𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌭𑌰𑍍𑌤𑌾𑌰𑌂𑌨𑌿𑌹𑌤𑌂𑌦𑍃𑌷𑍍𑌟𑌵𑌾𑌲𑌕𑍍𑌷𑍍𑌮𑌣𑌂𑌚𑌮𑌹𑌾𑌬𑌲𑌮𑍍 ।
𑌵𑌿𑌲𑌲𑌾𑌪𑌭𑍃𑌶𑌂𑌸𑍀𑌤𑌾𑌕𑌰𑍁𑌣𑌂𑌶𑍋𑌕𑌕𑌰𑍍𑌶𑌿𑌤𑌾 ॥ 1 ॥
𑌊𑌚𑍁𑌰𑍍𑌲𑌕𑍍𑌷𑌣𑌿𑌕𑌾𑌯𑍇𑌮𑌾𑌂𑌪𑍁𑌤𑍍𑌰𑌿𑌣𑍍𑌯𑌵𑌿𑌧𑌵𑍇𑌤𑌿𑌚 ।
𑌤𑍇𑌽𑌦𑍍𑌯𑌸𑌰𑍍𑌵𑍇𑌹𑌤𑍇𑌰𑌾𑌮𑍇𑌜𑍍𑌞𑌾𑌨𑌿𑌨𑍋𑌽𑌨𑍃𑌤𑌵𑌾𑌦𑌿𑌨𑌃 ॥ 2 ॥
𑌯𑌜𑍍𑌵𑌨𑍋𑌮𑌹𑌿𑌷𑍀𑌂𑌯𑍇𑌮𑌾𑌮𑍂𑌚𑍁𑌃𑌪𑌤𑍍𑌨𑍀𑌂𑌚𑌸𑌤𑍍𑌤𑍍𑌰𑌿𑌣𑌃 ।
𑌤𑍇𑌽𑌦𑍍𑌯𑌸𑌰𑍍𑌵𑍇𑌹𑌤𑍇𑌰𑌾𑌮𑍇𑌜𑍍𑌞𑌾𑌨𑌿𑌨𑍋𑌽𑌨𑍃𑌤𑌵𑌾𑌦𑌿𑌨𑌃 ॥ 3 ॥
𑌊𑌚𑍁𑌸𑍍𑌸𑌂𑌶𑍍𑌰𑌵𑌣𑍇𑌯𑍇𑌮𑌾𑌂𑌦𑍍𑌵𑌿𑌜𑌾𑌃𑌕𑌾𑌰𑍍𑌤𑌾𑌂𑌤𑌿𑌕𑌾𑌶𑍍𑌶𑍁𑌭𑌾𑌮𑍍 ।
𑌤𑍇𑌽𑌦𑍍𑌯𑌸𑌰𑍍𑌵𑍇𑌹𑌤𑍇𑌰𑌾𑌮𑍇𑌜𑍍𑌞𑌾𑌨𑌿𑌨𑍋𑌽𑌨𑍃𑌤𑌵𑌾𑌦𑌿𑌨𑌃 ॥ 4 ॥
𑌵𑍀𑌰𑌪𑌾𑌰𑍍𑌥𑌿𑌵𑌪𑌤𑍍𑌨𑍀𑌤𑍍𑌵𑌾𑌂𑌯𑍇𑌵𑌿𑌦𑍁𑌰𑍍𑌭𑌰𑍍𑌤𑍃𑌪𑍂𑌜𑌿𑌤𑌾𑌮𑍍 ।
𑌤𑍇𑌽𑌦𑍍𑌯𑌸𑌰𑍍𑌵𑍇𑌹𑌤𑍇𑌰𑌾𑌮𑍇𑌜𑍍𑌞𑌾𑌨𑌿𑌨𑍋𑌽𑌨𑍃𑌤𑌵𑌾𑌦𑌿𑌨𑌃 ॥ 5 ॥
