ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ನವಮಸ್ಸರ್ಗಃ ।
ತತೋನಿಕುಮ್ಭೋರಭಸಸ್ಸೂರ್ಯಶತ್ರುರ್ಮಹಾಬಲಃ ।
ಸುಪ್ತಘ್ನೋಯಜ್ಞಹಾರಕ್ಷೋಮಹಾಪಾರ್ಶ್ವಮಹೋದರೌ ॥ 1 ॥
ಅಗ್ನಿಕೇತುಶ್ಚದುರ್ಧರ್ಷೋರಶ್ಮಿಕೇತುಶ್ಚರಾಕ್ಷಸಃ ।
ಇನ್ದ್ರಜಿಚ್ಚಮಹಾತೇಜಾಬಲವಾನ್ರಾವಣಾತ್ಮಜಃ ॥ 2 ॥
ಪ್ರಹಸ್ತೋಽಥವಿರೂಪಾಕ್ಷೋವಜ್ರದಂಷ್ಟ್ರೋಮಹಾಬಲಃ ।
ಧೂಮ್ರಾಕ್ಷಶ್ಚಾತಿಕಾಯಶ್ಚದುರ್ಮುಖಶ್ಚೈವರಾಕ್ಷಸಃ ॥ 3 ॥
ಪರಿಘಾನ್ಪಟ್ಟಿಶಾನ್ಪ್ರಾಸಾನ್ಶಕ್ತಿಶೂಲಪರಶ್ವಧಾನ್ ।
ಚಾಪಾನಿಚಸಬಾಣಾನಿಖಙ್ಗಾಂಶ್ಚವಿಪುಲಾನ್ಶಿತಾನ್ ॥ 4 ॥
ಪ್ರಗೃಹ್ಯಪರಮಕ್ರುದ್ಧಾಸ್ಸಮುತ್ಪತ್ಯಚರಾಕ್ಷಸಾಃ ।
ಅಬ್ರುವನ್ರಾವಣಂಸರ್ವೇಪ್ರದೀಪ್ತಾಇವತೇಜಸಾ ॥ 5 ॥
ಅದ್ಯರಾಮಂವಧಿಷ್ಯಾಮಸ್ಸುಗ್ರೀವಂಸಚಲಕ್ಷ್ಮಣಮ್ ।
ಕೃಪಣಞ್ಚಹನೂಮನ್ತಂಲಙ್ಕಾಯೇನಪ್ರಧರ್ಷಿತಾ ॥ 6 ॥
ತಾನ್ಗೃಹೀತಾಯುಧಾನ್ ಸರ್ವಾನ್ವಾರಯಿತ್ವಾವಿಭೀಷಣಃ ।
ಅಬ್ರವೀತ್ಪ್ರಾಞ್ಜಲಿರ್ವಾಕ್ಯಮ್ಪುನಃಪ್ರತ್ಯುಪವೇಶ್ಯತಾನ್ ॥ 7 ॥
ಅಪ್ಯುಪಾಯೈಸ್ತ್ರಿಭಿಸ್ತಾತಯೋಽರ್ಥಃಪ್ರಾಪ್ತುನ್ನಶಕ್ಯತೇ ।
ತಸ್ಯವಿಕ್ರಮಕಾಲಾಂಸ್ತಾನ್ಯುಕ್ತಾನಾಹುರ್ಮನೀಷಿಣಃ ॥ 8 ॥
ಪ್ರಮತ್ತೇಷ್ಯಭಿಯುಕ್ತೇಷುದೈವೇನಪ್ರಹತೇಷುಚ ।
ವಿಕ್ರಮಾಸ್ತಾತಸಿಧ್ಯನ್ತಿಪರೀಕ್ಷ್ಯವಿಧಿನಾಕೃತಾಃ ॥ 9 ॥
ಅಪ್ರಮತ್ತಙ್ಕಥನ್ತನ್ತುವಿಜಿಗೀಷುಮ್ಬಲೇಸ್ಥಿತಮ್ ।
ಜಿತರೋಷನ್ದುರಾಧರ್ಷತಮ್ಪ್ರಧರ್ಷಯಿತುಮಿಚ್ಛಥ ॥ 10 ॥
ಸಮುದ್ರಂಲಙ್ಘಯಿತ್ವಾತುಘೋರನ್ನದನದೀಪತಿಮ್ ।
ಗತಿಂಹನೂಮತೋಲೋಕೇಕೋವಿದ್ಯಾತ್ತರ್ಕಯೇತವಾ ॥ 11 ॥
ಬಲಾನ್ಯಪರಿಮೇಯಾನಿವೀರ್ಯಾಣಿಚನಿಶಾಚರಾಃ ।
