ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ତୃତୀୟସ୍ସର୍ଗଃ ।
ସୁଗ୍ରୀଵସ୍ୟଵଚଶ୍ଶ୍ରୁତ୍ଵାହେତୁମତ୍ପରମାର୍ଥଵତ୍ ।
ପ୍ରତିଜଗ୍ରାହକାକୁତ୍ସ୍ଥୋହନୂମଂତମଥାବ୍ରଵୀତ୍ ॥ 1 ॥
ତପସାସେତୁବଂଧେନସାଗରୋଚ୍ଛୋଷଣେନଚ ।
ସର୍ଵଥାସୁସମର୍ଥୋଽସ୍ମିସାଗରସ୍ୟାସ୍ୟଲଂଘନେ ॥ 2 ॥
କତିଦୁର୍ଗାଣିଦୁର୍ଗାୟାଲଂକାୟାବ୍ରୂହିତାନିମେ ।
ଜ୍ଞାତୁମିଚ୍ଛାମିତତ୍ସର୍ଵଂଦର୍ଶନାଦିଵଵାନର ॥ 3 ॥
ବଲସ୍ୟପରିମାଣଂଚଦ୍ଵାରଦୁର୍ଗକ୍ରିୟାମପି ।
ଗୁପ୍ତିକର୍ମଚଲଂକାୟାରକ୍ଷସାଂସଦନାନିଚ ॥ 4 ॥
ୟଥାସୁଖଂୟଥାଵଚ୍ଛଲଂକାୟାମସିଦୃଷ୍ଟଵାନ୍ ।
ସର୍ଵମାଚକ୍ଷ୍ଵତତ୍ତ୍ଵେନସର୍ଵଥାକୁଶଲୋହ୍ୟସି ॥ 5 ॥
ଶ୍ରୁତ୍ଵାରାମସ୍ୟଵଚନଂହନୁମାନ୍ମାରୁତାତ୍ମଜଃ ।
ଵାକ୍ୟଂଵାକ୍ୟଵିଦାଂଶ୍ରେଷ୍ଠୋରାମଂପୁନରଥାବ୍ରଵୀତ୍ ॥ 6 ॥
ଶ୍ରୂୟତାଂସର୍ଵମାଖ୍ୟାସ୍ୟେଦୁର୍ଗକର୍ମଵିଧାନତଃ ।
ଗୁପ୍ତାପୁରୀୟଥାଲଂକାରକ୍ଷିତାଚୟଥାବଲୈଃ ॥ 7 ॥
ରାକ୍ଷସାଶ୍ଚୟଥାସ୍ନିଗ୍ଧାରାଵଣସ୍ୟଚତେଜସା ।
ପରାଂସମୃଦ୍ଧିଂଲଂକାୟାସ୍ସାଗରସ୍ୟଚଭୀମତାମ୍ ॥ 8 ॥
ଵିଭାଗଂଚବଲୌଘସ୍ୟନିର୍ଦେଶଂଵାହନସ୍ୟଚ ।
ଏଵମୁକ୍ତ୍ଵାକପିଶ୍ରେଷ୍ଠଃକଥୟାମାସତତ୍ତ୍ଵଵିତଃ ॥ 9 ॥
ହୃଷ୍ଟପ୍ରମୁଦିତାଲଂକାମତ୍ତଦ୍ଵିପସମାକୁଲା ।
ମହତୀରଥସଂପୂର୍ଣାରକ୍ଷୋଗଣସମାକୁଲା ॥ 10 ॥
ଦୃଢବଦ୍ଧକଵାଟାନିମହାପରିଘଵଂତିଚ ।
ଦ୍ଵାରାଣିଵିପୁଲାନ୍ୟସ୍ୟାଶ୍ଚତ୍ଵାରିସୁମହାଂତିଚ ॥ 11 ॥
ତତ୍ରେଷୂପଲୟଂତ୍ରାଣିବଲଵଂତିମହାଂତିଚ ।
