ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತೃತೀಯಸ್ಸರ್ಗಃ ।
ಸುಗ್ರೀವಸ್ಯವಚಶ್ಶ್ರುತ್ವಾಹೇತುಮತ್ಪರಮಾರ್ಥವತ್ ।
ಪ್ರತಿಜಗ್ರಾಹಕಾಕುತ್ಸ್ಥೋಹನೂಮನ್ತಮಥಾಬ್ರವೀತ್ ॥ 1 ॥
ತಪಸಾಸೇತುಬನ್ಧೇನಸಾಗರೋಚ್ಛೋಷಣೇನಚ ।
ಸರ್ವಥಾಸುಸಮರ್ಥೋಽಸ್ಮಿಸಾಗರಸ್ಯಾಸ್ಯಲಙ್ಘನೇ ॥ 2 ॥
ಕತಿದುರ್ಗಾಣಿದುರ್ಗಾಯಾಲಙ್ಕಾಯಾಬ್ರೂಹಿತಾನಿಮೇ ।
ಜ್ಞಾತುಮಿಚ್ಛಾಮಿತತ್ಸರ್ವನ್ದರ್ಶನಾದಿವವಾನರ ॥ 3 ॥
ಬಲಸ್ಯಪರಿಮಾಣಞ್ಚದ್ವಾರದುರ್ಗಕ್ರಿಯಾಮಪಿ ।
ಗುಪ್ತಿಕರ್ಮಚಲಙ್ಕಾಯಾರಕ್ಷಸಾಂಸದನಾನಿಚ ॥ 4 ॥
ಯಥಾಸುಖಂಯಥಾವಚ್ಛಲಙ್ಕಾಯಾಮಸಿದೃಷ್ಟವಾನ್ ।
ಸರ್ವಮಾಚಕ್ಷ್ವತತ್ತ್ವೇನಸರ್ವಥಾಕುಶಲೋಹ್ಯಸಿ ॥ 5 ॥
ಶ್ರುತ್ವಾರಾಮಸ್ಯವಚನಂಹನುಮಾನ್ಮಾರುತಾತ್ಮಜಃ ।
ವಾಕ್ಯಂವಾಕ್ಯವಿದಾಂಶ್ರೇಷ್ಠೋರಾಮಮ್ಪುನರಥಾಬ್ರವೀತ್ ॥ 6 ॥
ಶ್ರೂಯತಾಂಸರ್ವಮಾಖ್ಯಾಸ್ಯೇದುರ್ಗಕರ್ಮವಿಧಾನತಃ ।
ಗುಪ್ತಾಪುರೀಯಥಾಲಙ್ಕಾರಕ್ಷಿತಾಚಯಥಾಬಲೈಃ ॥ 7 ॥
ರಾಕ್ಷಸಾಶ್ಚಯಥಾಸ್ನಿಗ್ಧಾರಾವಣಸ್ಯಚತೇಜಸಾ ।
ಪರಾಂಸಮೃದ್ಧಿಂಲಙ್ಕಾಯಾಸ್ಸಾಗರಸ್ಯಚಭೀಮತಾಮ್ ॥ 8 ॥
ವಿಭಾಗಞ್ಚಬಲೌಘಸ್ಯನಿರ್ದೇಶಂವಾಹನಸ್ಯಚ ।
ಏವಮುಕ್ತ್ವಾಕಪಿಶ್ರೇಷ್ಠಃಕಥಯಾಮಾಸತತ್ತ್ವವಿತಃ ॥ 9 ॥
ಹೃಷ್ಟಪ್ರಮುದಿತಾಲಙ್ಕಾಮತ್ತದ್ವಿಪಸಮಾಕುಲಾ ।
ಮಹತೀರಥಸಮ್ಪೂರ್ಣಾರಕ್ಷೋಗಣಸಮಾಕುಲಾ ॥ 10 ॥
ದೃಢಬದ್ಧಕವಾಟಾನಿಮಹಾಪರಿಘವನ್ತಿಚ ।
ದ್ವಾರಾಣಿವಿಪುಲಾನ್ಯಸ್ಯಾಶ್ಚತ್ವಾರಿಸುಮಹಾನ್ತಿಚ ॥ 11 ॥
ತತ್ರೇಷೂಪಲಯನ್ತ್ರಾಣಿಬಲವನ್ತಿಮಹಾನ್ತಿಚ ।
