryamuktāvirachitāntaraḥ ॥ 14 ॥
sarvataśchamahābhīmāśśītatōyavahāśśubhāḥ ।
agādhāgrāhavatyaśchaparikhāmīnasēvitā ॥ 15 ॥
dvārēṣutāsāñchatvārassaṅkramāḥparamāyatāḥ ।
yantrairupētābahubhirmahadbhirgṛhapaṅktibhiḥ ॥ 16 ॥
trāyantēsaṅkramāstatraparasainyāgatēsati ।
yantraistairavakīryantēparikhāsusamantataḥ ॥ 17 ॥
ēkastvakampyōbalavānsaṅkramassumahādṛḍhaḥ ।
kāñchanai rbahubhisstambhairvēdikābhiśchaśōbhitaḥ ॥ 18 ॥
svayamprakṛtimāpannōyuyutsūrāma rāvaṇaḥ ।
utthitaśchāpramattaśchabalānāmanudarśanē ॥ 19 ॥
laṅkāpunarnirālambādēvadurgābhayāvahā ।
nādēyampārvataṃvānyaṅkṛtrimañchachaturvidham ॥ 20 ॥
sthitāpārēsamudrasyadūrapārasyarāghava ।
naupathōpiśchanāstyatranirādēśaśchasarvaśaḥ ॥ 21 ॥
śailāgrērachitādurgāsāpurairdēvapurōpamā ।
vājivāraṇāsampūrṇālaṅkāparamadurjayā ॥ 22 ॥
parikhāśchaśataghnayaśchayantrāṇivividhānicha ।
śōbhayantipurīṃlaṅkāṃrāvaṇasyadurātmanaḥ ॥ 23 ॥
ayutaṃrakṣasāmatrapūrvadvāraṃsamāśritam ।
śūlahastādurādharṣāssarvēkhaṅgāgrayōdhinaḥ ॥ 24 ॥
niyutaṃrakṣasāmatradakṣiṇadvāramāśritam ।
chaturaṅgēṇasainyēnayōdhāstatrāpyanuttamāḥ ॥ 25 ॥
prayutaṃrakṣasāmatrapaśchimadvāramāśritam ।
charmakhaṅgadharāssarvētathāsarvāstrakōvidāḥ ॥ 26 ॥
nyarbudaṃrakṣasāmatrāpyuttaradvāramāśritam ।
rathinaśchāśvavāhāśchakulaputtrāssupūjitāḥ ॥ 27 ॥
śataśō'thasahasrāṇimadhyamaṃskandhamāśritāḥ ।
yātudhānādurādharṣāssāgrakōṭiścharakṣasām ॥ 28 ॥
tēmayāsaṅkramābhagnāḥparikhāśchāvapūritāḥ ।
dagdhāchanagarīlaṅkāprākārāśchāvasāditāḥ ॥ 29 ॥
balaikadēśaḥkṣapitōrākṣasānāmmahātmanām ।
yēnakēnatumārgēṇatarāmavaruṇālayam ।
hatētinagarīlaṅkāvānarairavadhāryatām ॥ 30 ॥
aṅgadōdvividōmaindōjāmbavānpanasō'nalaḥ ।
nīlassēnāpatiśchēvabalaśēṣēṇakintava ॥ 31 ॥
plavamānāhigatvātāṃrāvaṇasyamahāpurīm ॥ 32 ॥
saparvatavanāmbhittvāsakhātāñchasapratōraṇām ।
saprākārāṃsabhavanāmānayiṣyantirāghava ॥ 33 ॥
ēvamājñāpayakṣiprambalānāṃsarvasaṅgraham ।
muhūrtēnatuyuktēnaprasthānamabhirōchaya ॥ 34 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē tṛtīyassargaḥ ॥
