ശ്രീമദ്വാല്മീകീയ രാമായണേ യുദ്ധകാംഡമ് ।
അഥ തൃതീയസ്സര്ഗഃ ।
സുഗ്രീവസ്യവചശ്ശ്രുത്വാഹേതുമത്പരമാര്ഥവത് ।
പ്രതിജഗ്രാഹകാകുത്സ്ഥോഹനൂമംതമഥാബ്രവീത് ॥ 1 ॥
തപസാസേതുബംധേനസാഗരോച്ഛോഷണേനച ।
സർവഥാസുസമര്ഥോഽസ്മിസാഗരസ്യാസ്യലംഘനേ ॥ 2 ॥
കതിദുര്ഗാണിദുര്ഗായാലംകായാബ്രൂഹിതാനിമേ ।
ജ്ഞാതുമിച്ഛാമിതത്സർവംദര്ശനാദിവവാനര ॥ 3 ॥
ബലസ്യപരിമാണംചദ്വാരദുര്ഗക്രിയാമപി ।
ഗുപ്തികര്മചലംകായാരക്ഷസാംസദനാനിച ॥ 4 ॥
യഥാസുഖംയഥാവച്ഛലംകായാമസിദൃഷ്ടവാന് ।
സർവമാചക്ഷ്വതത്ത്വേനസർവഥാകുശലോഹ്യസി ॥ 5 ॥
ശ്രുത്വാരാമസ്യവചനംഹനുമാന്മാരുതാത്മജഃ ।
വാക്യംവാക്യവിദാംശ്രേഷ്ഠോരാമംപുനരഥാബ്രവീത് ॥ 6 ॥
ശ്രൂയതാംസർവമാഖ്യാസ്യേദുര്ഗകര്മവിധാനതഃ ।
ഗുപ്താപുരീയഥാലംകാരക്ഷിതാചയഥാബലൈഃ ॥ 7 ॥
രാക്ഷസാശ്ചയഥാസ്നിഗ്ധാരാവണസ്യചതേജസാ ।
പരാംസമൃദ്ധിംലംകായാസ്സാഗരസ്യചഭീമതാമ് ॥ 8 ॥
വിഭാഗംചബലൌഘസ്യനിര്ദേശംവാഹനസ്യച ।
ഏവമുക്ത്വാകപിശ്രേഷ്ഠഃകഥയാമാസതത്ത്വവിതഃ ॥ 9 ॥
ഹൃഷ്ടപ്രമുദിതാലംകാമത്തദ്വിപസമാകുലാ ।
മഹതീരഥസംപൂര്ണാരക്ഷോഗണസമാകുലാ ॥ 10 ॥
ദൃഢബദ്ധകവാടാനിമഹാപരിഘവംതിച ।
ദ്വാരാണിവിപുലാന്യസ്യാശ്ചത്വാരിസുമഹാംതിച ॥ 11 ॥
തത്രേഷൂപലയംത്രാണിബലവംതിമഹാംതിച ।
ആഗതംപരസൈന്യംതൈസ്തത്രപ്രതിനിവാര്യതേ ॥ 12 ॥
ദ്വാരേഷുസംസ്കൃതാഭീമാഃകാലായസമയാശ്ശിതാഃ ।
ശതശോരചിതാവീരൈശ്ശതഘ്നയോരക്ഷസാംഗണൈ ॥ 13 ॥
സൌവര്ണസ്തുമഹാംസ്തസ്യാഃപ്രാകാരോദുഷ്പ്രധര്ഷണഃ ।
മണീവിദ്രുമവൈദൂര്യമുക്താവിരചിതാംതരഃ ॥ 14 ॥
സർവതശ്ചമഹാഭീമാശ്ശീതതോയവഹാശ്ശുഭാഃ ।
അഗാധാഗ്രാഹവത്യശ്ചപരിഖാമീനസേവിതാ ॥ 15 ॥
ദ്വാരേഷുതാസാംചത്വാരസ്സംക്രമാഃപരമായതാഃ ।
യംത്രൈരുപേതാബഹുഭിര്മഹദ്ഭിര്ഗൃഹപംക്തിഭിഃ ॥ 16 ॥
ത്രായംതേസംക്രമാസ്തത്രപരസൈന്യാഗതേസതി ।
യംത്രൈസ്തൈരവകീര്യംതേപരിഖാസുസമംതതഃ ॥ 17 ॥