𑌇𑌮𑌾𑌨𑌿𑌖𑌲𑍁𑌪𑌦𑍍𑌮𑌾𑌨𑌿𑌪𑌾𑌦𑌯𑍋𑌰𑍍𑌯𑍈𑌃𑌕𑍁𑌲𑌸𑍍𑌤𑍍𑌰𑌿𑌯𑌃 ।
𑌅𑌧𑌿𑌰𑌾𑌜𑍍𑌯𑍇𑌽𑌭𑌿𑌷𑌿𑌚𑍍𑌯𑌂𑌤𑍇𑌨𑌰𑍇𑌂𑌦𑍍𑌰𑍈𑌃𑌪𑌤𑌿𑌭𑌿𑌃𑌸𑌹 ॥ 6 ॥
𑌵𑍈𑌧𑌵𑍍𑌯𑌂𑌯𑌾𑌂𑌤𑌿𑌯𑍈𑌰𑍍𑌨𑌾𑌰𑍍𑌯𑍋𑌽𑌲𑌕𑍍𑌷𑌣𑍈𑌰𑍍𑌭𑌾𑌗𑍍𑌯𑌦𑍁𑌰𑍍𑌲𑌭𑌾𑌃 ।
𑌨𑌾𑌤𑍍𑌮𑌨𑌂𑌤𑌾𑌨𑌿𑌪𑌶𑍍𑌯𑌾𑌮𑌿𑌪𑌶𑍍𑌯𑌂𑌤𑍀𑌹𑌤𑌲𑌕𑍍𑌷𑌣𑌾 ॥ ॥
𑌸𑌤𑍍𑌯𑌨𑌾𑌮𑌾𑌨𑌿𑌪𑌦𑍍𑌮𑌾𑌨𑌿𑌸𑍍𑌤𑍍𑌰𑍀𑌣𑌾𑌮𑍁𑌕𑍍𑌤𑌾𑌨𑌿𑌲𑌕𑍍𑌷𑌣𑍈𑌃 ।
𑌤𑌾𑌨𑍍𑌯𑌦𑍍𑌯𑌨𑌿𑌹𑌤𑍇𑌰𑌾𑌮𑍇𑌵𑌿𑌤𑌥𑌾𑌨𑌿𑌭𑌵𑌂𑌤𑌿𑌮𑍇 ॥ ॥
𑌕𑍇𑌶𑌾𑌹𑍍 𑌸𑍂𑌕𑍍𑌷𑍍𑌮𑌾𑌹𑍍 𑌸𑌮𑌾 𑌨𑍀𑌲𑌾 𑌭𑍍𑌰𑍁𑌵𑍌 𑌚 𑌅𑌸𑌮𑍍𑌗𑌤𑍇 𑌮𑌮 ।
𑌵𑍃𑌤𑍍𑌤𑍇 𑌚 𑌅𑌲𑍋𑌮𑌶𑍇 𑌜𑌨𑍍𑌘𑍇 𑌦𑌂𑌤𑌾𑌶𑍍 𑌚 𑌅𑌵𑌿𑌰𑌲𑌾 𑌮𑌮 ॥ ॥
𑌶𑌂𑌖𑍇𑌨𑍇𑌤𑍍𑌰𑍇𑌕𑌰𑍌𑌪𑌾𑌦𑍌𑌗𑍁𑌲𑍍𑌫𑌾𑌵𑍂𑌰𑍂𑌚𑌮𑍇𑌚𑌿𑌤𑍌 ।
𑌅𑌨𑍁𑌵𑍃𑌤𑍍𑌤𑌨𑌖𑌾𑌸𑍍𑌸𑍍𑌨𑌿𑌗𑍍𑌧𑌾𑌸𑍍𑌸𑌮𑌾𑌶𑍍𑌚𑌾𑌂𑌗𑍁𑌲𑌯𑍋𑌮𑌮 ॥ 10 ॥
𑌸𑍍𑌤𑌨𑍌 𑌚 𑌅𑌵𑌿𑌰𑌲𑍌 𑌪𑍀𑌨𑍌 𑌮𑌮 𑌇𑌮𑍌 𑌮𑌗𑍍𑌨 𑌚𑍂𑌚𑍁𑌕𑍌 ।
