ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටචත්වාරිංශස්සර්ගඃ ।
භර්තාරංනිහතංදෘෂ්ටවාලක්ෂ්මණංචමහාබලම් ।
විලලාපභෘශංසීතාකරුණංශෝකකර්ශිතා ॥ 1 ॥
ඌචුර්ලක්ෂණිකායේමාංපුත්රිණ්යවිධවේතිච ।
තේऽද්යසර්වේහතේරාමේජ්ඤානිනෝऽනෘතවාදිනඃ ॥ 2 ॥
යජ්වනෝමහිෂීංයේමාමූචුඃපත්නීංචසත්ත්රිණඃ ।
තේऽද්යසර්වේහතේරාමේජ්ඤානිනෝऽනෘතවාදිනඃ ॥ 3 ॥
ඌචුස්සංශ්රවණේයේමාංද්විජාඃකාර්තාංතිකාශ්ශුභාම් ।
තේऽද්යසර්වේහතේරාමේජ්ඤානිනෝऽනෘතවාදිනඃ ॥ 4 ॥
වීරපාර්ථිවපත්නීත්වාංයේවිදුර්භර්තෘපූජිතාම් ।
තේऽද්යසර්වේහතේරාමේජ්ඤානිනෝऽනෘතවාදිනඃ ॥ 5 ॥
ඉමානිඛලුපද්මානිපාදයෝර්යෛඃකුලස්ත්රියඃ ।
අධිරාජ්යේऽභිෂිච්යංතේනරේංද්රෛඃපතිභිඃසහ ॥ 6 ॥
වෛධව්යංයාංතියෛර්නාර්යෝऽලක්ෂණෛර්භාග්යදුර්ලභාඃ ।
නාත්මනංතානිපශ්යාමිපශ්යංතීහතලක්ෂණා ॥ 7 ॥
සත්යනාමානිපද්මානිස්ත්රීණාමුක්තානිලක්ෂණෛඃ ।
තාන්යද්යනිහතේරාමේවිතථානිභවංතිමේ ॥ 8 ॥
කේශාහ් සූක්ෂ්මාහ් සමා නීලා භ්රුවෞ ච අසම්ගතේ මම ।
වෘත්තේ ච අලෝමශේ ජන්ඝේ දංතාශ් ච අවිරලා මම ॥ 9 ॥
ශංඛේනේත්රේකරෞපාදෞගුල්ඵාවූරූචමේචිතෞ ।
අනුවෘත්තනඛාස්ස්නිග්ධාස්සමාශ්චාංගුලයෝමම ॥ 10 ॥
ස්තනෞ ච අවිරලෞ පීනෞ මම ඉමෞ මග්න චූචුකෞ ।
මග්නා ච උත්සන්ගිනී නාභිහ් පාර්ශ්ව උරස්කං ච මේ චිතම් ॥ 11 ॥
මමවර්ණෝමණිනිභෝමෘදූන්යංගරුහාණිච ।
ප්රතිෂ්ඨිතාංද්වාදශභිර්මාමූචුශ්ශුභලක්ෂණාම් ॥ 12 ॥
සමග්රයවමච්ඡ්රිද්රපාණිපාදංචවර්ණවත් ।
මංදස්මිතේත්යේවචමාංකන්යාලාක්ෂණිනෝද්විජාඃ ॥ 13 ॥
ආධිරාජ්යේऽභිෂේකෝමේබ්රාහ්මණෛඃපතිනාසහ ।
කෘතාංතකුශලෛරුක්තංතත්සර්වංවිතථීකෘතම් ॥ 14 ॥
ශෝධයිත්වාජනස්ථානංප්රවෘතතිමුපලභ්යච ।
තීර්ත්වාසාගරමක්ෂෝභ්යංභ්රාතරෞගෝෂ්පදේහතෞ ॥ 15 ॥
නනුවාරුණමාග්නේයමෛංද්රංවායව්යමේවච ।
අස්ත්රංබ්රහ්මශිරශ්චෛවප්රත්යපද්යතාම් ॥ 16 ॥
අදෘශ්යමානේනරණේමායයාවාසවෝපමෞ ।
මමනාථාවනාථායානිහතෞරාමලක්ෂ්මණෞ ॥ 17 ॥
නහිදෘෂ්ටිපථංප්රාප්යරාඝවස්යරණේරිපුඃ ।
ජීවන්ප්රංතිවර්තේතයද්යපිස්යාන්මනෝජවඃ ॥ 18 ॥
