ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟଚତ୍ଵାରିଂଶସ୍ସର୍ଗଃ ।
ଭର୍ତାରଂନିହତଂଦୃଷ୍ଟଵାଲକ୍ଷ୍ମଣଂଚମହାବଲମ୍ ।
ଵିଲଲାପଭୃଶଂସୀତାକରୁଣଂଶୋକକର୍ଶିତା ॥ 1 ॥
ଊଚୁର୍ଲକ୍ଷଣିକାୟେମାଂପୁତ୍ରିଣ୍ୟଵିଧଵେତିଚ ।
ତେଽଦ୍ୟସର୍ଵେହତେରାମେଜ୍ଞାନିନୋଽନୃତଵାଦିନଃ ॥ 2 ॥
ୟଜ୍ଵନୋମହିଷୀଂୟେମାମୂଚୁଃପତ୍ନୀଂଚସତ୍ତ୍ରିଣଃ ।
ତେଽଦ୍ୟସର୍ଵେହତେରାମେଜ୍ଞାନିନୋଽନୃତଵାଦିନଃ ॥ 3 ॥
ଊଚୁସ୍ସଂଶ୍ରଵଣେୟେମାଂଦ୍ଵିଜାଃକାର୍ତାଂତିକାଶ୍ଶୁଭାମ୍ ।
ତେଽଦ୍ୟସର୍ଵେହତେରାମେଜ୍ଞାନିନୋଽନୃତଵାଦିନଃ ॥ 4 ॥
ଵୀରପାର୍ଥିଵପତ୍ନୀତ୍ଵାଂୟେଵିଦୁର୍ଭର୍ତୃପୂଜିତାମ୍ ।
ତେଽଦ୍ୟସର୍ଵେହତେରାମେଜ୍ଞାନିନୋଽନୃତଵାଦିନଃ ॥ 5 ॥
ଇମାନିଖଲୁପଦ୍ମାନିପାଦୟୋର୍ୟୈଃକୁଲସ୍ତ୍ରିୟଃ ।
ଅଧିରାଜ୍ୟେଽଭିଷିଚ୍ୟଂତେନରେଂଦ୍ରୈଃପତିଭିଃସହ ॥ 6 ॥
ଵୈଧଵ୍ୟଂୟାଂତିୟୈର୍ନାର୍ୟୋଽଲକ୍ଷଣୈର୍ଭାଗ୍ୟଦୁର୍ଲଭାଃ ।
ନାତ୍ମନଂତାନିପଶ୍ୟାମିପଶ୍ୟଂତୀହତଲକ୍ଷଣା ॥ 7 ॥
ସତ୍ୟନାମାନିପଦ୍ମାନିସ୍ତ୍ରୀଣାମୁକ୍ତାନିଲକ୍ଷଣୈଃ ।
ତାନ୍ୟଦ୍ୟନିହତେରାମେଵିତଥାନିଭଵଂତିମେ ॥ 8 ॥
କେଶାହ୍ ସୂକ୍ଷ୍ମାହ୍ ସମା ନୀଲା ଭ୍ରୁଵୌ ଚ ଅସମ୍ଗତେ ମମ ।
ଵୃତ୍ତେ ଚ ଅଲୋମଶେ ଜନ୍ଘେ ଦଂତାଶ୍ ଚ ଅଵିରଲା ମମ ॥ 9 ॥
ଶଂଖେନେତ୍ରେକରୌପାଦୌଗୁଲ୍ଫାଵୂରୂଚମେଚିତୌ ।
ଅନୁଵୃତ୍ତନଖାସ୍ସ୍ନିଗ୍ଧାସ୍ସମାଶ୍ଚାଂଗୁଲୟୋମମ ॥ 10 ॥
ସ୍ତନୌ ଚ ଅଵିରଲୌ ପୀନୌ ମମ ଇମୌ ମଗ୍ନ ଚୂଚୁକୌ ।
ମଗ୍ନା ଚ ଉତ୍ସନ୍ଗିନୀ ନାଭିହ୍ ପାର୍ଶ୍ଵ ଉରସ୍କଂ ଚ ମେ ଚିତମ୍ ॥ 11 ॥
ମମଵର୍ଣୋମଣିନିଭୋମୃଦୂନ୍ୟଂଗରୁହାଣିଚ ।