ଆଗତଂପରସୈନ୍ୟଂତୈସ୍ତତ୍ରପ୍ରତିନିଵାର୍ୟତେ ॥ 12 ॥
ଦ୍ଵାରେଷୁସଂସ୍କୃତାଭୀମାଃକାଲାୟସମୟାଶ୍ଶିତାଃ ।
ଶତଶୋରଚିତାଵୀରୈଶ୍ଶତଘ୍ନୟୋରକ୍ଷସାଂଗଣୈ ॥ 13 ॥
ସୌଵର୍ଣସ୍ତୁମହାଂସ୍ତସ୍ୟାଃପ୍ରାକାରୋଦୁଷ୍ପ୍ରଧର୍ଷଣଃ ।
ମଣୀଵିଦ୍ରୁମଵୈଦୂର୍ୟମୁକ୍ତାଵିରଚିତାଂତରଃ ॥ 14 ॥
ସର୍ଵତଶ୍ଚମହାଭୀମାଶ୍ଶୀତତୋୟଵହାଶ୍ଶୁଭାଃ ।
ଅଗାଧାଗ୍ରାହଵତ୍ୟଶ୍ଚପରିଖାମୀନସେଵିତା ॥ 15 ॥
ଦ୍ଵାରେଷୁତାସାଂଚତ୍ଵାରସ୍ସଂକ୍ରମାଃପରମାୟତାଃ ।
ୟଂତ୍ରୈରୁପେତାବହୁଭିର୍ମହଦ୍ଭିର୍ଗୃହପଂକ୍ତିଭିଃ ॥ 16 ॥
ତ୍ରାୟଂତେସଂକ୍ରମାସ୍ତତ୍ରପରସୈନ୍ୟାଗତେସତି ।
ୟଂତ୍ରୈସ୍ତୈରଵକୀର୍ୟଂତେପରିଖାସୁସମଂତତଃ ॥ 17 ॥
ଏକସ୍ତ୍ଵକଂପ୍ୟୋବଲଵାନ୍ସଂକ୍ରମସ୍ସୁମହାଦୃଢଃ ।
କାଂଚନୈ ର୍ବହୁଭିସ୍ସ୍ତଂଭୈର୍ଵେଦିକାଭିଶ୍ଚଶୋଭିତଃ ॥ 18 ॥
ସ୍ଵୟଂପ୍ରକୃତିମାପନ୍ନୋୟୁୟୁତ୍ସୂରାମ ରାଵଣଃ ।
ଉତ୍ଥିତଶ୍ଚାପ୍ରମତ୍ତଶ୍ଚବଲାନାମନୁଦର୍ଶନେ ॥ 19 ॥
ଲଂକାପୁନର୍ନିରାଲଂବାଦେଵଦୁର୍ଗାଭୟାଵହା ।
ନାଦେୟଂପାର୍ଵତଂଵାନ୍ୟଂକୃତ୍ରିମଂଚଚତୁର୍ଵିଧମ୍ ॥ 20 ॥
ସ୍ଥିତାପାରେସମୁଦ୍ରସ୍ୟଦୂରପାରସ୍ୟରାଘଵ ।
ନୌପଥୋପିଶ୍ଚନାସ୍ତ୍ୟତ୍ରନିରାଦେଶଶ୍ଚସର୍ଵଶଃ ॥ 21 ॥
ଶୈଲାଗ୍ରେରଚିତାଦୁର୍ଗାସାପୁରୈର୍ଦେଵପୁରୋପମା ।
ଵାଜିଵାରଣାସଂପୂର୍ଣାଲଂକାପରମଦୁର୍ଜୟା ॥ 22 ॥
ପରିଖାଶ୍ଚଶତଘ୍ନୟଶ୍ଚୟଂତ୍ରାଣିଵିଵିଧାନିଚ ।
ଶୋଭୟଂତିପୁରୀଂଲଂକାଂରାଵଣସ୍ୟଦୁରାତ୍ମନଃ ॥ 23 ॥