ಆಗತಮ್ಪರಸೈನ್ಯನ್ತೈಸ್ತತ್ರಪ್ರತಿನಿವಾರ್ಯತೇ ॥ 12 ॥
ದ್ವಾರೇಷುಸಂಸ್ಕೃತಾಭೀಮಾಃಕಾಲಾಯಸಮಯಾಶ್ಶಿತಾಃ ।
ಶತಶೋರಚಿತಾವೀರೈಶ್ಶತಘ್ನಯೋರಕ್ಷಸಾಙ್ಗಣೈ ॥ 13 ॥
ಸೌವರ್ಣಸ್ತುಮಹಾಂಸ್ತಸ್ಯಾಃಪ್ರಾಕಾರೋದುಷ್ಪ್ರಧರ್ಷಣಃ ।
ಮಣೀವಿದ್ರುಮವೈದೂರ್ಯಮುಕ್ತಾವಿರಚಿತಾನ್ತರಃ ॥ 14 ॥
ಸರ್ವತಶ್ಚಮಹಾಭೀಮಾಶ್ಶೀತತೋಯವಹಾಶ್ಶುಭಾಃ ।
ಅಗಾಧಾಗ್ರಾಹವತ್ಯಶ್ಚಪರಿಖಾಮೀನಸೇವಿತಾ ॥ 15 ॥
ದ್ವಾರೇಷುತಾಸಾಞ್ಚತ್ವಾರಸ್ಸಙ್ಕ್ರಮಾಃಪರಮಾಯತಾಃ ।
ಯನ್ತ್ರೈರುಪೇತಾಬಹುಭಿರ್ಮಹದ್ಭಿರ್ಗೃಹಪಙ್ಕ್ತಿಭಿಃ ॥ 16 ॥
ತ್ರಾಯನ್ತೇಸಙ್ಕ್ರಮಾಸ್ತತ್ರಪರಸೈನ್ಯಾಗತೇಸತಿ ।
ಯನ್ತ್ರೈಸ್ತೈರವಕೀರ್ಯನ್ತೇಪರಿಖಾಸುಸಮನ್ತತಃ ॥ 17 ॥
ಏಕಸ್ತ್ವಕಮ್ಪ್ಯೋಬಲವಾನ್ಸಙ್ಕ್ರಮಸ್ಸುಮಹಾದೃಢಃ ।
ಕಾಞ್ಚನೈ ರ್ಬಹುಭಿಸ್ಸ್ತಮ್ಭೈರ್ವೇದಿಕಾಭಿಶ್ಚಶೋಭಿತಃ ॥ 18 ॥
ಸ್ವಯಮ್ಪ್ರಕೃತಿಮಾಪನ್ನೋಯುಯುತ್ಸೂರಾಮ ರಾವಣಃ ।
ಉತ್ಥಿತಶ್ಚಾಪ್ರಮತ್ತಶ್ಚಬಲಾನಾಮನುದರ್ಶನೇ ॥ 19 ॥
ಲಙ್ಕಾಪುನರ್ನಿರಾಲಮ್ಬಾದೇವದುರ್ಗಾಭಯಾವಹಾ ।
ನಾದೇಯಮ್ಪಾರ್ವತಂವಾನ್ಯಙ್ಕೃತ್ರಿಮಞ್ಚಚತುರ್ವಿಧಮ್ ॥ 20 ॥
ಸ್ಥಿತಾಪಾರೇಸಮುದ್ರಸ್ಯದೂರಪಾರಸ್ಯರಾಘವ ।
ನೌಪಥೋಪಿಶ್ಚನಾಸ್ತ್ಯತ್ರನಿರಾದೇಶಶ್ಚಸರ್ವಶಃ ॥ 21 ॥
ಶೈಲಾಗ್ರೇರಚಿತಾದುರ್ಗಾಸಾಪುರೈರ್ದೇವಪುರೋಪಮಾ ।
ವಾಜಿವಾರಣಾಸಮ್ಪೂರ್ಣಾಲಙ್ಕಾಪರಮದುರ್ಜಯಾ ॥ 22 ॥
ಪರಿಖಾಶ್ಚಶತಘ್ನಯಶ್ಚಯನ್ತ್ರಾಣಿವಿವಿಧಾನಿಚ ।
ಶೋಭಯನ್ತಿಪುರೀಂಲಙ್ಕಾಂರಾವಣಸ್ಯದುರಾತ್ಮನಃ ॥ 23 ॥
