శ్రీమద్వాల్మీకీయ రామాయణే యుద్ధకాండమ్ ।
అథ నవమస్సర్గః ।
తతోనికుంభోరభసస్సూర్యశత్రుర్మహాబలః ।
సుప్తఘ్నోయజ్ఞహారక్షోమహాపార్శ్వమహోదరౌ ॥ 1 ॥
అగ్నికేతుశ్చదుర్ధర్షోరశ్మికేతుశ్చరాక్షసః ।
ఇంద్రజిచ్చమహాతేజాబలవాన్రావణాత్మజః ॥ 2 ॥
ప్రహస్తోఽథవిరూపాక్షోవజ్రదంష్ట్రోమహాబలః ।
ధూమ్రాక్షశ్చాతికాయశ్చదుర్ముఖశ్చైవరాక్షసః ॥ 3 ॥
పరిఘాన్పట్టిశాన్ప్రాసాన్శక్తిశూలపరశ్వధాన్ ।
చాపానిచసబాణానిఖంగాంశ్చవిపులాన్శితాన్ ॥ 4 ॥
ప్రగృహ్యపరమక్రుద్ధాస్సముత్పత్యచరాక్షసాః ।
అబ్రువన్రావణంసర్వేప్రదీప్తాఇవతేజసా ॥ 5 ॥
అద్యరామంవధిష్యామస్సుగ్రీవంసచలక్ష్మణమ్ ।
కృపణంచహనూమంతంలంకాయేనప్రధర్షితా ॥ 6 ॥
తాన్గృహీతాయుధాన్ సర్వాన్వారయిత్వావిభీషణః ।
అబ్రవీత్ప్రాంజలిర్వాక్యంపునఃప్రత్యుపవేశ్యతాన్ ॥ 7 ॥
అప్యుపాయైస్త్రిభిస్తాతయోఽర్థఃప్రాప్తుంనశక్యతే ।
తస్యవిక్రమకాలాంస్తాన్యుక్తానాహుర్మనీషిణః ॥ 8 ॥
ప్రమత్తేష్యభియుక్తేషుదైవేనప్రహతేషుచ ।
విక్రమాస్తాతసిధ్యంతిపరీక్ష్యవిధినాకృతాః ॥ 9 ॥
అప్రమత్తంకథంతంతువిజిగీషుంబలేస్థితమ్ ।
జితరోషందురాధర్షతంప్రధర్షయితుమిచ్ఛథ ॥ 10 ॥
సముద్రంలంఘయిత్వాతుఘోరంనదనదీపతిమ్ ।
గతింహనూమతోలోకేకోవిద్యాత్తర్కయేతవా ॥ 11 ॥
బలాన్యపరిమేయానివీర్యాణిచనిశాచరాః ।
పరేషాంసహసాఽవజ్ఞానకర్తవ్యాకథంచన ॥ 12 ॥
కించరాక్షసరాజస్యరామేణాపకృతంపురా ।
ఆజహారజనస్థానాద్యస్యభార్యాంయశస్వినః ॥ 13 ॥
ఖరోయద్యతివృత్తస్తురామేణనిహతోరణే ।
అవశ్యంప్రాణినాంప్రాణారక్షితవ్యాయథాబలమ్ ॥ 14 ॥
ఏతన్నిమిత్తంవైదేహీభయంనస్సుమహద్భవేత్ ।
ఆహృతాసాపరిత్యాజ్యాకలహార్థేకృతేనకిమ్ ॥ 15 ॥
నతుక్షమంవీర్యవతాతేనధర్మానువర్తినా ।
వైరంనిరర్థకంకర్తుందీయతామస్యమైథిలీ ॥ 16 ॥
యావన్నసగజాంసాశ్వాంబహురత్నసమాకులామ్ ।
పురీందారయతేబాణైర్దీయతామస్యమైథిలీ ॥ 17 ॥
యావత్సుఘోరామహతీదుర్ధర్షాహరివాహినీ ।
నావస్కందతినోలంకాంతావత్సీతాప్రదీయతామ్ ॥ 18 ॥
వినశ్యేద్ధిపురీలంకాశూరాస్సర్వేచరాక్షసాః ।
రామస్యదయితాపత్నీనస్వయంనయదిదీయతే ॥ 19 ॥
ప్రసాదయేత్వాంబంధుత్వాత్కురుష్యవచనంమమ ।
హితంతథ్యమహంబ్రూమిదీయతామస్యమైథిలీ ॥ 20 ॥
పురాశరత్సూర్యమరీచిసన్నిభాన్నవాగ్రపుంఖాన్ సుదృఢాన్నృపాత్మజః ।
సృజత్యమోఘాన్విశిఖాన్వధాయతేప్రదీయతాందశరధాయమైథిలీ ॥ 21 ॥
త్వజస్వకోపంసుఖధర్మనాశనంభజస్వధర్మంరతికీర్తివర్ధనమ్ ।
ప్రసీదజీవేమసపుత్రబాంధవాఃప్రదీయతాందాశరథాయమైథిలీ ॥ 22 ॥
విభీషణవచ్శుత్వారావణోరాక్షసేశ్వరాః ।
విసర్జయిత్వాతాన్సర్వాన్ప్రవివేశస్వకంగృహమ్ ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే నవమస్సర్గః ॥