ಪರೇಷಾಂಸಹಸಾಽವಜ್ಞಾನಕರ್ತವ್ಯಾಕಥಞ್ಚನ ॥ 12 ॥
ಕಿಞ್ಚರಾಕ್ಷಸರಾಜಸ್ಯರಾಮೇಣಾಪಕೃತಮ್ಪುರಾ ।
ಆಜಹಾರಜನಸ್ಥಾನಾದ್ಯಸ್ಯಭಾರ್ಯಾಂಯಶಸ್ವಿನಃ ॥ 13 ॥
ಖರೋಯದ್ಯತಿವೃತ್ತಸ್ತುರಾಮೇಣನಿಹತೋರಣೇ ।
ಅವಶ್ಯಮ್ಪ್ರಾಣಿನಾಮ್ಪ್ರಾಣಾರಕ್ಷಿತವ್ಯಾಯಥಾಬಲಮ್ ॥ 14 ॥
ಏತನ್ನಿಮಿತ್ತಂವೈದೇಹೀಭಯನ್ನಸ್ಸುಮಹದ್ಭವೇತ್ ।
ಆಹೃತಾಸಾಪರಿತ್ಯಾಜ್ಯಾಕಲಹಾರ್ಥೇಕೃತೇನಕಿಮ್ ॥ 15 ॥
ನತುಕ್ಷಮಂವೀರ್ಯವತಾತೇನಧರ್ಮಾನುವರ್ತಿನಾ ।
ವೈರನ್ನಿರರ್ಥಕಙ್ಕರ್ತುನ್ದೀಯತಾಮಸ್ಯಮೈಥಿಲೀ ॥ 16 ॥
ಯಾವನ್ನಸಗಜಾಂಸಾಶ್ವಾಮ್ಬಹುರತ್ನಸಮಾಕುಲಾಮ್ ।
ಪುರೀನ್ದಾರಯತೇಬಾಣೈರ್ದೀಯತಾಮಸ್ಯಮೈಥಿಲೀ ॥ 17 ॥
ಯಾವತ್ಸುಘೋರಾಮಹತೀದುರ್ಧರ್ಷಾಹರಿವಾಹಿನೀ ।
ನಾವಸ್ಕನ್ದತಿನೋಲಙ್ಕಾನ್ತಾವತ್ಸೀತಾಪ್ರದೀಯತಾಮ್ ॥ 18 ॥
ವಿನಶ್ಯೇದ್ಧಿಪುರೀಲಙ್ಕಾಶೂರಾಸ್ಸರ್ವೇಚರಾಕ್ಷಸಾಃ ।
ರಾಮಸ್ಯದಯಿತಾಪತ್ನೀನಸ್ವಯನ್ನಯದಿದೀಯತೇ ॥ 19 ॥
ಪ್ರಸಾದಯೇತ್ವಾಮ್ಬನ್ಧುತ್ವಾತ್ಕುರುಷ್ಯವಚನಮ್ಮಮ ।
ಹಿತನ್ತಥ್ಯಮಹಮ್ಬ್ರೂಮಿದೀಯತಾಮಸ್ಯಮೈಥಿಲೀ ॥ 20 ॥
ಪುರಾಶರತ್ಸೂರ್ಯಮರೀಚಿಸನ್ನಿಭಾನ್ನವಾಗ್ರಪುಙ್ಖಾನ್ ಸುದೃಢಾನ್ನೃಪಾತ್ಮಜಃ ।
ಸೃಜತ್ಯಮೋಘಾನ್ವಿಶಿಖಾನ್ವಧಾಯತೇಪ್ರದೀಯತಾನ್ದಶರಧಾಯಮೈಥಿಲೀ ॥ 21 ॥
ತ್ವಜಸ್ವಕೋಪಂಸುಖಧರ್ಮನಾಶನಮ್ಭಜಸ್ವಧರ್ಮಂರತಿಕೀರ್ತಿವರ್ಧನಮ್ ।
ಪ್ರಸೀದಜೀವೇಮಸಪುತ್ರಬಾನ್ಧವಾಃಪ್ರದೀಯತಾನ್ದಾಶರಥಾಯಮೈಥಿಲೀ ॥ 22 ॥
ವಿಭೀಷಣವಚ್ಶುತ್ವಾರಾವಣೋರಾಕ್ಷಸೇಶ್ವರಾಃ ।
ವಿಸರ್ಜಯಿತ್ವಾತಾನ್ಸರ್ವಾನ್ಪ್ರವಿವೇಶಸ್ವಕಙ್ಗೃಹಮ್ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ನವಮಸ್ಸರ್ಗಃ ॥
