śrīmadvālmīkīya rāmāyaṇē yuddhakāṇḍam ।
atha navamassargaḥ ।
tatōnikumbhōrabhasassūryaśatrurmahābalaḥ ।
suptaghnōyajñahārakṣōmahāpārśvamahōdarau ॥ 1 ॥
agnikētuśchadurdharṣōraśmikētuścharākṣasaḥ ।
indrajichchamahātējābalavānrāvaṇātmajaḥ ॥ 2 ॥
prahastō'thavirūpākṣōvajradaṃṣṭrōmahābalaḥ ।
dhūmrākṣaśchātikāyaśchadurmukhaśchaivarākṣasaḥ ॥ 3 ॥
parighānpaṭṭiśānprāsānśaktiśūlaparaśvadhān ।
chāpānichasabāṇānikhaṅgāṃśchavipulānśitān ॥ 4 ॥
pragṛhyaparamakruddhāssamutpatyacharākṣasāḥ ।
abruvanrāvaṇaṃsarvēpradīptāivatējasā ॥ 5 ॥
adyarāmaṃvadhiṣyāmassugrīvaṃsachalakṣmaṇam ।
kṛpaṇañchahanūmantaṃlaṅkāyēnapradharṣitā ॥ 6 ॥
tāngṛhītāyudhān sarvānvārayitvāvibhīṣaṇaḥ ।
abravītprāñjalirvākyampunaḥpratyupavēśyatān ॥ 7 ॥
apyupāyaistribhistātayō'rthaḥprāptunnaśakyatē ।
tasyavikramakālāṃstānyuktānāhurmanīṣiṇaḥ ॥ 8 ॥
pramattēṣyabhiyuktēṣudaivēnaprahatēṣucha ।
vikramāstātasidhyantiparīkṣyavidhinākṛtāḥ ॥ 9 ॥
apramattaṅkathantantuvijigīṣumbalēsthitam ।
jitarōṣandurādharṣatampradharṣayitumichChatha ॥ 10 ॥
samudraṃlaṅghayitvātughōrannadanadīpatim ।
gatiṃhanūmatōlōkēkōvidyāttarkayētavā ॥ 11 ॥
balānyaparimēyānivīryāṇichaniśācharāḥ ।
parēṣāṃsahasā'vajñānakartavyākathañchana ॥ 12 ॥
kiñcharākṣasarājasyarāmēṇāpakṛtampurā ।
ājahārajanasthānādyasyabhāryāṃyaśasvinaḥ ॥ 13 ॥
kharōyadyativṛttasturāmēṇanihatōraṇē ।
avaśyamprāṇināmprāṇārakṣitavyāyathābalam ॥ 14 ॥
ētannimittaṃvaidēhībhayannassumahadbhavēt ।
āhṛtāsāparityājyākalahārthēkṛtēnakim ॥ 15 ॥
natukṣamaṃvīryavatātēnadharmānuvartinā ।
vairannirarthakaṅkartundīyatāmasyamaithilī ॥ 16 ॥
yāvannasagajāṃsāśvāmbahuratnasamākulām ।
purīndārayatēbāṇairdīyatāmasyamaithilī ॥ 17 ॥
yāvatsughōrāmahatīdurdharṣāharivāhinī ।
nāvaskandatinōlaṅkāntāvatsītāpradīyatām ॥ 18 ॥
vinaśyēddhipurīlaṅkāśūrāssarvēcharākṣasāḥ ।
rāmasyadayitāpatnīnasvayannayadidīyatē ॥ 19 ॥
prasādayētvāmbandhutvātkuruṣyavachanammama ।
hitantathyamahambrūmidīyatāmasyamaithilī ॥ 20 ॥
purāśaratsūryamarīchisannibhānnavāgrapuṅkhān sudṛḍhānnṛpātmajaḥ ।
sṛjatyamōghānviśikhānvadhāyatēpradīyatāndaśaradhāyamaithilī ॥ 21 ॥
tvajasvakōpaṃsukhadharmanāśanambhajasvadharmaṃratikīrtivardhanam ।
prasīdajīvēmasaputrabāndhavāḥpradīyatāndāśarathāyamaithilī ॥ 22 ॥
vibhīṣaṇavachśutvārāvaṇōrākṣasēśvarāḥ ।
visarjayitvātānsarvānpravivēśasvakaṅgṛham ॥ 23 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē navamassargaḥ ॥