𑌮𑌗𑍍𑌨𑌾 𑌚 𑌉𑌤𑍍𑌸𑌨𑍍𑌗𑌿𑌨𑍀 𑌨𑌾𑌭𑌿𑌹𑍍 𑌪𑌾𑌰𑍍𑌶𑍍𑌵 𑌉𑌰𑌸𑍍𑌕𑌂 𑌚 𑌮𑍇 𑌚𑌿𑌤𑌮𑍍 ॥ 11 ॥
𑌮𑌮𑌵𑌰𑍍𑌣𑍋𑌮𑌣𑌿𑌨𑌿𑌭𑍋𑌮𑍃𑌦𑍂𑌨𑍍𑌯𑌂𑌗𑌰𑍁𑌹𑌾𑌣𑌿𑌚 ।
𑌪𑍍𑌰𑌤𑌿𑌷𑍍𑌠𑌿𑌤𑌾𑌂𑌦𑍍𑌵𑌾𑌦𑌶𑌭𑌿𑌰𑍍𑌮𑌾𑌮𑍂𑌚𑍁𑌶𑍍𑌶𑍁𑌭𑌲𑌕𑍍𑌷𑌣𑌾𑌮𑍍 ॥ 12 ॥
𑌸𑌮𑌗𑍍𑌰𑌯𑌵𑌮𑌚𑍍𑌛𑍍𑌰𑌿𑌦𑍍𑌰𑌪𑌾𑌣𑌿𑌪𑌾𑌦𑌂𑌚𑌵𑌰𑍍𑌣𑌵𑌤𑍍 ।
𑌮𑌂𑌦𑌸𑍍𑌮𑌿𑌤𑍇𑌤𑍍𑌯𑍇𑌵𑌚𑌮𑌾𑌂𑌕𑌨𑍍𑌯𑌾𑌲𑌾𑌕𑍍𑌷𑌣𑌿𑌨𑍋𑌦𑍍𑌵𑌿𑌜𑌾𑌃 ॥ 13 ॥
𑌆𑌧𑌿𑌰𑌾𑌜𑍍𑌯𑍇𑌽𑌭𑌿𑌷𑍇𑌕𑍋𑌮𑍇𑌬𑍍𑌰𑌾𑌹𑍍𑌮𑌣𑍈𑌃𑌪𑌤𑌿𑌨𑌾𑌸𑌹 ।
𑌕𑍃𑌤𑌾𑌂𑌤𑌕𑍁𑌶𑌲𑍈𑌰𑍁𑌕𑍍𑌤𑌂𑌤𑌤𑍍𑌸𑌰𑍍𑌵𑌂𑌵𑌿𑌤𑌥𑍀𑌕𑍃𑌤𑌮𑍍 ॥ 14 ॥
𑌶𑍋𑌧𑌯𑌿𑌤𑍍𑌵𑌾𑌜𑌨𑌸𑍍𑌥𑌾𑌨𑌂𑌪𑍍𑌰𑌵𑍃𑌤𑌤𑌿𑌮𑍁𑌪𑌲𑌭𑍍𑌯𑌚 ।
𑌤𑍀𑌰𑍍𑌤𑍍𑌵𑌾𑌸𑌾𑌗𑌰𑌮𑌕𑍍𑌷𑍋𑌭𑍍𑌯𑌂𑌭𑍍𑌰𑌾𑌤𑌰𑍌𑌗𑍋𑌷𑍍𑌪𑌦𑍇𑌹𑌤𑍌 ॥ 15 ॥
𑌨𑌨𑍁𑌵𑌾𑌰𑍁𑌣𑌮𑌾𑌗𑍍𑌨𑍇𑌯𑌮𑍈𑌂𑌦𑍍𑌰𑌂𑌵𑌾𑌯𑌵𑍍𑌯𑌮𑍇𑌵𑌚 ।
𑌅𑌸𑍍𑌤𑍍𑌰𑌂𑌬𑍍𑌰𑌹𑍍𑌮𑌶𑌿𑌰𑌶𑍍𑌚𑍈𑌵𑌪𑍍𑌰𑌤𑍍𑌯𑌪𑌦𑍍𑌯𑌤𑌾𑌮𑍍 ॥ 16 ॥
𑌅𑌦𑍃𑌶𑍍𑌯𑌮𑌾𑌨𑍇𑌨𑌰𑌣𑍇𑌮𑌾𑌯𑌯𑌾𑌵𑌾𑌸𑌵𑍋𑌪𑌮𑍌 ।
