ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಅಷ್ಟಚತ್ವಾರಿಂಶಸ್ಸರ್ಗಃ ।
ಭರ್ತಾರನ್ನಿಹತನ್ದೃಷ್ಟವಾಲಕ್ಷ್ಮಣಞ್ಚಮಹಾಬಲಮ್ ।
ವಿಲಲಾಪಭೃಶಂಸೀತಾಕರುಣಂಶೋಕಕರ್ಶಿತಾ ॥ 1 ॥
ಊಚುರ್ಲಕ್ಷಣಿಕಾಯೇಮಾಮ್ಪುತ್ರಿಣ್ಯವಿಧವೇತಿಚ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 2 ॥
ಯಜ್ವನೋಮಹಿಷೀಂಯೇಮಾಮೂಚುಃಪತ್ನೀಞ್ಚಸತ್ತ್ರಿಣಃ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 3 ॥
ಊಚುಸ್ಸಂಶ್ರವಣೇಯೇಮಾನ್ದ್ವಿಜಾಃಕಾರ್ತಾನ್ತಿಕಾಶ್ಶುಭಾಮ್ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 4 ॥
ವೀರಪಾರ್ಥಿವಪತ್ನೀತ್ವಾಂಯೇವಿದುರ್ಭರ್ತೃಪೂಜಿತಾಮ್ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 5 ॥
ಇಮಾನಿಖಲುಪದ್ಮಾನಿಪಾದಯೋರ್ಯೈಃಕುಲಸ್ತ್ರಿಯಃ ।
ಅಧಿರಾಜ್ಯೇಽಭಿಷಿಚ್ಯನ್ತೇನರೇನ್ದ್ರೈಃಪತಿಭಿಃಸಹ ॥ 6 ॥
ವೈಧವ್ಯಂಯಾನ್ತಿಯೈರ್ನಾರ್ಯೋಽಲಕ್ಷಣೈರ್ಭಾಗ್ಯದುರ್ಲಭಾಃ ।
ನಾತ್ಮನನ್ತಾನಿಪಶ್ಯಾಮಿಪಶ್ಯನ್ತೀಹತಲಕ್ಷಣಾ ॥ 7 ॥
ಸತ್ಯನಾಮಾನಿಪದ್ಮಾನಿಸ್ತ್ರೀಣಾಮುಕ್ತಾನಿಲಕ್ಷಣೈಃ ।
ತಾನ್ಯದ್ಯನಿಹತೇರಾಮೇವಿತಥಾನಿಭವನ್ತಿಮೇ ॥ 8 ॥
ಕೇಶಾಹ್ ಸೂಕ್ಷ್ಮಾಹ್ ಸಮಾ ನೀಲಾ ಭ್ರುವೌ ಚ ಅಸಮ್ಗತೇ ಮಮ ।
ವೃತ್ತೇ ಚ ಅಲೋಮಶೇ ಜನ್ಘೇ ದನ್ತಾಶ್ ಚ ಅವಿರಲಾ ಮಮ ॥ 9 ॥
ಶಙ್ಖೇನೇತ್ರೇಕರೌಪಾದೌಗುಲ್ಫಾವೂರೂಚಮೇಚಿತೌ ।
ಅನುವೃತ್ತನಖಾಸ್ಸ್ನಿಗ್ಧಾಸ್ಸಮಾಶ್ಚಾಙ್ಗುಲಯೋಮಮ ॥ 10 ॥
ಸ್ತನೌ ಚ ಅವಿರಲೌ ಪೀನೌ ಮಮ ಇಮೌ ಮಗ್ನ ಚೂಚುಕೌ ।
ಮಗ್ನಾ ಚ ಉತ್ಸನ್ಗಿನೀ ನಾಭಿಹ್ ಪಾರ್ಶ್ವ ಉರಸ್ಕಂ ಚ ಮೇ ಚಿತಮ್ ॥ 11 ॥
ಮಮವರ್ಣೋಮಣಿನಿಭೋಮೃದೂನ್ಯಙ್ಗರುಹಾಣಿಚ ।