ଅୟୁତଂରକ୍ଷସାମତ୍ରପୂର୍ଵଦ୍ଵାରଂସମାଶ୍ରିତମ୍ ।
ଶୂଲହସ୍ତାଦୁରାଧର୍ଷାସ୍ସର୍ଵେଖଂଗାଗ୍ରୟୋଧିନଃ ॥ 24 ॥
ନିୟୁତଂରକ୍ଷସାମତ୍ରଦକ୍ଷିଣଦ୍ଵାରମାଶ୍ରିତମ୍ ।
ଚତୁରଂଗେଣସୈନ୍ୟେନୟୋଧାସ୍ତତ୍ରାପ୍ୟନୁତ୍ତମାଃ ॥ 25 ॥
ପ୍ରୟୁତଂରକ୍ଷସାମତ୍ରପଶ୍ଚିମଦ୍ଵାରମାଶ୍ରିତମ୍ ।
ଚର୍ମଖଂଗଧରାସ୍ସର୍ଵେତଥାସର୍ଵାସ୍ତ୍ରକୋଵିଦାଃ ॥ 26 ॥
ନ୍ୟର୍ବୁଦଂରକ୍ଷସାମତ୍ରାପ୍ୟୁତ୍ତରଦ୍ଵାରମାଶ୍ରିତମ୍ ।
ରଥିନଶ୍ଚାଶ୍ଵଵାହାଶ୍ଚକୁଲପୁତ୍ତ୍ରାସ୍ସୁପୂଜିତାଃ ॥ 27 ॥
ଶତଶୋଽଥସହସ୍ରାଣିମଧ୍ୟମଂସ୍କଂଧମାଶ୍ରିତାଃ ।
ୟାତୁଧାନାଦୁରାଧର୍ଷାସ୍ସାଗ୍ରକୋଟିଶ୍ଚରକ୍ଷସାମ୍ ॥ 28 ॥
ତେମୟାସଂକ୍ରମାଭଗ୍ନାଃପରିଖାଶ୍ଚାଵପୂରିତାଃ ।
ଦଗ୍ଧାଚନଗରୀଲଂକାପ୍ରାକାରାଶ୍ଚାଵସାଦିତାଃ ॥ 29 ॥
ବଲୈକଦେଶଃକ୍ଷପିତୋରାକ୍ଷସାନାଂମହାତ୍ମନାମ୍ ।
ୟେନକେନତୁମାର୍ଗେଣତରାମଵରୁଣାଲୟମ୍ ।
ହତେତିନଗରୀଲଂକାଵାନରୈରଵଧାର୍ୟତାମ୍ ॥ 30 ॥
ଅଂଗଦୋଦ୍ଵିଵିଦୋମୈଂଦୋଜାଂବଵାନ୍ପନସୋଽନଲଃ ।
ନୀଲସ୍ସେନାପତିଶ୍ଚେଵବଲଶେଷେଣକିଂତଵ ॥ 31 ॥
ପ୍ଲଵମାନାହିଗତ୍ଵାତାଂରାଵଣସ୍ୟମହାପୁରୀମ୍ ॥ 32 ॥
ସପର୍ଵତଵନାଂଭିତ୍ତ୍ଵାସଖାତାଂଚସପ୍ରତୋରଣାମ୍ ।
ସପ୍ରାକାରାଂସଭଵନାମାନୟିଷ୍ୟଂତିରାଘଵ ॥ 33 ॥
ଏଵମାଜ୍ଞାପୟକ୍ଷିପ୍ରଂବଲାନାଂସର୍ଵସଂଗ୍ରହମ୍ ।
ମୁହୂର୍ତେନତୁୟୁକ୍ତେନପ୍ରସ୍ଥାନମଭିରୋଚୟ ॥ 34 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ତୃତୀୟସ୍ସର୍ଗଃ ॥