𑌮𑌮𑌨𑌾𑌥𑌾𑌵𑌨𑌾𑌥𑌾𑌯𑌾𑌨𑌿𑌹𑌤𑍌𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 1 ॥
𑌨𑌹𑌿𑌦𑍃𑌷𑍍𑌟𑌿𑌪𑌥𑌂𑌪𑍍𑌰𑌾𑌪𑍍𑌯𑌰𑌾𑌘𑌵𑌸𑍍𑌯𑌰𑌣𑍇𑌰𑌿𑌪𑍁𑌃 ।
𑌜𑍀𑌵𑌨𑍍𑌪𑍍𑌰𑌂𑌤𑌿𑌵𑌰𑍍𑌤𑍇𑌤𑌯𑌦𑍍𑌯𑌪𑌿𑌸𑍍𑌯𑌾𑌨𑍍𑌮𑌨𑍋𑌜𑌵𑌃 ॥ 1 ॥
𑌨𑌕𑌲𑌸𑍍𑌯𑌾𑌤𑌿𑌭𑌾𑌰𑍋𑌽𑌸𑍍𑌤𑌿𑌕𑍃𑌤𑌾𑌂𑌤𑌶𑍍𑌚𑌸𑍁𑌦𑍁𑌰𑍍𑌜𑌯𑌃 ।
𑌯𑌤𑍍𑌰𑌰𑌾𑌮𑌃𑌸𑌹𑌭𑍍𑌰𑌾𑌤𑍍𑌰𑌾𑌶𑍇𑌤𑍇𑌯𑍁𑌧𑌿𑌨𑌿𑌪𑌾𑌤𑌿𑌤𑌃 ॥ 1 ॥
𑌨𑌶𑍋𑌚𑌾𑌮𑌿𑌤𑌥𑌾𑌰𑌾𑌮𑌂𑌲𑌕𑍍𑌷𑍍𑌮𑌣𑌂𑌚𑌮𑌹𑌾𑌰𑌥𑌮𑍍 ।
𑌵𑌾𑌤𑍍𑌮𑌾𑌨𑌂𑌜𑌨𑌨𑍀𑌂𑌚𑌾𑌪𑌿𑌯𑌥𑌾𑌶𑍍𑌵𑌶𑍍𑌰𑍂𑌂𑌤𑌪𑌸𑍍𑌵𑌿𑌨𑍀𑌮𑍍 ॥ 20 ॥
𑌸𑌾𑌤𑍁𑌚𑌿𑌂𑌤𑌯𑌤𑍇𑌨𑌿𑌤𑍍𑌯𑌂𑌸𑌮𑌾𑌪𑍍𑌤𑌵𑍍𑌰𑌤𑌮𑌾𑌗𑌤𑌮𑍍 ।
𑌕𑌦𑌾𑌦𑍍𑌰𑌕𑍍𑌷𑍍𑌯𑌾𑌮𑌿𑌸𑍀𑌤𑌾𑌂𑌚𑌲𑌕𑍍𑌷𑍍𑌮𑌣𑌂𑌚𑌸𑌰𑌾𑌘𑌵𑌮𑍍 ॥ 21 ॥
𑌪𑌰𑌿𑌦𑍇𑌵𑌯𑌮𑌾𑌨𑌾𑌂𑌤𑌾𑌂𑌰𑌾𑌕𑍍𑌷𑌸𑍀𑌤𑍍𑌰𑌿𑌜𑌟𑌾𑌬𑍍𑌰𑌵𑍀𑌤𑍍 ।
𑌮𑌾𑌵𑌿𑌷𑌾𑌦𑌂𑌕𑍃𑌥𑌾𑌦𑍇𑌵𑍀 𑌭𑌰𑍍𑌤𑌾𑌽𑌯𑌂𑌤𑌵𑌜𑍀𑌵𑌤𑌿 ॥ 22 ॥