ಪ್ರತಿಷ್ಠಿತಾನ್ದ್ವಾದಶಭಿರ್ಮಾಮೂಚುಶ್ಶುಭಲಕ್ಷಣಾಮ್ ॥ 12 ॥
ಸಮಗ್ರಯವಮಚ್ಛ್ರಿದ್ರಪಾಣಿಪಾದಞ್ಚವರ್ಣವತ್ ।
ಮನ್ದಸ್ಮಿತೇತ್ಯೇವಚಮಾಙ್ಕನ್ಯಾಲಾಕ್ಷಣಿನೋದ್ವಿಜಾಃ ॥ 13 ॥
ಆಧಿರಾಜ್ಯೇಽಭಿಷೇಕೋಮೇಬ್ರಾಹ್ಮಣೈಃಪತಿನಾಸಹ ।
ಕೃತಾನ್ತಕುಶಲೈರುಕ್ತನ್ತತ್ಸರ್ವಂವಿತಥೀಕೃತಮ್ ॥ 14 ॥
ಶೋಧಯಿತ್ವಾಜನಸ್ಥಾನಮ್ಪ್ರವೃತತಿಮುಪಲಭ್ಯಚ ।
ತೀರ್ತ್ವಾಸಾಗರಮಕ್ಷೋಭ್ಯಮ್ಭ್ರಾತರೌಗೋಷ್ಪದೇಹತೌ ॥ 15 ॥
ನನುವಾರುಣಮಾಗ್ನೇಯಮೈನ್ದ್ರಂವಾಯವ್ಯಮೇವಚ ।
ಅಸ್ತ್ರಮ್ಬ್ರಹ್ಮಶಿರಶ್ಚೈವಪ್ರತ್ಯಪದ್ಯತಾಮ್ ॥ 16 ॥
ಅದೃಶ್ಯಮಾನೇನರಣೇಮಾಯಯಾವಾಸವೋಪಮೌ ।
ಮಮನಾಥಾವನಾಥಾಯಾನಿಹತೌರಾಮಲಕ್ಷ್ಮಣೌ ॥ 17 ॥
ನಹಿದೃಷ್ಟಿಪಥಮ್ಪ್ರಾಪ್ಯರಾಘವಸ್ಯರಣೇರಿಪುಃ ।
ಜೀವನ್ಪ್ರನ್ತಿವರ್ತೇತಯದ್ಯಪಿಸ್ಯಾನ್ಮನೋಜವಃ ॥ 18 ॥
ನಕಲಸ್ಯಾತಿಭಾರೋಽಸ್ತಿಕೃತಾನ್ತಶ್ಚಸುದುರ್ಜಯಃ ।
ಯತ್ರರಾಮಃಸಹಭ್ರಾತ್ರಾಶೇತೇಯುಧಿನಿಪಾತಿತಃ ॥ 19 ॥
ನಶೋಚಾಮಿತಥಾರಾಮಂಲಕ್ಷ್ಮಣಞ್ಚಮಹಾರಥಮ್ ।
ವಾತ್ಮಾನಞ್ಜನನೀಞ್ಚಾಪಿಯಥಾಶ್ವಶ್ರೂನ್ತಪಸ್ವಿನೀಮ್ ॥ 20 ॥
ಸಾತುಚಿನ್ತಯತೇನಿತ್ಯಂಸಮಾಪ್ತವ್ರತಮಾಗತಮ್ ।
ಕದಾದ್ರಕ್ಷ್ಯಾಮಿಸೀತಾಞ್ಚಲಕ್ಷ್ಮಣಞ್ಚಸರಾಘವಮ್ ॥ 21 ॥
ಪರಿದೇವಯಮಾನಾನ್ತಾಂರಾಕ್ಷಸೀತ್ರಿಜಟಾಬ್ರವೀತ್ ।
ಮಾವಿಷಾದಙ್ಕೃಥಾದೇವೀ ಭರ್ತಾಽಯನ್ತವಜೀವತಿ ॥ 22 ॥
ಕಾರಣಾನಿಚವಕ್ಷ್ಯಾಮಿಮಹಾನ್ತಿಸದೃಶಾನಿಚ ।
ಯಥೇಮೌಜೀವತೋದೇವೀಭ್ರಾತರೌರಾಮಲಕ್ಷ್ಮಣೌ ॥ 23 ॥
ನಹಿಕೋಪಪರೀತಾನಿಹರ್ಷಪರ್ಯುತ್ಸುಕಾನಿಚ ।
ಭವನ್ತಿಯುಧಿಯೋಧಾನಾಮ್ಮುಖಾನಿನಿಹತೇಪತೌ ॥ 24 ॥
ಇದಂವಿಮಾನಂವೈದೇಹೀ ಪುಷ್ಪಕನ್ನಾಮನಾಮತಃ ।
ದಿವ್ಯನ್ತ್ವಾನ್ದಾರಯನ್ನೈವಂಯದ್ಯೇತೌಗತಜೀವಿತೌ ॥ 25 ॥
