শ্রীমদ্বাল্মীকীয রামাযণে যুদ্ধকাংডম্ ।
অথ নবমস্সর্গঃ ।
ততোনিকুংভোরভসস্সূর্যশত্রুর্মহাবলঃ ।
সুপ্তঘ্নোযজ্ঞহারক্ষোমহাপার্শ্বমহোদরৌ ॥ 1 ॥
অগ্নিকেতুশ্চদুর্ধর্ষোরশ্মিকেতুশ্চরাক্ষসঃ ।
ইংদ্রজিচ্চমহাতেজাবলবান্রাবণাত্মজঃ ॥ 2 ॥
প্রহস্তোঽথবিরূপাক্ষোবজ্রদংষ্ট্রোমহাবলঃ ।
ধূম্রাক্ষশ্চাতিকাযশ্চদুর্মুখশ্চৈবরাক্ষসঃ ॥ 3 ॥
পরিঘান্পট্টিশান্প্রাসান্শক্তিশূলপরশ্বধান্ ।
চাপানিচসবাণানিখংগাংশ্চবিপুলান্শিতান্ ॥ 4 ॥
প্রগৃহ্যপরমক্রুদ্ধাস্সমুত্পত্যচরাক্ষসাঃ ।
অব্রুবন্রাবণংসর্বেপ্রদীপ্তাইবতেজসা ॥ 5 ॥
অদ্যরামংবধিষ্যামস্সুগ্রীবংসচলক্ষ্মণম্ ।
কৃপণংচহনূমংতংলংকাযেনপ্রধর্ষিতা ॥ 6 ॥
তান্গৃহীতাযুধান্ সর্বান্বারযিত্বাবিভীষণঃ ।
অব্রবীত্প্রাংজলির্বাক্যংপুনঃপ্রত্যুপবেশ্যতান্ ॥ 7 ॥
অপ্যুপাযৈস্ত্রিভিস্তাতযোঽর্থঃপ্রাপ্তুংনশক্যতে ।
তস্যবিক্রমকালাংস্তান্যুক্তানাহুর্মনীষিণঃ ॥ 8 ॥
প্রমত্তেষ্যভিযুক্তেষুদৈবেনপ্রহতেষুচ ।
বিক্রমাস্তাতসিধ্যংতিপরীক্ষ্যবিধিনাকৃতাঃ ॥ 9 ॥
অপ্রমত্তংকথংতংতুবিজিগীষুংবলেস্থিতম্ ।
জিতরোষংদুরাধর্ষতংপ্রধর্ষযিতুমিচ্ছথ ॥ 10 ॥
সমুদ্রংলংঘযিত্বাতুঘোরংনদনদীপতিম্ ।
গতিংহনূমতোলোকেকোবিদ্যাত্তর্কযেতবা ॥ 11 ॥
বলান্যপরিমেযানিবীর্যাণিচনিশাচরাঃ ।
পরেষাংসহসাঽবজ্ঞানকর্তব্যাকথংচন ॥ 12 ॥
কিংচরাক্ষসরাজস্যরামেণাপকৃতংপুরা ।
আজহারজনস্থানাদ্যস্যভার্যাংযশস্বিনঃ ॥ 13 ॥
খরোযদ্যতিবৃত্তস্তুরামেণনিহতোরণে ।
অবশ্যংপ্রাণিনাংপ্রাণারক্ষিতব্যাযথাবলম্ ॥ 14 ॥
এতন্নিমিত্তংবৈদেহীভযংনস্সুমহদ্ভবেত্ ।
আহৃতাসাপরিত্যাজ্যাকলহার্থেকৃতেনকিম্ ॥ 15 ॥
নতুক্ষমংবীর্যবতাতেনধর্মানুবর্তিনা ।
বৈরংনিরর্থকংকর্তুংদীযতামস্যমৈথিলী ॥ 16 ॥
যাবন্নসগজাংসাশ্বাংবহুরত্নসমাকুলাম্ ।
পুরীংদারযতেবাণৈর্দীযতামস্যমৈথিলী ॥ 17 ॥
যাবত্সুঘোরামহতীদুর্ধর্ষাহরিবাহিনী ।
নাবস্কংদতিনোলংকাংতাবত্সীতাপ্রদীযতাম্ ॥ 18 ॥
বিনশ্যেদ্ধিপুরীলংকাশূরাস্সর্বেচরাক্ষসাঃ ।
রামস্যদযিতাপত্নীনস্বযংনযদিদীযতে ॥ 19 ॥
প্রসাদযেত্বাংবংধুত্বাত্কুরুষ্যবচনংমম ।
হিতংতথ্যমহংব্রূমিদীযতামস্যমৈথিলী ॥ 20 ॥
পুরাশরত্সূর্যমরীচিসন্নিভান্নবাগ্রপুংখান্ সুদৃঢান্নৃপাত্মজঃ ।
সৃজত্যমোঘান্বিশিখান্বধাযতেপ্রদীযতাংদশরধাযমৈথিলী ॥ 21 ॥
ত্বজস্বকোপংসুখধর্মনাশনংভজস্বধর্মংরতিকীর্তিবর্ধনম্ ।
প্রসীদজীবেমসপুত্রবাংধবাঃপ্রদীযতাংদাশরথাযমৈথিলী ॥ 22 ॥
বিভীষণবচ্শুত্বারাবণোরাক্ষসেশ্বরাঃ ।
বিসর্জযিত্বাতান্সর্বান্প্রবিবেশস্বকংগৃহম্ ॥ 23 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে নবমস্সর্গঃ ॥