ପ୍ରତିଷ୍ଠିତାଂଦ୍ଵାଦଶଭିର୍ମାମୂଚୁଶ୍ଶୁଭଲକ୍ଷଣାମ୍ ॥ 12 ॥
ସମଗ୍ରୟଵମଚ୍ଛ୍ରିଦ୍ରପାଣିପାଦଂଚଵର୍ଣଵତ୍ ।
ମଂଦସ୍ମିତେତ୍ୟେଵଚମାଂକନ୍ୟାଲାକ୍ଷଣିନୋଦ୍ଵିଜାଃ ॥ 13 ॥
ଆଧିରାଜ୍ୟେଽଭିଷେକୋମେବ୍ରାହ୍ମଣୈଃପତିନାସହ ।
କୃତାଂତକୁଶଲୈରୁକ୍ତଂତତ୍ସର୍ଵଂଵିତଥୀକୃତମ୍ ॥ 14 ॥
ଶୋଧୟିତ୍ଵାଜନସ୍ଥାନଂପ୍ରଵୃତତିମୁପଲଭ୍ୟଚ ।
ତୀର୍ତ୍ଵାସାଗରମକ୍ଷୋଭ୍ୟଂଭ୍ରାତରୌଗୋଷ୍ପଦେହତୌ ॥ 15 ॥
ନନୁଵାରୁଣମାଗ୍ନେୟମୈଂଦ୍ରଂଵାୟଵ୍ୟମେଵଚ ।
ଅସ୍ତ୍ରଂବ୍ରହ୍ମଶିରଶ୍ଚୈଵପ୍ରତ୍ୟପଦ୍ୟତାମ୍ ॥ 16 ॥
ଅଦୃଶ୍ୟମାନେନରଣେମାୟୟାଵାସଵୋପମୌ ।
ମମନାଥାଵନାଥାୟାନିହତୌରାମଲକ୍ଷ୍ମଣୌ ॥ 17 ॥
ନହିଦୃଷ୍ଟିପଥଂପ୍ରାପ୍ୟରାଘଵସ୍ୟରଣେରିପୁଃ ।
ଜୀଵନ୍ପ୍ରଂତିଵର୍ତେତୟଦ୍ୟପିସ୍ୟାନ୍ମନୋଜଵଃ ॥ 18 ॥
ନକଲସ୍ୟାତିଭାରୋଽସ୍ତିକୃତାଂତଶ୍ଚସୁଦୁର୍ଜୟଃ ।
ୟତ୍ରରାମଃସହଭ୍ରାତ୍ରାଶେତେୟୁଧିନିପାତିତଃ ॥ 19 ॥
ନଶୋଚାମିତଥାରାମଂଲକ୍ଷ୍ମଣଂଚମହାରଥମ୍ ।
ଵାତ୍ମାନଂଜନନୀଂଚାପିୟଥାଶ୍ଵଶ୍ରୂଂତପସ୍ଵିନୀମ୍ ॥ 20 ॥
ସାତୁଚିଂତୟତେନିତ୍ୟଂସମାପ୍ତଵ୍ରତମାଗତମ୍ ।
କଦାଦ୍ରକ୍ଷ୍ୟାମିସୀତାଂଚଲକ୍ଷ୍ମଣଂଚସରାଘଵମ୍ ॥ 21 ॥
ପରିଦେଵୟମାନାଂତାଂରାକ୍ଷସୀତ୍ରିଜଟାବ୍ରଵୀତ୍ ।
ମାଵିଷାଦଂକୃଥାଦେଵୀ ଭର୍ତାଽୟଂତଵଜୀଵତି ॥ 22 ॥
କାରଣାନିଚଵକ୍ଷ୍ୟାମିମହାଂତିସଦୃଶାନିଚ ।
ୟଥେମୌଜୀଵତୋଦେଵୀଭ୍ରାତରୌରାମଲକ୍ଷ୍ମଣୌ ॥ 23 ॥
ନହିକୋପପରୀତାନିହର୍ଷପର୍ୟୁତ୍ସୁକାନିଚ ।
ଭଵଂତିୟୁଧିୟୋଧାନାଂମୁଖାନିନିହତେପତୌ ॥ 24 ॥
ଇଦଂଵିମାନଂଵୈଦେହୀ ପୁଷ୍ପକଂନାମନାମତଃ ।
ଦିଵ୍ୟଂତ୍ଵାଂଦାରୟନ୍ନୈଵଂୟଦ୍ୟେତୌଗତଜୀଵିତୌ ॥ 25 ॥