ಹತವೀರಪ್ರಧಾನಾಹಿಗತೋತ್ಸಾಹಾನಿರುದ್ಯಮಾ ।
ಸೇನಾಭ್ರಮತಿಸಙ್ ಖ್ಯೇಷುಹತಕರ್ಣೇವನೌರ್ಜಲೇ ॥ 26 ॥
ಇಯಮ್ಪುನರಸಮ್ಭ್ರಾನ್ತಾನಿರುದ್ವಿಗ್ನಾತರಸ್ವಿನೀ ।
ಸೇನಾರಕ್ಷತಿಕಾಕುತ್ಸ್ಥೌಮಯಾಪ್ರೀತ್ಯಾನಿವೇದಿತೌ ॥ 27 ॥
ಸಾತ್ವಮ್ಭವಸುವಿಸ್ರಬ್ಧಾಅನುಮಾನೈಸ್ಸುಖೋದಯೈಃ ।
ಅಹತೌಪಶ್ಯಕಾಕುತ್ಸ್ಥೌಸ್ನೇಹಾದೇತದ್ಬ್ರ್ರವೀಮಿತೇ ॥ 28 ॥
ಅನೃತನ್ನೋಕ್ತಪೂರ್ವಮ್ಮೇನಚವಕ್ಷ್ಯೇಕದಾಚನ ।
ಚಾರಿತ್ರಸುಖಶೀಲತ್ವಾತ್ ಪ್ರವಿಷ್ಟಾಅಸಿಮನಃಮಮ ॥ 29 ॥
ನೇಮೌಶಕ್ಯಾರಣೇಜೇತುಂಸೇನ್ದ್ರೈರಪಿಸುರಾಸುರೈಃ ।
ತಾದೃಶನ್ದರ್ಶನನ್ದೃಷ್ಟವಾಮಯಾಚಾವೇದಿತನ್ತವ ॥ 30 ॥
ಇದಞ್ಚಸುಮಹಚಚಿತ್ರಂಶರೈಃಪಶ್ಯಸ್ವಮೈಥಿಲಿ ।
ನಿಸ್ಸಞ್ಜ್ಞಾವಪ್ಯುಭಾವೇತೌನೈವಲಕ್ಷ್ಮೀರ್ವಿಮುಞ್ಚತಿ ॥ 31 ॥
ಪ್ರಾಯೇಣಗತಸತ್ತ್ವಾನಾಮ್ಪುರುಷಾಣಾಙ್ಗತಾಯುಷಾಮ್ ।
ದೃಶ್ಯಮಾನೇಷುವಕ್ತ್ರೇಷುಪರಮ್ಭವತಿವೈಕೃತಮ್ ॥ 32 ॥
ತ್ಯಜಶೋಕಞ್ಚಮೋಹಞ್ಚದುಃಖಞ್ಚಜನಕಾತ್ಮಜೇ ।
ರಾಮಲಕ್ಷ್ಮಣಯೋರರ್ಥೇನಾದ್ಯಶಕ್ಯಮಜೀವಿತುಮ್ ॥ 33 ॥
ಶುತ್ವಾತುವಚನನ್ತಸ್ಯಾಃಸೀತಾಸುರಸುತೋಪಮಾ ।
ಕೃತಾಞ್ಜಲಿರುವಾಚೇಮಾಮೇವಮಸ್ತ್ವಿತಿಮೈಥಿಲಿ ॥ 34 ॥
ವಿಮಾನಮ್ಪುಷ್ಪಕನ್ತತ್ತುಸನ್ನಿವರ್ತ್ಯಮನೋಜವಮ್ ।
ದೀನಾತ್ರಿಜಟಯಾಸೀತಾಲಙ್ಕಾಮೇವಪ್ರವೇಶಿತಾ ॥ 35 ॥
ತತಸ್ತ್ರಿಜಟಯಾಸಾರ್ಥಮ್ಪುಷ್ಪಕಾದವರುಹ್ಯಸಾ ।
ಅಶೋಕವನಿಕಾಮೇವರಾಕ್ಷಸೀಭಿಃಪ್ರವೇಶಿತಾ ॥ 36 ॥
ಪ್ರವಿಶ್ಯಸೀತಾಬಹುವೃಕ್ಷಷಣ್ಡಾನ್ತಾಂರಾಕ್ಷಸೇನ್ದ್ರಸ್ಯವಿಹಾರಭೂಮಿಮ್ ।
ಸಮ್ಪ್ರೇಕ್ಷ್ಯಸಞ್ಚಿನ್ತ್ಯಚರಾಜಪುತ್ರೌಪರಂವಿಷಾದಂಸಮುಪಾಜಗಾಮ ॥ 37 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಷ್ಟಚತ್ವಾರಿಂಶಸ್ಸರ್ಗಃ ॥