𑌕𑌾𑌰𑌣𑌾𑌨𑌿𑌚𑌵𑌕𑍍𑌷𑍍𑌯𑌾𑌮𑌿𑌮𑌹𑌾𑌂𑌤𑌿𑌸𑌦𑍃𑌶𑌾𑌨𑌿𑌚 ।
𑌯𑌥𑍇𑌮𑍌𑌜𑍀𑌵𑌤𑍋𑌦𑍇𑌵𑍀𑌭𑍍𑌰𑌾𑌤𑌰𑍌𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 23 ॥
𑌨𑌹𑌿𑌕𑍋𑌪𑌪𑌰𑍀𑌤𑌾𑌨𑌿𑌹𑌰𑍍𑌷𑌪𑌰𑍍𑌯𑍁𑌤𑍍𑌸𑍁𑌕𑌾𑌨𑌿𑌚 ।
𑌭𑌵𑌂𑌤𑌿𑌯𑍁𑌧𑌿𑌯𑍋𑌧𑌾𑌨𑌾𑌂𑌮𑍁𑌖𑌾𑌨𑌿𑌨𑌿𑌹𑌤𑍇𑌪𑌤𑍌 ॥ 24 ॥
𑌇𑌦𑌂𑌵𑌿𑌮𑌾𑌨𑌂𑌵𑍈𑌦𑍇𑌹𑍀 𑌪𑍁𑌷𑍍𑌪𑌕𑌂𑌨𑌾𑌮𑌨𑌾𑌮𑌤𑌃 ।
𑌦𑌿𑌵𑍍𑌯𑌂𑌤𑍍𑌵𑌾𑌂𑌦𑌾𑌰𑌯𑌨𑍍𑌨𑍈𑌵𑌂𑌯𑌦𑍍𑌯𑍇𑌤𑍌𑌗𑌤𑌜𑍀𑌵𑌿𑌤𑍌 ॥ 25 ॥
𑌹𑌤𑌵𑍀𑌰𑌪𑍍𑌰𑌧𑌾𑌨𑌾𑌹𑌿𑌗𑌤𑍋𑌤𑍍𑌸𑌾𑌹𑌾𑌨𑌿𑌰𑍁𑌦𑍍𑌯𑌮𑌾 ।
𑌸𑍇𑌨𑌾𑌭𑍍𑌰𑌮𑌤𑌿𑌸𑌙𑍍 𑌖𑍍𑌯𑍇𑌷𑍁𑌹𑌤𑌕𑌰𑍍𑌣𑍇𑌵𑌨𑍌𑌰𑍍𑌜𑌲𑍇 ॥ 26 ॥
𑌇𑌯𑌂𑌪𑍁𑌨𑌰𑌸𑌂𑌭𑍍𑌰𑌾𑌂𑌤𑌾𑌨𑌿𑌰𑍁𑌦𑍍𑌵𑌿𑌗𑍍𑌨𑌾𑌤𑌰𑌸𑍍𑌵𑌿𑌨𑍀 ।
𑌸𑍇𑌨𑌾𑌰𑌕𑍍𑌷𑌤𑌿𑌕𑌾𑌕𑍁𑌤𑍍𑌸𑍍𑌥𑍌𑌮𑌯𑌾𑌪𑍍𑌰𑍀𑌤𑍍𑌯𑌾𑌨𑌿𑌵𑍇𑌦𑌿𑌤𑍌 ॥ 2 ॥
𑌸𑌾𑌤𑍍𑌵𑌂𑌭𑌵𑌸𑍁𑌵𑌿𑌸𑍍𑌰𑌬𑍍𑌧𑌾𑌅𑌨𑍁𑌮𑌾𑌨𑍈𑌸𑍍𑌸𑍁𑌖𑍋𑌦𑌯𑍈𑌃 ।
