ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ନଵମସ୍ସର୍ଗଃ ।
ତତୋନିକୁଂଭୋରଭସସ୍ସୂର୍ୟଶତ୍ରୁର୍ମହାବଲଃ ।
ସୁପ୍ତଘ୍ନୋୟଜ୍ଞହାରକ୍ଷୋମହାପାର୍ଶ୍ଵମହୋଦରୌ ॥ 1 ॥
ଅଗ୍ନିକେତୁଶ୍ଚଦୁର୍ଧର୍ଷୋରଶ୍ମିକେତୁଶ୍ଚରାକ୍ଷସଃ ।
ଇଂଦ୍ରଜିଚ୍ଚମହାତେଜାବଲଵାନ୍ରାଵଣାତ୍ମଜଃ ॥ 2 ॥
ପ୍ରହସ୍ତୋଽଥଵିରୂପାକ୍ଷୋଵଜ୍ରଦଂଷ୍ଟ୍ରୋମହାବଲଃ ।
ଧୂମ୍ରାକ୍ଷଶ୍ଚାତିକାୟଶ୍ଚଦୁର୍ମୁଖଶ୍ଚୈଵରାକ୍ଷସଃ ॥ 3 ॥
ପରିଘାନ୍ପଟ୍ଟିଶାନ୍ପ୍ରାସାନ୍ଶକ୍ତିଶୂଲପରଶ୍ଵଧାନ୍ ।
ଚାପାନିଚସବାଣାନିଖଂଗାଂଶ୍ଚଵିପୁଲାନ୍ଶିତାନ୍ ॥ 4 ॥
ପ୍ରଗୃହ୍ୟପରମକ୍ରୁଦ୍ଧାସ୍ସମୁତ୍ପତ୍ୟଚରାକ୍ଷସାଃ ।
ଅବ୍ରୁଵନ୍ରାଵଣଂସର୍ଵେପ୍ରଦୀପ୍ତାଇଵତେଜସା ॥ 5 ॥
ଅଦ୍ୟରାମଂଵଧିଷ୍ୟାମସ୍ସୁଗ୍ରୀଵଂସଚଲକ୍ଷ୍ମଣମ୍ ।
କୃପଣଂଚହନୂମଂତଂଲଂକାୟେନପ୍ରଧର୍ଷିତା ॥ 6 ॥
ତାନ୍ଗୃହୀତାୟୁଧାନ୍ ସର୍ଵାନ୍ଵାରୟିତ୍ଵାଵିଭୀଷଣଃ ।
ଅବ୍ରଵୀତ୍ପ୍ରାଂଜଲିର୍ଵାକ୍ୟଂପୁନଃପ୍ରତ୍ୟୁପଵେଶ୍ୟତାନ୍ ॥ 7 ॥
ଅପ୍ୟୁପାୟୈସ୍ତ୍ରିଭିସ୍ତାତୟୋଽର୍ଥଃପ୍ରାପ୍ତୁଂନଶକ୍ୟତେ ।
ତସ୍ୟଵିକ୍ରମକାଲାଂସ୍ତାନ୍ୟୁକ୍ତାନାହୁର୍ମନୀଷିଣଃ ॥ 8 ॥
ପ୍ରମତ୍ତେଷ୍ୟଭିୟୁକ୍ତେଷୁଦୈଵେନପ୍ରହତେଷୁଚ ।
ଵିକ୍ରମାସ୍ତାତସିଧ୍ୟଂତିପରୀକ୍ଷ୍ୟଵିଧିନାକୃତାଃ ॥ 9 ॥
ଅପ୍ରମତ୍ତଂକଥଂତଂତୁଵିଜିଗୀଷୁଂବଲେସ୍ଥିତମ୍ ।
ଜିତରୋଷଂଦୁରାଧର୍ଷତଂପ୍ରଧର୍ଷୟିତୁମିଚ୍ଛଥ ॥ 10 ॥
ସମୁଦ୍ରଂଲଂଘୟିତ୍ଵାତୁଘୋରଂନଦନଦୀପତିମ୍ ।
ଗତିଂହନୂମତୋଲୋକେକୋଵିଦ୍ୟାତ୍ତର୍କୟେତଵା ॥ 11 ॥
ବଲାନ୍ୟପରିମେୟାନିଵୀର୍ୟାଣିଚନିଶାଚରାଃ ।
