શ્રીમદ્વાલ્મીકીય રામાયણે યુદ્ધકાંડમ્ ।
અથ નવમસ્સર્ગઃ ।
તતોનિકુંભોરભસસ્સૂર્યશત્રુર્મહાબલઃ ।
સુપ્તઘ્નોયજ્ઞહારક્ષોમહાપાર્શ્વમહોદરૌ ॥ 1 ॥
અગ્નિકેતુશ્ચદુર્ધર્ષોરશ્મિકેતુશ્ચરાક્ષસઃ ।
ઇંદ્રજિચ્ચમહાતેજાબલવાન્રાવણાત્મજઃ ॥ 2 ॥
પ્રહસ્તોઽથવિરૂપાક્ષોવજ્રદંષ્ટ્રોમહાબલઃ ।
ધૂમ્રાક્ષશ્ચાતિકાયશ્ચદુર્મુખશ્ચૈવરાક્ષસઃ ॥ 3 ॥
પરિઘાન્પટ્ટિશાન્પ્રાસાન્શક્તિશૂલપરશ્વધાન્ ।
ચાપાનિચસબાણાનિખંગાંશ્ચવિપુલાન્શિતાન્ ॥ 4 ॥
પ્રગૃહ્યપરમક્રુદ્ધાસ્સમુત્પત્યચરાક્ષસાઃ ।
અબ્રુવન્રાવણંસર્વેપ્રદીપ્તાઇવતેજસા ॥ 5 ॥
અદ્યરામંવધિષ્યામસ્સુગ્રીવંસચલક્ષ્મણમ્ ।
કૃપણંચહનૂમંતંલંકાયેનપ્રધર્ષિતા ॥ 6 ॥
તાન્ગૃહીતાયુધાન્ સર્વાન્વારયિત્વાવિભીષણઃ ।
અબ્રવીત્પ્રાંજલિર્વાક્યંપુનઃપ્રત્યુપવેશ્યતાન્ ॥ 7 ॥
અપ્યુપાયૈસ્ત્રિભિસ્તાતયોઽર્થઃપ્રાપ્તુંનશક્યતે ।
તસ્યવિક્રમકાલાંસ્તાન્યુક્તાનાહુર્મનીષિણઃ ॥ 8 ॥
પ્રમત્તેષ્યભિયુક્તેષુદૈવેનપ્રહતેષુચ ।
વિક્રમાસ્તાતસિધ્યંતિપરીક્ષ્યવિધિનાકૃતાઃ ॥ 9 ॥
અપ્રમત્તંકથંતંતુવિજિગીષુંબલેસ્થિતમ્ ।
જિતરોષંદુરાધર્ષતંપ્રધર્ષયિતુમિચ્છથ ॥ 10 ॥
સમુદ્રંલંઘયિત્વાતુઘોરંનદનદીપતિમ્ ।
ગતિંહનૂમતોલોકેકોવિદ્યાત્તર્કયેતવા ॥ 11 ॥
બલાન્યપરિમેયાનિવીર્યાણિચનિશાચરાઃ ।
પરેષાંસહસાઽવજ્ઞાનકર્તવ્યાકથંચન ॥ 12 ॥
કિંચરાક્ષસરાજસ્યરામેણાપકૃતંપુરા ।
આજહારજનસ્થાનાદ્યસ્યભાર્યાંયશસ્વિનઃ ॥ 13 ॥
ખરોયદ્યતિવૃત્તસ્તુરામેણનિહતોરણે ।
અવશ્યંપ્રાણિનાંપ્રાણારક્ષિતવ્યાયથાબલમ્ ॥ 14 ॥
એતન્નિમિત્તંવૈદેહીભયંનસ્સુમહદ્ભવેત્ ।
આહૃતાસાપરિત્યાજ્યાકલહાર્થેકૃતેનકિમ્ ॥ 15 ॥
નતુક્ષમંવીર્યવતાતેનધર્માનુવર્તિના ।
વૈરંનિરર્થકંકર્તુંદીયતામસ્યમૈથિલી ॥ 16 ॥
યાવન્નસગજાંસાશ્વાંબહુરત્નસમાકુલામ્ ।
પુરીંદારયતેબાણૈર્દીયતામસ્યમૈથિલી ॥ 17 ॥
યાવત્સુઘોરામહતીદુર્ધર્ષાહરિવાહિની ।
નાવસ્કંદતિનોલંકાંતાવત્સીતાપ્રદીયતામ્ ॥ 18 ॥
વિનશ્યેદ્ધિપુરીલંકાશૂરાસ્સર્વેચરાક્ષસાઃ ।
રામસ્યદયિતાપત્નીનસ્વયંનયદિદીયતે ॥ 19 ॥
પ્રસાદયેત્વાંબંધુત્વાત્કુરુષ્યવચનંમમ ।
હિતંતથ્યમહંબ્રૂમિદીયતામસ્યમૈથિલી ॥ 20 ॥
પુરાશરત્સૂર્યમરીચિસન્નિભાન્નવાગ્રપુંખાન્ સુદૃઢાન્નૃપાત્મજઃ ।
સૃજત્યમોઘાન્વિશિખાન્વધાયતેપ્રદીયતાંદશરધાયમૈથિલી ॥ 21 ॥
ત્વજસ્વકોપંસુખધર્મનાશનંભજસ્વધર્મંરતિકીર્તિવર્ધનમ્ ।
પ્રસીદજીવેમસપુત્રબાંધવાઃપ્રદીયતાંદાશરથાયમૈથિલી ॥ 22 ॥
વિભીષણવચ્શુત્વારાવણોરાક્ષસેશ્વરાઃ ।
વિસર્જયિત્વાતાન્સર્વાન્પ્રવિવેશસ્વકંગૃહમ્ ॥ 23 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે નવમસ્સર્ગઃ ॥