𑌅𑌹𑌤𑍌𑌪𑌶𑍍𑌯𑌕𑌾𑌕𑍁𑌤𑍍𑌸𑍍𑌥𑍌𑌸𑍍𑌨𑍇𑌹𑌾𑌦𑍇𑌤𑌦𑍍𑌬𑍍𑌰𑍍𑌰𑌵𑍀𑌮𑌿𑌤𑍇 ॥ 2 ॥
𑌅𑌨𑍃𑌤𑌂𑌨𑍋𑌕𑍍𑌤𑌪𑍂𑌰𑍍𑌵𑌂𑌮𑍇𑌨𑌚𑌵𑌕𑍍𑌷𑍍𑌯𑍇𑌕𑌦𑌾𑌚𑌨 ।
𑌚𑌾𑌰𑌿𑌤𑍍𑌰𑌸𑍁𑌖𑌶𑍀𑌲𑌤𑍍𑌵𑌾𑌤𑍍 𑌪𑍍𑌰𑌵𑌿𑌷𑍍𑌟𑌾𑌅𑌸𑌿𑌮𑌨𑌃𑌮𑌮 ॥ 2 ॥
𑌨𑍇𑌮𑍌𑌶𑌕𑍍𑌯𑌾𑌰𑌣𑍇𑌜𑍇𑌤𑍁𑌂𑌸𑍇𑌂𑌦𑍍𑌰𑍈𑌰𑌪𑌿𑌸𑍁𑌰𑌾𑌸𑍁𑌰𑍈𑌃 ।
𑌤𑌾𑌦𑍃𑌶𑌂𑌦𑌰𑍍𑌶𑌨𑌂𑌦𑍃𑌷𑍍𑌟𑌵𑌾𑌮𑌯𑌾𑌚𑌾𑌵𑍇𑌦𑌿𑌤𑌂𑌤𑌵 ॥ 30 ॥
𑌇𑌦𑌂𑌚𑌸𑍁𑌮𑌹𑌚𑌚𑌿𑌤𑍍𑌰𑌂𑌶𑌰𑍈𑌃𑌪𑌶𑍍𑌯𑌸𑍍𑌵𑌮𑍈𑌥𑌿𑌲𑌿 ।
𑌨𑌿𑌸𑍍𑌸𑌂𑌜𑍍𑌞𑌾𑌵𑌪𑍍𑌯𑍁𑌭𑌾𑌵𑍇𑌤𑍌𑌨𑍈𑌵𑌲𑌕𑍍𑌷𑍍𑌮𑍀𑌰𑍍𑌵𑌿𑌮𑍁𑌂𑌚𑌤𑌿 ॥ 31 ॥
𑌪𑍍𑌰𑌾𑌯𑍇𑌣𑌗𑌤𑌸𑌤𑍍𑌤𑍍𑌵𑌾𑌨𑌾𑌂𑌪𑍁𑌰𑍁𑌷𑌾𑌣𑌾𑌂𑌗𑌤𑌾𑌯𑍁𑌷𑌾𑌮𑍍 ।
𑌦𑍃𑌶𑍍𑌯𑌮𑌾𑌨𑍇𑌷𑍁𑌵𑌕𑍍𑌤𑍍𑌰𑍇𑌷𑍁𑌪𑌰𑌂𑌭𑌵𑌤𑌿𑌵𑍈𑌕𑍃𑌤𑌮𑍍 ॥ 32 ॥
𑌤𑍍𑌯𑌜𑌶𑍋𑌕𑌂𑌚𑌮𑍋𑌹𑌂𑌚𑌦𑍁𑌃𑌖𑌂𑌚𑌜𑌨𑌕𑌾𑌤𑍍𑌮𑌜𑍇 ।
𑌰𑌾𑌮𑌲𑌕𑍍𑌷𑍍𑌮𑌣𑌯𑍋𑌰𑌰𑍍𑌥𑍇𑌨𑌾𑌦𑍍𑌯𑌶𑌕𑍍𑌯𑌮𑌜𑍀𑌵𑌿𑌤𑍁𑌮𑍍 ॥ 33 ॥
𑌶𑍁𑌤𑍍𑌵𑌾𑌤𑍁𑌵𑌚𑌨𑌂𑌤𑌸𑍍𑌯𑌾𑌃𑌸𑍀𑌤𑌾𑌸𑍁𑌰𑌸𑍁𑌤𑍋𑌪𑌮𑌾 ।
