শ্রীমদ্বাল্মীকীয় রামাযণে যুদ্ধকাংডম্ ।
অথ অষ্টচত্বারিংশস্সর্গঃ ।
ভর্তারংনিহতংদৃষ্টবালক্ষ্মণংচমহাবলম্ ।
বিললাপভৃশংসীতাকরুণংশোককর্শিতা ॥ 1 ॥
ঊচুর্লক্ষণিকায়েমাংপুত্রিণ্যবিধবেতিচ ।
তেঽদ্যসর্বেহতেরামেজ্ঞানিনোঽনৃতবাদিনঃ ॥ 2 ॥
যজ্বনোমহিষীংয়েমামূচুঃপত্নীংচসত্ত্রিণঃ ।
তেঽদ্যসর্বেহতেরামেজ্ঞানিনোঽনৃতবাদিনঃ ॥ 3 ॥
ঊচুস্সংশ্রবণেয়েমাংদ্বিজাঃকার্তাংতিকাশ্শুভাম্ ।
তেঽদ্যসর্বেহতেরামেজ্ঞানিনোঽনৃতবাদিনঃ ॥ 4 ॥
বীরপার্থিবপত্নীত্বাংয়েবিদুর্ভর্তৃপূজিতাম্ ।
তেঽদ্যসর্বেহতেরামেজ্ঞানিনোঽনৃতবাদিনঃ ॥ 5 ॥
ইমানিখলুপদ্মানিপাদয়োর্য়ৈঃকুলস্ত্রিয়ঃ ।
অধিরাজ্য়েঽভিষিচ্য়ংতেনরেংদ্রৈঃপতিভিঃসহ ॥ 6 ॥
বৈধব্য়ংয়াংতিয়ৈর্নার্য়োঽলক্ষণৈর্ভাগ্যদুর্লভাঃ ।
নাত্মনংতানিপশ্য়ামিপশ্য়ংতীহতলক্ষণা ॥ 7 ॥
সত্যনামানিপদ্মানিস্ত্রীণামুক্তানিলক্ষণৈঃ ।
তান্যদ্যনিহতেরামেবিতথানিভবংতিমে ॥ 8 ॥
কেশাহ্ সূক্ষ্মাহ্ সমা নীলা ভ্রুবৌ চ অসম্গতে মম ।
বৃত্তে চ অলোমশে জন্ঘে দংতাশ্ চ অবিরলা মম ॥ 9 ॥
শংখেনেত্রেকরৌপাদৌগুল্ফাবূরূচমেচিতৌ ।
অনুবৃত্তনখাস্স্নিগ্ধাস্সমাশ্চাংগুলয়োমম ॥ 10 ॥
স্তনৌ চ অবিরলৌ পীনৌ মম ইমৌ মগ্ন চূচুকৌ ।
মগ্না চ উত্সন্গিনী নাভিহ্ পার্শ্ব উরস্কং চ মে চিতম্ ॥ 11 ॥
মমবর্ণোমণিনিভোমৃদূন্য়ংগরুহাণিচ ।
প্রতিষ্ঠিতাংদ্বাদশভির্মামূচুশ্শুভলক্ষণাম্ ॥ 12 ॥
সমগ্রযবমচ্ছ্রিদ্রপাণিপাদংচবর্ণবত্ ।
মংদস্মিতেত্য়েবচমাংকন্য়ালাক্ষণিনোদ্বিজাঃ ॥ 13 ॥
আধিরাজ্য়েঽভিষেকোমেব্রাহ্মণৈঃপতিনাসহ ।
কৃতাংতকুশলৈরুক্তংতত্সর্বংবিতথীকৃতম্ ॥ 14 ॥
শোধয়িত্বাজনস্থানংপ্রবৃততিমুপলভ্যচ ।
তীর্ত্বাসাগরমক্ষোভ্য়ংভ্রাতরৌগোষ্পদেহতৌ ॥ 15 ॥
ননুবারুণমাগ্নেযমৈংদ্রংবাযব্যমেবচ ।
অস্ত্রংব্রহ্মশিরশ্চৈবপ্রত্যপদ্যতাম্ ॥ 16 ॥
অদৃশ্যমানেনরণেমাযয়াবাসবোপমৌ ।
মমনাথাবনাথায়ানিহতৌরামলক্ষ্মণৌ ॥ 17 ॥
নহিদৃষ্টিপথংপ্রাপ্যরাঘবস্যরণেরিপুঃ ।
জীবন্প্রংতিবর্তেতযদ্যপিস্য়ান্মনোজবঃ ॥ 18 ॥
নকলস্য়াতিভারোঽস্তিকৃতাংতশ্চসুদুর্জয়ঃ ।
