ശ്രീമദ്വാല്മീകീയ രാമായണേ യുദ്ധകാംഡമ് ।
അഥ നവമസ്സര്ഗഃ ।
തതോനികുംഭോരഭസസ്സൂര്യശത്രുര്മഹാബലഃ ।
സുപ്തഘ്നോയജ്ഞഹാരക്ഷോമഹാപാര്ശ്വമഹോദരൌ ॥ 1 ॥
അഗ്നികേതുശ്ചദുര്ധര്ഷോരശ്മികേതുശ്ചരാക്ഷസഃ ।
ഇംദ്രജിച്ചമഹാതേജാബലവാന്രാവണാത്മജഃ ॥ 2 ॥
പ്രഹസ്തോഽഥവിരൂപാക്ഷോവജ്രദംഷ്ട്രോമഹാബലഃ ।
ധൂമ്രാക്ഷശ്ചാതികായശ്ചദുര്മുഖശ്ചൈവരാക്ഷസഃ ॥ 3 ॥
പരിഘാന്പട്ടിശാന്പ്രാസാന്ശക്തിശൂലപരശ്വധാന് ।
ചാപാനിചസബാണാനിഖംഗാംശ്ചവിപുലാന്ശിതാന് ॥ 4 ॥
പ്രഗൃഹ്യപരമക്രുദ്ധാസ്സമുത്പത്യചരാക്ഷസാഃ ।
അബ്രുവന്രാവണംസർവേപ്രദീപ്താഇവതേജസാ ॥ 5 ॥
അദ്യരാമംവധിഷ്യാമസ്സുഗ്രീവംസചലക്ഷ്മണമ് ।
കൃപണംചഹനൂമംതംലംകായേനപ്രധര്ഷിതാ ॥ 6 ॥
താന്ഗൃഹീതായുധാന് സർവാന്വാരയിത്വാവിഭീഷണഃ ।
അബ്രവീത്പ്രാംജലിർവാക്യംപുനഃപ്രത്യുപവേശ്യതാന് ॥ 7 ॥
അപ്യുപായൈസ്ത്രിഭിസ്താതയോഽര്ഥഃപ്രാപ്തുംനശക്യതേ ।
തസ്യവിക്രമകാലാംസ്താന്യുക്താനാഹുര്മനീഷിണഃ ॥ 8 ॥
പ്രമത്തേഷ്യഭിയുക്തേഷുദൈവേനപ്രഹതേഷുച ।
വിക്രമാസ്താതസിധ്യംതിപരീക്ഷ്യവിധിനാകൃതാഃ ॥ 9 ॥
അപ്രമത്തംകഥംതംതുവിജിഗീഷുംബലേസ്ഥിതമ് ।
ജിതരോഷംദുരാധര്ഷതംപ്രധര്ഷയിതുമിച്ഛഥ ॥ 10 ॥
സമുദ്രംലംഘയിത്വാതുഘോരംനദനദീപതിമ് ।
ഗതിംഹനൂമതോലോകേകോവിദ്യാത്തര്കയേതവാ ॥ 11 ॥
ബലാന്യപരിമേയാനിവീര്യാണിചനിശാചരാഃ ।
പരേഷാംസഹസാഽവജ്ഞാനകര്തവ്യാകഥംചന ॥ 12 ॥
കിംചരാക്ഷസരാജസ്യരാമേണാപകൃതംപുരാ ।
ആജഹാരജനസ്ഥാനാദ്യസ്യഭാര്യാംയശസ്വിനഃ ॥ 13 ॥
ഖരോയദ്യതിവൃത്തസ്തുരാമേണനിഹതോരണേ ।
അവശ്യംപ്രാണിനാംപ്രാണാരക്ഷിതവ്യായഥാബലമ് ॥ 14 ॥
ഏതന്നിമിത്തംവൈദേഹീഭയംനസ്സുമഹദ്ഭവേത് ।
ആഹൃതാസാപരിത്യാജ്യാകലഹാര്ഥേകൃതേനകിമ് ॥ 15 ॥
നതുക്ഷമംവീര്യവതാതേനധര്മാനുവര്തിനാ ।
വൈരംനിരര്ഥകംകര്തുംദീയതാമസ്യമൈഥിലീ ॥ 16 ॥
യാവന്നസഗജാംസാശ്വാംബഹുരത്നസമാകുലാമ് ।
പുരീംദാരയതേബാണൈര്ദീയതാമസ്യമൈഥിലീ ॥ 17 ॥
യാവത്സുഘോരാമഹതീദുര്ധര്ഷാഹരിവാഹിനീ ।
നാവസ്കംദതിനോലംകാംതാവത്സീതാപ്രദീയതാമ് ॥ 18 ॥
വിനശ്യേദ്ധിപുരീലംകാശൂരാസ്സർവേചരാക്ഷസാഃ ।
രാമസ്യദയിതാപത്നീനസ്വയംനയദിദീയതേ ॥ 19 ॥
പ്രസാദയേത്വാംബംധുത്വാത്കുരുഷ്യവചനംമമ ।
ഹിതംതഥ്യമഹംബ്രൂമിദീയതാമസ്യമൈഥിലീ ॥ 20 ॥
പുരാശരത്സൂര്യമരീചിസന്നിഭാന്നവാഗ്രപുംഖാന് സുദൃഢാന്നൃപാത്മജഃ ।
സൃജത്യമോഘാന്വിശിഖാന്വധായതേപ്രദീയതാംദശരധായമൈഥിലീ ॥ 21 ॥
ത്വജസ്വകോപംസുഖധര്മനാശനംഭജസ്വധര്മംരതികീര്തിവര്ധനമ് ।
പ്രസീദജീവേമസപുത്രബാംധവാഃപ്രദീയതാംദാശരഥായമൈഥിലീ ॥ 22 ॥
വിഭീഷണവച്ശുത്വാരാവണോരാക്ഷസേശ്വരാഃ ।
വിസര്ജയിത്വാതാന്സർവാന്പ്രവിവേശസ്വകംഗൃഹമ് ॥ 23 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ നവമസ്സര്ഗഃ ॥