𑌕𑍃𑌤𑌾𑌂𑌜𑌲𑌿𑌰𑍁𑌵𑌾𑌚𑍇𑌮𑌾𑌮𑍇𑌵𑌮𑌸𑍍𑌤𑍍𑌵𑌿𑌤𑌿𑌮𑍈𑌥𑌿𑌲𑌿 ॥ 34 ॥
𑌵𑌿𑌮𑌾𑌨𑌂𑌪𑍁𑌷𑍍𑌪𑌕𑌂𑌤𑌤𑍍𑌤𑍁𑌸𑌨𑍍𑌨𑌿𑌵𑌰𑍍𑌤𑍍𑌯𑌮𑌨𑍋𑌜𑌵𑌮𑍍 ।
𑌦𑍀𑌨𑌾𑌤𑍍𑌰𑌿𑌜𑌟𑌯𑌾𑌸𑍀𑌤𑌾𑌲𑌂𑌕𑌾𑌮𑍇𑌵𑌪𑍍𑌰𑌵𑍇𑌶𑌿𑌤𑌾 ॥ 35 ॥
𑌤𑌤𑌸𑍍𑌤𑍍𑌰𑌿𑌜𑌟𑌯𑌾𑌸𑌾𑌰𑍍𑌥𑌂𑌪𑍁𑌷𑍍𑌪𑌕𑌾𑌦𑌵𑌰𑍁𑌹𑍍𑌯𑌸𑌾 ।
𑌅𑌶𑍋𑌕𑌵𑌨𑌿𑌕𑌾𑌮𑍇𑌵𑌰𑌾𑌕𑍍𑌷𑌸𑍀𑌭𑌿𑌃𑌪𑍍𑌰𑌵𑍇𑌶𑌿𑌤𑌾 ॥ 36 ॥
𑌪𑍍𑌰𑌵𑌿𑌶𑍍𑌯𑌸𑍀𑌤𑌾𑌬𑌹𑍁𑌵𑍃𑌕𑍍𑌷𑌷𑌂𑌡𑌾𑌂𑌤𑌾𑌂𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌵𑌿𑌹𑌾𑌰𑌭𑍂𑌮𑌿𑌮𑍍 ।
𑌸𑌂𑌪𑍍𑌰𑍇𑌕𑍍𑌷𑍍𑌯𑌸𑌂𑌚𑌿𑌂𑌤𑍍𑌯𑌚𑌰𑌾𑌜𑌪𑍁𑌤𑍍𑌰𑍌𑌪𑌰𑌂𑌵𑌿𑌷𑌾𑌦𑌂𑌸𑌮𑍁𑌪𑌾𑌜𑌗𑌾𑌮 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌅𑌷𑍍𑌟𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