যত্ররামঃসহভ্রাত্রাশেতেয়ুধিনিপাতিতঃ ॥ 19 ॥
নশোচামিতথারামংলক্ষ্মণংচমহারথম্ ।
বাত্মানংজননীংচাপিযথাশ্বশ্রূংতপস্বিনীম্ ॥ 20 ॥
সাতুচিংতযতেনিত্য়ংসমাপ্তব্রতমাগতম্ ।
কদাদ্রক্ষ্য়ামিসীতাংচলক্ষ্মণংচসরাঘবম্ ॥ 21 ॥
পরিদেবযমানাংতাংরাক্ষসীত্রিজটাব্রবীত্ ।
মাবিষাদংকৃথাদেবী ভর্তাঽয়ংতবজীবতি ॥ 22 ॥
কারণানিচবক্ষ্য়ামিমহাংতিসদৃশানিচ ।
যথেমৌজীবতোদেবীভ্রাতরৌরামলক্ষ্মণৌ ॥ 23 ॥
নহিকোপপরীতানিহর্ষপর্য়ুত্সুকানিচ ।
ভবংতিয়ুধিয়োধানাংমুখানিনিহতেপতৌ ॥ 24 ॥
ইদংবিমানংবৈদেহী পুষ্পকংনামনামতঃ ।
দিব্য়ংত্বাংদারযন্নৈবংযদ্য়েতৌগতজীবিতৌ ॥ 25 ॥
হতবীরপ্রধানাহিগতোত্সাহানিরুদ্যমা ।
সেনাভ্রমতিসঙ্ খ্য়েষুহতকর্ণেবনৌর্জলে ॥ 26 ॥
ইয়ংপুনরসংভ্রাংতানিরুদ্বিগ্নাতরস্বিনী ।
সেনারক্ষতিকাকুত্স্থৌময়াপ্রীত্য়ানিবেদিতৌ ॥ 27 ॥
সাত্বংভবসুবিস্রব্ধাঅনুমানৈস্সুখোদয়ৈঃ ।
অহতৌপশ্যকাকুত্স্থৌস্নেহাদেতদ্ব্র্রবীমিতে ॥ 28 ॥
অনৃতংনোক্তপূর্বংমেনচবক্ষ্য়েকদাচন ।
চারিত্রসুখশীলত্বাত্ প্রবিষ্টাঅসিমনঃমম ॥ 29 ॥
নেমৌশক্য়ারণেজেতুংসেংদ্রৈরপিসুরাসুরৈঃ ।
তাদৃশংদর্শনংদৃষ্টবাময়াচাবেদিতংতব ॥ 30 ॥
ইদংচসুমহচচিত্রংশরৈঃপশ্যস্বমৈথিলি ।
নিস্সংজ্ঞাবপ্য়ুভাবেতৌনৈবলক্ষ্মীর্বিমুংচতি ॥ 31 ॥
প্রায়েণগতসত্ত্বানাংপুরুষাণাংগতায়ুষাম্ ।
দৃশ্যমানেষুবক্ত্রেষুপরংভবতিবৈকৃতম্ ॥ 32 ॥
ত্যজশোকংচমোহংচদুঃখংচজনকাত্মজে ।
রামলক্ষ্মণয়োরর্থেনাদ্যশক্যমজীবিতুম্ ॥ 33 ॥
শুত্বাতুবচনংতস্য়াঃসীতাসুরসুতোপমা ।
কৃতাংজলিরুবাচেমামেবমস্ত্বিতিমৈথিলি ॥ 34 ॥
বিমানংপুষ্পকংতত্তুসন্নিবর্ত্যমনোজবম্ ।
দীনাত্রিজটয়াসীতালংকামেবপ্রবেশিতা ॥ 35 ॥
ততস্ত্রিজটয়াসার্থংপুষ্পকাদবরুহ্যসা ।
অশোকবনিকামেবরাক্ষসীভিঃপ্রবেশিতা ॥ 36 ॥
প্রবিশ্যসীতাবহুবৃক্ষষংডাংতাংরাক্ষসেংদ্রস্যবিহারভূমিম্ ।
সংপ্রেক্ষ্যসংচিংত্যচরাজপুত্রৌপরংবিষাদংসমুপাজগাম ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে অষ্টচত্বারিংশস্সর্গঃ ॥
