ශ්රීමද්වාල්මීකීය රාමායණේ යුද්ධකාංඩම් ।
අථ නවමස්සර්ගඃ ।
තතෝනිකුංභෝරභසස්සූර්යශත්රුර්මහාබලඃ ।
සුප්තඝ්නෝයජ්ඤහාරක්ෂෝමහාපාර්ශ්වමහෝදරෞ ॥ 1 ॥
අග්නිකේතුශ්චදුර්ධර්ෂෝරශ්මිකේතුශ්චරාක්ෂසඃ ।
ඉංද්රජිච්චමහාතේජාබලවාන්රාවණාත්මජඃ ॥ 2 ॥
ප්රහස්තෝऽථවිරූපාක්ෂෝවජ්රදංෂ්ට්රෝමහාබලඃ ।
ධූම්රාක්ෂශ්චාතිකායශ්චදුර්මුඛශ්චෛවරාක්ෂසඃ ॥ 3 ॥
පරිඝාන්පට්ටිශාන්ප්රාසාන්ශක්තිශූලපරශ්වධාන් ।
චාපානිචසබාණානිඛංගාංශ්චවිපුලාන්ශිතාන් ॥ 4 ॥
ප්රගෘහ්යපරමක්රුද්ධාස්සමුත්පත්යචරාක්ෂසාඃ ।
අබ්රුවන්රාවණංසර්වේප්රදීප්තාඉවතේජසා ॥ 5 ॥
අද්යරාමංවධිෂ්යාමස්සුග්රීවංසචලක්ෂ්මණම් ।
කෘපණංචහනූමංතංලංකායේනප්රධර්ෂිතා ॥ 6 ॥
තාන්ගෘහීතායුධාන් සර්වාන්වාරයිත්වාවිභීෂණඃ ।
අබ්රවීත්ප්රාංජලිර්වාක්යංපුනඃප්රත්යුපවේශ්යතාන් ॥ 7 ॥
අප්යුපායෛස්ත්රිභිස්තාතයෝऽර්ථඃප්රාප්තුංනශක්යතේ ।
තස්යවික්රමකාලාංස්තාන්යුක්තානාහුර්මනීෂිණඃ ॥ 8 ॥
ප්රමත්තේෂ්යභියුක්තේෂුදෛවේනප්රහතේෂුච ।
වික්රමාස්තාතසිධ්යංතිපරීක්ෂ්යවිධිනාකෘතාඃ ॥ 9 ॥
අප්රමත්තංකථංතංතුවිජිගීෂුංබලේස්ථිතම් ।
ජිතරෝෂංදුරාධර්ෂතංප්රධර්ෂයිතුමිච්ඡථ ॥ 10 ॥
සමුද්රංලංඝයිත්වාතුඝෝරංනදනදීපතිම් ।
ගතිංහනූමතෝලෝකේකෝවිද්යාත්තර්කයේතවා ॥ 11 ॥
බලාන්යපරිමේයානිවීර්යාණිචනිශාචරාඃ ।
පරේෂාංසහසාऽවජ්ඤානකර්තව්යාකථංචන ॥ 12 ॥
කිංචරාක්ෂසරාජස්යරාමේණාපකෘතංපුරා ।
ආජහාරජනස්ථානාද්යස්යභාර්යාංයශස්විනඃ ॥ 13 ॥
ඛරෝයද්යතිවෘත්තස්තුරාමේණනිහතෝරණේ ।
අවශ්යංප්රාණිනාංප්රාණාරක්ෂිතව්යායථාබලම් ॥ 14 ॥
ඒතන්නිමිත්තංවෛදේහීභයංනස්සුමහද්භවේත් ।
ආහෘතාසාපරිත්යාජ්යාකලහාර්ථේකෘතේනකිම් ॥ 15 ॥
නතුක්ෂමංවීර්යවතාතේනධර්මානුවර්තිනා ।
වෛරංනිරර්ථකංකර්තුංදීයතාමස්යමෛථිලී ॥ 16 ॥
යාවන්නසගජාංසාශ්වාංබහුරත්නසමාකුලාම් ।
පුරීංදාරයතේබාණෛර්දීයතාමස්යමෛථිලී ॥ 17 ॥
යාවත්සුඝෝරාමහතීදුර්ධර්ෂාහරිවාහිනී ।
නාවස්කංදතිනෝලංකාංතාවත්සීතාප්රදීයතාම් ॥ 18 ॥
විනශ්යේද්ධිපුරීලංකාශූරාස්සර්වේචරාක්ෂසාඃ ।
රාමස්යදයිතාපත්නීනස්වයංනයදිදීයතේ ॥ 19 ॥
ප්රසාදයේත්වාංබංධුත්වාත්කුරුෂ්යවචනංමම ।
හිතංතථ්යමහංබ්රූමිදීයතාමස්යමෛථිලී ॥ 20 ॥
පුරාශරත්සූර්යමරීචිසන්නිභාන්නවාග්රපුංඛාන් සුදෘඪාන්නෘපාත්මජඃ ।
සෘජත්යමෝඝාන්විශිඛාන්වධායතේප්රදීයතාංදශරධායමෛථිලී ॥ 21 ॥
ත්වජස්වකෝපංසුඛධර්මනාශනංභජස්වධර්මංරතිකීර්තිවර්ධනම් ।
ප්රසීදජීවේමසපුත්රබාංධවාඃප්රදීයතාංදාශරථායමෛථිලී ॥ 22 ॥
විභීෂණවච්ශුත්වාරාවණෝරාක්ෂසේශ්වරාඃ ।
විසර්ජයිත්වාතාන්සර්වාන්ප්රවිවේශස්වකංගෘහම් ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ නවමස්සර්ගඃ ॥