නකලස්යාතිභාරෝऽස්තිකෘතාංතශ්චසුදුර්ජයඃ ।
යත්රරාමඃසහභ්රාත්රාශේතේයුධිනිපාතිතඃ ॥ 19 ॥
නශෝචාමිතථාරාමංලක්ෂ්මණංචමහාරථම් ।
වාත්මානංජනනීංචාපියථාශ්වශ්රූංතපස්විනීම් ॥ 20 ॥
සාතුචිංතයතේනිත්යංසමාප්තව්රතමාගතම් ।
කදාද්රක්ෂ්යාමිසීතාංචලක්ෂ්මණංචසරාඝවම් ॥ 21 ॥
පරිදේවයමානාංතාංරාක්ෂසීත්රිජටාබ්රවීත් ।
මාවිෂාදංකෘථාදේවී භර්තාऽයංතවජීවති ॥ 22 ॥
කාරණානිචවක්ෂ්යාමිමහාංතිසදෘශානිච ।
යථේමෞජීවතෝදේවීභ්රාතරෞරාමලක්ෂ්මණෞ ॥ 23 ॥
නහිකෝපපරීතානිහර්ෂපර්යුත්සුකානිච ।
භවංතියුධියෝධානාංමුඛානිනිහතේපතෞ ॥ 24 ॥
ඉදංවිමානංවෛදේහී පුෂ්පකංනාමනාමතඃ ।
දිව්යංත්වාංදාරයන්නෛවංයද්යේතෞගතජීවිතෞ ॥ 25 ॥
හතවීරප්රධානාහිගතෝත්සාහානිරුද්යමා ।
සේනාභ්රමතිසඞ් ඛ්යේෂුහතකර්ණේවනෞර්ජලේ ॥ 26 ॥
ඉයංපුනරසංභ්රාංතානිරුද්විග්නාතරස්විනී ।
සේනාරක්ෂතිකාකුත්ස්ථෞමයාප්රීත්යානිවේදිතෞ ॥ 27 ॥
සාත්වංභවසුවිස්රබ්ධාඅනුමානෛස්සුඛෝදයෛඃ ।
අහතෞපශ්යකාකුත්ස්ථෞස්නේහාදේතද්බ්ර්රවීමිතේ ॥ 28 ॥
අනෘතංනෝක්තපූර්වංමේනචවක්ෂ්යේකදාචන ।
චාරිත්රසුඛශීලත්වාත් ප්රවිෂ්ටාඅසිමනඃමම ॥ 29 ॥
නේමෞශක්යාරණේජේතුංසේංද්රෛරපිසුරාසුරෛඃ ।
තාදෘශංදර්ශනංදෘෂ්ටවාමයාචාවේදිතංතව ॥ 30 ॥
ඉදංචසුමහචචිත්රංශරෛඃපශ්යස්වමෛථිලි ।
නිස්සංජ්ඤාවප්යුභාවේතෞනෛවලක්ෂ්මීර්විමුංචති ॥ 31 ॥
ප්රායේණගතසත්ත්වානාංපුරුෂාණාංගතායුෂාම් ।
දෘශ්යමානේෂුවක්ත්රේෂුපරංභවතිවෛකෘතම් ॥ 32 ॥
ත්යජශෝකංචමෝහංචදුඃඛංචජනකාත්මජේ ।
රාමලක්ෂ්මණයෝරර්ථේනාද්යශක්යමජීවිතුම් ॥ 33 ॥
ශුත්වාතුවචනංතස්යාඃසීතාසුරසුතෝපමා ।
කෘතාංජලිරුවාචේමාමේවමස්ත්විතිමෛථිලි ॥ 34 ॥
විමානංපුෂ්පකංතත්තුසන්නිවර්ත්යමනෝජවම් ।
දීනාත්රිජටයාසීතාලංකාමේවප්රවේශිතා ॥ 35 ॥
තතස්ත්රිජටයාසාර්ථංපුෂ්පකාදවරුහ්යසා ।
අශෝකවනිකාමේවරාක්ෂසීභිඃප්රවේශිතා ॥ 36 ॥
ප්රවිශ්යසීතාබහුවෘක්ෂෂංඩාංතාංරාක්ෂසේංද්රස්යවිහාරභූමිම් ।
සංප්රේක්ෂ්යසංචිංත්යචරාජපුත්රෞපරංවිෂාදංසමුපාජගාම ॥ 37 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටචත්වාරිංශස්සර්ගඃ ॥