ഏകസ്ത്വകംപ്യോബലവാന്സംക്രമസ്സുമഹാദൃഢഃ ।
കാംചനൈ ര്ബഹുഭിസ്സ്തംഭൈർവേദികാഭിശ്ചശോഭിതഃ ॥ 18 ॥
സ്വയംപ്രകൃതിമാപന്നോയുയുത്സൂരാമ രാവണഃ ।
ഉത്ഥിതശ്ചാപ്രമത്തശ്ചബലാനാമനുദര്ശനേ ॥ 19 ॥
ലംകാപുനര്നിരാലംബാദേവദുര്ഗാഭയാവഹാ ।
നാദേയംപാർവതംവാന്യംകൃത്രിമംചചതുർവിധമ് ॥ 20 ॥
സ്ഥിതാപാരേസമുദ്രസ്യദൂരപാരസ്യരാഘവ ।
നൌപഥോപിശ്ചനാസ്ത്യത്രനിരാദേശശ്ചസർവശഃ ॥ 21 ॥
ശൈലാഗ്രേരചിതാദുര്ഗാസാപുരൈര്ദേവപുരോപമാ ।
വാജിവാരണാസംപൂര്ണാലംകാപരമദുര്ജയാ ॥ 22 ॥
പരിഖാശ്ചശതഘ്നയശ്ചയംത്രാണിവിവിധാനിച ।
ശോഭയംതിപുരീംലംകാംരാവണസ്യദുരാത്മനഃ ॥ 23 ॥
അയുതംരക്ഷസാമത്രപൂർവദ്വാരംസമാശ്രിതമ് ।
ശൂലഹസ്താദുരാധര്ഷാസ്സർവേഖംഗാഗ്രയോധിനഃ ॥ 24 ॥
നിയുതംരക്ഷസാമത്രദക്ഷിണദ്വാരമാശ്രിതമ് ।
ചതുരംഗേണസൈന്യേനയോധാസ്തത്രാപ്യനുത്തമാഃ ॥ 25 ॥
പ്രയുതംരക്ഷസാമത്രപശ്ചിമദ്വാരമാശ്രിതമ് ।
ചര്മഖംഗധരാസ്സർവേതഥാസർവാസ്ത്രകോവിദാഃ ॥ 26 ॥
ന്യര്ബുദംരക്ഷസാമത്രാപ്യുത്തരദ്വാരമാശ്രിതമ് ।
രഥിനശ്ചാശ്വവാഹാശ്ചകുലപുത്ത്രാസ്സുപൂജിതാഃ ॥ 27 ॥
ശതശോഽഥസഹസ്രാണിമധ്യമംസ്കംധമാശ്രിതാഃ ।
യാതുധാനാദുരാധര്ഷാസ്സാഗ്രകോടിശ്ചരക്ഷസാമ് ॥ 28 ॥
തേമയാസംക്രമാഭഗ്നാഃപരിഖാശ്ചാവപൂരിതാഃ ।
ദഗ്ധാചനഗരീലംകാപ്രാകാരാശ്ചാവസാദിതാഃ ॥ 29 ॥
ബലൈകദേശഃക്ഷപിതോരാക്ഷസാനാംമഹാത്മനാമ് ।
യേനകേനതുമാര്ഗേണതരാമവരുണാലയമ് ।
ഹതേതിനഗരീലംകാവാനരൈരവധാര്യതാമ് ॥ 30 ॥
അംഗദോദ്വിവിദോമൈംദോജാംബവാന്പനസോഽനലഃ ।
നീലസ്സേനാപതിശ്ചേവബലശേഷേണകിംതവ ॥ 31 ॥
പ്ലവമാനാഹിഗത്വാതാംരാവണസ്യമഹാപുരീമ് ॥ 32 ॥
സപർവതവനാംഭിത്ത്വാസഖാതാംചസപ്രതോരണാമ് ।
സപ്രാകാരാംസഭവനാമാനയിഷ്യംതിരാഘവ ॥ 33 ॥
ഏവമാജ്ഞാപയക്ഷിപ്രംബലാനാംസർവസംഗ്രഹമ് ।
മുഹൂര്തേനതുയുക്തേനപ്രസ്ഥാനമഭിരോചയ ॥ 34 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ തൃതീയസ്സര്ഗഃ ॥