ಅಯುತಂರಕ್ಷಸಾಮತ್ರಪೂರ್ವದ್ವಾರಂಸಮಾಶ್ರಿತಮ್ ।
ಶೂಲಹಸ್ತಾದುರಾಧರ್ಷಾಸ್ಸರ್ವೇಖಙ್ಗಾಗ್ರಯೋಧಿನಃ ॥ 24 ॥
ನಿಯುತಂರಕ್ಷಸಾಮತ್ರದಕ್ಷಿಣದ್ವಾರಮಾಶ್ರಿತಮ್ ।
ಚತುರಙ್ಗೇಣಸೈನ್ಯೇನಯೋಧಾಸ್ತತ್ರಾಪ್ಯನುತ್ತಮಾಃ ॥ 25 ॥
ಪ್ರಯುತಂರಕ್ಷಸಾಮತ್ರಪಶ್ಚಿಮದ್ವಾರಮಾಶ್ರಿತಮ್ ।
ಚರ್ಮಖಙ್ಗಧರಾಸ್ಸರ್ವೇತಥಾಸರ್ವಾಸ್ತ್ರಕೋವಿದಾಃ ॥ 26 ॥
ನ್ಯರ್ಬುದಂರಕ್ಷಸಾಮತ್ರಾಪ್ಯುತ್ತರದ್ವಾರಮಾಶ್ರಿತಮ್ ।
ರಥಿನಶ್ಚಾಶ್ವವಾಹಾಶ್ಚಕುಲಪುತ್ತ್ರಾಸ್ಸುಪೂಜಿತಾಃ ॥ 27 ॥
ಶತಶೋಽಥಸಹಸ್ರಾಣಿಮಧ್ಯಮಂಸ್ಕನ್ಧಮಾಶ್ರಿತಾಃ ।
ಯಾತುಧಾನಾದುರಾಧರ್ಷಾಸ್ಸಾಗ್ರಕೋಟಿಶ್ಚರಕ್ಷಸಾಮ್ ॥ 28 ॥
ತೇಮಯಾಸಙ್ಕ್ರಮಾಭಗ್ನಾಃಪರಿಖಾಶ್ಚಾವಪೂರಿತಾಃ ।
ದಗ್ಧಾಚನಗರೀಲಙ್ಕಾಪ್ರಾಕಾರಾಶ್ಚಾವಸಾದಿತಾಃ ॥ 29 ॥
ಬಲೈಕದೇಶಃಕ್ಷಪಿತೋರಾಕ್ಷಸಾನಾಮ್ಮಹಾತ್ಮನಾಮ್ ।
ಯೇನಕೇನತುಮಾರ್ಗೇಣತರಾಮವರುಣಾಲಯಮ್ ।
ಹತೇತಿನಗರೀಲಙ್ಕಾವಾನರೈರವಧಾರ್ಯತಾಮ್ ॥ 30 ॥
ಅಙ್ಗದೋದ್ವಿವಿದೋಮೈನ್ದೋಜಾಮ್ಬವಾನ್ಪನಸೋಽನಲಃ ।
ನೀಲಸ್ಸೇನಾಪತಿಶ್ಚೇವಬಲಶೇಷೇಣಕಿನ್ತವ ॥ 31 ॥
ಪ್ಲವಮಾನಾಹಿಗತ್ವಾತಾಂರಾವಣಸ್ಯಮಹಾಪುರೀಮ್ ॥ 32 ॥
ಸಪರ್ವತವನಾಮ್ಭಿತ್ತ್ವಾಸಖಾತಾಞ್ಚಸಪ್ರತೋರಣಾಮ್ ।
ಸಪ್ರಾಕಾರಾಂಸಭವನಾಮಾನಯಿಷ್ಯನ್ತಿರಾಘವ ॥ 33 ॥
ಏವಮಾಜ್ಞಾಪಯಕ್ಷಿಪ್ರಮ್ಬಲಾನಾಂಸರ್ವಸಙ್ಗ್ರಹಮ್ ।
ಮುಹೂರ್ತೇನತುಯುಕ್ತೇನಪ್ರಸ್ಥಾನಮಭಿರೋಚಯ ॥ 34 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತೃತೀಯಸ್ಸರ್ಗಃ ॥