ହତଵୀରପ୍ରଧାନାହିଗତୋତ୍ସାହାନିରୁଦ୍ୟମା ।
ସେନାଭ୍ରମତିସଙ୍ ଖ୍ୟେଷୁହତକର୍ଣେଵନୌର୍ଜଲେ ॥ 26 ॥
ଇୟଂପୁନରସଂଭ୍ରାଂତାନିରୁଦ୍ଵିଗ୍ନାତରସ୍ଵିନୀ ।
ସେନାରକ୍ଷତିକାକୁତ୍ସ୍ଥୌମୟାପ୍ରୀତ୍ୟାନିଵେଦିତୌ ॥ 27 ॥
ସାତ୍ଵଂଭଵସୁଵିସ୍ରବ୍ଧାଅନୁମାନୈସ୍ସୁଖୋଦୟୈଃ ।
ଅହତୌପଶ୍ୟକାକୁତ୍ସ୍ଥୌସ୍ନେହାଦେତଦ୍ବ୍ର୍ରଵୀମିତେ ॥ 28 ॥
ଅନୃତଂନୋକ୍ତପୂର୍ଵଂମେନଚଵକ୍ଷ୍ୟେକଦାଚନ ।
ଚାରିତ୍ରସୁଖଶୀଲତ୍ଵାତ୍ ପ୍ରଵିଷ୍ଟାଅସିମନଃମମ ॥ 29 ॥
ନେମୌଶକ୍ୟାରଣେଜେତୁଂସେଂଦ୍ରୈରପିସୁରାସୁରୈଃ ।
ତାଦୃଶଂଦର୍ଶନଂଦୃଷ୍ଟଵାମୟାଚାଵେଦିତଂତଵ ॥ 30 ॥
ଇଦଂଚସୁମହଚଚିତ୍ରଂଶରୈଃପଶ୍ୟସ୍ଵମୈଥିଲି ।
ନିସ୍ସଂଜ୍ଞାଵପ୍ୟୁଭାଵେତୌନୈଵଲକ୍ଷ୍ମୀର୍ଵିମୁଂଚତି ॥ 31 ॥
ପ୍ରାୟେଣଗତସତ୍ତ୍ଵାନାଂପୁରୁଷାଣାଂଗତାୟୁଷାମ୍ ।
ଦୃଶ୍ୟମାନେଷୁଵକ୍ତ୍ରେଷୁପରଂଭଵତିଵୈକୃତମ୍ ॥ 32 ॥
ତ୍ୟଜଶୋକଂଚମୋହଂଚଦୁଃଖଂଚଜନକାତ୍ମଜେ ।
ରାମଲକ୍ଷ୍ମଣୟୋରର୍ଥେନାଦ୍ୟଶକ୍ୟମଜୀଵିତୁମ୍ ॥ 33 ॥
ଶୁତ୍ଵାତୁଵଚନଂତସ୍ୟାଃସୀତାସୁରସୁତୋପମା ।
କୃତାଂଜଲିରୁଵାଚେମାମେଵମସ୍ତ୍ଵିତିମୈଥିଲି ॥ 34 ॥
ଵିମାନଂପୁଷ୍ପକଂତତ୍ତୁସନ୍ନିଵର୍ତ୍ୟମନୋଜଵମ୍ ।
ଦୀନାତ୍ରିଜଟୟାସୀତାଲଂକାମେଵପ୍ରଵେଶିତା ॥ 35 ॥
ତତସ୍ତ୍ରିଜଟୟାସାର୍ଥଂପୁଷ୍ପକାଦଵରୁହ୍ୟସା ।
ଅଶୋକଵନିକାମେଵରାକ୍ଷସୀଭିଃପ୍ରଵେଶିତା ॥ 36 ॥
ପ୍ରଵିଶ୍ୟସୀତାବହୁଵୃକ୍ଷଷଂଡାଂତାଂରାକ୍ଷସେଂଦ୍ରସ୍ୟଵିହାରଭୂମିମ୍ ।
ସଂପ୍ରେକ୍ଷ୍ୟସଂଚିଂତ୍ୟଚରାଜପୁତ୍ରୌପରଂଵିଷାଦଂସମୁପାଜଗାମ ॥ 37 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟଚତ୍ଵାରିଂଶସ୍ସର୍ଗଃ ॥