ପରେଷାଂସହସାଽଵଜ୍ଞାନକର୍ତଵ୍ୟାକଥଂଚନ ॥ 12 ॥
କିଂଚରାକ୍ଷସରାଜସ୍ୟରାମେଣାପକୃତଂପୁରା ।
ଆଜହାରଜନସ୍ଥାନାଦ୍ୟସ୍ୟଭାର୍ୟାଂୟଶସ୍ଵିନଃ ॥ 13 ॥
ଖରୋୟଦ୍ୟତିଵୃତ୍ତସ୍ତୁରାମେଣନିହତୋରଣେ ।
ଅଵଶ୍ୟଂପ୍ରାଣିନାଂପ୍ରାଣାରକ୍ଷିତଵ୍ୟାୟଥାବଲମ୍ ॥ 14 ॥
ଏତନ୍ନିମିତ୍ତଂଵୈଦେହୀଭୟଂନସ୍ସୁମହଦ୍ଭଵେତ୍ ।
ଆହୃତାସାପରିତ୍ୟାଜ୍ୟାକଲହାର୍ଥେକୃତେନକିମ୍ ॥ 15 ॥
ନତୁକ୍ଷମଂଵୀର୍ୟଵତାତେନଧର୍ମାନୁଵର୍ତିନା ।
ଵୈରଂନିରର୍ଥକଂକର୍ତୁଂଦୀୟତାମସ୍ୟମୈଥିଲୀ ॥ 16 ॥
ୟାଵନ୍ନସଗଜାଂସାଶ୍ଵାଂବହୁରତ୍ନସମାକୁଲାମ୍ ।
ପୁରୀଂଦାରୟତେବାଣୈର୍ଦୀୟତାମସ୍ୟମୈଥିଲୀ ॥ 17 ॥
ୟାଵତ୍ସୁଘୋରାମହତୀଦୁର୍ଧର୍ଷାହରିଵାହିନୀ ।
ନାଵସ୍କଂଦତିନୋଲଂକାଂତାଵତ୍ସୀତାପ୍ରଦୀୟତାମ୍ ॥ 18 ॥
ଵିନଶ୍ୟେଦ୍ଧିପୁରୀଲଂକାଶୂରାସ୍ସର୍ଵେଚରାକ୍ଷସାଃ ।
ରାମସ୍ୟଦୟିତାପତ୍ନୀନସ୍ଵୟଂନୟଦିଦୀୟତେ ॥ 19 ॥
ପ୍ରସାଦୟେତ୍ଵାଂବଂଧୁତ୍ଵାତ୍କୁରୁଷ୍ୟଵଚନଂମମ ।
ହିତଂତଥ୍ୟମହଂବ୍ରୂମିଦୀୟତାମସ୍ୟମୈଥିଲୀ ॥ 20 ॥
ପୁରାଶରତ୍ସୂର୍ୟମରୀଚିସନ୍ନିଭାନ୍ନଵାଗ୍ରପୁଂଖାନ୍ ସୁଦୃଢାନ୍ନୃପାତ୍ମଜଃ ।
ସୃଜତ୍ୟମୋଘାନ୍ଵିଶିଖାନ୍ଵଧାୟତେପ୍ରଦୀୟତାଂଦଶରଧାୟମୈଥିଲୀ ॥ 21 ॥
ତ୍ଵଜସ୍ଵକୋପଂସୁଖଧର୍ମନାଶନଂଭଜସ୍ଵଧର୍ମଂରତିକୀର୍ତିଵର୍ଧନମ୍ ।
ପ୍ରସୀଦଜୀଵେମସପୁତ୍ରବାଂଧଵାଃପ୍ରଦୀୟତାଂଦାଶରଥାୟମୈଥିଲୀ ॥ 22 ॥
ଵିଭୀଷଣଵଚ୍ଶୁତ୍ଵାରାଵଣୋରାକ୍ଷସେଶ୍ଵରାଃ ।
ଵିସର୍ଜୟିତ୍ଵାତାନ୍ସର୍ଵାନ୍ପ୍ରଵିଵେଶସ୍ଵକଂଗୃହମ୍ ॥ 23 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ନଵମସ୍ସର୍ଗଃ ॥
