ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² நவமஸ்ஸர்க:³ ।
ததோனிகும்போ⁴ரப⁴ஸஸ்ஸூர்யஶத்ருர்மஹாப³ல: ।
ஸுப்தக்⁴னோயஜ்ஞஹாரக்ஷோமஹாபார்ஶ்வமஹோத³ரௌ ॥ 1 ॥
அக்³னிகேதுஶ்சது³ர்த⁴ர்ஷோரஶ்மிகேதுஶ்சராக்ஷஸ: ।
இந்த்³ரஜிச்சமஹாதேஜாப³லவான்ராவணாத்மஜ: ॥ 2 ॥
ப்ரஹஸ்தோத²விரூபாக்ஷோவஜ்ரத³ம்ஷ்ட்ரோமஹாப³ல: ।
தூ⁴ம்ராக்ஷஶ்சாதிகாயஶ்சது³ர்முக²ஶ்சைவராக்ஷஸ: ॥ 3 ॥
பரிகா⁴ன்பட்டிஶான்ப்ராஸான்ஶக்திஶூலபரஶ்வதா⁴ன் ।
சாபானிசஸபா³ணானிக²ங்கா³ம்ஶ்சவிபுலான்ஶிதான் ॥ 4 ॥
ப்ரக்³ருஹ்யபரமக்ருத்³தா⁴ஸ்ஸமுத்பத்யசராக்ஷஸா: ।
அப்³ருவன்ராவணம்ஸர்வேப்ரதீ³ப்தாஇவதேஜஸா ॥ 5 ॥
அத்³யராமம்வதி⁴ஷ்யாமஸ்ஸுக்³ரீவம்ஸசலக்ஷ்மணம் ।
க்ருபணஞ்சஹனூமந்தம்லங்காயேனப்ரத⁴ர்ஷிதா ॥ 6 ॥
தான்க்³ருஹீதாயுதா⁴ன் ஸர்வான்வாரயித்வாவிபீ⁴ஷண: ।
அப்³ரவீத்ப்ராஞ்ஜலிர்வாக்யம்புன:ப்ரத்யுபவேஶ்யதான் ॥ 7 ॥
அப்யுபாயைஸ்த்ரிபி⁴ஸ்தாதயோர்த:²ப்ராப்தும்னஶக்யதே ।
தஸ்யவிக்ரமகாலாம்ஸ்தான்யுக்தானாஹுர்மனீஷிண: ॥ 8 ॥
ப்ரமத்தேஷ்யபி⁴யுக்தேஷுதை³வேனப்ரஹதேஷுச ।
விக்ரமாஸ்தாதஸித்⁴யந்திபரீக்ஷ்யவிதி⁴னாக்ருதா: ॥ 9 ॥
அப்ரமத்தங்கத²ந்தந்துவிஜிகீ³ஷும்ப³லேஸ்தி²தம் ।
ஜிதரோஷந்து³ராத⁴ர்ஷதம்ப்ரத⁴ர்ஷயிதுமிச்ச²த² ॥ 1௦ ॥
ஸமுத்³ரம்லங்க⁴யித்வாதுகோ⁴ரம்னத³னதீ³பதிம் ।
க³திம்ஹனூமதோலோகேகோவித்³யாத்தர்கயேதவா ॥ 11 ॥
ப³லான்யபரிமேயானிவீர்யாணிசனிஶாசரா: ।
பரேஷாம்ஸஹஸாவஜ்ஞானகர்தவ்யாகத²ஞ்சன ॥ 12 ॥
கிஞ்சராக்ஷஸராஜஸ்யராமேணாபக்ருதம்புரா ।
ஆஜஹாரஜனஸ்தா²னாத்³யஸ்யபா⁴ர்யாம்யஶஸ்வின: ॥ 13 ॥
க²ரோயத்³யதிவ்ருத்தஸ்துராமேணனிஹதோரணே ।
அவஶ்யம்ப்ராணினாம்ப்ராணாரக்ஷிதவ்யாயதா²ப³லம் ॥ 14 ॥
ஏதன்னிமித்தம்வைதே³ஹீப⁴யம்னஸ்ஸுமஹத்³ப⁴வேத் ।
ஆஹ்ருதாஸாபரித்யாஜ்யாகலஹார்தே²க்ருதேனகிம் ॥ 15 ॥
நதுக்ஷமம்வீர்யவதாதேனத⁴ர்மானுவர்தினா ।
வைரம்னிரர்த²கங்கர்துந்தீ³யதாமஸ்யமைதி²லீ ॥ 16 ॥
யாவன்னஸகஜ³ாம்ஸாஶ்வாம்ப³ஹுரத்னஸமாகுலாம் ।
புரீந்தா³ரயதேபா³ணைர்தீ³யதாமஸ்யமைதி²லீ ॥ 17 ॥
யாவத்ஸுகோ⁴ராமஹதீது³ர்த⁴ர்ஷாஹரிவாஹினீ ।
நாவஸ்கந்த³தினோலங்காந்தாவத்ஸீதாப்ரதீ³யதாம் ॥ 18 ॥
வினஶ்யேத்³தி⁴புரீலங்காஶூராஸ்ஸர்வேசராக்ஷஸா: ।
ராமஸ்யத³யிதாபத்னீனஸ்வயம்னயதி³தீ³யதே ॥ 19 ॥
ப்ரஸாத³யேத்வாம்ப³ந்து⁴த்வாத்குருஷ்யவசனம்மம ।
ஹிதந்தத்²யமஹம்ப்³ரூமிதீ³யதாமஸ்யமைதி²லீ ॥ 2௦ ॥
புராஶரத்ஸூர்யமரீசிஸன்னிபா⁴ன்னவாக்³ரபுங்கா²ன் ஸுத்³ருடா⁴ன்ன்ருபாத்மஜ: ।
ஸ்ருஜத்யமோகா⁴ன்விஶிகா²ன்வதா⁴யதேப்ரதீ³யதாந்த³ஶரதா⁴யமைதி²லீ ॥ 21 ॥
த்வஜஸ்வகோபம்ஸுக²த⁴ர்மனாஶனம்பஜ⁴ஸ்வத⁴ர்மம்ரதிகீர்திவர்த⁴னம் ।
ப்ரஸீதஜ³ீவேமஸபுத்ரபா³ந்த⁴வா:ப்ரதீ³யதாந்தா³ஶரதா²யமைதி²லீ ॥ 22 ॥
விபீ⁴ஷணவச்ஶுத்வாராவணோராக்ஷஸேஶ்வரா: ।
விஸர்ஜயித்வாதான்ஸர்வான்ப்ரவிவேஶஸ்வகங்க்³ருஹம் ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ நவமஸ்ஸர்க:³ ॥
